Ngechuchuarü ngúexü̃gü ga yamugüxü̃arü puracüchiga 16:27 - Tupanaarü Ore

²⁷ Rü pewa naba̱i̱xãchi ga yema poxcupataü̃arü dauruxü̃. Rü yexguma nüxü̃ nada̱u̱xgu ga nax yawãxnagüxü̃ ga ĩã̱xgü ga gumá poxcupataü̃ rü nanayaxu ga norü tara nax nügü yamáxü̃ca̱x, yerü nüma nüxü̃ nacua̱xgu rü marü nibuxmü ga yema poxcuexü̃.

Ngechuchuarü ngúexü̃gü ga yamugüxü̃arü puracüchiga 16:27 Referans Kwoze

Ngechuchuarü ngúexü̃gü ga yamugüxü̃arü puracüchiga 12:19

Rü yemaca̱x ga Eróde rü yema churaragüxü̃ namu nax Pedruca̱x yadaugüxü̃ca̱x. Rü yexguma taxuxü̃ma iyangaugügu, rü Eróde rü yema churaragügutama nayanguxẽxẽ nax nayuexü̃ca̱x. Rü yemawena ga Eróde rü ínaxũxũ ga Yudéaanewa, rü Checharéagu nayaxãchiü̃.

Ore i mexü̃ ga Matéu ümatüxü̃ 27:5

Rü yexguma ga Yúda rü yexma Tupanapata ga taxü̃nechiãgu ngĩxü̃ nawotanü ga yema diẽru. Rü ñu̱xũchi ínixũ rü nügü nayawẽxnaxã.

Nüxíraxü̃xü̃ ga popera ga ãẽ̱xgacügüchiga 16:18

Rü yexguma Zimrí nüxü̃ da̱u̱xgu nax marü guma ĩanegu nachocuxü̃ ga Iraéanearü churaragü, rü wüxi ga ucapu ga ãẽ̱xgacüpatawa yexmaxü̃gu nangaxi rü ñu̱xũchi nawa nanangixichi ga guma ãẽ̱xgacüpata. Rü yexma nixa rü nayu.

2 Chamué 17:23

Rü yexguma Aitópe nüxü̃ cua̱xgu nax tama naxüaxü̃ ga yema nagu naxĩnüxü̃, rü nanaxüxmawe̱xe ga norü búru rü guma norü ĩane ga nagu nabuxü̃newa naxũ ga napatawa. Rü yexguma natanüxü̃maxã namexẽẽãgu ga guxü̃ma ga norü yemaxü̃güchiga, rü yemawena rü nügü nawẽxnaxã. Rü yemaacü nayu rü nanatü ítáxü̃gu nanata̱xgü.

Ãẽ̱xgacügü ga guxchaxü̃güarü mexẽxẽruü̃gü 9:54

Rü yemaca̱x ga nüma ga Abimeréx rü paxa norü ngü̃xẽẽruü̃ca̱x naca rü ñanagürü nüxü̃: —¡Nayaxu i curü tara rü choxü̃ ima̱x! Erü tama chanaxwa̱xe nax wüxi i ngexü̃ choxü̃ imáxü̃ ñagüxü̃ i duü̃xü̃gü —ñanagürü. Rü yexgumatama ga norü ngü̃xẽẽruxü̃ rü norü taramaxã nanacana. Rü yemaacü nayu ga Abimeréx.

Ngechuchuarü ngúexü̃gü ga yamugüxü̃arü puracüchiga 16:28

Natürü tagaãcü aixta naxü ga Pauru, rü ñanagürü nüxü̃: —¡Taxṹ i cugü quimáxü̃! Rü guxãma i toma rü tanuxmagü —ñanagürü.

Ngechuchuarü ngúexü̃gü ga yamugüxü̃arü puracüchiga 16:36

Rü yexguma ga yema poxcupataü̃arü dauruxü̃ rü ñanagürü Pauruxü̃: —Ngẽma ãẽ̱xgacügü rü nua nanamugü i ore nax pexü̃ íchamuxü̃xü̃ca̱x. ¡Rü ẽcü ípechoxü̃, rü mea ípixĩ! —ñanagürü.