Ngechuchuarü ngúexü̃gü ga yamugüxü̃arü puracüchiga 2:21 - Tupanaarü Ore

²¹ Rü guxãma ya yíxema Corina caxe nax tüxü̃ nangü̃xẽẽxü̃ca̱x, rü tá tamaxẽ’ ”, —ñanagürü ga yema orewa.

Ngechuchuarü ngúexü̃gü ga yamugüxü̃arü puracüchiga 2:21 Referans Kwoze

Joel 2:32

Natürü guxãma ya texé ya aixcüma Tupanaga ĩnüxe rü taxũtáma tapoxcue. Erü yima ma̱xpǘne ya Chióü̃ ya Yerucharéü̃wa ngẽxmanewa tá nango̱x ya yimá Maxẽxẽxẽruxü̃ yema Cori ya Tupana pemaxã inaxunetaxü̃rüxü̃. Rü yíxema nüma tüxü̃ nidexechixe rü taxũtáma tapoxcue.

Wiyaegü 86:5

Erü cumax, Pa Corix, rü cumecüma rü nüxü̃ icurüngüma i torü chixexü̃gü. Rü aixcüma tüxü̃ cungechaü̃ ya yíxema curü ngü̃xẽẽca̱x cuxna caxe.

Ngechuchuarü ngúexü̃gü ga yamugüxü̃arü puracüchiga 22:16

¡Rü ñu̱xma rü marü taxuxü̃ma i ta̱xacü ícunangu̱xẽxẽ! ¡Rü írüda rü ínabaie! ¡Rü Cori ya Ngechuchuégagu naxca̱x ínaca nax cuxü̃́ nüxü̃ nangü̃maxü̃ca̱x i curü pecadugü!” ñanagürü choxü̃.

Popera ga Yudíugü ga yaxõgüxü̃ca̱x ümatüxü̃ 4:16

Rü ñu̱xma nax tüxü̃́ nangẽxmaxü̃ ya tórü ngü̃xẽẽruxü̃ ya Ngechuchu, rü tüxü̃́ natauxcha nax tama imuü̃eãcüma nüxna ingaicamaxü̃ ya tórü Tupana ya tüxü̃ ngechaü̃cü nax ngẽmaãcü nüma nüxü̃́ ingechaü̃tümüxü̃güxü̃ca̱x rü tüxü̃ nangechaü̃ãcüma tüxü̃ nangü̃xẽẽxü̃ca̱x i ngẽxguma guxchaxü̃gü taxca̱x ínguxgu.

Ore i mexü̃ ga Matéu ümatüxü̃ 28:19

Rü ñu̱xma rü chanaxwa̱xe i guxü̃ i nachixü̃anewa pexĩ i guxü̃ i duü̃xü̃gütanüwa. ¡Rü chorü duü̃xü̃güxü̃ peyaxĩgüxẽxẽ̱x! ¡Rü ípenabaiü̃xẽxẽ chauégagu rü Chaunatüégagu rü Naãxẽ ya Üünexü̃égagu!

Ngechuchuarü ngúexü̃gü ga yamugüxü̃arü puracüchiga 9:15

Natürü nüma ga Cori rü ñanagürü nüxü̃: —¡Ngéma naxũ! Erü choma chanayaxu i ngẽma yatü nax choxü̃ yaxuchigaxü̃ca̱x namaxã i togü i nachixü̃anecüã̱xgü i duü̃xü̃gü rü norü ãẽ̱xgacügü, rü ngẽma Iraétanüxü̃.

Ngechuchuarü ngúexü̃gü ga yamugüxü̃arü puracüchiga 9:11

Rü nüma ga Cori nanangãxü̃, rü ñanagürü: —¡Dücax, ngẽma nama i Mea i Wéxü̃gu ãégaxü̃wa naxũ! ¡Rü ngéma Yúdapatawa naxca̱x ínaca i wüxi i yatü i Társucüã̱x i Chaurugu ãégaxü̃! Rü nüma rü ngéma ínayumüxẽ rü nango̱xetü rü nüxü̃ nadau i wüxi i yatü i Ananíagu ãégaxü̃ i ngẽxma ücuxü̃ rü naxetügu ümexü̃ nax wena yadauuchixü̃ca̱x —ñanagürü ga Cori ya Tupana.

Ngechuchuarü ngúexü̃gü ga yamugüxü̃arü puracüchiga 2:20

Rü üa̱xcü rü tá nixoema rü tauemacü rü tá nagürüxü̃ naduema naxü̃pa nax wenaxarü núma naxũxü̃ ya Cori. Rü ngẽma ngunexü̃ i nagu núma naxũxü̃, rü wüxi i ngunexü̃ i poraãcü ãũcümaxü̃ tá nixĩ.