Ngechuchuarü ngúexü̃gü ga yamugüxü̃arü puracüchiga 16:36 - Tupanaarü Ore

³⁶ Rü yexguma ga yema poxcupataü̃arü dauruxü̃ rü ñanagürü Pauruxü̃: —Ngẽma ãẽ̱xgacügü rü nua nanamugü i ore nax pexü̃ íchamuxü̃xü̃ca̱x. ¡Rü ẽcü ípechoxü̃, rü mea ípixĩ! —ñanagürü.

Ngechuchuarü ngúexü̃gü ga yamugüxü̃arü puracüchiga 16:36 Referans Kwoze

Ngechuchuarü ngúexü̃gü ga yamugüxü̃arü puracüchiga 15:33

Rü marü ñuxre ga ngunexü̃ yéma nayexmagüguwena, rü ínixĩ. Rü yema yaxõgüxü̃ ga Antioquíacüã̱x, rü taãẽãcüma Yúdaxü̃ rü Chíraxü̃ narümoxẽgü rü meama ínayamugü nax naxca̱x nawoeguxü̃ca̱x ga yema Yerucharéü̃cüã̱x ga noxri natanüwa namugüxü̃.

Ore i mexü̃ ga Cuáü̃ ümatüxü̃ 14:27

Rü ñu̱xma nax pexna íchixũxü̃, rü pexna chanaxã i taãxẽ. Natürü ngẽma taãxẽ i pexna chaxãxü̃, rü tama ñoma i naanecüã̱x pexna ãxü̃ i taãẽrüxü̃ nixĩ. Rü tama chanaxwa̱xe i penaxĩ̱xãchiãẽgü rü pemuü̃e.

Ngechuchuarü ngúexü̃gü ga yamugüxü̃arü puracüchiga 16:27

Rü pewa naba̱i̱xãchi ga yema poxcupataü̃arü dauruxü̃. Rü yexguma nüxü̃ nada̱u̱xgu ga nax yawãxnagüxü̃ ga ĩã̱xgü ga gumá poxcupataü̃ rü nanayaxu ga norü tara nax nügü yamáxü̃ca̱x, yerü nüma nüxü̃ nacua̱xgu rü marü nibuxmü ga yema poxcuexü̃.

Ore i mexü̃ ga Márcu ümatüxü̃ 5:34

Rü nüma ga Ngechuchu rü ñanagürü ngĩxü̃: —Pa Chauxacüx, curüme erü cuyaxõ. ¡Rü taãẽãcü íixũ, erü marü curü da̱xawewa cuxca̱x nitaane! —ñanagürü.

Norü taxre ga popera ga ãẽ̱xgacügüchiga 5:19

Rü yexguma ga Erichéu rü nanangãxü̃ rü ñanagürü: —¡Ẽcü, taãẽãcü nataegu! —ñanagürü. Rü nüma ga Naamáü̃ rü nataegu.

1 Chamué 25:35

Rü yemawena nüma ga Dabí rü nanade ga yema õna ga Abigái naxca̱x yéma naxü̃ rü ñanagürü ngĩxü̃: —Marü name i taãẽãcü cutaegu. Rü marü nüxü̃ chaxĩnü i ngẽma choxna naxca̱x cuca̱xaxü̃, rü marü cuxü̃́ chanayaxu i ngẽma naxca̱x ícuca̱xaxü̃ —ñanagürü ngĩxü̃.

1 Chamué 20:42

Yexguma ga Yonatáü̃ rü Dabíxü̃ ñanagürü: —¡Taãxẽãcüma nataegu! Cuma rü ñu̱xũchi choma rü marü Tupanaégagu nüxü̃ tixugü nax guxü̃gutáma mexü̃ i yigümücügü nax ixĩgüxü̃. Rü Tupanana taca nax guxü̃gutáma tamaxã nangẽxmaxü̃ i yixema taxre, rü ñu̱xũchi namaxã i ngẽma cutaagü rü chautaagü —ñanagürü. Rü yemawena ga Dabí rü nixũ, rü nüma ga Yonatáü̃ rü ĩaneca̱x nataegu.

1 Chamué 1:17

Rü yexguma ga Erí rü ngĩxü̃ nangãxü̃ rü ñanagürü: —¡Ẽcü taãẽãcü nataegu! ¡Rü nüma ya Iraéanecüã̱xgüarü Tupana rü cuxna naxã i ngẽma nüxna naxca̱x cucaxü̃! —ñanagürü.

Ãẽ̱xgacügü ga guxchaxü̃güarü mexẽxẽruü̃gü 18:6

Rü nüma ga gumá chacherdóte ga Lebítanüxü̃ rü nanangãxü̃ rü ñanagürü: —¡Ẽcü taãẽãcüma ipexĩãchi! Erü nüma ya Cori ya Tupana rü tá pexna nadau i ngextá ípexĩxü̃wa —ñanagürü.

Ínachoxü̃xü̃chiga 4:18

Rü yemawena ga Moiché rü na̱xtü ga Yetrúchiü̃ca̱x nataegu, rü ñanagürü tüxü̃: —Tupana nanaxwa̱xe nax Equítuaneca̱x chataeguxü̃ nax íchayadauxü̃ca̱x i chautanüxü̃ rü bexmana namaxẽ —ñanagürü. Rü na̱xtü ga Yetrú tanangãxü̃, rü ñatagürü nüxü̃: —¡Ẽcü ngéma naxũ, rü mea cuxü̃ naxüpetü! —ñatagürü.

Ngechuchuarü ngúexü̃gü ga yamugüxü̃arü puracüchiga 16:23

Rü yexguma marü poraãcü yacua̱i̱xgüãguwena, rü poxcupataü̃gu nanawocu. Rü nüxna naxãga ga yema poxcupataü̃arü dauruxü̃ nax meama nüxna nadauxü̃ca̱x.

Ngechuchuarü ngúexü̃gü ga yamugüxü̃arü puracüchiga 16:35

Rü moxü̃ãcü pa̱xmama rü yema ĩanearü ãẽ̱xgacügü rü yema poxcupataü̃arü dauruü̃xü̃tawa nanamugü ga purichíagü nax namaxã nüxü̃ yanaxugüxü̃ca̱x nax Pauruxü̃ rü Chíraxü̃ ínamuxü̃xü̃ca̱x.