Ngechuchuarü ngúexü̃gü ga yamugüxü̃arü puracüchiga 19:18 - Tupanaarü Ore

¹⁸ Rü muxü̃ma ga yema yaxõgüxü̃ rü yéma ningugüetanü, rü guxü̃ ga duü̃xü̃güpe̱xewa nüxü̃ nixugüe ga guxü̃ma ga norü chixexü̃ ga ü̃pa naxügüxü̃.

Ngechuchuarü ngúexü̃gü ga yamugüxü̃arü puracüchiga 19:18 Referans Kwoze

Romanos 10:10

Erü ngẽxguma Ngechuchuaxü̃́ yaxõgügu nixĩ nax Tupanape̱xewa imexü̃. Rü taa̱xmaxã nüxü̃ tixu nax tórü Cori yixĩxü̃ ya Ngechuchu, nax ngẽmaãcü nayaxuxü̃ca̱x i maxü̃ i taguma gúxü̃.

Ore i mexü̃ ga Matéu ümatüxü̃ 3:6

Rü guxema duü̃xẽgü ga nüxü̃ ixugüxe ga tümaarü pecadugü, rü Cuáü̃ rü tüxü̃ ínabaiü̃xẽxẽ ga natü ga Yudáü̃wa.

Wiyaegü 32:5

Rü yexguma nagu charüxĩnügu ga chorü maxü̃ nax naturaxü̃ rü cumaxã nüxü̃ chixu ga guxü̃ma ga chorü pecadugü rü taxuxü̃ma chicu̱x. Rü chaugümaxã ñacharügü: —Cori ya Tupanamaxã tá nüxü̃ chixu i chorü chixexü̃gü —ñachagürü. Rü cumax, Pa Corix, rü choxü̃́ nüxü̃ icurüngüma ga guxü̃ma.

Nüxíraxü̃xü̃ ga popera ga Cuáü̃ ümatüxü̃ 1:9

Natürü ngẽxguma chi Tupanamaxã nüxü̃ ixuxgu i tórü pecadugü, rü nüma ya Tupana ya ixaixcümacü rü tá tüxü̃́ nüxü̃ inarüngüma i tórü pecadugü rü tá inayanaxoxẽxẽ i guxü̃ma i tórü chixexü̃gü.

Echequié 36:31

Rü ngẽxguma tá nüxna pecua̱xãchiegu ga yema pecüma ga chixexü̃ rü yema chixexü̃gü ga pexügüxü̃, rü pema rü tá pegücha̱xwa pexãnee naxca̱x ga yema pecadugü rü chixexü̃gü ga pexügüxü̃.

Echequié 16:63

Rü ngẽxguma cuxü̃́ nüxü̃ charüngümagu i guxü̃ma i ngẽma chixexü̃ i cuxüxü̃ rü cuma rü tá cuxãnexü̃chi, rü tá cungechaxü̃, rü taxũtáma wena cugü quicua̱xüxü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma” —ñanagürü.

Yeremía 3:13

Pa Iraéanecüã̱xgüx, ¡nüxü̃ pixu i perü chixexü̃ i chope̱xewa pexüxü̃ nax chomaxã penuexü̃, rü guxü̃ma i nai i meetaxü̃tüü̃wa tupananetagüxü̃ picua̱xüü̃güxü̃ rü tama chauga pexĩnüexü̃! Rü choma ya Cori ya Tupana nixĩ i nüxü̃ chixuxü̃ i ngẽma chorü ore’ ” —ñanagürü.

Ucu̱xẽgüchiga 28:13

Ngẽma duü̃xü̃ i norü pecadu icúxü̃ rü taxũtáma mexü̃ nüxü̃ naxüpetü. Natürü ngẽma duü̃xü̃ i nüxü̃ ixuxü̃ i norü pecadu rü nüxü̃ rüxoxü̃, rü Tupana rü tá nüxü̃́ nüxü̃ inayarüngüma.

Lebítanüxü̃arü puracüchiga 26:40

Natürü ngẽxguma chope̱xewa nüxü̃ pixuxgu i perü chixexü̃ rü penatügüarü chixexü̃, rü yema nax tama chauga pexĩnüexü̃ rü chomaxã perüxuanügüxü̃, rü yema chixexü̃güca̱x perü uanügüarü naanewa pexü̃ chawogü, natürü ngẽxguma chi chopexegu pegü íperüxíragügu rü chi nüxü̃ picua̱xãchiegu i perü pecadugü, rü ngẽxguma i choma rü tá nüxna chacua̱xãchi ga yema uneta ga Acóbumaxã, rü Ichaámaxã, rü Abraáü̃maxã chaxüxü̃. Rü ngẽxgumarüxü̃ tá ta nüxna chacua̱xãchi i ngẽma naane ga noxri pexna chaxãxü̃ nax mexü̃ tá namaxã chaxueguxü̃.

Lebítanüxü̃arü puracüchiga 16:21

Rü Aróü̃ rü ngẽma chíbuerugu nanuxme̱xãcüma tá Tupanamaxã nüxü̃ nixu i guxü̃ma i ngẽma Iraétanüxü̃arü chixexü̃gü, rü norü nuwa̱xegü, rü norü pecadugü. Rü ngẽmaãcü tá chíbuwa naxüe i guxü̃ma i ngẽma duü̃xü̃güarü pecadugü. Rü ngẽmawena rü wüxi i duü̃xü̃ tá nayaga rü ínachianexü̃wa tá nayata̱x.

Ngechuchuarü ngúexü̃gü ga yamugüxü̃arü puracüchiga 19:17

Rü guxü̃ma ga Yudíugü rü Griégugü ga Epéchiuwa yexmagüxü̃ rü nüxü̃ nacuáchiga ga yema. Rü poraãcü namuü̃e ga guxü̃ma. Rü yemaacü yexeraãcü natachiga ga naéga ga Cori ga Ngechuchu.

Ngechuchuarü ngúexü̃gü ga yamugüxü̃arü puracüchiga 19:19

Rü muxü̃ma ga yema iyuüechiréxü̃, rü yéma nanana ga norü yuüpane ga nawa nangúexü̃, rü guxãpe̱xewa ínanagu. Rü yexguma nangugügüãgu ga natanü ga yema yuüpanegü, rü 50,000 tachinü ga diẽru ga tatanüxü̃wa nangu ga natanü.

Popera ga Chantiágu ümatüxü̃ 5:16

Rü ngẽmaca̱x name nixĩ i pegümaxã nüxü̃ pixu i perü pecadugü rü pegüca̱x peyumüxẽgü nax pexca̱x yataanegüxü̃ca̱x. Rü yimá mecü ya yatüarü yumüxẽ rü aixcüma napora rü taxü̃ i mexü̃ nawa ínanguxuchi.