Ngechuchuarü ngúexü̃gü ga yamugüxü̃arü puracüchiga 2:25 - Tupanaarü Ore

²⁵ Rü nüma ga ãẽ̱xgacü ga Dabí rü Ngechuchuchigagu nidexa, rü ñanagürü: “Guxü̃guma nachauxü̃tagu ya Cori ya Tupana rü choxü̃ narüngü̃xẽxẽ nax taxuca̱xma chaxoegaãẽxü̃ca̱x.

Ngechuchuarü ngúexü̃gü ga yamugüxü̃arü puracüchiga 2:25 Referans Kwoze

Ichaía 41:13

Erü choma ya Cori nax perü Tupana chixĩxü̃ rü pexme̱xgu chingĩ. Rü marü pemaxã nüxü̃ chixu rü ñachagürü: “¡Taxṹ i pemuü̃exü̃! Erü choma tá pexü̃ charüngü̃xẽxẽxü̃” —ñachagürü.

Wiyaegü 62:6

Rü nüma nixĩ i chorü poxü̃ruxü̃ i choxna nadauxü̃. Rü nüma nixĩ i chorü dauruxü̃ yixĩxü̃, rü ngẽmaca̱x tagutáma choxü̃ narüporamae i chorü uanügü.

Wiyaegü 109:31

Erü nüma ya Tupana rü tümaétüwa nachogü ya yíxema ngearü ngẽmaxü̃ã̱xgüxe. Rü naxme̱xwa tüxü̃ ínapoxü̃ i ngẽma tüxü̃ íxuaxü̃güxü̃.

Wiyaegü 62:2

Rü nüma nixĩ i chorü poxü̃ruxü̃ i choxna nadauxü̃. Rü nüma nixĩ i chorü dauruxü̃ yixĩxü̃, rü ngẽmaca̱x tagutáma choxü̃ narüporamae i chorü uanügü.

Wiyaegü 110:5

Rü nüma ya Tupana rü curü tügünecüwawa nangẽxma nax cuxü̃ ínapoxü̃xü̃ca̱x. Rü ngẽma ngunexü̃ i nagu nanuxü̃gu rü tá nanadai i muxü̃ma i ãẽ̱xgacügü.

Wiyaegü 73:23

Natürü i choma rü guxü̃guma cugu charüxĩnü. Rü chorü tügüneme̱xẽgu cuyayauxãchi.

Wiyaegü 30:6

Rü choma rü yexguma taxũta chida̱xawegu rü chaugügu charüxĩnü rü ñachagürü —Ñu̱xma rü marü taxuxü̃táma i ta̱xacü choxü̃ nangupetü —ñachagürü.

Wiyaegü 21:7

Rü nüma ya ãẽ̱xgacüx, rü Cori ya Tupanaaxü̃́ nayaxõ. Rü yimá Guxãmaxã Icuácü rü poraãcü yima ãẽ̱xgacüxü̃ nangechaü̃, rü ngẽmaca̱x tagutáma chixexü̃gu nangu.

Ore i mexü̃ ga Cuáü̃ ümatüxü̃ 16:32

Rü nawa tá nangu i ngunexü̃ rü ñu̱xmatátama nixĩ i nax pegü pewoonexü̃. Rü wüxichigü i pema rü tá pepatawa pexĩ, rü chaxica tá nua choxü̃ peta̱x. Natürü tama chaxica changexma, erü Chaunatü rü chauxü̃tawa nangẽxma.

Ore i mexü̃ ga Luca ümatüxü̃ 1:6

Rü nüma ga Chacaría rü naxma̱x ga Erichabé rü meama Tupanape̱xewa, namaxẽ rü aixcüma naga naxĩnüe ga norü mugü. Rü yemaacü taxucürüwa texé chixri nachiga tidexagü

Ngechuchuarü ngúexü̃gü ga yamugüxü̃arü puracüchiga 2:26

Rü ngẽmaca̱x chataãxẽ rü taãẽãcü chawiyae. Rü choma chayaxõ nax mexü̃wa tá chaxũxü̃ i ngẽxguma chayu̱xgu.