Ngechuchuarü ngúexü̃gü ga yamugüxü̃arü puracüchiga 16:34 - Tupanaarü Ore

³⁴ Rü ñu̱xũchi ga nüma ga poxcupataü̃arü dauruxü̃ rü napatawa Pauruxü̃ rü Chíraxü̃ nagagü. Rü õna nüxna naxã rü nataãxẽ ga nüma rü guxü̃ma ga napatacüã̱xgü ta, yerü Tupanaaxü̃́ nayaxõgü.

Ngechuchuarü ngúexü̃gü ga yamugüxü̃arü puracüchiga 16:34 Referans Kwoze

Romanos 15:13

Rü ñu̱xma i pemax nax nüxü̃́ peyaxõgüxü̃, rü chanaxwa̱xe nax poraãcü pexü̃ nataãẽxẽxẽ ya yimá Tupana ya pexü̃ tauxchaxẽẽcü nax Cristuxü̃ ípenangu̱xẽẽgüxü̃. Rü chanaxwa̱xe i Naãxẽ ya Üünexü̃arü poramaxã Tupana pexü̃ naporaexẽxẽ nax yexeraãcü Cristuxü̃ ípenangu̱xẽẽgüxü̃ca̱x.

Popera ga Filemúü̃ca̱x naxümatüxü̃ ga Pauru 1:7

Rü choma rü poraãcü chataãẽxü̃chi erü aixcüma nüxü̃ cungechaü̃ i ngẽma yaxõgüxü̃. Erü cugagu nixĩ, Pa Chauenexẽx, nax nataãẽgüxü̃ i ngẽma yaxõgüxü̃.

Romanos 5:11

Rü tama ngexicatama nixĩ. Natürü i ñu̱xma rü tórü Cori ya Ngechuchu ya Cristugagu rü Tupanamaxã tataãẽgü, yerü Cristugagu nixĩ ga Tupana ga tamaxã nangüxmüxü̃.

Ngechuchuarü ngúexü̃gü ga yamugüxü̃arü puracüchiga 2:46

Rü guxü̃ ga ngunexü̃gu Tupanapata ga taxü̃newa nangutaque̱xegüxü̃, rü chibüca̱x nangutaque̱xegüxü̃ ga napatagüwa. Rü taãẽãcüma nügümaxã nachibüe.

Nüxíraxü̃xü̃ ga popera ga Cuáü̃ ümatüxü̃ 3:18

Pa Chauxacügüx, tama name i taa̱xmaxã rü tórü oremaxãxicatama nüxü̃ tangechaü̃ i taenexẽ. Natürü tanaxwa̱xe i tórü maxü̃maxã rü tórü ü i mexü̃maxã nüxü̃ tangechaü̃.

Filipenses 4:17

Rü ñu̱xma nax ngẽma ñachaxü̃ rü tama naxca̱x chadau nax wena diẽru choxna pexãxü̃, natürü ngẽma aixcüma chanaxwa̱xexü̃ nixĩ nax Tupana pexü̃́ yamuxẽẽxü̃ i perü diẽru.

Filipenses 4:4

Rü chanaxwa̱xe nax guxü̃guma tórü Corimaxã petaãẽgü. Rü wena pemaxã nüxü̃ chixu, rü ¡petaãxẽgü!

Romanos 5:2

Rü Cristugagu nixĩ nax tamaxã namecümaxü̃ ya Tupana i ñu̱xmax erü tayaxõgü. Rü nüxü̃ tacua̱x rü guxü̃gutáma tamaxã namecüma. Rü tataãẽgü erü nüxü̃ tacua̱x nax tüxü̃́ tá nangẽxmaxü̃ i tachica i mexü̃ i Tupanaxü̃tawa.

Ngechuchuarü ngúexü̃gü ga yamugüxü̃arü puracüchiga 11:14

Rü nüma tá cumaxã nüxü̃ nixu nax ñuxãcü tá cuma rü guxü̃ i cupatacüã̱xmaxã penayaxuxü̃ i maxü̃ i taguma gúxü̃”, ñanagürü ga yema daxũcüã̱x.

Ngechuchuarü ngúexü̃gü ga yamugüxü̃arü puracüchiga 8:39

Rü yexguma dexáwa ínachoõchigu, rü Tupanaãxẽ ya Üünecü rü Ferípexü̃ niga. Rü yema ãẽ̱xgacü rü marü tama wena Ferípexü̃ nadau. Natürü taãẽãcü namagu nixũ.

Ore i mexü̃ ga Luca ümatüxü̃ 19:6

Rü paxa ínarüxĩ ga Chaquéu, rü taãẽãcü Ngechuchuxü̃ nayaxu.

Ore i mexü̃ ga Luca ümatüxü̃ 15:32

Natürü ñu̱xma rü name nixĩ nax ipetaãxẽgüxü̃ rü itaãẽgüxü̃ erü cuenexẽ ga gumá cha̱u̱xca̱x rü marü yucü, rü maxü̃cü taxca̱x ínangu. Rü woo tüxna inayarütaxu, rü wenaxarü taxca̱x nango̱x” —ñatarügü.

Ore i mexü̃ ga Luca ümatüxü̃ 5:29

Rü yixcama ga Lebí rü napatawa Ngechuchuca̱x nanaxü ga wüxi ga taxü̃ ga õna. Rü muxü̃ma ga yatügü ga Lebírüxü̃ diẽruarü degüwa puracüexü̃, rü muxü̃ma ga togü ga duü̃xü̃gü rü ta yéma mechawa narütogü.

Ichaía 61:10

Choma rü Tupanamaxã chataãxẽ. Rü aixcüma poraãcü namaxã chataãxẽ i chorü Tupana erü nüma choxü̃ ínanguxuchixẽxẽ rü pora choxna naxã nax nüxü̃ charüporamaexü̃ca̱x i chorü uanügü. Rü ñoma wüxi i ãxma̱xchaü̃xü̃rüxü̃ chamexchiruxüchi rü ñoma wüxi i ãtechaü̃xü̃rüxü̃ chaugü changa̱xãẽ.

Ichaía 55:12

Rü pemax, Pa Iraétanüxü̃, rü tá taãẽãcü Babiróniaanewa ípechoxü̃, rü mea tá pechixü̃aneca̱x pewoegu. Rü ngẽxguma pexü̃ nadaugügu ya yima ma̱xpǘnegü rü taãẽãcü tá pexü̃ nayauxgü. Rü guxü̃ma i ngẽma naigü i naixnecüwa rüxügüxü̃ rü norü taãẽmaxã tá nixĩãxtanügü.

Gálatas 5:22

Natürü ngẽxguma Tupanaãxẽ ya Üünecü tawa ngẽxmagu, rü yigü tangechaü̃gü, rü tataãẽgü, rü tama yigümaxã tanue, rü yáxna yigümaxã taxĩnüe, rü yigümaxã tamecümagü, rü yigü tarüngü̃xẽẽgü, rü tayanguxẽxẽ i ngẽma nüxü̃ ixuxü̃ rü aixcüma Tupanaaxü̃́ tayaxõgü.

Ngechuchuarü ngúexü̃gü ga yamugüxü̃arü puracüchiga 16:15

Rü yemawena rü ñu̱xũchi íibaie wüxigu namaxã ga guxü̃ma ga ngĩtanüxü̃. Rü yixcaama rü toxü̃ ica̱a̱xü̃ ñaxü̃maxã: —Ngẽxguma pema choxü̃ peda̱u̱xgu nax aixcüma Coriaxü̃́ chayaxõxü̃, rü marü name ega chopatagu peyapegügu —ngĩgürügü. Rü yéma toxü̃ ixĩxẽxẽ.

Ngechuchuarü ngúexü̃gü ga yamugüxü̃arü puracüchiga 16:35

Rü moxü̃ãcü pa̱xmama rü yema ĩanearü ãẽ̱xgacügü rü yema poxcupataü̃arü dauruü̃xü̃tawa nanamugü ga purichíagü nax namaxã nüxü̃ yanaxugüxü̃ca̱x nax Pauruxü̃ rü Chíraxü̃ ínamuxü̃xü̃ca̱x.