Ngechuchuarü ngúexü̃gü ga yamugüxü̃arü puracüchiga 16:32 - Tupanaarü Ore

³² Rü ñu̱xũchi namaxã rü guxü̃ma ga yema napatacüã̱xgümaxã rü ta nüxü̃ nixugüe ga Cori ya Tupanaarü ore.

Ngechuchuarü ngúexü̃gü ga yamugüxü̃arü puracüchiga 16:32 Referans Kwoze

1 Tesalonicenses 2:8

Rü poraãcü pexü̃ tangechaü̃, rü yemaca̱x pexna tanaxã ga Tupanaarü ore. Rü tama Tupanaarü orexicatama pexna taxãxchaü̃ ga yexguma, natürü marü ítamemare nax pexca̱x itanaxãxü̃ i torü maxü̃ rü ta, yerü poraãcü pexü̃ tangechaü̃gü.

Romanos 1:16

Rü taxuca̱xma naxca̱x chaxãne i ngẽma ore i mexü̃. Erü ngẽma ore rü Tupanaarü pora nixĩ. Rü guxãma ya yíxema ya nüxü̃ ĩnüxe rü Cristuaxü̃́ yaxõgüxe rü tüxü̃́ nangẽxma i maxü̃ i taguma gúxü̃. Rü ngẽma maxü̃, rü Yudíugüca̱xchire̱x nixĩ, natürü i ñu̱xma rü guxü̃ma i ngẽma tama Yudíugü ixĩgüxü̃ca̱x rü ta nixĩ.

Efesios 3:8

Rü chaugüca̱x rü choma nixĩ i guxü̃ i Tupanaarü duü̃xü̃güarü ñaxtüwaama chaxüxü̃. Natürü Tupana choxü̃ nangechaü̃ rü choxna nanaxã i ngẽma puracü i mexü̃ nax ngẽma tama Yudíugü ixĩgüxü̃maxã nüxü̃ chixuxü̃ca̱x ga yema mexü̃gü ga taguma iyagúxü̃ ga taxca̱x naxüxü̃ ga Cristu.

Romanos 1:14

Rü nümatama ya Tupana choxü̃ namu nax guxü̃ i duü̃xü̃gümaxã nüxü̃ chixuxü̃ca̱x i norü ore. Rü woo ngẽma poperaxü̃ icuáxü̃ rü woo ngẽma tama poperaxü̃ icuáxü̃, rü woo ngẽma cua̱x nüxü̃́ ngẽxmaxü̃ rü woo ngẽma tama cua̱x nüxü̃́ ngẽxmaxü̃ rü Tupana nanaxwa̱xe nax ngẽmagümaxã nüxü̃ chixuxü̃ i norü ore.

Ore i mexü̃ ga Márcu ümatüxü̃ 16:15

Rü ñanagürü nüxü̃: —¡Guxü̃ i naanewa pexĩ rü guxü̃ i duü̃xü̃gümaxã nüxü̃ peyarüxu i ore i mexü̃!

Ngechuchuarü ngúexü̃gü ga yamugüxü̃arü puracüchiga 16:31

Rü nümagü rü nanangãxü̃gü rü ñanagürügü nüxü̃: —¡Nüxü̃́ yaxõ ya Cori ya Ngechuchu, rü tá cuxü̃́ nangẽxma i maxü̃ i taguma gúxü̃ i cuma rü guxü̃ i cupatacüã̱x! —ñanagürügü.

Ngechuchuarü ngúexü̃gü ga yamugüxü̃arü puracüchiga 16:33

Rü yematama oragu ga chütacü, rü nüma ga yema poxcupataü̃arü dauruxü̃ nayayauxgü ga norü o̱xrigü ga Pauru rü Chíra. Rü yemawena rü ñu̱xũchi ínabaie wüxigu naxma̱xmaxã rü naxacügümaxã.