Ngechuchuarü ngúexü̃gü ga yamugüxü̃arü puracüchiga 2:2 - Tupanaarü Ore

² Rü ngürüãchi daxũwa ne naxũ ga wüxi ga naga ñoma wüxi ya buanecü ya taxüchicü i cuxcuxü̃rüxü̃. Rü guma ĩ ga nawa nayexmagünegu nayaxũga.

Ngechuchuarü ngúexü̃gü ga yamugüxü̃arü puracüchiga 2:2 Referans Kwoze

Ngechuchuarü ngúexü̃gü ga yamugüxü̃arü puracüchiga 4:31

Rü yexguma yumüxẽwa nüxü̃ nachauegu, rü gumá ĩpata ga nawa nangutaque̱xegüne rü naxĩã̱xãchi. Rü Tupanaãxẽ ya Üünecü rü nüxna nangu ga guxü̃ma. Rü tama namuü̃eãcüma nüxü̃ nixugüe ga Tupanaarü ore.

Nüxíraxü̃xü̃ ga popera ga ãẽ̱xgacügüchiga 19:11

Rü nüma ga Cori ya Tupana rü ñanagürü nüxü̃: —¡Ínaxũxũ rü chopexe yachi ya daa ma̱xpǘneétüwa! —ñanagürü. Rü nüma ga Ería rü yemaacü nanaxü. Rü nüma ga Cori ya Tupana rü yéma naxüpetü. Rü wüxi ga poraxüchicü ga buanecü rü nagu nangu ga guma ma̱xpǘne, rü nabu rü ga nutagü rü nipue rü narüyiixü̃chipanü, natürü nüma ga Tupana rü tama gumá buanecüwa nayexma. Rü gumá buanecüwena rü naxĩã̱xãchiane, natürü nüma ga Tupana rü tama yema ĩã̱xãchianewa nayexma.

Wiyaegü 18:10

Rü wüxi ga dauxü̃cüã̱x ga ãxpe̱xatüxü̃étügu naxaunagü rü yema namaxã nigoe. Rü buanecüemaétügu namaxã niña.

Ore i mexü̃ ga Cuáü̃ ümatüxü̃ 3:8

Yimá buanecü rü ínanaxwa̱xexü̃wa nabu. Rü nüxü̃ cuxĩnü i naga, natürü tama nüxü̃ cucua̱x nax ngextáama ne naxũxü̃ rü ngextáama nax naxũxü̃. Rü ngẽxgumarüxü̃ ta tixĩgü ya guxãma ya yíxema Naãxẽ ya Üünexü̃wa nayaxúxe i maxü̃ i ngexwaca̱xü̃xü̃ —ñanagürü.

Ichaía 65:24

Rü naxü̃pa nax nüma choxna nacagüexü̃, rü choma ya Tupana rü marü tá nüxü̃ changãxü̃. Rü naxü̃pa nax yanachianegüxü̃ nax choxna nacagüexü̃, rü choma rü marü tá nüxü̃ chaxĩnü.

Maraquía 3:1

Nüma ya Cori ya Guxãétüwa Ngẽxmacü rü ñanagürü pexü̃: —Choma rü chaugüpe̱xe tá chayamu i chorü orearü ngeruxü̃ nax yoxni chauxü̃pa nügü íyamexẽẽgüxü̃ca̱x i chomaxü̃. Rü yimá Cori ya naxca̱x peda̱u̱xcü rü ngürüãchi tá napata ya taxü̃negu naxücu. Rü ngẽmaãcü tá ínangu ya yimá perü maxẽxẽẽruxü̃ ga Tupana nüxü̃ ixucü ga yexguma perü o̱xigümaxã inaxunetagu —ñanagürü.

Charumóü̃arü wiyae 4:16

Pa Buanecü i Nórtewa Ne Ũcüx, ¡nua naxũ! Pa Buanecü i Súrwaama Ne Ũcüx, ¡nua naxũ! ¡Rü chorü putüranecü ibuaxẽxẽ nax ngẽmaãcü nachacuarü chi̱xemaxü̃ guxü̃wama nanguxü̃ca̱x! ¡Rü nua curü putüranecüwa naxũ, Pa Choxü̃́ Ngúchaxü̃cüx, nax cunangṍxü̃ca̱x i ngẽma norü o i cuxü̃́ chi̱xichixü̃!

Ore i mexü̃ ga Luca ümatüxü̃ 2:13

Rü ngürüãchi yema daxũcüã̱x ga orearü ngeruü̃xü̃tawa nango̱x ga muxü̃ma ga togü ga daxũcüã̱x ga orearü ngeruü̃gü. Rü Tupanaxü̃ nicua̱xüü̃gü, rü ñanagürügü:

Ngechuchuarü ngúexü̃gü ga yamugüxü̃arü puracüchiga 2:3

Rü naxca̱x nango̱x ga üxüema ga ñoma naconügüraü̃xü̃. Rü yema üxüema rü nügüna nixĩgü, rü wüxichigü ga yema yaxõgüxü̃na ninguchigü.

Ngechuchuarü ngúexü̃gü ga yamugüxü̃arü puracüchiga 2:6

Rü yexguma nüxü̃ naxĩnüegu ga ñuxãcü nax yadexagüxü̃ ga yema yaxõgüxü̃, rü nangutaque̱xegü ga muxü̃ma ga yema duü̃xü̃gü ga to ga nachixü̃anewa ne ĩxü̃. Rü naba̱i̱xãchie ga yema duü̃xü̃gü yerü nüxü̃ naxĩnüe ga yema yaxõgüxü̃ nax yema to ga nachixü̃anecüã̱xgawa yadexagüxü̃.

Nüxíraxü̃xü̃ ga popera ga Pedru ümatüxü̃ 1:12

Natürü Tupana rü yema nũxcümaü̃güxü̃ ga orearü uruü̃güxü̃ nüxü̃ nacua̱xẽxẽ nax tama naxca̱x yixĩxü̃ ga yema ore nachiga ga gumá maxẽxẽẽruxü̃. Natürü pexca̱x nixĩ i ngẽma ore ga perü orearü uruü̃gü pemaxã nüxü̃ ixugüxü̃ ga yexguma Tupanaãxẽ ya Üünecü ga daxũwa ne muxü̃ yadexaxẽẽgu. Rü guxü̃ma i ngẽma ore i yimá Maxẽxẽxẽruü̃chiga, rü ngẽma Tupanaarü orearü ngeruü̃gü i daxũcüã̱x rü nüxü̃́ nangúchaü̃gü nax yexera nüxü̃ nacua̱xgüchaü̃xü̃.