Ngechuchuarü ngúexü̃gü ga yamugüxü̃arü puracüchiga 18:5 - Tupanaarü Ore

⁵ Rü yexguma Chíra rü Timutéu Coríntiuwa ngugügu ga Machedóniawa ne ĩxü̃, rü nüma ga Pauru inanaxügü nax guxü̃ ga ngunexü̃ nüxü̃ yaxuxü̃ ga Tupanaarü ore. Rü meama Yudíugüxü̃ nangúexẽxẽ nax Ngechuchu rü aixcüma Cristu yixĩxü̃.

Ngechuchuarü ngúexü̃gü ga yamugüxü̃arü puracüchiga 18:5 Referans Kwoze

2 Corintios 5:14

Rü Cristu ya poraãcü toxü̃ ngechaü̃cü nixĩ ya ñu̱xma tomaxã icuácü, erü tayaxõgü nax nüma rü guxãarü pecaduca̱x nayuxü̃ nax yexma nayuxü̃ca̱x ga nũxcümaxü̃xü̃ ga tacüma ga chixexü̃.

Ngechuchuarü ngúexü̃gü ga yamugüxü̃arü puracüchiga 18:28

Rü guxü̃ ga duü̃xü̃güpe̱xewa nüxü̃ nüxü̃ naxĩnüxẽxẽ nax aixcüma ínatüexü̃ ga yema Yudíugü ga tama Ngechuchuxü̃ cua̱xgüchaü̃xü̃. Rü nümagü ga Yudíugü rü taxucürüwama nayaxãgü ga yema Apóru nüxü̃ ixuxü̃, yerü ga nüma ga Apóru rü Tupanaarü ore ga ümatüxü̃wa meama nüxü̃ nanawe̱x nax Ngechuchu rü aixcüma Cristu yixĩxü̃.

Ngechuchuarü ngúexü̃gü ga yamugüxü̃arü puracüchiga 20:21

Rü Yudíugümaxã rü yema tama Yudíugü ixĩgüxü̃maxã nüxü̃ chixu nax namexü̃ nax nüxü̃ naxoexü̃ca̱x ga norü chixexü̃gü rü Tupanaga naxĩnüexü̃ca̱x, rü nüxü̃́ nax yaxõgüãxü̃ca̱x ga tórü Cori ya Ngechuchu.

Ngechuchuarü ngúexü̃gü ga yamugüxü̃arü puracüchiga 17:3

Rü meama naxca̱x nanango̱xẽxẽ ga yema ore, rü namaxã nüxü̃ nixu nax ta̱xacüca̱x nayuxü̃ ga Cristu rü tü̱xcüü̃ wena nax namaxü̃xü̃. Rü ñanagürü: —Yimá Ngechuchu i pemaxã nüxü̃ chixuchigacü, rü yimá nixĩ i aixcüma Cristu ixĩcü —ñanagürü ga Pauru.

Ngechuchuarü ngúexü̃gü ga yamugüxü̃arü puracüchiga 9:22

Natürü ga Chauru rü guxü̃ ga ngunexü̃gu yexeraãcü tama namuü̃ãcüma nüxü̃ nixuchigaama ga ore ga Ngechuchuchiga. Rü inayanangea̱xgüxẽxẽ ga yema Yudíugü ga Damácuwa yexmagüxü̃, yerü meama nanango̱xẽxẽ nax Cristu yixĩxü̃ ga Ngechuchu.

Echequié 3:14

Rü yema Tupanaãxẽ ya Üünexü̃ rü choxü̃ nachixẽxẽ, rü choxü̃ inagaxüchi ga yéma. Rü choma rü ngechaü̃ãcüma rü oegaãẽãcüma chataegu ga yéma. Rü nüma ga Cori ya Tupana rü poraãcü naxme̱xmaxã choxü̃ ningĩ.

Yeremía 20:9

Rü ngẽxguma chi nagu charüxĩnügu nax nüxü̃ charüxoxü̃ nax nüxü̃ chixuxü̃ i curü ore, rü ngẽxguma i ngẽma curü ore i chorü aixepewa ngẽxmaxü̃, rü chi ñoma üxü ya choxü̃ iguxü̃rüxü̃ nixĩ. Rü ngẽma norü naixü̃ rü ñu̱xmata chauxchina̱xãwa nangu. Rü yáxna taa̱x namaxã chaugü chaxĩnüxẽxẽ nax tama nüxü̃ chixuxü̃ca̱x i ngẽma curü ore, natürü tama namaxã chapora.

Yeremía 6:11

Pa Corix, choma rü ta curüxü̃ poraãcüxüchi namaxã chanu i ngẽma duü̃xü̃gü i tama cuga ĩnüechaü̃xü̃. Rü tama yáxna chaxĩnü nax namaxã chanuxü̃ —ñachagürü. Rü yexguma ga nüma ga Cori ya Tupana rü ñanagürü choxü̃: —¡Ẽcü namaxã nanu i ngẽma namawa ngẽxmagüxü̃ i buxü̃gü rü ngẽma ngextü̱xü̃gütücumügü i chixexü̃gu maxẽxü̃! Rü ngẽma uanügü rü tá tüxü̃ ínayauxü̃ ya yíxema iyatüxe tümama̱xmaxã. Rü ngẽxgumarüxü̃ ta, tá tüxü̃ ínayauxü̃ ya yíxema o̱xigü rü yaxguã̱xgü.

Filipenses 1:23

Rü ngẽmaca̱x tama nüxü̃ chacua̱x nax ta̱xacü yixĩxü̃ i cha̱u̱xca̱x rümemaexü̃ i ngẽma taxrewa. Erü ñuxguacü rü chanaxwa̱xe nax chayuxü̃ nax Cristuxü̃tawa changexmaxü̃ca̱x. Rü ngẽma nixĩ i aixcüma yexera rümemaexü̃ i cha̱u̱xca̱x.

Ngechuchuarü ngúexü̃gü ga yamugüxü̃arü puracüchiga 2:36

Rü ñanagürü ga Pedru: —Name nixĩ i guxãma i pema i Iraétanüxü̃ nax nüxü̃ pecua̱xgüxü̃ rü gumá Ngechuchu ga curuchawa peyapotacü, rü Tupana rü marü perü Cori ya Cristuxü̃ nayaxĩxẽxẽ —ñanagürü ga Pedru.

Nüxíraxü̃xü̃ ga popera ga Pedru ümatüxü̃ 5:12

Taenexẽ ya Chilbánu ya mea yaxõcüarü ngü̃xẽẽmaxã pexca̱x chanaxümatü i ñaa nuxmarexü̃ i popera nax pexü̃ chixucu̱xẽgüxü̃ca̱x rü pemaxã nüxü̃ chixuxü̃ca̱x nax ngẽma Tupanaarü ngü̃ẽxẽ i pexna naxãxü̃ rü wüxi i cua̱xruxü̃ nixĩ nax poraãcü pexü̃ nangechaü̃xü̃. Rü name nixĩ i taguma nüxü̃ perüngü̃maexü̃ nax pexü̃ nangechaü̃xü̃.

1 Tesalonicenses 3:2

Rü nagu tarüxĩnüe nax pexü̃tawa tanamuxü̃ ga taenexẽ ga Timutéu nax pexü̃ íyadauxü̃ca̱x. Rü nüma nixĩ i Tupanaarü puracütanüxü̃ i wüxigu tomaxã puracüxü̃ nax nüxü̃ tixuxü̃ca̱x i ngẽma ore i mexü̃ i Cristuchiga. Rü yéma petanüwa tanamu nax pexü̃ nangü̃xẽẽxü̃ca̱x nax yexeraãcü peyaxõgüxü̃ca̱x rü aixcüma petaãẽgüxü̃ca̱x rü yemaacü taguma texé ga petanüwa nüxü̃ rüxoxü̃ca̱x ga yexguma yema guxchaxü̃gü pexü̃́ yexmagu. Erü pematama marü nüxü̃ pecua̱x nax guxãma i yixema nax yaxõgüxü̃ rü ngúxü̃ tá tingegü.

Ngechuchuarü ngúexü̃gü ga yamugüxü̃arü puracüchiga 16:9

Rü yema chütaxü̃gu rü Pauru nango̱xetü rü nüxü̃ nadau ga wüxi ga yatü ga Machedóniacüã̱x ga nape̱xegu chicü. Rü nüxü̃ naca̱a̱xü̃, ñaxü̃maxã: —¡Machedóniawa naxũ, rü toxü̃ rüngü̃xẽxẽ! —ñaxü̃maxã.

Ngechuchuarü ngúexü̃gü ga yamugüxü̃arü puracüchiga 16:1

Rü Dérbewa rü Lístrawa nangugü ga Pauru rü Chíra. Rü yéma nayexma ga wüxi ga yaxõcü ga Timutéugu ãégacü. Rü naé rü wüxi ga Yudíu ga yaxṍxe tixĩ. Rü nanatü rü wüxi ga Griégu nixĩ.

Ngechuchuarü ngúexü̃gü ga yamugüxü̃arü puracüchiga 15:22

Rü yema ore rü norü me nixĩ ga yema ngúexü̃gü ga Ngechuchu imugüxü̃, rü yema yaxõgüxü̃arü ãẽ̱xgacügü, rü guxü̃ma ga yema yaxõgüxü̃. Rü nügümaxã ñanagürügü: —¡Ngĩxã tatanüwa nüxü̃ taxuneta ya taxre ya tamücügü nax Antioquíawa namugüxü̃ca̱x namaxã ya Pauru rü Bernabé! —ñanagürügü. Rü nüxü̃ naxunetagü ga Yúda ga Barchabágu ãégaxü̃ rü Chíra. Rü nümagü ga Yúda rü Chíra rü ãẽ̱xgacügü nixĩ ga natanüwa ga yema yaxõgüxü̃ ga Yerucharéü̃wa yexmagüxü̃.

Ngechuchuarü ngúexü̃gü ga yamugüxü̃arü puracüchiga 10:42

Rü nümatama ga Ngechuchu toxü̃ nimugü nax duü̃xü̃gümaxã nüxü̃ tixuxü̃ca̱x ga norü ore rü namaxã nüxü̃ tixuxü̃ca̱x nax Tupana marü ãẽ̱xgacüxü̃ yangucuchixẽẽxü̃ nax guxü̃ i duü̃xü̃gü i maxẽxü̃ rü yuexü̃xü̃ yacagüxü̃ naxca̱x i norü maxü̃chiga.

Ngechuchuarü ngúexü̃gü ga yamugüxü̃arü puracüchiga 4:20

Erü toma rü taxuacüma nüxü̃ tarüxoe nax nüxü̃ tixuxü̃ ga yema nüxü̃ tadaugüxü̃ rü nüxü̃ taxĩnüexü̃ —ñanagürügü.

Ore i mexü̃ ga Cuáü̃ ümatüxü̃ 15:27

Rü pema rü tá ta chauchigaxü̃ pixugüe, yerü noxri ichanaxügügu ga duü̃xü̃gümaxã nüxü̃ nax chixuxü̃ ga chorü ore, rü woetama marü chauxü̃tawa peyexmagü —ñanagürü ga Ngechuchu.

Ore i mexü̃ ga Cuáü̃ ümatüxü̃ 10:24

Rü yema Yudíugü rü nüxü̃ ínachomaeguãchi, rü ñanagürügü nüxü̃: —¿Ñuxguratáta tomaxã quixaixcüma nax cugü quixuxü̃ nax texé nax quixĩxü̃? Ega aixcüma cuma rü Cristu quixĩxgu, rü ¡mea noxtacüma tomaxã nüxü̃ ixu! —ñanagürügü.

Ore i mexü̃ ga Cuáü̃ ümatüxü̃ 3:28

Pematama rü marü choxü̃ pexĩnüe ga yexguma ñachagu: “Choma rü tama Cristu chixĩ. Natürü choma chixĩ ya Tupana yimá Cristupe̱xegu choxü̃ imuxü̃ nax nüxü̃ chixuxü̃ca̱x i nachiga”, ñachagu.

Ore i mexü̃ ga Cuáü̃ ümatüxü̃ 1:41

Rü yexgumatama ga André, rü naenexẽ ga Chimóü̃ca̱x nayadau. Rü ñanagürü nüxü̃: —Rü marü nüxü̃ itayangau ya yimá nũxcüma Tupana nüxü̃ unetacü ga Cristu —ñanagürü.

Ore i mexü̃ ga Luca ümatüxü̃ 12:50

Rü choma rü tá poraãcü ngúxü̃ chinge, rü chanaxĩ̱xãchiãxẽ ñu̱xmatáta yangu i ngẽma.

Miquéa 3:8

Natürü Cori ya Tupanaãxẽ ya Üünecü rü cua̱x choxna naxã rü mexü̃ i nacüma choxna naxã rü pora choxna naxã nax tama chamuü̃xü̃ca̱x ega Iraétanüxü̃maxã nüxü̃ chixuxgu nax nataxü̃ i ngẽma norü chixexü̃gü i Tupanape̱xewa naxügüxü̃ rü naétü nax namaxã nanuexü̃.

Ore i mexü̃ ga Luca ümatüxü̃ 16:28

Erü ngéma nangẽxmagü ya wüxime̱e̱xpü̱x ya chauenexẽgü. Rü chanaxwa̱xe nax namaxã nüxü̃ nax yanaxuxü̃ca̱x nax tama nua ñaa poxcuchica i poraãcü choxü̃́ ínangúxü̃wa naxĩxü̃ca̱x”, ñanagürü.

Ngechuchuarü ngúexü̃gü ga yamugüxü̃arü puracüchiga 16:12

Rü yéma rü dauxchitagu taxĩ rü Pirípuwa tangugü. Rü gumá nixĩ ya Rómacüã̱xgüarü ĩane ga Machedóniaanegu naxügüne. Rü gumá nixĩ ga guxü̃ne ga ĩanearü tamaene ga yema naanewa. Rü yéma tayexmagü ga ñuxre ga ngunexü̃gü.

Ngechuchuarü ngúexü̃gü ga yamugüxü̃arü puracüchiga 20:23

Rü ngẽma nüxü̃ chacuáxü̃ nixĩ nax Tupanaãxẽ ya Üünecü chomaxã nüxü̃ ixuxü̃ nax guxü̃nema ya ĩane i ngextá íchixũgüxü̃wa rü tá choxü̃ napoxcuexü̃ rü ngúxü̃ tá chingexü̃. Rü ngexicatama nixĩ i nüxü̃ chacuáxü̃.

Ngechuchuarü ngúexü̃gü ga yamugüxü̃arü puracüchiga 20:24

Natürü tama ngẽma ãũcümaxü̃gu charüxĩnü erü nüetama nixĩ ega woo chayu̱xgu. Natürü ngẽma chanaxwa̱xexü̃ nixĩ nax taãẽãcüma chapuracüamaxü̃ nax mea chayanguxẽẽxü̃ca̱x i ngẽma puracü ga tórü Cori ya Ngechuchu choxna ãxü̃ rü nüxü̃ chixuxü̃ca̱x i norü ore i Tupanaarü ngechaxü̃chiga.

2 Corintios 1:19

Erü yimá Ngechuchu ya Cristu ya Tupana Nane ya Chilbánu rü Timutéu rü choma pemaxã nüxü̃ tixuchigacü, rü tama “Ngü̃”, ñanagürü rü ngẽxgumatama “Tama”, ñanagürü. Rü nüma rü aixcüma nayanguxẽxẽ i ngẽma nüxü̃ yaxuxü̃.

2 Corintios 11:9

Rü yexguma petanüwa chayexmagu rü aixcüma choxü̃́ itaxu ga diẽru, natürü taguma texéna ngĩxca̱x chaca. Rü taenexẽgü ga Machedóniaanewa ne ĩxü̃ rü choxna ngĩxü̃ naxãgü ga yema choxü̃́ taxu̱xcü. Rü yemaacü tama petanüwa ngĩxca̱x íchaca ga yexguma. Rü ñu̱xma rü ta tagutáma ta̱xacüca̱x pexna chaca.

1 Tesalonicenses 3:6

Natürü ñu̱xma nax ínanguxü̃ i Timutéu nax petanüwa ne naxũxü̃, rü mexü̃ i ore i pechiga ngéma ne nange. Rü tomaxã nüxü̃ nixu nax mea peyaxõgüxü̃ rü pegü pengechaü̃güxü̃. Rü tomaxã nüxü̃ nixu nax guxü̃guma toxü̃ pengechaü̃güãcüma toxna pecua̱xãchiexü̃. Rü tomaxã nüxü̃ nixu ta nax poraãcü wena toxü̃ pedaugüchaü̃xü̃ ngẽxgumarüxü̃ i toma rü ta wena pexü̃ tadaugüchaüxü̃rüxü̃.