Ngechuchuarü ngúexü̃gü ga yamugüxü̃arü puracüchiga 17:16 - Tupanaarü Ore

¹⁶ Rü yexguma Pauru rü Aténawa Chíraxü̃ rü Timutéuxü̃ nangu̱xẽẽgu, rü tama nataãẽcüraxü̃ yerü nüxü̃ nadau nax guxü̃wama ga guma ĩanewa rü poraãcü naxchicüna̱xãmaxãmare natupanaã̱xgüxü̃.

Ngechuchuarü ngúexü̃gü ga yamugüxü̃arü puracüchiga 17:16 Referans Kwoze

Wiyaegü 119:158

Rü tama yáxna namaxã chaxĩnü i ngẽma taechitawa̱xegüxü̃ i tama naga ĩnüexü̃ i curü mugü.

Norü taxre ga popera ga Pedru ümatüxü̃ 2:7

Natürü Tupana nanamaxẽxẽ ga Lox ga wüxi ga yatü ga mecü ixĩcü ga poraãcü ngechaü̃cü ga yexguma nüxü̃ nada̱u̱xgu ga ñuxãcü chixexü̃ naxügüxü̃ ga yema duü̃xü̃gü ga natanüwa nayexmaxü̃.

Wiyaegü 119:136

Rü poraãcü chaxaxu erü ngẽma togü rü tama naga naxĩnüe i curü mugü. -18-

Ore i mexü̃ ga Márcu ümatüxü̃ 3:5

Rü nüma ga Ngechuchu rü nuchametüãcüma nüxü̃ nadauwenü ga yema nüxü̃ íchomaeguãchixü̃. Rü nangechaü̃ yerü tama inaxĩnüechaü̃ ga yema duü̃xü̃gü. Rü gumá yatüxü̃ ñanagürü: —¡Iyanawe̱xãchixẽxẽ ya cuxme̱x! —ñanagürü. Rü yexguma ga gumá yatü rü nügü inayarüwe̱xãchime̱xẽxẽxẽ. Rü yexgumatama rü narümexme̱x.

Miquéa 3:8

Natürü Cori ya Tupanaãxẽ ya Üünecü rü cua̱x choxna naxã rü mexü̃ i nacüma choxna naxã rü pora choxna naxã nax tama chamuü̃xü̃ca̱x ega Iraétanüxü̃maxã nüxü̃ chixuxgu nax nataxü̃ i ngẽma norü chixexü̃gü i Tupanape̱xewa naxügüxü̃ rü naétü nax namaxã nanuexü̃.

Yeremía 20:9

Rü ngẽxguma chi nagu charüxĩnügu nax nüxü̃ charüxoxü̃ nax nüxü̃ chixuxü̃ i curü ore, rü ngẽxguma i ngẽma curü ore i chorü aixepewa ngẽxmaxü̃, rü chi ñoma üxü ya choxü̃ iguxü̃rüxü̃ nixĩ. Rü ngẽma norü naixü̃ rü ñu̱xmata chauxchina̱xãwa nangu. Rü yáxna taa̱x namaxã chaugü chaxĩnüxẽxẽ nax tama nüxü̃ chixuxü̃ca̱x i ngẽma curü ore, natürü tama namaxã chapora.

Wiyaegü 69:9

Rü choma rü poraãcü chayanuxũ ya cupata. Rü chauxchama chanangenagü i norü guxchigagü i ngẽma cumaxã rüxuanügüxü̃.

Nüxíraxü̃xü̃ ga popera ga ãẽ̱xgacügüchiga 19:14

Rü nüma ga Ería rü nanangãxü̃ rü ñanagürü: —Nüxü̃ chicua̱xãchi nax poraãcü choxü̃́ cuchúxuxü̃, Pa Cori Pa Tupana ya Guxãxétüwa Ngẽxmacüx. Natürü ngẽma Iraéanecüã̱xgü rü marü nüxü̃ inayarüngümae ga yema namaxã nax icuxügaxü̃. Rü nagu napogüe i ngẽma curü ãmarearü guruü̃gü, rü yimá curü orearü uruü̃gü rü taramaxã nanadai. Rü chaxicatama íchayaxǘ i ñu̱xmax natürü cha̱u̱xca̱x rü ta nadaugü nax choxü̃ yama̱xgüxü̃ca̱x —ñanagürü.

Nüxíraxü̃xü̃ ga popera ga ãẽ̱xgacügüchiga 19:10

Rü nüma ga Ería nanangãxü̃ga rü ñanagürü: —Poraãcü choxü̃́ cuchúxu, Pa Chorü Cori ya Tupana ya Guxü̃étüwa Ngẽxmacüx. Erü ngẽma Iraéanecüã̱xgü rü marü nüxü̃ inarüngümae i ngẽma curü uneta ga namaxã nüxü̃ quixuxü̃, rü nagu napogüe i ngẽma curü ãmarearü guruü̃gü, rü taramaxã tüxü̃ nadai ya yíxema curü orearü uruü̃gü. Rü chaxicatama íchayaxǘ, rü ñu̱xma rü cha̱u̱xca̱x rü ta nadaugü nax choxü̃ yama̱xgüxü̃ca̱x —ñanagürü.

Ngechuchuarü ngúexü̃gü ga yamugüxü̃arü puracüchiga 17:23

Erü ngẽxguma perü ngutaque̱xechicagüwa chixüpetüchigügu, rü nüxü̃ chadau i naxchicüna̱xãgü i nüxü̃ picua̱xüü̃güxü̃. Rü wüxi i nachicawa namaxã chayarüxũ i wüxi i Tupanaarü ãmarearü guruxü̃ i nagu ümatüxü̃ i naéga i ñaxü̃: “Tupana ya tama nüxü̃ icuácü”, ñaxü̃. Rü yimá Tupana ya tama nüxü̃ pecuáãcüma nüxü̃ picua̱xüü̃gücü nixĩ ya choma pemaxã nüxü̃ chixuchigacü.

Ore i mexü̃ ga Cuáü̃ ümatüxü̃ 2:13

Rü marü ningaica ga Yudíugüarü peta ga Üpetüchiga. Rü yemaca̱x ga Ngechuchu rü Yerucharéü̃wa naxũ.

Ngechuchuarü ngúexü̃gü ga yamugüxü̃arü puracüchiga 17:15

Rü yema duü̃xü̃gü ga Pauruxü̃ íxümücügüxü̃, rü wapurugu ínayaxümücügü ñu̱xmata ĩane ga Aténawa nangugü, rü ñu̱xũchi Beréaca̱x nawoegu. Rü Pauru rü yema duü̃xü̃güxü̃ yéma namuga nax paxa naxü̃tawa naxĩxü̃ca̱x ga Chíra rü Timutéu.

Ngechuchuarü ngúexü̃gü ga yamugüxü̃arü puracüchiga 17:21

Rü yemaacü nidexagü, yerü guxü̃ma ga Aténacüã̱x rü yema to ga nachixü̃anecüã̱xgü ga yexma ãchiü̃güxü̃, rü woetama norü me nixĩ nax nüxü̃ naxĩnüexü̃ ga yexwaca̱xüxü̃ ga oregü rü nachiga nax yadexagüxü̃. Rü yexicagu narüxĩnüe.

Ngechuchuarü ngúexü̃gü ga yamugüxü̃arü puracüchiga 18:1

Rü yemawena rü Aténawa inaxũãchi ga Pauru, rü ĩane ga Coríntiuwa naxũ.

Ngechuchuarü ngúexü̃gü ga yamugüxü̃arü puracüchiga 20:22

Rü ñu̱xma rü Yerucharéü̃wa chaxũ erü Tupanaãxẽ ya Üünecü rü ngéma choxü̃ namu. Natürü tama nüxü̃ chacua̱x nax ta̱xacü tá choxü̃ üpetüxü̃ i ngéma.

1 Tesalonicenses 3:1

Rü yexguma taxuacüma wenaxarü petanüwa taxĩxgu, rü düxwa nagu tarüxĩnüe nax toxicatama Aténagu tarüchoxü̃.