Ngechuchuarü ngúexü̃gü ga yamugüxü̃arü puracüchiga 17:26 - Tupanaarü Ore

²⁶ Nüma rü wüxi ga duü̃xü̃watama nanaxü ga guxü̃ma ga duü̃xü̃gü nax guxü̃ i naanewa nangẽxmagüxü̃ca̱x. Rü nüma inaxuneta i ñuxgu tá nax nabuxü̃ i duü̃xü̃gü rü ngexta tá naxãchiü̃xü̃ i wüxichigü.

Ngechuchuarü ngúexü̃gü ga yamugüxü̃arü puracüchiga 17:26 Referans Kwoze

Naanearü ügüchiga 3:20

Rü gumá yatü rü Ébagu ngĩxü̃ naxüéga ga yema naxma̱x yerü ngĩma iyixĩ naé ga guxü̃ma i duü̃xü̃gü i maxẽxü̃.

Maraquía 2:10

¿Rü tama ẽ̱xna i guxãma i yixema rü wüxitama nixĩ ya Tanatü ya Tupana ya guxãxü̃ma ücü? ¿Rü tü̱xcüü̃ i pema rü tama pegümaxã pixaixcümagü ya wüxíechigü? Rü ngẽma pexüxü̃maxã nagu peyanachixexẽxẽ ga yema uneta ga Tupana perü o̱xigümaxã nüxü̃ yaxuxü̃.

1 Corintios 15:22

Rü yexgumarüxü̃ nax Adáü̃gagu guxãma nayuexü̃, rü ngẽxgumarüxü̃ ta Cristugagu tá namaxẽxü̃ i guxü̃ma i duü̃xü̃gü i nüxü̃́ yaxõgüxü̃.

1 Corintios 15:47

Gumá nüxíraü̃cü ga yatü ga waixü̃müwa ücü, rü ñoma ga naanecüã̱x nixĩ. Natürü tórü Cori ya Cristu rü daxũguxü̃ i naanecüã̱x nixĩ.

Wiyaegü 31:15

Rü ñaa chorü maxü̃ rü cuxme̱xwa nangẽxma. Rü chanaxwa̱xe i naxme̱xwa choxü̃ ícunguxuchixẽxẽ i ngẽma chorü uanügü i chowe ingẽxü̃tanüxü̃.

Yox 14:5

Rü cuma nixĩ i nüxü̃ cucuáxü̃ nax ñuxre i ngunexü̃ tá namaxü̃xü̃ i wüxi i duü̃xü̃. Rü cuma nixĩ i nagu cuxunetaxü̃ i ngẽma ngunexü̃ i nagu tá nayuxü̃. Rü ngẽma ngunexü̃ rü taxũtáma nangupetü nax nayuxü̃.

Yox 12:23

Nüma rü nayamuxẽxẽ i ngẽma duü̃xü̃gütücumügü rü ñu̱xũchi inayanaxoxẽxẽ. Rü nanawoone rü ñu̱xũchi wenaxarü wüxigu nanangutaque̱xexẽxẽ.

Naanearü ügüchiga 9:19

Rü yemagü nixĩ ga yema tomaepü̱x ga Noé nanegü. Rü yema Noé nataagüwa rü wenaxarü nimu ga duü̃xü̃gü ga ñoma i naanewa.

Danié 11:35

Rü ngẽxgumarüxü̃ ta i ñuxre i ngẽma nüxü̃ icuáxü̃ nax duü̃xü̃güxü̃ nangúexẽẽxü̃, rü norü uanügü rü tá nawe ningexü̃tanü. Rü ngẽmaãcü Tupana tá nüxü̃ naxü nax nape̱xewa yamexü̃ca̱x. Rü ngẽmaãcü nixĩ rü ñu̱xmata nawa nangu i ngẽma ngunexü̃ ya Tupana nagu unetaxü̃.

Danié 11:27

Rü ngẽma taxre i ãẽ̱xgacügü rü nügümaxã wüxi tátama i mechawa tá narüto nax nachibüexü̃ca̱x. Rü wüxichigü i nüma i norü ĩnüwa rü tá nagu narüxĩnüe nax ñuxãcü tá nügü nada̱i̱xü̃. Rü doraxü̃ tá nügümaxã nixugüe. Natürü ngẽma nagu naxĩnüexü̃ i ngẽma taxre rü taxũtáma ningu erü tauta norü ngunexü̃wa nangu.

Ichaía 14:31

¡Rü pegümaxã pengechaü̃güx, Pa Firitéutanüxü̃arü Ĩanegüx, rü wáita pexüe naxcha̱xwa i ngẽma ngúxü̃ i tá pexca̱x ínguxü̃, rü muü̃maxã pidu̱xrue! Erü nórtewaama ne naxĩ i churaragü i ñoma buanecü i wanagüemaxü̃rüxü̃ ixĩxü̃. Rü ngẽma churaragü i ngéma ne ĩxü̃ rü ínamemaregü nax pexü̃ nada̱i̱xü̃.

Popera ga Yudíugü ga yaxõgüxü̃ca̱x ümatüxü̃ 2:3

Rü yexguma yemaacü napoxcueãgu ga yema duü̃xü̃gü ga tama naga ĩnüexü̃, ¿rü ñuxũcürüwa i yixema i na̱xcha̱xwa ibuxmüxü̃ nax tama tüxü̃ napoxcuexü̃ca̱x ega nüxü̃ ixoegu i ngẽma maxü̃ i mexẽchixü̃ i ñu̱xma Cristugagu tüxna uaxü̃xü̃? Rü nümatama ya tórü Cori nixĩ ga nüxíra naxunagüãxü̃ ga yema maxü̃, rü ñu̱xũchi yixcama nixĩ ga yema nüxü̃ ĩnüexü̃ ga nüxĩ́ mea tüxü̃ nüxü̃ nacua̱xẽẽxü̃ nax aixcüma yixĩxü̃ i tüxü̃́ nangẽxmaxü̃ i ngẽma maxü̃.

Ichaía 45:21

Rü pema nax naxchicüna̱xãgümaxã petupanaã̱xgüxü̃ rü name nax pegüna pecagüxü̃ rü choxü̃ penawéxü̃ i ta̱xacüwa pexü̃ nangü̃xẽẽxü̃ i ngẽma perü tupanagü i nainaxca̱x. ¿Rü texé tixĩ ga noxriarü ügügu naxü̃pa nüxü̃ ixuxe i ngẽma tá ngupetüxü̃? ¿Rü texé tixĩ ga nũxcüma nüxü̃ ixuxe ga yema? ¿Rü tama ẽ̱xna choma ya Cori ya Tupana yixĩxü̃? Rü nataxuma i to ya Tupana, rü chaxicatama nixĩ i choxü̃́ nangẽxmaxü̃ i pora nax pexü̃ chimexẽẽgüxü̃ rü pexü̃ íchanguxü̃xẽẽxü̃.

Ngechuchuarü ngúexü̃gü ga yamugüxü̃arü puracüchiga 15:18

Rü yemaacü nüxü̃ nixu ga nüma ga Cori ya Tupana ga nũxcümama tüxü̃ nüxü̃ cua̱xẽẽcü ga yema” —ñanagürü ga yema ore ga nũxcüma ümatüxü̃.

Wiyaegü 74:17

Rü cuma nixĩ ga cuxunetaxü̃ ga ngextá tá yacuáxü̃ ga naane. Rü cuma nixĩ ga cungo̱xẽẽxü̃ ga mucü rü taunecü.

Ngechuchuarü ngúexü̃gü ga yamugüxü̃arü puracüchiga 14:17

Natürü nüma ga Tupana rü taguma nüxü̃ narüchau nax duü̃xü̃güxü̃ nangü̃xẽẽxü̃. Rü yemaacü nügü tüxü̃ nacua̱xẽxẽ nax aixcüma Tupana yixĩxü̃ i nümax. Rü nümatama nixĩ i núma namuaxü̃ ya pucü rü mea pexü̃́ nayaexẽẽãxü̃ i penetügü. Rü nüma nixĩ i pexna naxããxü̃ i pewemü nax ngẽmaãcü petaãẽgüxü̃ca̱x —ñanagürügü ga Pauru rü Bernabé.

Ichaía 34:17

Rü wüxichigü i ngẽma naeü̃gü rü namaxã nüxü̃ nixunetachigü i nachicachigü. Rü yima naxme̱xmaxã nixĩ i nüxü̃ yaxunetachigüxü̃ i ngẽma naanechigü. Rü guxü̃gutáma ngéma nangẽxmagüecha, rü ñu̱xũchi guxü̃gutáma ngéma namaxẽ.