Ngechuchuarü ngúexü̃gü ga yamugüxü̃arü puracüchiga 18:6 - Tupanaarü Ore

⁶ Natürü nümagü ga yema Yudíugü rü inanaxügüe ga Paurumaxã nax nanuexü̃ rü namaxã naguxchigagüxü̃. Rü yexguma inapamüchiru ga Pauru. Rü yema nixĩ ga wüxi ga cua̱xruxü̃ naxca̱x ga yema duü̃xü̃gü nax yemawa nüxü̃ yacua̱xãchitanüxü̃ca̱x ga norü chixexü̃. Rü ñanagürü nüxü̃: —Pegagu tátama nixĩ nax ipeyarütauxexü̃, rü marü tama chaugagu nixĩ. Rü ñomaü̃cüü i choma rü tá ngẽma tama Yudíugü ixĩgüxü̃tanüwa chaxũ —ñanagürü ga Pauru.

Ngechuchuarü ngúexü̃gü ga yamugüxü̃arü puracüchiga 18:6 Referans Kwoze

Echequié 33:4

Rü texe yima cornétagaxü̃ ĩnüchiréxe, natürü tama tügüna dauxe, rü ngẽxguma ngẽma uanügüarü churaragü ngéma ngugügu rü tüxü̃ yama̱xgügu rü yíxema tama íxuãẽgüxe rü tümagagu tátama nixĩ i tayuxü̃.

2 Chamué 1:16

Rü yexguma yema Amaréxtanüxü̃xü̃ yama̱xyane, rü nüma ga Dabí rü ñanagürü nüxü̃: —Cugagutama nixĩ i cuyuxü̃ erü cugütama quixu nax cuyamáxü̃ ya yimá ãẽ̱xgacü ga Cori ya Tupana nüxü̃ unetacü —ñanagürü.

Neemía 5:13

Rü yexguma ga choma rü chaugü chapaãchiru rü ñacharügü: —Rü ñu̱xma nax chauxchiru chapaãxü̃rüxü̃ãcü tá nixĩ ya Cori ya Tupana i tümapatawa, rü tümaanewa rü tümaarü úbanecüwa tá tüxü̃ ínata̱xüchixü̃ ya yíxema tama ñaa mu inguxexẽ́xẽ ya duü̃xẽ. Rü ngẽmaãcü tá tüxna nanayaxu i guxü̃ma i tümaarü ngẽmaxü̃gü i ñu̱xma tüxü̃́ ngẽxmaxü̃ —ñacharügü. Rü guxü̃ma ga yema muxũchixü̃ ga duü̃xü̃gü rü tagaãcü ñanagürügü: —Ngẽmaãcü yixĩ —ñanagürügü. Rü yemawena ga yema duü̃xü̃gü rü Cori ya Tupanaxü̃ nicua̱xüü̃gü, rü aixcümama nayanguxẽẽgü ga yema norü uneta ga nüxü̃ yaxugüxü̃.

Ngechuchuarü ngúexü̃gü ga yamugüxü̃arü puracüchiga 13:51

Rü yexguma ga Pauru rü Bernabé rü inapagücutü ga norü üxaxü̃cutü nax yemawa nüxü̃ yacua̱xãchitanüxü̃ca̱x ga norü chixexü̃ ga yema ĩanecüã̱xgü ga duü̃xü̃gü. Rü ñu̱xũchi ga Pauru rü Bernabé rü ĩane ga Icóniowa naxĩ.

Nüxíraxü̃xü̃ ga popera ga Pedru ümatüxü̃ 4:4

Rü ñu̱xma nax tama namaxã pexãmücügüxü̃ i ngẽma duü̃xü̃gü i ngẽxguma norü chixexü̃ naxügügu, rü nagu narüxĩnüe nax ta̱xacüca̱x tama natanügu pexãgüxü̃. Rü ngẽmaca̱x chixri pechiga nidexagü.

Ore i mexü̃ ga Luca ümatüxü̃ 9:5

Rü ngẽxguma chi wüxi ya ĩanewa tama pexü̃ nayauxgügu ¡rü ípechoxü̃ nawa ya yima ĩane! Rü ngẽxguma ngéma ipexĩãchigu ¡rü ipepagücutü i perü üxaxü̃cutü nax ngẽmawa nüxü̃ nacua̱xgüxü̃ca̱x nax chixexü̃ naxügüxü̃ i ngẽma duü̃xü̃gü! —ñanagürü.

Ore i mexü̃ ga Matéu ümatüxü̃ 27:25

Rü guxü̃ma ga yema duü̃xü̃gü nanangãxü̃gü, rü ñanagürügü: —Togagu rü toxocügügagu tá nixĩ i nayuxü̃ —ñanagürügü.

Nüxíraxü̃xü̃ ga popera ga Pedru ümatüxü̃ 4:14

Rü ngẽxguma Cristuaxü̃́ nax peyaxõgüxü̃gagu texé pemaxã guxchigagu, rü name nixĩ i petaãẽgü. Erü ngẽmaãcü nüxü̃ pecua̱x nax Tupanaãxẽ ya Üünecü rü pewa nax nangẽxmaxü̃.

Norü taxre ga popera ga Timutéuca̱x naxümatüxü̃ ga Pauru 2:25

Rü wüxi i Tupanaarü puracütanüxü̃ rü name nax yáxna namaxã naxĩnüãcüma mea nayaxucu̱xẽgüãxü̃ i ngẽma duü̃xü̃gü i tama irüxĩnüechaü̃xü̃. Rü name i ínanangu̱xẽxẽ nax Tupana nüxü̃ rüngü̃xẽẽgüxü̃ i ngẽma duü̃xü̃gü nax naxca̱x nawoeguxü̃ca̱x rü nüxü̃ nacua̱xãchitanüxü̃ca̱x i ngẽma ore i aixcüma ixĩxü̃.

Romanos 3:29

¿Ẽ̱xna Tupana rü Yudíugüarü Tupanaxicatama nixĩ? ¿Ẽ̱xna tama ngẽma togü i duü̃xü̃gü i tama Yudíugü ixĩgüxü̃arü Tupana yixĩxü̃? Aixcüma pemaxã nüxü̃ chixu rü ngẽma togü i duü̃xü̃gü i tama Yudíugü ixĩgüxü̃arü Tupana rü ta nixĩ.

Ngechuchuarü ngúexü̃gü ga yamugüxü̃arü puracüchiga 28:28

Rü ñanagürü ta ga Pauru: —Rü name nixĩ nax nüxü̃ pecuáxü̃ nax ñu̱xmawena ngẽma tama Yudíugü ixĩgüxü̃maxã nüxü̃ ixuxü̃ i ñaa Tupanaarü ore i tüxü̃ maxẽxẽẽxü̃. Rü nümagü tá nixĩ i aixcüma inaxĩnüexü̃ —ñanagürü.

Ngechuchuarü ngúexü̃gü ga yamugüxü̃arü puracüchiga 26:20

Rü noxri Damácucüã̱xgümaxã nüxü̃ chixuchiga ga Tupanaarü ore. Rü yemawena Yerucharéü̃cüã̱xgümaxã nüxü̃ chixuchiga. Rü ñu̱xũchi guxü̃ ga Yudéaanewa nüxü̃ chixuchiga. Rü yexgumarüxü̃ yema tama Yudíugü ixĩgüxü̃maxã nüxü̃ chixu. Rü ñacharügü: “¡Nüxü̃ perüxoe i pecüma i chixexü̃gü, rü Tupanaca̱x pedaugü, rü mea pemaxẽ nax duü̃xü̃gü nüxü̃ daugüxü̃ca̱x nax aixcüma peyaxõgüxü̃!” ñacharügü.

Ngechuchuarü ngúexü̃gü ga yamugüxü̃arü puracüchiga 26:11

Rü muẽ̱xpü̱xcüna chanapoxcue nax nüxü̃ naxoexü̃ca̱x ga yema nax yaxõgüãxü̃. Rü yemaacü chanaxü ga guxü̃nema ga ngutaque̱xepataü̃güwa. Rü poraãcü naxchi chaxai ga yema yaxõgüxü̃, rü yemaca̱x nawe chingẽchigü ñu̱xmata to ga nachixü̃anecüã̱x ga ĩanegüwa changu.

Ore i mexü̃ ga Matéu ümatüxü̃ 22:10

Rü yema ãẽ̱xgacüarü duü̃xü̃gü rü ĩanearü namagüwa naxĩ. Rü nüxna nixuetanü ga guxü̃ma ga duü̃xü̃gü ga mexü̃gü rü chixexü̃gü ga nüxü̃ iyangaugüxü̃. Rü yemaacü duü̃xü̃gü ga nüxna naxuxü̃maxã nanapa ga gumá ãẽ̱xgacüpata.

Ore i mexü̃ ga Matéu ümatüxü̃ 10:14

Rü ngẽxguma wüxi ya ĩwa rüe̱xna wüxi ya ĩanewa tama mea pexü̃ nayauxgügu rü tama nüxü̃ naxĩnüechaü̃gu i perü ore, ¡rü ípechoxü̃ nawa ya yima ĩpata rüe̱xna yima ĩane! Rü ngẽxguma ípechoxü̃gu, ¡rü ngẽxma penapagü i perü üxaxü̃cutü!

Ore i mexü̃ ga Luca ümatüxü̃ 22:65

Rü muxü̃ma ga to ga ore ga chixexü̃ namaxã nixugüe.

Ore i mexü̃ ga Matéu ümatüxü̃ 21:43

Rü ngẽmaca̱x pemaxã nüxü̃ chixu rü taxũtáma pexãchica ya Tupana ãẽ̱xgacü ixĩxü̃wa, rü ngẽma duü̃xü̃gü i aixcüma Tupanaga ĩnüexü̃ rü nüxü̃́ puracüexü̃na tá naxã i ngẽma nachica ya Tupana ãẽ̱xgacü ixĩxü̃wa.

Ore i mexü̃ ga Matéu ümatüxü̃ 8:11

Rü choma rü pemaxã nüxü̃ chixu rü muxũchixü̃ i duü̃xü̃gü rü tá éstewa rü oéstewa ne naxĩ. Rü daxũwa ya Tupana ãẽ̱xgacü ixĩxü̃wa tá wüxigu nachibüe namaxã ya Abraáü̃ rü Ichaá, rü Acóbu.

Lebítanüxü̃arü puracüchiga 20:9

Rü ngẽma nanatümaxã rüe̱xna naémaxã chixexü̃ ueguxü̃, rü wüxicana tá peyama̱xgü. Erü nanatümaxã rüe̱xna naémaxã chixexü̃ naxuegu, rü ngẽmaca̱x nügüca̱x tátama yu ínangu̱xẽxẽ.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:22

Rü ngẽxguma texéxü̃ quingucuchixẽẽchaü̃gu nax ngẽma yaxõgüxü̃arü ãẽ̱xgacü tixĩxü̃ca̱x, ¡rü taxṹ i cuñuxãẽxü̃ nax namaxã cuyumüxẽxü̃ i wüxi i duü̃xü̃ i tama nüxü̃ cucuáxü̃ i norü maxü̃! Natürü name nixĩ i noxri mea nagu curüxĩnü i ngẽma, erü ngürüãchi tá wüxi i duü̃xü̃ i pecadu üechaxü̃ quingucuchixẽxẽ, rü cugagu tá nixĩ, erü tama ícuxuãxẽ. ¡Rü mea cugüna nadau nax tama pecadugu cunguxü̃ca̱x!

Nüxíraxü̃xü̃ ga popera ga ãẽ̱xgacügüchiga 2:33

Rü yema Yoá namáetaxü̃ rü nadaiaxü̃ ga yema taxre ga yatügü rü guxü̃gutáma ninaguãchi i nüma rü nanegü rü nataagü. Natürü Tupana rü guxü̃gutáma Dabímaxã rü nanegümaxã rü nataagümaxã nataãxẽ rü tá nüxü̃ narüngü̃xẽxẽ nax nüxí mea Iraétanüxü̃maxã inacua̱xgüxü̃ca̱x —ñanagürü ga Charomóü̃.

Echequié 33:6

Natürü ngẽma dauxü̃taeruxü̃ rü ngẽxguma chi nüxü̃ nada̱u̱xgu nax ínangugüxü̃ i ngẽma uanüarü churaragü, rü tama yacueãgu ya norü cornéta nax naxuãẽgüxü̃ca̱x i duü̃xü̃gü, rü chi ngẽmagagu ngẽma uanügü texéxü̃ yama̱xgu rü yíxema rü tümaarü pecadugügagu tá tayu, natürü choma ya Cori ya Tupana rü tá ngẽma dauxü̃taeruxü̃na chacaxü̃ naxca̱x i ngẽma duü̃xü̃arü yuchiga”.

Ore i mexü̃ ga Matéu ümatüxü̃ 21:41

Rü yema chacherdótegüarü ãẽ̱xgacügü rü Ngechuchuxü̃ nangãxü̃gü, rü ñanagürügü: —Ngẽma naanearü yora rü tama nüxü̃́ nangechaü̃tümüü̃ãcüma tá nanadai i ngẽma puracütanüxü̃ i chixri maxẽxü̃. Rü ñu̱xũchi tá nüxna nüxü̃ nadauxẽxẽ i togü i puracütanüxü̃ i mea namaxã ngĩxü̃ itoyexü̃ i diẽru i úbatanü i ngẽxguma norü buxguwa nanguxgu —ñanagürügü.