Ngechuchuarü ngúexü̃gü ga yamugüxü̃arü puracüchiga 2:20 - Tupanaarü Ore

²⁰ Rü üa̱xcü rü tá nixoema rü tauemacü rü tá nagürüxü̃ naduema naxü̃pa nax wenaxarü núma naxũxü̃ ya Cori. Rü ngẽma ngunexü̃ i nagu núma naxũxü̃, rü wüxi i ngunexü̃ i poraãcü ãũcümaxü̃ tá nixĩ.

Ngechuchuarü ngúexü̃gü ga yamugüxü̃arü puracüchiga 2:20 Referans Kwoze

Norü taxre ga popera ga Pedru ümatüxü̃ 3:10

Natürü ngẽma ngunexü̃ i tórü Cori nagu ínguxü̃, rü ngürüãchimare tá ínangu ñoma wüxi i ngĩ́ta̱xaxü̃ ínguxü̃rüxü̃. Rü ñu̱xũchi guxü̃ma i ta̱xacü i daxũguxü̃ i naanewa ngẽxmagüxü̃ rü tá tagaãcü niwã̱ĩ̱xgü rü ngẽmaãcü tá üxüwa inayarütauxe. Rü yimá üa̱xcü rü tauemacü rü ẽxtagü rü woramacurigü rü tá nixae rü ngẽxma tá nayarüxogü. Rü ngẽxgumarüxü̃ ta i ñoma i naane rü tá nixa namaxã i guxü̃ma i ta̱xacü i nawa ngẽxmagüxü̃.

Amúx 8:9

Rü choma i Cori ya Tupana rü pemaxã nüxü̃ chixu rü ñachagürü: “Rü ngẽma ngunexü̃gu rü tá tocuchigu chayaxoxẽxẽ ya üa̱xcü. Rü woo ngunecü rü tá chanawaanexẽxẽ i ñoma i naane.

Ore i mexü̃ ga Matéu ümatüxü̃ 24:29

Rü nawena i ngẽma ngúxü̃gü rü tá nixo ya üa̱xcü, rü taxũtáma inabaxi ya tauemacü. Rü woramacurigü rü ẽxtagü rü tá narüyi. Rü guxü̃ma i daxũwa ngẽxmagüxü̃ rü tá naxĩã̱xãchitanü rü tá nu ne nanaxĩmare.

1 Tesalonicenses 5:2

Erü pematama mea nüxü̃ pecua̱x rü ngẽma ngunexü̃ i taxúema nagu ínangũ̱xuxẽẽxü̃gu tá nixĩ i ínanguxü̃ ya tórü Cori ya Ngechuchu. Rü ñoma wüxi i ngĩ́ta̱xaxü̃ i ngürüãchi chütacü ínguxü̃rüxü̃ tá nixĩ.

Maraquía 4:5

Rü dücax, nua tá pexca̱x chanamu ya chorü orearü uruxü̃ ya Ería naxü̃pa i ngẽma ngunexü̃ i ãũcümaxü̃ i nagu chapoxcuexü̃ i ngẽma chixexü̃ ügüxü̃.

Joel 2:1

¡Rü yima ma̱xpǘne ya Chióü̃wa peyacue ya cornéta! ¡Rü yima ma̱xpǘne ya Tupanapata nawa ngẽxmanewa rü tagaãcü peyacue ya cornéta ya ãũcümaxü̃xü̃ ixüxü̃ne! ¡Rü muü̃maxã pidu̱xrue i guxãma i pema i Yudáanewa pemaxẽxü̃! Erü Cori ya Tupanaarü ngunexü̃ rü marü ningaica. Rü ngẽma ngunexü̃ rü taxü̃ i waanexü̃ tá nixĩ. Rü tá narüxcaixane rü caixanexü̃ i pamüemaxü̃ tá nangẽxma. Rü muxũchixü̃ i munügü tá ínangugü. Rü ñoma wüxitücumü i churaragü i poraexü̃ rü muxũchixü̃rüxü̃ tá nixĩgü. Rü ñoma ngexwaca yangunegu rü guxü̃wama ma̱xpǘneétüwa nangu nax yangóonexü̃ rü ngẽxgumarüxü̃ tá nixĩgü nax guxü̃wama nangugüxü̃ i ngẽma munügü. Rü nũxcüma rü taguma ngẽxgumarüxü̃ ixĩxü̃xü̃ tadau, rü tagutáma wena nüxü̃ tadau i ta̱xacü i nangexgumaraxü̃xü̃.

Norü taxre ga popera ga Pedru ümatüxü̃ 3:7

Natürü ngẽma ñu̱xma daxũwa ngẽxmaxü̃ rü ñoma i naane i ñu̱xma ngẽxmaxü̃ rü Tupana marü namaxã nanaxuegu nax üxüwa tá yaxaexü̃. Rü ngẽma ngunexü̃ ya Tupana nagu unetaxü̃ nax duü̃xü̃güxü̃ yacagüxü̃ rü napoxcueãxü̃ i ngẽma duü̃xü̃gü i chixexü̃gu maxẽxü̃, rü ngẽma ngunexü̃gu rü yima üxüwa tá nixĩ i ínaguxü̃ i ñoma i naane rü ngẽma daxũwa ngẽxmagüxü̃.

Ore i mexü̃ ga Luca ümatüxü̃ 21:25

Rü ngẽxguma rü tá nango̱x i cua̱xruxü̃gü. Rü üa̱xcü rü tauemacü rü woramacurigü rü tá nixĩgachitanü i nachicawa. Rü guxü̃ i nachixü̃anegüwa rü duü̃xü̃gü rü tá nanaxĩ̱xãchiãẽtanü rü tá naba̱i̱xãchie i ngẽxguma poraãcü naxãũgaãchigu i már arü yuapegü.

Ore i mexü̃ ga Márcu ümatüxü̃ 13:24

Natürü marü nangupetügu i ngẽma ngúxü̃gü, rü ngẽma ngunexü̃gügu rü tá nixo ya üa̱xcü rü taxũtáma inabaxi ya tauemacü.

Joel 3:14

Rü marü muxü̃ma i duü̃xü̃gü ngẽma doxonexü̃gu nangutaque̱xegü, erü marü ningaica i ngẽma ngunexü̃ i nagu Cori ya Tupana tá namaxã naxueguxü̃ i ngẽma nachixü̃anegüarü poxcu.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:8

Rü yema norü ãgümücü ga orearü ngeruxü̃ rü üa̱xcüétügu nayabaãcu ga norü copu. Rü yemaacü poraãcü nananaiemaxẽxẽ ga üa̱xcü nax yema norü naiemaxü̃maxã ínaguãxü̃ca̱x ga duü̃xü̃gü.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:12

Rü yexguma gumá Carnéruxacü yagáuyegu ga yema norü 6 ga yema poperaarü ñaxtachipe̱xexü̃, rü poraãcü naxĩã̱xãchiane. Rü üa̱xcü rü ñoma ngechaü̃chiru ga waxü̃rüxü̃ nawamare. Rü tauemacü rü ñoma nagürüxü̃ naduema.

1 Corintios 5:5

Rü ngẽmaãcü tórü Cori ya Ngechuchuégagu rü tá name nax Chatanána penamuxü̃ i ngẽma yatü nax Chataná ngúxü̃ nüxü̃ ingexẽẽxü̃ca̱x i naxü̃ne. Natürü naãxẽ rü tá namaxü̃ i ngẽxguma wena núma naxũxgu ya tórü Cori ya Ngechuchu.

Ore i mexü̃ ga Matéu ümatüxü̃ 27:45

Rü tocuchigu inaxügü rü ñu̱xmata tomaepü̱xarü orawa nangu nax naxẽanexü̃ ga guxü̃ ga naanewa.

Yeremía 4:23

Rü ñoma ga naanegu chadawenü, rü nüxü̃ chadau nax nangeãcuanemarexü̃ rü taxuxü̃ma nawa ngẽxmaxü̃. Rü ñu̱xũchi daxũguxü̃ ga naanegu chadawenü rü nüxü̃ chadau ga nax nawaanemarexü̃.

Ichaía 34:8

Rü ngẽma ngunexü̃gu tá nixĩ ya Cori ya Tupana inapoxcueãxü̃ i Edóü̃cüã̱xgü. Rü yimá taunecügu rü Tupana tá Iraétanüxü̃xü̃ naxütanü naxca̱x ga yema chixexü̃ ga Edóü̃cüã̱xgü Chióü̃wa ügüxü̃.

Ichaía 24:23

Rü ngẽxguma nüma ya Cori ya Tupana ya Guxãétüwa Ngẽxmacü ãẽ̱xgacü yixĩxgu i ma̱xpǘne ya Chióü̃wa i Yerucharéü̃wa, rü yimá tauemacü rü tá nadauemamare rü yimá üa̱xcü rü tá naxeemamare. Rü yima ĩanearü ãẽ̱xgacügü rü tá nüxü̃ nadaugü ya Cori ya Tupanaarü üüne.

Ichaía 13:15

Natürü guxãma ya yíxema yima ĩanegu tüxü̃ yangauxe rü tá tüxü̃ nacanagü. Rü guxãma ya yíxema tüxü̃ yayaxúxe rü tá tüxü̃ nima̱xgü.

Ichaía 13:9

Rü marü nawa nangu i ngẽma ngunexü̃ i ãũcümaxü̃ i nagu Tupana norü numaxã tá chianexü̃xü̃ yanguxuchixẽẽxü̃ i ñaa naane. Rü tá nanadai i ngẽma duü̃xü̃gü i chixexü̃arü üruü̃gü i ngẽma naanewa ngẽxmagüxü̃.

Ichaía 13:10

Rü ngẽma i ngunexü̃gu rü ngẽma woramacurigü rü ẽxtagü i daxũguxü̃ i naanewa ngẽxmagüxü̃ rü tá nixogü. Rü üa̱xcü rü noxri tátama iyanagoxgu rü nixo, rü tauemacü rü tá ta nixo.

Joel 2:31

Rü yimá üa̱xcü rü tá nixo rü yimá tauemacü rü ñoma nagürüxü̃ tá naduema naxü̃pa i ngẽma ngunexü̃ i nagu tá chanapoxcuxü̃ i ñoma i naane. Rü ngẽma ngunexü̃ rü tá poraãcü naxãũcüma —ñanagürü.

Ngechuchuarü ngúexü̃gü ga yamugüxü̃arü puracüchiga 2:19

Rü daxũwa tá ichanawe̱x i taxü̃ i cua̱xruü̃gü i chorü poramaxã chango̱xẽẽxü̃. Rü ñoma i naanewa tá ichanawe̱x i cua̱xruü̃gü i nagü, rü üxüema, rü caixanexü̃.

Ngechuchuarü ngúexü̃gü ga yamugüxü̃arü puracüchiga 2:21

Rü guxãma ya yíxema Corina caxe nax tüxü̃ nangü̃xẽẽxü̃ca̱x, rü tá tamaxẽ’ ”, —ñanagürü ga yema orewa.