Ngechuchuarü ngúexü̃gü ga yamugüxü̃arü puracüchiga 19:13 - Tupanaarü Ore

¹³ Natürü nayexma ga ñuxre ga Yudíugü ga ĩanearü namagüwa ixĩẽtanüxü̃ rü duü̃xü̃güwa ínawoxü̃xü̃ ga ngo̱xogü. Rü nüxü̃ naxügü nax Cori ya Ngechuchuégagu ínawoxü̃ãxü̃ ga ngo̱xogü. Rü ñanagürügü: —Ngechuchu ya Pauru nüxü̃ ixuchigacüégagu pexü̃ tamu nax ípechoxü̃xü̃ca̱x —ñanagürügü ga yema Yudíugü.

Ngechuchuarü ngúexü̃gü ga yamugüxü̃arü puracüchiga 19:13 Referans Kwoze

Ore i mexü̃ ga Matéu ümatüxü̃ 12:27

Rü pemax, Pa Parichéugüx, rü choxü̃ pixuxgu rü Beechebúarü poramaxã íchanawoxü̃ i ngo̱xogü. Natürü ngẽxguma chi Beechebúarü poramaxã íchanawoxü̃gu i ngo̱xogü, ¿rü texéarü poramaxã nixĩ i perü ngúexü̃gü rü ínawoxü̃ãxü̃ i ngo̱xogü? Rü dücax, rü ngẽma perü ngúexü̃gütama nixĩ i pexca̱x nango̱xẽẽxü̃ nax ípetüexü̃.

Ore i mexü̃ ga Márcu ümatüxü̃ 9:38

Rü yexguma ga Cuáü̃ rü ñanagürü nüxü̃: —Pa Ngúexẽxẽruxü̃, nüxü̃ tadau ga wüxi ga yatü ga cuégagu ngo̱xogü íwoxü̃xü̃. Natürü toma rü nüxna tanachu̱xu ga yema, yerü tama tatanüxü̃ nixĩ ga nümax —ñanagürü.

Ore i mexü̃ ga Luca ümatüxü̃ 11:19

Natürü ngẽxguma chi Chatanáarü poramaxã íchanawoxü̃gu i ngo̱xogü, rü perü ngúexü̃gü rü chita Chatanáarü poramaxã ínanawoxü̃ i ngo̱xogü. Rü ngẽmawa mea nüxü̃ tacua̱x nax pema rü ípetüexü̃.

Ore i mexü̃ ga Luca ümatüxü̃ 9:49

Rü yexguma ga Cuáü̃ rü ñanagürü nüxü̃: —Pa Ngúexẽẽruxü̃x, nüxü̃ tadau ga wüxi ga yatü ga cuégagu ngo̱xogü íwoxü̃xü̃. Rü toma nüxna tanachu̱xu ga yema yerü tama tatanüxü̃ nixĩ ga nümax —ñanagürü.

Ore i mexü̃ ga Márcu ümatüxü̃ 5:7

Rü aita naxüãcüma ñanagürü nüxü̃: —¿Tü̱xcüü̃ nua choxü̃ cuyachixewe, Pa Ngechuchux ya Tupana ya Guxãétüwa Ngẽxmacü Nanex? Rü Tupanaégagu cuxü̃ chaca̱a̱xü̃ nax tama ngúxü̃ choxü̃ quingexẽẽxü̃ —ñanagürü.

Ore i mexü̃ ga Matéu ümatüxü̃ 26:63

Natürü ga Ngechuchu rü nangea̱xmare. Rü yemaca̱x ga chacherdótegüarü ãẽ̱xgacü ga Caipá rü ñanagürü nüxü̃: —Tupana ya Maxü̃cüégagu cuxü̃ chamu nax aixcüma tomaxã nüxü̃ quixuxü̃ nax texé quixĩxü̃. ¿Rü cuma ẽ̱xna i Cristu ya Tupana Nane quixĩxü̃? —ñanagürü.

Nüxíraxü̃xü̃ ga popera ga ãẽ̱xgacügüchiga 22:16

Natürü nüma ga ãẽ̱xgacü rü Micaíaxü̃ nangãxü̃ rü ñanagürü: —Marü muẽ̱xpüxcüna cumaxã nüxü̃ chixu rü ngẽxguma ta̱xacüxü̃ chomaxã quixuxgu rü chanaxwa̱xe i Tupanaégagu aixcümaxü̃ chomaxã quixu —ñanagürü.

1 Chamué 14:24

Natürü yema ngunexü̃gu ga Iraéanecüã̱xgü rü poraãcüxüchima nipae, yerü taguma nachibüe, yerü nüma ga Chaú rü norü churaragümaxã nanaxuegu rü ñanagürü: —Chixexü̃ tüxü̃ ngupetü ya yíxema õna ngṍxe naxü̃pa nax nayáuanexü̃, rü naxü̃pa nax chanadaixü̃ i chorü uanügü —ñanagürü.

Yochué 6:26

Rü yemawena nüma ga Yochué rü nanaxuegu ga ñaa dexa rü ñanagürü: —Tupanape̱xewa rü chixexü̃ tá tüxü̃ nangupetü ya yíxema wena inaxügüxe nax ítanadaxẽẽxü̃ ya yimá ĩane ya Yericú. Rü ngẽxguma ítanaxügügu nax wena ítanadaxẽẽxü̃ ya yimá ĩane rü tümane ya yamaxecüca̱x tá ínangu i yu. Rü ngẽxguma nanucugu i naxtapü̱xarü ĩã̱xgü rü tümane ya rübumaecüca̱x tá ínangu i yu —ñanagürü.

Naanearü ügüchiga 4:14

Ñu̱xma rü marü choxü̃ ícuta̱xüchi nawa i ñaa naane rü ngẽmaca̱x tá curü yáxü̃guxüchima chanaxũpetüanemare, rü tagutáma icharüngü̃. Rü ngẽmaãcü ngexü̃rüüxü̃mare i choxü̃ iyangauxü̃ rü tá choxü̃ nima̱x —ñanagürü.

Naanearü ügüchiga 4:12

Rü woo tá naanewa cupuracü, natürü taxuxü̃táma i nanetü cuxü̃́ nixo. Rü tá ñaa naanegu cunaxũpetüanemare rü tagutáma curüngü̃ —ñanagürü.

Wiyaegü 109:10

Rü ngẽmaãcü i naxacügü rü nu ne nanaxĩmare rü íxraxü̃ i diẽruca̱x naca̱a̱xü̃wa̱xegü. ¡Rü noxtacüma nawa ínawoxü̃ ya yima napatachicawa!

Ngechuchuarü ngúexü̃gü ga yamugüxü̃arü puracüchiga 19:14

Rü yema nixĩ ga naxügüxü̃ ga yema 7 ga nanegü ga yema Yudíu ga Echébagu ãégaxü̃. Rü nüma ga Echéba rü chacherdótegüarü ãẽ̱xgacü nixĩ.

2 Corintios 11:4

Erü pema rü tauxchaãcü nixĩ nax pexü̃ nawomüxẽẽgüxü̃. Rü ngẽxguma ínangugügu i duü̃xü̃gü i pemaxã nüxü̃ ixuxü̃ i to i Ngechuchuchiga ya tama yimá toma nüxü̃ tixuchigacü, rü pema rü nüxü̃́ peyaxõgü i ngẽma duü̃xü̃gü. Rü pema rü taãẽãcüma penayaxu i to i naãxẽ i tama Tupanaãxẽ ya Üünecü ga marü peyaxuxü̃ ixĩxü̃. Rü peyaxõgü i to i ore i tama Tupanaarü ore i mexü̃ ga noxri peyaxuxü̃ ixĩxü̃.