Ngechuchuarü ngúexü̃gü ga yamugüxü̃arü puracüchiga 18:3 - Tupanaarü Ore

³ Rü nüma ga Pauru rü Aquírarüxü̃ rü Prichírarüxü̃ nüxü̃ nacua̱x nax naxchirunaxca̱x ga düxenüarü üwa napuracüxü̃. Rü yemaca̱x ga Pauru rü naxü̃tagu narüxã̱ũ̱x nax wüxigu nügümaxã napuracüexü̃ca̱x.

Ngechuchuarü ngúexü̃gü ga yamugüxü̃arü puracüchiga 18:3 Referans Kwoze

1 Tesalonicenses 2:9

Pa Chauenexẽgüx, pema rü nüxna pecua̱xãchie nax ñuxãcü poraãcü tapuracüexü̃ nax torü õnaca̱x tataxegüxü̃ca̱x ga yexguma petanüwa tayexmagügu. Rü ngunecü rü woo chütacü tapuracüe nax taxúeãxü̃ma wüxi ga guxchaxü̃ tixĩgüxü̃ca̱x ga yexguma petanüwa pemaxã nüxü̃ tixuxgu ga Tupanaarü ore.

1 Corintios 4:12

Rü tipae nax yeü̃cürü toxme̱xmaxã tapuracüexü̃. Rü duü̃xü̃gü rü chixexü̃ tomaxã nixugüe, natürü i toma rü mexü̃ i oremaxã tanangãxü̃gü. Rü towe ningẽxü̃tanü, natürü yáxna namaxã taxĩnüe.

2 Corintios 11:9

Rü yexguma petanüwa chayexmagu rü aixcüma choxü̃́ itaxu ga diẽru, natürü taguma texéna ngĩxca̱x chaca. Rü taenexẽgü ga Machedóniaanewa ne ĩxü̃ rü choxna ngĩxü̃ naxãgü ga yema choxü̃́ taxu̱xcü. Rü yemaacü tama petanüwa ngĩxca̱x íchaca ga yexguma. Rü ñu̱xma rü ta tagutáma ta̱xacüca̱x pexna chaca.

2 Corintios 12:13

Rü yexguma petanüwa chayexmagu rü pemaxã chamecüma, yema guxü̃ma ga togü ga yaxõgüxü̃maxã nax chamecümaxü̃rüü̃tama. Natürü wüxiwaxicatama nixĩ ga íchatüxü̃ yerü petanüwa rü tama ngĩxü̃ chayaxu ga diẽru yema togü ga yaxõgüxü̃tanüwa ngĩxü̃ chayaxuxü̃rüxü̃. Rü chanaxwa̱xe i choxü̃́ nüxü̃ perüngü̃ma i ngẽma.

2 Corintios 11:7

¿Pexca̱x rü chixexü̃ chaxü ga yexguma ngetanüãcüma pemaxã nüxü̃ chixuxgu ga Tupanaarü ore i tüxü̃ maxẽxẽẽxü̃? Rü choma rü aixcüma chaugü ícharüxíraxü̃ nax pexü̃ chataxẽẽxü̃ca̱x i pemax.

1 Corintios 9:14

Rü ngẽxgumarüxü̃ ta ya yíxema nüxü̃ ixugüxe i ore i tüxü̃ maxẽxẽẽxü̃, rü tórü Cori nüxü̃ nixu rü name nixĩ i tanayauxtanü i ngẽma tümaarü puracü.

1 Corintios 9:15

Natürü i chomax rü taguma ngẽmaãcü chanaxü. Rü ñu̱xma nax pexca̱x chanaxümatüxü̃ i ñaa popera, rü tama ta̱xacü choxna pexãxü̃ca̱x nixĩ. Erü ngẽma nax taguma texéxü̃tawa ta̱xacüca̱x íchacaxaxü̃, rü wüxi i chorü taãxẽ nixĩ. Rü narümemae chi nixĩ nax chayuxü̃ naxü̃pa nax texé choxna nayaxuxü̃ i ñaa taãxẽ i choxü̃́ ngẽxmaxü̃.

1 Corintios 9:18

¿Rü ñu̱xma rü ta̱xacü tá nixĩ i chorü natanü naxca̱x i ngẽma puracü i chaxüxü̃? Rü chorü natanü nixĩ i ngẽma taãxẽ i chayaxuxü̃ i ngẽxguma ngetanüãcüma nüxü̃ chixuxgu i ngẽma ore i tüxü̃ maxẽxẽẽxü̃. Rü ngẽmaãcü woo name nax petanüwa chanayaxuxü̃ i chorü natanü nax ngẽmamaxã chamaxü̃xü̃ca̱x, natürü taguma texéna naxca̱x chaca.

1 Tesalonicenses 4:11

¡Rü pora pexü nax mea pemaxẽxü̃ca̱x rü wüxichigü tümame̱xẽmaxã tümaarü puracü taxügüxü̃ca̱x, yema marü pemaxã nüxü̃ tixuxü̃rüxü̃!

Norü taxre ga popera ga ãẽ̱xgacügüchiga 6:2

Rü ngẽmaca̱x, name nixĩ i natü i Yudáü̃wa taxĩ nax ngéma wüxíechigü tanayaxuxü̃ca̱x i wüxi i naixpüta nax ngẽxma tanaxüxü̃ca̱x ya wüxi ya ĩpata nax yimawa tamaxẽxü̃ca̱x —ñanagürügü. Rü yexguma nüma ga Erichéu rü nanangãxü̃ rü ñanagürü: —Marü name, rü ¡ẽcü ngéma pexĩ! —ñanagürü.