Ngechuchuarü ngúexü̃gü ga yamugüxü̃arü puracüchiga 2:22 - Tupanaarü Ore

²² Rü ñanagürü ta ga Pedru: —Pa Duü̃xü̃gü Pa Iraétanüxü̃x, ¡iperüxĩnüe i ñaa ore! Rü pema rü meama nüxü̃ pecua̱x rü Ngechuchu ga Nacharétucüã̱x rü gumá nixĩ ga Tupana pepe̱xewa pora nüxna ãcü. Rü nüma ga Tupana rü nüxü̃ nanaxüxẽxẽ ga muxü̃ma ga mexü̃gü ga cua̱xruü̃gü. Rü pema rü meama nüxü̃ pecua̱x i ngẽma.

Ngechuchuarü ngúexü̃gü ga yamugüxü̃arü puracüchiga 2:22 Referans Kwoze

Ore i mexü̃ ga Cuáü̃ ümatüxü̃ 3:2

Rü gumá Nicodému rü Ngechuchuxü̃tagu nanaxũane ga chütacü. Rü ñanagürü nüxü̃: —Pa Ngúexẽxẽruxü̃, toma nüxü̃ tacua̱x nax aixcüma Tupana núma cuxü̃ muxü̃ nax toxü̃ cungúexẽẽxü̃ca̱x. Erü taxucürüwa texé cuxrüxü̃ tanaxü i ngẽma taxü̃ i mexü̃gü i Tupanaarü poramaxã üxü̃, ega tama Tupana tümaxü̃tawa ngẽxmagu —ñanagürü.

Ngechuchuarü ngúexü̃gü ga yamugüxü̃arü puracüchiga 4:10

Rü ñu̱xma tá pemaxã nüxü̃ tixu nax nüxü̃ pecuáxü̃ca̱x i guxãma i pemax, rü nüxü̃ nacua̱xgüxü̃ca̱x i guxü̃ma i tatanüxü̃ i Iraétanüxü̃. Rü ñaa yatü i ñu̱xma pepe̱xewa ngẽxmaxü̃ rü Ngechuchu ya Cristu ya Nacharétucüã̱x nixĩ ga namexẽẽcü. Rü gumá nixĩ ga pema curuchawa peyapotacü rü peyuxẽẽcü. Natürü ga Tupana rü wena nanamaxẽxẽ.

Ore i mexü̃ ga Luca ümatüxü̃ 11:20

Natürü pemaxã nüxü̃ chixu rü aixcüma Tupanaarü poramaxã nixĩ i íchanawoxü̃xü̃ i ngo̱xogü. Rü ngẽmawa pexü̃ nüxü̃ chacua̱xẽxẽ nax núma petanüwa nanguxü̃ ya Tupana nax ãẽ̱xgacü yixĩxü̃ca̱x.

Ore i mexü̃ ga Matéu ümatüxü̃ 12:28

Natürü pemaxã nüxü̃ chixu rü aixcüma Tupanaãxẽ i Üünexü̃arü poramaxã nixĩ i íchanawoxü̃xü̃ i ngo̱xogü. Rü ngẽmawa pexü̃ nüxü̃ chacua̱xẽxẽ nax marü núma petanüwa nanguxü̃ ya Tupana, nax perü ãẽ̱xgacü yixĩxü̃ca̱x.

Ore i mexü̃ ga Matéu ümatüxü̃ 9:8

Rü yexguma yemaxü̃ nadaugügu ga duü̃xü̃gü, rü poraãcü namuü̃e. Rü Tupanaxü̃ nicua̱xüü̃gü, rü ñanagürügü: —Moxẽ, Pa Tupanax, erü cunaporaxẽxẽ i ñaa yatü nax ngẽmaãcü mexü̃ toxca̱x naxüxü̃ca̱x —ñanagürügü.

Popera ga Yudíugü ga yaxõgüxü̃ca̱x ümatüxü̃ 2:4

Rü nümatama ga Tupana rü ta taxca̱x nanango̱xẽxẽ nax aixcüma yixĩxü̃ i Cristugagu tüxü̃́ nangẽxmaxü̃ i ngẽma maxü̃. Yerü nüma ga Tupana rü Naãxẽ ya Üünexü̃wa tüxü̃ nanawe̱x ga naguxü̃raü̃xü̃ ga taxü̃ ga mexü̃gü rü cua̱xruxü̃gü ga norü poramaxã naxüxü̃ yema nüma nanaxwa̱xexü̃ãcüma.

2 Corintios 12:12

Rü yexguma petanüwa chayexmagu, rü yáxna pemaxã chaxĩnüãcüma pexü̃ nüxü̃ chadauxẽxẽ nax aixcüma Cristu choxü̃ muxü̃ nax nüxü̃ chixuxü̃ca̱x ga norü ore. Rü cua̱xruü̃gümaxã rü mexü̃gü ga Tupanaarü poramaxã üxü̃ pexü̃ nüxü̃ chacua̱xẽxẽ nax aixcüma Cristu choxü̃ muxü̃.

Ngechuchuarü ngúexü̃gü ga yamugüxü̃arü puracüchiga 26:26

Rü daa ãẽ̱xgacü ya Agrípa rü meama nüxü̃ nacua̱x i guxü̃ma i ngẽma pemaxã nüxü̃ chixuxü̃. Rü ngẽmaca̱x tama chamuü̃ãcüma chorü taãẽmaxã nape̱xewa nüxü̃ chixu, erü nüxü̃ chacua̱x nax nüma rü ta nüxü̃ nacuáxü̃ i ta̱xacüchiga nax yixĩxü̃ i guxü̃ma i ñaa ore. Rü tama ngextámare cúãcü naxüpetü i ngẽma.

Ngechuchuarü ngúexü̃gü ga yamugüxü̃arü puracüchiga 26:9

Rü noxri ga choma rü ta rü nagu charüxĩnü nax chayanaxoxẽẽxü̃ ga yema Ngechuchu ya Nacharétucüã̱xaxü̃́ yaxõgüxü̃.

Ngechuchuarü ngúexü̃gü ga yamugüxü̃arü puracüchiga 24:5

Rü marü nüxü̃ tadau nax ñaa yatü rü wüxi i da̱xaweanerüxü̃ nax yixĩxü̃. Erü guxü̃ i naanewa norü ngu̱xẽẽtaemaxã nügü nayatoyexẽxẽ i Yudíugü. Rü nüma rü naeru nixĩ i ngẽma duü̃xü̃gü i nüxü̃́ yaxõgüxü̃ i Ngechuchu i Nacharétucüã̱x.

Ngechuchuarü ngúexü̃gü ga yamugüxü̃arü puracüchiga 22:8

Rü yexguma ga choma rü chanangãxü̃, rü ñacharügü: “¿Rü texé quixĩ Pa Corix?” ñacharügü. Rü nüma ga yema naga rü choxü̃ nangãxü̃, rü ñanagürü: “Choma nixĩ ya Ngechuchu ya Nacharétucüã̱x, rü chorü duü̃xü̃gü nixĩ i ngẽma nawe quingẽchigüxü̃”, ñanagürü choxü̃.

Ngechuchuarü ngúexü̃gü ga yamugüxü̃arü puracüchiga 21:28

Rü tagaãcü aita naxüe ñaxü̃maxã: —Pa Tomücügü Pa Iraétanüxü̃güx, ¡Paxa toxü̃ perüngü̃xẽxẽx! Ñaa nixĩ i ngẽma yatü i guxü̃wama yangúexẽẽchigüxü̃ i duü̃xü̃gü nax taxchi naxaiexü̃ca̱x i yixema i Iraétanüxü̃, rü naxchi nax naxaiexü̃ca̱x i ngẽma mugü ga Moiché ümatüxü̃ rü naxchi naxaiexü̃ca̱x ya daa Tupanapata ya taxü̃ne. Rü naétü i ñu̱xmax rü nuxã daa Tupanapata ya taxü̃negu nanamucu i ñuxre i duü̃xü̃gü i tama tacümagu ĩxü̃, rü ngẽmaãcü nanaxüxaxẽxẽ i ñaa nachica i üünexü̃ —ñanagürügü.

Ngechuchuarü ngúexü̃gü ga yamugüxü̃arü puracüchiga 14:27

Rü yexguma ínangugügu ga Pauru rü Bernabé, rü nanangutaque̱xexẽxẽ ga guxü̃ma ga yema duü̃xü̃gü ga yaxõgüxü̃. Rü namaxã nüxü̃ nixugügü ga guxü̃ma ga ñuxãcü Tupana poraãcü nüxü̃ nax rüngü̃xẽẽxü̃. Rü yexgumarüxü̃ ta namaxã nüxü̃ nixugügü nax yaxõgüãxü̃ ga yema duü̃xü̃gü ga tama Yudíugü ixĩgüxü̃, yerü Tupana nüxü̃́ nanatauxchaxẽxẽ nax yaxõgüãxü̃ca̱x.

Ngechuchuarü ngúexü̃gü ga yamugüxü̃arü puracüchiga 13:16

Rü yexguma inachi ga Pauru, rü naxunagüme̱xẽ nax iyanachianexü̃ca̱x ga duü̃xü̃gü. Rü yexguma duü̃xü̃gümaxã nidexa, rü ñanagürü: —Pa Chautanüxü̃x i Iraétanüxü̃x rü Guxãma i Pema i To i Nachixü̃anecüã̱x Ixĩgüxe i Tupanaxü̃ Ngechaü̃güxex, rü ¡iperüxĩnüe!

Ngechuchuarü ngúexü̃gü ga yamugüxü̃arü puracüchiga 6:14

Rü toma rü nüxü̃ taxĩnüe rü ñanagürü: “Yimá Ngechuchu ya Nacharétucüã̱x rü tá nanangutaü̃xẽxẽ ya daa Tupanapata ya taxü̃ne, rü tá inayanaxoxẽxẽ i nacümagü ga Moiché tüxna ãxü̃” —ñanagürügü.

Ngechuchuarü ngúexü̃gü ga yamugüxü̃arü puracüchiga 5:35

Rü ñu̱xũchi namücügü ga ãẽ̱xgacügümaxã nüxü̃ nixu rü ñanagürü: —Pa Chautanüxü̃x i Iraétanüxü̃x, ¡pexuãẽgü nax ta̱xacü tá namaxã pexüexü̃ i ñaa yatügü!

Ngechuchuarü ngúexü̃gü ga yamugüxü̃arü puracüchiga 3:12

Rü yexguma Pedru nüxü̃ da̱u̱xgu ga yema duü̃xü̃gü ga yéma naxca̱x ĩtaque̱xegüxü̃, rü ñanagürü nüxü̃: —Pa Chautanüxü̃ i Iraétanüxü̃güx, ¿Tü̱xcüü̃ peba̱i̱xãchie namaxã i ngẽma ñaa yatümaxã ngupetüxü̃? ¿Rü tü̱xcüü̃ toxü̃ perüdaunü ñoma torü poramaxã rü torü mexü̃maxã tanamexẽẽxü̃rüxü̃?

Ore i mexü̃ ga Cuáü̃ ümatüxü̃ 19:19

Rü Pirátu rü churaragüxü̃ namu nax Ngechuchuarü curuchatape̱xewa yapocuchigüãxü̃ca̱x ga wüxi ga mürapewaxacü ga ãégatachinüxü̃ ga ñaxü̃: “Ngechuchu ya Nacharétucüã̱x ya Yudíugüarü Ãẽ̱xgacü”, ñaxü̃.

Ore i mexü̃ ga Cuáü̃ ümatüxü̃ 15:24

Rü ngẽxguma chi taxũchima ngẽma duü̃xü̃güpe̱xewa Tupanaarü poramaxã chanaxüxgu i ngẽma cua̱xruü̃gü i taguma texé ya togue üxü̃, rü taxũchima ninaguãchi nax yapecaduã́xü̃. Natürü marü nüxü̃ nadaugü i ngẽma cua̱xruü̃gü i Tupanaarü poramaxã chaxüxü̃, rü ngẽxguma rü ta chauxchi naxaieama rü Chaunatüchi rü ta naxaie.

Ore i mexü̃ ga Cuáü̃ ümatüxü̃ 12:17

Rü yema duü̃xü̃gü ga Ngechuchuxü̃tawa yexmagüxü̃ ga yexguma Lácharoca̱x nacaxgu nax ínaxũxũxü̃ca̱x ga naxmaxü̃wa rü yuwa ínadaxẽẽãgu, rü yema duü̃xü̃gü rü nüxü̃ nixugüe ga yema nüxü̃ nadaugüxü̃.

Ore i mexü̃ ga Cuáü̃ ümatüxü̃ 11:47

Rü yexguma ga yema Parichéugü rü chacherdótegüarü ãẽ̱xgacügü rü nangutaque̱xegü namaxã ga guxü̃ma ga yema yatügü ga ãẽ̱xgacügütücumüwa ügüxü̃. Rü ñanagürügü: —¿Ta̱xacü tá taxüe? Erü ñaa yatü i Ngechuchu rü nanaxü i muxü̃ma i mexü̃ i cua̱xruü̃gü.

Ore i mexü̃ ga Cuáü̃ ümatüxü̃ 10:37

Rü ngẽxguma chi tama chanaxüxgu i ngẽma mexü̃ i Chaunatü üxü̃, rü marü name nax tama choxü̃́ peyaxõgüxü̃.

Ore i mexü̃ ga Cuáü̃ ümatüxü̃ 9:33

Rü ngẽxguma chi tama Tupana núma namuxgu ya daa yatü ya choxü̃ rümexẽẽcü, rü taxuacü chi mexü̃ naxü —ñanagürü ga gumá yatü ga ngexetüchire̱xcü.

Ore i mexü̃ ga Cuáü̃ ümatüxü̃ 7:31

Natürü muxü̃ma ga duü̃xü̃gü rü nüxü̃́ nayaxõgü. Rü ñanagürügü: —¿Ngẽxguma ínanguxgu ya Cristu rü ta̱xacürü cua̱xruxü̃ i daa yatü üxü̃arü yexera tá naxü? —ñanagürügü.

Ore i mexü̃ ga Cuáü̃ ümatüxü̃ 6:27

¡Taxṹ i naxca̱x pexoegaãẽgüxü̃ i õna i paxãma gúxü̃! Rü narümemae nixĩ i naxca̱x pexoegaãẽgü i ngẽma õna i maxü̃ i taguma gúxü̃ pexna ãxü̃. Rü ngẽma nixĩ i maxü̃ ya Tupana Nane ya duü̃xü̃xü̃ ixĩcü tá pexna ãxü̃, erü Chaunatü ya Tupana rü marü nanango̱xẽxẽ nax aixcüma Nane chixĩxü̃ —ñanagürü.

Ore i mexü̃ ga Cuáü̃ ümatüxü̃ 6:14

Rü yexguma yema duü̃xü̃gü nüxü̃ daugügu ga yema cua̱xruxü̃ ga Tupanaarü poramaxã naxüxü̃ ga Ngechuchu, rü ñanagürügü: —Aixcümaxü̃chi daa nixĩ ya Tupanaarü orearü uruxü̃ ga gumá ínanguxẽẽcü —ñanagürügü.

Ore i mexü̃ ga Cuáü̃ ümatüxü̃ 5:36

Natürü nangẽxma i ta̱xacü i Cuáü̃arü orearü yexera chauétüwa íchogüxü̃. Rü ngẽma nixĩ ga yema cua̱xruü̃gü ga Chaunatü choxü̃ muxü̃ nax norü poramaxã chanaxüxü̃ca̱x. Rü yemawa pexü̃ nüxü̃ chadauxẽxẽ nax aixcüma Chaunatü ya Tupana yixĩxü̃ ga núma choxü̃ mucü.

Ore i mexü̃ ga Cuáü̃ ümatüxü̃ 4:48

Rü Ngechuchu nanangãxü̃, rü ñanagürü nüxü̃: —Pema rü tama peyaxõgü ega tama nüxü̃ pedauxíragu i cua̱xruü̃gü i Tupanaarü poramaxã üxü̃ —ñanagürü.

Ore i mexü̃ ga Cuáü̃ ümatüxü̃ 1:45

Rü Ferípe rü Natanaéca̱x nayadau, rü ñanagürü nüxü̃: —Marü nüxü̃ itayangau ya yimá Cristu ga Moiché nachiga naxümatücü ga mugüarü poperawa, rü nũxcümaü̃güxü̃ ga Tupanaarü Orearü uruü̃gü ta nachiga naxümatügücü. Yimá nixĩ ya Yúche nane ya Ngechuchu ya Nacharétucüã̱x —ñanagürü.

Ore i mexü̃ ga Luca ümatüxü̃ 24:18

Rü wüxi ga yema ngúexü̃ ga Creofáxgu ãégaxü̃ nanangãxü̃, rü ñanagürü: —¿Ẽ̱xna cuxicatama nixĩ i Yerucharéü̃gu naxũanexẽ i tama nüxü̃ cucuáxü̃ i ngẽma ngéma ngupetüxü̃ i ñaa ngunexü̃gügu? —ñanagürü.

Ore i mexü̃ ga Matéu ümatüxü̃ 2:23

Rü yexguma Gariréaanewa nanguxgu, rü ĩane ga Nacharétuwa naxũ. Rü yexma naxãchiü̃ nax yanguxü̃ca̱x ga yema ore ga nũxcümaü̃güxü̃ ga Tupanaarü orearü uruü̃gü nüxü̃ ixugüxü̃ ga ñaxü̃: “Ngechuchu ya Cristu rü Nacharétucüã̱xmaxã tá nanaxugü”, ñaxü̃.

Ichaía 41:14

Rü choma ya Cori ya Tupana rü aixcüma pemaxã nüxü̃ chixu rü ñachagürü: —Pa Iraétanüxü̃x Pa Acóbutanüxü̃, rü woo nax penoxrexü̃ rü perü uanügüpe̱xewa peturaexü̃, natürü ¡taxṹ i pemuü̃exü̃! Erü choma rü tá pexü̃ charüngü̃xẽxẽxü̃. Rü choma ya perü Tupana ya üünecü nax chixĩxü̃ rü perü nguxü̃xẽẽruxü̃ chixĩ.

Ngechuchuarü ngúexü̃gü ga yamugüxü̃arü puracüchiga 2:19

Rü daxũwa tá ichanawe̱x i taxü̃ i cua̱xruü̃gü i chorü poramaxã chango̱xẽẽxü̃. Rü ñoma i naanewa tá ichanawe̱x i cua̱xruü̃gü i nagü, rü üxüema, rü caixanexü̃.

Ngechuchuarü ngúexü̃gü ga yamugüxü̃arü puracüchiga 2:43

Rü yema ngúexü̃gü ga Ngechuchu imugüxü̃ rü nanaxügü ga muxü̃ma ga mexü̃gü ga Tupanaarü poramaxã naxügüxü̃. Rü yexguma yemaxü̃ nadaugügu ga togü ga duü̃xü̃gü, rü poraãcü naba̱i̱xãchie ga guxü̃ma.

Ngechuchuarü ngúexü̃gü ga yamugüxü̃arü puracüchiga 3:6

Natürü ga Pedru rü ñanagürü nüxü̃: —Choxü̃́ nataxuma i diẽru rü úiru. Natürü ngẽma choxü̃́ ngẽxmaxü̃ tá cuxna chaxã. Rü naégagu ya Ngechuchu ya Cristu ya Nacharétucüã̱x cuxü̃ chamu, rü ¡inachi rü ixũ! —ñanagürü.

Ore i mexü̃ ga Luca ümatüxü̃ 18:37

Rü nanangãxü̃gü, rü ñanagürügü: —Ngechuchu ya Nacharétucüã̱x nua naxüpetü —ñanagürügü.