Ngechuchuarü ngúexü̃gü ga yamugüxü̃arü puracüchiga 2:17 - Tupanaarü Ore

¹⁷ “Rü ñanagürü ya Tupana: ‘Ngẽma nawa iyacuáxü̃ i ngunexü̃gügu rü guxü̃ i duü̃xü̃gütanüwa tá chanamu i Chauãxẽ ya Üünecü. Rü penegü rü pexacügü rü tá nüxü̃ nixugügü i chorü ore. Rü choma rü tá chayango̱xetüxẽxẽ i perü ngextü̱xüxü̃gü, rü tá nüxü̃ nadaugü i ngẽma tá nüxü̃ chawéxü̃. Rü perü yaguã̱xgümaxã tá chidexa i nanegüwa.

Ngechuchuarü ngúexü̃gü ga yamugüxü̃arü puracüchiga 2:17 Referans Kwoze

Ichaía 44:3

Rü choma rü tá chayaya̱xẽxẽ i dexá i naxnücüanewa, rü íyapaanexü̃wa rü tá chanango̱xẽxẽ i natüacügü. Rü petaagüna tá chanamu ya Chauãxẽ ya Üünecü rü tá petaagüxü̃ charüngü̃xẽxẽ.

Ngechuchuarü ngúexü̃gü ga yamugüxü̃arü puracüchiga 10:45

Rü yema yaxõgüxü̃ ga Yudíugü ga Pedrumaxã yéma ĩxü̃, rü poraãcü naba̱i̱xãchiãẽgü, yerü Tupanaãxẽ ya Üünecü rü nüxna nangu ga yema tama Yudíugü ixĩgüxü̃.

Ore i mexü̃ ga Cuáü̃ ümatüxü̃ 7:39

Rü yexguma yema ñaxgu ga Ngechuchu rü nüxü̃ nixu nax guxü̃ma ga yema nüxü̃́ yaxõgüxü̃ rü tá nayauxgüãxü̃ i Naãxẽ ya Üünexü̃. Natürü tama yexgumatama nanayauxgü, yerü tauta wenaxarü daxũguxü̃ ga naaneca̱x nataegu ga Ngechuchu nax guxü̃arü ãẽ̱xgacü yixĩxü̃ca̱x.

Chacaría 12:10

Rü ngẽma Dabítaagütanüwa rü Yerucharéü̃cüã̱xgütanüwa tá chanamu i Chauãxẽ i Üünexü̃ nax yamecümaxü̃ca̱x rü nayumüxẽgüwa̱xegüxü̃ca̱x i ngẽma Dabítanüxü̃ rü ngẽma Yerucharéü̃cüã̱xgü. Rü ngẽxguma tá nüxü̃ nadaugügu ya yima nacanapacütüxü̃güãcü rü tá nangechaü̃gü. Rü naxca̱x tá naxauxe ñoma wüxi i nane i nügümaxã wüxicacüca̱x naxauxexü̃rüxü̃. Rü ñoma nüxíraü̃cü ya nane yu̱xguca̱x naxauxegurüxü̃ tá naxca̱x naxauxe.

Echequié 11:19

Rü choma rü tá chanaxüchicüxü ya yima norü maxü̃ne ya taixü̃ne ñoma nutarüxü̃. Rü nüxna tá chanaxã ya wüxi ya maxü̃ne ya ngexwacaxü̃ne rü ngexwaca̱xü̃xü̃ i naãxẽ tá nüxna chaxã.

Popera ga Yudíugü ga yaxõgüxü̃ca̱x ümatüxü̃ 1:2

Natürü i ñomaü̃cüxü ya Tupana rü Nanewatama nixĩ i tamaxã yadexaxü̃. Rü Nanemaxã nixĩ ga naxüaxü̃ ga ñoma ga naane rü daxũguxü̃ ga naane rü üa̱xcü rü tauemacü rü woramacurigü. Rü ñu̱xũchi gumá Nanena nanana ga guxü̃ma ga yema nax noxrü yixĩxü̃ca̱x.

1 Corintios 12:28

Rü ngẽmaca̱x ya Tupana rü nanaxwa̱xe nax mea nügü inanuxü̃ i ngẽma yaxõgüxü̃. Rü yíxema tüxíra tüxü̃ naxunetagüxe tixĩ ya yíxema norü puracüwa tüxü̃ namugüxe. Rü ngẽmawena tüxü̃ naxuneta ya toguxegü nax nüxü̃ tixugüxü̃ca̱x i norü ore. Rü ngẽmawena tüxü̃ naxuneta ya toguxegü nax duü̃xü̃güxü̃ tangúexẽẽxü̃ca̱x i norü ore. Rü ngẽxgumarüxü̃ ta tüxü̃ naxuneta ya toguxegü nax tanaxügüxü̃ca̱x i cua̱xruü̃gü i Tupanaarü poramaxã taxügüxü̃, rü toguxegü rü tüxna nanaxã i cua̱x nax tanameexẽẽxü̃ca̱x i ida̱xaweexü̃, rü toguxegü rü tüxna nanaxã i cua̱x nax nüxü̃ tarüngü̃xẽẽgüxü̃ca̱x i ngẽma togü, rü toguxegü rü tüxna nanaxã i cua̱x nax yaxõgüxü̃arü ãẽ̱xgacügü tixĩgüxü̃ca̱x. Rü toguxegü rü tüxna nanaxã i cua̱x nax ngẽma nagagü i tama nüxü̃ tacuáxü̃wa tidexagüxü̃ca̱x.

Ore i mexü̃ ga Luca ümatüxü̃ 3:6

Rü guxü̃ma i duü̃xü̃gü rü tá nüxü̃ nadaugü ya yimá maxẽxẽxẽruxü̃ ya Tupana núma namucü”, ñanagürü ga Ichaía ümatüxü̃ ga ore.

Ngechuchuarü ngúexü̃gü ga yamugüxü̃arü puracüchiga 21:9

Rü nüma nüxü̃́ iyexma ga ãgümücü ga naxacügü ga taguma ixãtecü ga Tupanaarü orexü̃ ixugüecü.

Ochéa 3:5

Natürü ngẽmawena i nüma i Iraéanecüã̱xgü rü nachixü̃aneca̱x tá nawoegu rü tá Cori ya Tupanaga naxĩnüe. Rü tá Dabítaaca̱x nadaugü nax norü ãẽ̱xgacü yixĩxü̃ca̱x. Rü ngẽma ngunexü̃gü i nawa iyacua̱xgüxü̃gu rü Cori ya Tupanaca̱x tá naxĩ, rü nüxü̃ tá nicua̱xüü̃gü naxca̱x i guxü̃ma i norü ngü̃xẽẽgü ya Tupana tá nüxna ãxü̃.

Norü taxre ga popera ga Pedru ümatüxü̃ 3:3

Natürü guxü̃arü yexera chanaxwa̱xe i nagu perüxĩnüe i ñaa ore i pemaxã tá nüxü̃ chixuxü̃. Rü ngẽxguma nagúxchaü̃gu i ñoma i naane, rü tá ínangugü i duü̃xü̃gü i nagu ĩxü̃ i naxü̃nearü ngúchaü̃gü. Rü nümagü rü tá nacugüeãcüma ñanagürügü: “Dücax, Cristu inaxuneta nax wena núma naxũxü̃. ¿Rü ta̱xacü namaxã nangupetü i ñu̱xma nax tama ínanguxü̃? Rü marü düxwa nayue ga tanatügü, natürü noxri naane üxgumama rü nanaxairügumaraü̃echa i guxü̃ma”, ñanagürügü tá.

1 Corintios 12:10

Rü toguxe rü tüxna nanaxã i pora nax itanawéxü̃ca̱x i cua̱xruü̃gü i Tupanaarü poramaxã üxü̃. Rü toguxe rü tüxü̃́ nanatauxchaxẽxẽ nax nüxü̃ tixuxü̃ca̱x i Tupanaarü ore. Rü toguxe rü tüxna nanaxã i cua̱x nax nüxü̃ tacuáxü̃ca̱x i ta̱xacü yixĩxü̃ i ngo̱xogüarü ixĩxü̃ rü ta̱xacü yixĩxü̃ i Tupanaãxẽ i Üünexü̃arü ixĩxü̃. Rü toguxe rü tüxna nanaxã i tauxcha nax ngẽma tama nüxü̃ tacuáxü̃ i nagawa tidexaxü̃ca̱x. Rü toguxe rü tüxna nanaxã i cua̱x nax tanango̱xẽẽxü̃ca̱x nax ta̱xacüchiga yixĩxü̃ nax tidexaxü̃ ya yíxema to i nagawa idexaxe.

Romanos 5:5

Rü ñu̱xma nax ínangu̱xẽẽxü̃ nax tüxü̃́ tá nangẽxmaxü̃ i tachica i Tupanaxü̃tawa, rü ngẽmaca̱x taxuca̱xma tangechaü̃gü. Erü Tupana rü poraãcü tüxü̃ nangechaü̃. Rü ngẽma Naãxẽ ya Üünexü̃ i tüxna namuxü̃ nixĩ i tüxü̃ nüxü̃ cua̱xẽẽxü̃ i ngẽma.

Echequié 39:29

Rü tagutáma wena nüxna chaxãca̱xwe̱x, erü ngẽma Iraétanüxü̃tanüwa tá chanamu i Chauãxẽ. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Ichaía 66:23

Rü wüxichigü ya tauemacüarü ügügu rü ñu̱xũchi wüxichigü i yüxüarü chabadugu rü guxü̃ma i duü̃xü̃gü rü tá nua naxĩ nax choxü̃ yacua̱xüü̃güxü̃ca̱x. Rü choma ya Cori ya Tupana nixĩ i ngẽma ñachaxü̃ —ñanagürü.

Chacaría 2:13

Rü name nax Cori ya Tupanape̱xewa narüchianegüxü̃ i guxü̃ma i ñoma i naanearü duü̃xü̃gü. Erü nüma rü nachica i üünexü̃wa ne naxũ nax tatanüwa naxũxü̃ca̱x.

Ichaía 2:2

Ngẽma ngunexü̃gü i nawa iyacua̱xgüxü̃gu, rü yima ma̱xpǘne i Cori ya Tupanapata ya taxü̃ne íngẽxmaxü̃wa rü guxü̃ne ya naigü ya ma̱xpǘnearü yexera tá poraãcü natachiga. Rü guxü̃ i nachixü̃anecüã̱x i duü̃xü̃güaxü̃́ tá nangúchaü̃ nax íyadaugüãxü̃. Rü guxü̃ma i nachixü̃anegücüã̱x i duü̃xü̃gü rü tá ngéma naxĩ.

Ucu̱xẽgüchiga 1:23

¡Iperüxĩnüe i chorü ucu̱xẽgü! Rü tá pexna chanaxã i ngẽma cua̱x i aixcüma mexü̃ rü tá pexü̃ nüxü̃ chacua̱xẽxẽ i chorü ĩnü.

Wiyaegü 72:6

Rü chanaxwa̱xe nax yimá ãẽ̱xgacü rü meama norü duü̃xü̃güxü̃ nangü̃xẽẽxü̃ ñoma pucü i nanetügü meama iwainecüxẽẽcürüxü̃.

Ore i mexü̃ ga Cuáü̃ ümatüxü̃ 17:2

Erü marü choxna cuxãga nax guxü̃ma i duü̃xü̃gümaxã ichacuáxü̃ca̱x rü nax chanamaxẽxẽẽxü̃ca̱x i guxü̃ma i duü̃xü̃gü i choxna cumugüxü̃.

Miquéa 4:1

Rü ngẽma nawa iyacuáxü̃ i ngunexü̃gügu rü tá nawa nangu nax yima ma̱xpǘne ya Tupanapata ya taxü̃ne nagu üxü̃ne rü tá guxü̃nema ya naigü ya ma̱xpǘnegüarü yexera natachiga. Erü ngéma Tupanapatawa tá naxĩ i guxü̃ma i nachixü̃anecüã̱xgü i duü̃xü̃gü nax nüxü̃ yacua̱xüü̃güxü̃ca̱x.

Ichaía 40:5

Rü ngẽxguma i nüma ya Cori ya Tupana rü tá nügü nango̱xẽxẽ nax ñuxãcü naporaxüchixü̃. Rü guxü̃ma i duü̃xü̃gü rü tá nüxü̃ nadaugü i ngẽma norü pora. Rü Cori ya Tupanatama nixĩ i ngẽma ñaxü̃ —ñanagürü.

Naanearü ügüchiga 49:1

Rü nüma ga Acóbu rü guxü̃ma ga nanegüca̱x naca rü ñanagürü: —¡Nua chauxü̃tawa pexĩ! Rü pemaxã tá nüxü̃ chixu i ngẽma tá pexü̃ ngupetüxü̃.

Ichaía 49:26

Rü ngẽma perü uanügü rü nügü tátama nangõ̱xcue, rü nagüwa tátama naxaxegü ñoma bínu yaxaxgüxü̃rüxü̃. Rü ngẽmaãcü i guxü̃ma i duü̃xü̃gü rü tá nüxü̃ nicua̱xãchitanü nax choma ya Cori ya Tupana ya Acóbuarü duü̃xü̃güarü ngü̃xẽẽruxü̃ ya poracü nax chixĩxü̃. Rü choma nixĩ i Iraétanüxü̃xü̃ íchanguxü̃xẽxẽxü̃ —ñanagürü ga Tupana.

Popera ga Chantiágu ümatüxü̃ 5:3

Perü úiru rü perü diẽru rü ngẽxma naxãü̃tanü. Rü ngẽma norü ãü̃tanü rü wüxi i perü cua̱xruxü̃ tá nixĩ nax pema rü tá ta ipeyarütauxexü̃ ñoma ta̱xacü üxüwa ixaxü̃rüxü̃. Tupana ngĩxü̃ nadau i perü diẽru i ngĩmaxã penguxü̃marecü, rü ngẽmaca̱x tá pepoxcue i naanearü gu̱xgu.

Danié 10:14

Rü ngẽmaca̱x i ñu̱xma rü nua chaxũ nax cumaxã nuxü̃ chayarüxuxü̃ca̱x i ngẽma tá yixcüra ngupetüxü̃ namaxã i cutanüxü̃ i Iraétanüxü̃. Rü yema nüxü̃ cudauxü̃ ga yexguma Tupana cuxca̱x nango̱xẽẽgu, rü ngẽma tá yixcüra cutanüxü̃maxã ngupetüxü̃chiga nixĩ —ñanagürü choxü̃.

Wiyaegü 65:2

Erü cuma rü nüxü̃ cuxĩnü i torü yumüxẽ. Rü guxü̃ma i duü̃xü̃gü rü cuxca̱x naxĩ nax curü ngü̃xẽẽca̱x íyacagüxü̃ca̱x.

Ngechuchuarü ngúexü̃gü ga yamugüxü̃arü puracüchiga 11:28

Rü natanüwa nayexma ga wüxi ga orearü uruxü̃ ga Agábu ga naéga. Rü wüxi ga ngutaque̱xewa rü inachi ga Agábu rü Tupanaãxẽ ya Üünecü nanamu nax yadexaxü̃, rü nüxü̃ nixu nax wüxi i taiya i taxü̃ tá ínguxü̃ i guxü̃ i nachixü̃anegüwa. Rü aixcüma ínangu ga yema taiya ga yexguma Cláudiu rü Rómaarü ãẽ̱xgacü ixĩxgu.

Ngechuchuarü ngúexü̃gü ga yamugüxü̃arü puracüchiga 2:16

Natürü ñaa ñu̱xma nüxü̃ pedauxü̃ nixĩ ga yema Tupanaarü orearü uruxü̃ ga Yoé marü nüxü̃ ixuchigaxü̃ ga yexguma ñaxgux:

Ngechuchuarü ngúexü̃gü ga yamugüxü̃arü puracüchiga 2:18

Rü ngẽma ngunexü̃gügu rü chorü duü̃xü̃gütanüwa tá chanamu i Chauãxẽ ya Üünecü, rü nümagü tá nüxü̃ nixugügü i chorü ore.

Ngechuchuarü ngúexü̃gü ga yamugüxü̃arü puracüchiga 2:33

Rü Tupana rü daxũguxü̃ ga naanewa nanaga nax norü tügünecüwawa yanatoxü̃ca̱x. Rü Tanatü ya Tupana rü marü nüxna nanamu ga Naãxẽ ya Üünecü ga nũxcüma nüxü̃ yaxuxü̃ rü tá nua nax namuaxü̃. Rü ñu̱xma ya yimá Ngechuchu rü núma totanüwa nanamu i ngẽma Naãxẽ ya Üünecü. Rü ngẽma Naãxẽ nua üxü̃ nixĩ i ñu̱xma nüxü̃ pedauxü̃ rü nüxü̃ pexĩnüexü̃.

Ngechuchuarü ngúexü̃gü ga yamugüxü̃arü puracüchiga 11:27

Rü yexgumaü̃cüxü Yerucharéü̃wa ne naxĩ ga ñuxre ga Tupanaarü orearü uruü̃gü, rü Antioquíawa naxĩ.