Ngechuchuarü ngúexü̃gü ga yamugüxü̃arü puracüchiga 2:24 - Tupanaarü Ore

²⁴ Rü woo nayuchire̱x natürü tama yexma nayacua̱x, yerü Tupana wena nanamaxẽxẽ. Rü yemaacü ga yema yu rü taxuacüma nüxü̃ narüporamae.

Ngechuchuarü ngúexü̃gü ga yamugüxü̃arü puracüchiga 2:24 Referans Kwoze

1 Corintios 6:14

Rü nüma ya Tupana rü wena nanamaxẽxẽ ga tórü Cori ya Ngechuchu, rü ngẽxgumarüxü̃ tá ta norü poramaxã wena tüxü̃ namaxẽxẽxẽ.

Nüxíraxü̃xü̃ ga popera ga Pedru ümatüxü̃ 1:21

Rü ñu̱xma rü Cristugagu nixĩ i nüxü̃́ peyaxõgüxü̃ ya Tupana ga yuwa Cristuxü̃ írüdaxẽẽcü rü daxũwa nagacü. Rü ngẽmaca̱x nixĩ i ñu̱xma i Tupanaaxü̃́ peyaxõgüxü̃ rü ípenangu̱xẽẽgüxü̃ nax daxũwa pexü̃ nagagüxü̃ca̱x.

Colosenses 2:12

Rü yexguma ípebaiü̃gu, rü Cristu itáxü̃rüxü̃ yexma nata̱x ga nũxcümaü̃xü̃ ga perü maxü̃. Rü yema Cristu írüdaxü̃rüxü̃ rü pema rü ta penayaxu i maxü̃ i ngexwaca̱xü̃xü̃, yerü peyaxõgü ga Tupanaarü pora ga namaxã Cristuxü̃ yuwa ínadaxẽẽxü̃.

Ngechuchuarü ngúexü̃gü ga yamugüxü̃arü puracüchiga 2:32

Rü ñu̱xma ya Tupana rü marü wena nanamaxẽxẽ ga gumá Ngechuchu, rü guxãma ga toma rü nüxü̃ tadaugü nax wena namaxü̃xü̃, rü ngẽmaca̱x pemaxã nüxü̃ tixuchiga.

Ore i mexü̃ ga Cuáü̃ ümatüxü̃ 10:18

Taxúema choxü̃ tayuxẽxẽ, natürü chomatama chorü ngúchaü̃maatama ichanaxã i chorü maxü̃. Erü cho̱xme̱xwa nangẽxma nax ichanaxãxü̃ca̱x, rü wena nax chanayaxuxü̃ca̱x, yerü yemaacü choxü̃ namu ga Chaunatü —ñanagürü.

2 Corintios 4:14

Rü nüxü̃ tacua̱x rü Tupana ga yuwa Cori ya Ngechuchuxü̃ írüdaxẽẽcü, rü yimátama Tupana tá nixĩ ya wüxigu Ngechuchumaxã yuwa toxü̃ írüdagüxẽẽcü. Rü wüxigu pemaxã tá nügüxü̃tawa toxü̃ nagagüxü̃.

Romanos 8:11

Rü ngẽxguma pewa namaxü̃xgu i Naãxẽ ya yimá Tupana ga Ngechuchu ya Cristuxü̃ írüdaxẽẽcü, rü nümatama ya yimá Cristuxü̃ írüdaxẽẽcü tá wena nanamaxẽxẽ i pexene i yuxwa̱xexü̃. Rü Naãxẽ ya Üünexü̃ i pewa maxü̃xü̃ tá nixĩ i wena pexene maxẽẽxü̃.

Romanos 6:4

Rü yexguma íibaiü̃gu, rü Cristu yuxü̃rüxü̃ yexma nayu ga tacüma ga nũxcümaü̃xü̃, rü Cristu itáxü̃rüxü̃ inata̱x ga yema tacüma ga nũxcümaü̃xü̃. Rü yemaacü naxüpetü nax wena imaxẽxü̃ca̱x rü tüxü̃́ nangẽxmaxü̃ca̱x i maxü̃ i ngexwaca̱xü̃xü̃, yexgumarüxü̃ ga Ngechuchu nax yuwa írüdaxü̃ rü wena namaxü̃xü̃ ga yexguma Nanatü ga Tupana norü poramaxã ínadaxẽẽgu.

Popera ga Yudíugü ga yaxõgüxü̃ca̱x ümatüxü̃ 13:20

Rü ñu̱xma chanaxwa̱xe i pexü̃ narüngü̃xẽxẽ ya Tupana ya tórü taãẽxẽẽruxü̃ rü tórü ngüxmüxẽẽruxü̃ ixĩcü. Rü nüma nixĩ ga yuwa ínadaxẽẽãxü̃ ga tórü Cori ya Ngechuchu ya Cristu ya yaxõgüxü̃arü dauruxü̃ ya guxãarü yexera ixĩcü. Rü yexguma curuchawa yapotagu rü nagü ibaxgu rü nayanguxẽxẽ ga norü uneta i taguma iyarüxoxü̃ i maxü̃ tüxna ãxü̃. Rü chanaxwa̱xe nax nüma ya Tupana pexü̃ nangü̃xẽẽxü̃ nax guxü̃wama pemexü̃ca̱x rü mea naga pexĩnüexü̃ca̱x. Rü ngẽxgumarüxü̃ ta tanaxwa̱xe nax Ngechuchu ya Cristugagu Tupana toxü̃ rüngü̃xẽẽxü̃ nax nüma nanaxwa̱xexü̃ãcüma tixĩgüxü̃ca̱x. Rü tanaxwa̱xe i guxü̃guma Cristuxü̃ ticua̱xüü̃gü. Rü ngẽmaãcü yixĩ.

1 Tesalonicenses 1:10

Rü nüxü̃ nixugügü ta nax aixcüma ípenangu̱xẽẽxü̃ nax wenaxarü tá daxũwa ne naxũxü̃ ya Ngechuchu ya Tupana Nane ga yuwa ínadaxẽẽãcü. Rü yimá Ngechuchu nixĩ ya tüxü̃ ínguxü̃xẽẽcü nüxna i ngẽma poxcu i ãũcümaxü̃ i tá ínguxü̃.

Romanos 10:9

Erü ngẽxguma cua̱xmaxã nüxü̃ quixuxgu nax curü Cori yixĩxü̃ ya Ngechuchu, rü ngẽxguma cuyaxõxgu nax yuwa Tupana ínadaxẽẽxü̃, rü tá cuxü̃́ nangẽxma i maxü̃ i taguma gúxü̃.

Romanos 4:24

Natürü guxãma i yixema nax yaxõgüxü̃chiga ta nixĩ i ngẽma ore. Erü Tupana rü tórü õgagu tüxü̃ nade nax nape̱xewa imexü̃ i yixema i nüxü̃́ nax yaxõgüxü̃ ya yimá yuwa tórü Cori ya Ngechuchuxü̃ írüdaxẽẽcü.

Ngechuchuarü ngúexü̃gü ga yamugüxü̃arü puracüchiga 17:31

Yerü nüma ga Tupana rü marü nüxü̃ naxuneta i wüxi i ngunexü̃ i nagu tá aixcüma guxü̃ i ñoma i naanecüã̱x i duü̃xü̃güna naca̱xaxü̃ i norü maxü̃chiga. Rü marü nüxü̃ naxuneta ya wüxi ya yatü ya Ngechuchu, rü yimá tá nixĩ ya duü̃xü̃güna cacü. Rü Tupana rü guxãxü̃ma nüxü̃ nacua̱xẽxẽ ga yema ga yexguma Ngechuchuxü̃ wena namaxẽẽgu —ñanagürü ga Pauru.

Ngechuchuarü ngúexü̃gü ga yamugüxü̃arü puracüchiga 13:30

Natürü woo marü nax nayuxü̃, rü Tupana rü wena nanamaxẽxẽ.

Ngechuchuarü ngúexü̃gü ga yamugüxü̃arü puracüchiga 3:15

Rü yemaacü pematama peyama̱xgü ga gumá Ngechuchu ya tüxü̃ maxẽxẽẽcü. Natürü ga Tupana rü wena nanamaxẽxẽ. Rü toma nixĩ ga nüxü̃ tadaugüxü̃ ga wena nax namaxü̃xü̃.

Gálatas 1:1

Pa Toenexẽgü i Yaxõgüxü̃ i Gárataanearü Ĩanegüwa Ngẽxmagüxü̃x, choma i Pauru rü namaxã i guxü̃ma i taenexẽgü i nua chauxü̃tawa ngẽxmagüxü̃ nixĩ i pexü̃ tarümoxẽgüxü̃ rü pexca̱x tanaxümatüxü̃ i ñaa popera. Rü tama duü̃xü̃gü nixĩ ga choxü̃ unetagüxü̃ nax chanaxüxü̃ca̱x i Tupanaarü puracü. Natürü nüma ya Tanatü ya Tupana ga Ngechuchuxü̃ írüdaxẽẽcü rü nümatama ya Ngechuchu ya Cristu nixĩ ga choxü̃ naxunetagüxü̃.

Ngechuchuarü ngúexü̃gü ga yamugüxü̃arü puracüchiga 3:26

Rü yexguma Tupana wena namaxẽẽgu ga Nane ga Ngechuchu rü petanüwaxíra nanamu nax pexü̃ nangü̃xẽxẽxü̃ca̱x, erü nanaxwa̱xe i wüxichigü i pemax nax nüxü̃ perüxoexü̃ i pecümagü i chixexü̃ rü aixcüma peyaxõgüxü̃ —ñanagürü ga Pedru.

1 Corintios 15:15

Rü ngẽxguma chi ngẽmaãcü yixĩxgu, rü toma i Tupanaarü orearü uruü̃gü rü dorata̱a̱xgüxü̃ tixĩgü. Erü nüxü̃ tixu nax Tupana Cristuxü̃ wena maxẽẽxü̃. Rü ngẽxguma chi tama aixcüma yixĩxgu nax wena namaxẽxü̃ i yuexü̃, rü chi wüxi i doramare nixĩ nax Tupana Cristuxü̃ wena maxẽẽxü̃.

Ngechuchuarü ngúexü̃gü ga yamugüxü̃arü puracüchiga 13:37

Natürü gumá Tupana wena namaxẽẽcü ga Ngechuchu rü tama niyixi ga naxü̃ne.

Ngechuchuarü ngúexü̃gü ga yamugüxü̃arü puracüchiga 4:10

Rü ñu̱xma tá pemaxã nüxü̃ tixu nax nüxü̃ pecuáxü̃ca̱x i guxãma i pemax, rü nüxü̃ nacua̱xgüxü̃ca̱x i guxü̃ma i tatanüxü̃ i Iraétanüxü̃. Rü ñaa yatü i ñu̱xma pepe̱xewa ngẽxmaxü̃ rü Ngechuchu ya Cristu ya Nacharétucüã̱x nixĩ ga namexẽẽcü. Rü gumá nixĩ ga pema curuchawa peyapotacü rü peyuxẽẽcü. Natürü ga Tupana rü wena nanamaxẽxẽ.

Ore i mexü̃ ga Cuáü̃ ümatüxü̃ 20:9

Yerü yexguma rü ta rü tama nüxü̃ nacua̱xgü ga yema Tupanaarü ore nüxü̃ ixuxü̃ nax Ngechuchu rü wena tá namaxü̃xü̃.

Wiyaegü 116:16

Pa Cori Pa Tupanax, choma rü curü duü̃xü̃ chixĩ, rü curü duü̃xü̃ tümane chixĩ. Rü cuma nixĩ i choxü̃ ícunguxuchixẽẽxü̃ nawa ga yema guxchaxü̃gü ga choxü̃ ináixü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:18

Rü ñu̱xma rü chamaxü̃. Rü woo chayu, natürü ñu̱xma chamaxü̃ nax guxü̃gutáma chamaxechaxü̃ca̱x. Rü choma nixĩ i namaxã ichacuáxü̃ i ngẽma yu, rü namaxã ichacua̱x i ngẽma nachica i yuexü̃ nawa ngẽxmagüxü̃.

1 Corintios 15:12

Marü pemaxã nüxü̃ tixu nax Cristu rü yuwa ínadaxü̃. ¿Rü tü̱xcüü̃ ñuxre i pema rü ñaperügügü: “Yuexü̃ rü tagutáma wena namaxẽ”, ñaperügügü?

Romanos 14:9

Rü yemaca̱x nixĩ ga nayuxü̃ ga Cristu rü wenaxarü namaxü̃xü̃ nax tümaarü Cori yixĩxü̃ca̱x ga guxãma ga guxema yaxõgüxe ga marü yuexe rü guxãma ya yíxema yaxõgüxe ya ñu̱xma rü ta maxẽxe.

Romanos 8:34

¿Rü texé tá poxcu tamaxã ueguxü̃ i ñu̱xmax? Yerü Ngechuchu ya Cristu nixĩ ga taxca̱x yucü nax tüxü̃ yamexẽẽgüxü̃ca̱x. Rü naétü yuwa ínarüda rü ñu̱xma rü Tupanaarü tügünecüwawa nangẽxma. Rü ngéma taétüwa nachogü.

Ore i mexü̃ ga Cuáü̃ ümatüxü̃ 12:39

Rü yemaacü ga yema duü̃xü̃gü rü tama nayaxõgü yema Ichaía ümatüxü̃wa nüxü̃ yaxuxü̃rüxü̃, rü: “Yema duü̃xü̃gü rü tama nüxü̃ nadaugüchaü̃ rü tama nayaxõgüchaü̃ rü tama Tupanaca̱x nawoeguchaü̃. Rü yemaca̱x ga Tupana rü nüxna nixũ nax tama nüxü̃ nadaugüxü̃ca̱x rü tama yaxõgüãxü̃ca̱x rü tama naxca̱x nawoeguxü̃ca̱x nax nüma nüxna naxããxü̃ca̱x i maxü̃ i ngexwaca̱xü̃xü̃”, ñaxü̃.

Ichaía 26:19

Natürü curü duü̃xü̃gü tixĩgü rü woo tanoxree̱xpü̱x i ñu̱xmax, natürü wena tá timu. Rü woo togü tomaxã inacua̱x i ñaa naanewa, natürü wüxi i ngunexü̃ tá nüxna ítanguxü̃ rü taãẽmaxã tá tawiyaegü. Rü cuma rü tá toxü̃ quimuxẽxẽ rü maxü̃ tá toxna cuxã ñoma cherena rü pa̱xmama tonetüna maxü̃ ãxü̃rüxü̃.

Ichaía 25:8

Rü nüma ya Cori ya Tupana rü noxtacüma tá inayanaxoxẽxẽ i ngẽma yu, rü tá guxẽxü̃tama ínapixetü. Rü ñu̱xũchi guxü̃ i naanewa tá inayaxoxẽxẽ i ngẽma ãne i ñu̱xma norü duü̃xü̃gü ingegüxü̃. Rü nüma ya Cori ya Tupana nixĩ i ngẽma ñacü.

Popera ga Yudíugü ga yaxõgüxü̃ca̱x ümatüxü̃ 2:14

Rü nüma ga Ngechuchu rü woo Tupana nax yixĩxü̃ natürü duü̃xü̃rüxü̃ãcü ñoma ga naanewa naxũ nax taxrüxü̃ naxãmachixü̃ca̱x rü naxãgüxü̃ca̱x nax tachicüxü nayuxü̃ca̱x rü yemaacü yanaxoxẽẽãxü̃ca̱x ga Chatanáarü pora ga namaxã tüxü̃ iyanatauxẽẽchaü̃xü̃.

Ore i mexü̃ ga Matéu ümatüxü̃ 27:63

Rü ñanagürügü nüxü̃: —Pa Corix, nüxna tacua̱xãchie ga yema yatü ga Ngechuchu ga idorata̱xáxü̃ rü yexguma namaxü̃gu rü ñanagürü tomaxã: “Ngẽxguma chayu̱xgu rü tomaepü̱x i ngunexü̃guwena rü wena táxarü ícharüda”, ñanagürü tomaxã.

Ichaía 53:10

Rü woetama Cori ya Tupanaarü ĩnü nixĩ nax ngúxü̃ yangexü̃. Rü nüma rü nügü inaxã naxca̱x ga tórü chixexü̃gü. Rü ngẽmaca̱x tá nama̱x i norü maxü̃ rü tá namuxũchi i ngẽma nüxü̃́ yaxõgüxü̃. Rü nagagu tá nixĩ i mea ínanguxuchixü̃ i ngẽma Tupana nagu rüxĩnüxü̃.

Ore i mexü̃ ga Cuáü̃ ümatüxü̃ 10:35

Rü ngẽmaãcü Tupanaarü orewa rü nüxü̃ nixu nax tupanagü tixĩgüxü̃ ya guxãma ya yíxema nayauxgüxe i norü ore. Rü nüxü̃ tacua̱x rü taxucürüwama texé itayanaxoxẽxẽ i ngẽma Tupanaarü ore i ümatüxü̃wa nüxü̃ yaxuxü̃.

Ochéa 13:14

¿Rü pema nagu perüxĩnüegu nax pexmaxü̃wa tá pexü̃ íchanguxü̃xẽxẽxü̃? ¿Rü pema nagu perüxĩnüegu nax yuwa tá pexü̃ íchanguxü̃xẽxẽxü̃? ¿Rü cumax, Pa Yux, rü ngexü̃ nixĩ i curü pora? ¿Rü cumax, Pa Naxmaxü̃x, rü ngexü̃ nixĩ i curü pora? Rü ñu̱xmax i choma rü marü taxũtáma choxü̃́ nangechaü̃tümüxü̃gü i ñaa duü̃xü̃gü.

Ngechuchuarü ngúexü̃gü ga yamugüxü̃arü puracüchiga 1:16

—Pa Chomücügüx, marü ningu ga yema Tupanaãxẽ ya Üünecü nũxcüma Dabíxü̃ muxü̃ nax naxümatüaxü̃ca̱x nachiga ga Yúda ga namaarü cua̱xruxü̃ ixĩxü̃ naxca̱x ga yema duü̃xü̃gü ga Ngechuchuxü̃ iyauxgüxü̃.

Ichaía 10:7

Natürü nüma i Achíriaanearü ãẽ̱xgacü rü tama ngẽmagu narüxĩnü rü tama naãẽwa nangẽxma i ngẽma. Rü ngẽma nüma nagu naxĩnüxü̃ nixĩ nax wüxicana duü̃xü̃güxü̃ nada̱i̱xü̃ rü muxü̃ma i nachixü̃anegümaxã inacuáxü̃.

Ngechuchuarü ngúexü̃gü ga yamugüxü̃arü puracüchiga 5:30

Gumá Tupana ga nũxcümaü̃güxü̃ ga tórü o̱xigü nüxü̃́ yaxõgücü, rü gumá nixĩ ga wena namaxẽxẽcü ga Ngechuchu ga pema peyamácü ga yexguma curuchawa peyapotagügu.

1 Corintios 15:4

Rü yexgumarüxü̃ ta pexü̃ changúexẽxẽ nax inata̱xgüãxü̃, rü norü tomaepü̱x ga ngunexü̃gu rü wena nax namaxü̃xü̃, ngẽma Tupanaarü ore i ümatüxü̃wa nüxü̃ yaxuxü̃rüxü̃.

1 Corintios 15:20

Natürü aixcümaxü̃chi nixĩ ga Cristu ga yuwa nax ínadaxü̃. Rü natanüwa i guxü̃ma i ngẽma yuexü̃ i yixcüra tá írüdagüxü̃, rü Cristu nixĩ ga namaxã inaxügücü nax ínadaxü̃, yerü nüma nixĩ ga nüxíra wena namaxü̃xü̃.