Ngechuchuarü ngúexü̃gü ga yamugüxü̃arü puracüchiga 16:25 - Tupanaarü Ore

²⁵ Natürü ngãxü̃cüügu rü nayumüxẽgü ga Pauru rü Chíra, rü nawiyaegü rü Tupanaxü̃ nicua̱xüü̃gü. Rü yema togü ga poxcuexü̃ rü nüxü̃ naxĩnüe.

Ngechuchuarü ngúexü̃gü ga yamugüxü̃arü puracüchiga 16:25 Referans Kwoze

Popera ga Chantiágu ümatüxü̃ 1:2

Pa Chauenexẽgü i Yaxõgüxü̃x, name nixĩ nax petaãẽgüxü̃ i ngẽxguma naguxü̃raü̃xü̃ i guxchaxü̃gü pexca̱x ínguxgu.

Wiyaegü 119:62

Rü ngãxü̃cüxü ícharüda nax moxẽ cuxna chaxãxü̃ca̱x naxca̱x i ngẽma curü mugü i aixcüma mexü̃.

Romanos 5:3

Rü ngẽxgumarüxü̃ ta tataãẽgü i woo ngúxü̃ ingegügu. Erü nüxü̃ tacua̱x rü ngẽma ngúxü̃ rü tüxü̃ narüngü̃xẽxẽ nax yexeraãcü iporaexü̃ rü yáxna namaxã ixĩnüexü̃ca̱x.

Wiyaegü 77:6

Rü nüxna chacua̱xãchi ga yexguma chütacü taãẽãcüma chawiyaegu. Rü chauãẽwa nagu charüxĩnü rü chaugüna chaca:

Popera ga Yudíugü ga yaxõgüxü̃ca̱x ümatüxü̃ 5:7

Rü yexguma Cristu ñoma ga naanewa maxü̃gu, rü poraãcü nayumüxẽ rü tagaãcü rü naxauxãcü Tupanana naca nax nüxü̃ nangü̃xẽẽxü̃ca̱x nax naga naxĩnüxü̃ca̱x, yerü Tupana rü naporachire̱x nax nawa ínanguxuchixẽẽãxü̃ca̱x ga yema yu. Rü Tupana rü Cristuxü̃ naxĩnü yerü Tupanaga naxĩnü.

Efesios 5:19

Rü name nixĩ i Tupanaarü orechigagu rü norü wiyaegügu pegümaxã pidexagü rü pegümaxã nüxü̃ pixu. Rü name nixĩ i naguxü̃raü̃xü̃ i norü wiyaegügu pewiyaegü, nax ngẽmaãcü guxü̃ne ya perü maxü̃nemaxã tórü Corixü̃ picua̱xüü̃güxü̃ca̱x.

Colosenses 1:24

Rü ñu̱xma nax pexca̱x ngúxü̃ chingexü̃ rü chataãxẽ erü nüxü̃ chacua̱x rü ñaa chaxunemaxã choma rü ta chayanguxẽxẽ ga yema ngúxü̃ ga Cristu ingexü̃ naxca̱x i norü duü̃xü̃gü i yaxõgüxü̃.

Romanos 12:12

Rü name nixĩ i taãẽãcü ípenangu̱xẽxẽ ñu̱xmata penayaxu i ngẽma Cristu nüxü̃ unetaxü̃. Rü ngẽxguma ngúxü̃ pexca̱x ínguxgu, rü name nixĩ i yáxna namaxã pexĩnüe. Rü name nixĩ i guxü̃guma peyumüxẽgü.

Wiyaegü 50:15

¡Rü cha̱u̱xca̱x peca ega ngẽxguma guxchaxü̃ pexü̃ ngupetügu! Rü choma rü tá pexü̃ íchapoxü̃ rü pema rü tá choxü̃ picua̱xüü̃gü —ñanagürü ya Tupana.

Yox 35:10

Natürü ngẽma duü̃xü̃gü rü ngẽxguma taxü̃ i guxchaxü̃wa nangẽxmagügu rü tama naxca̱x nadaugü ya yimá Tupana ga nango̱xẽẽcü rü pora nüxna ãcü.

Ichaía 30:29

Natürü i pemax, Pa Tupanaarü Duü̃xü̃güx, rü pexca̱x tá nangẽxma i taãxẽ i ngẽxguma peta i üünexü̃ i chütacü ípexügügurüxü̃. Rü tá petaãẽgü ngẽxguma woweru picueãcüma yima ma̱xpǘne ya Cori ya Tupanapata nawa ngẽxmanegu pexĩgügu. Rü nüma nixĩ i Iraétanüxü̃arü poxü̃ruxü̃ yixĩxü̃.

Wiyaegü 71:7

Rü muxü̃ma i duü̃xü̃gü rü chomaxã naba̱i̱xãchiãẽgü, erü marü chaya. Natürü cuma nixĩ i chorü poxü̃ruxü̃ quixĩxü̃.

Wiyaegü 34:1

Rü guxü̃ i oragu rü Cori ya Tupanamaxã tá mexü̃ chaxuegu, rü cha̱u̱a̱xmaxã rü guxü̃gutáma nüxü̃ chicua̱xüxü̃.

Nüxíraxü̃xü̃ ga popera ga Pedru ümatüxü̃ 4:14

Rü ngẽxguma Cristuaxü̃́ nax peyaxõgüxü̃gagu texé pemaxã guxchigagu, rü name nixĩ i petaãẽgü. Erü ngẽmaãcü nüxü̃ pecua̱x nax Tupanaãxẽ ya Üünecü rü pewa nax nangẽxmaxü̃.

Filipenses 2:17

Rü ñu̱xma nax mea peyaxõgüxü̃, rü ngẽma nixĩ i perü ãmare i Tupanana pexãxü̃. Rü ngẽma nax mea yanguxü̃ca̱x i ngẽma perü ãmare i Tupanape̱xewa, rü choma rü íchamemare nax Tupanaca̱x ichanaxãxü̃ i chorü maxü̃ rü chayuxü̃. Rü ngẽmaca̱x woo chayu̱xgu rü wüxi i taãxẽ tá nixĩ i cha̱u̱xca̱x. Rü chanaxwa̱xe i pemax rü ta wüxigu chomaxã petaãẽgü.

2 Corintios 6:10

Rü woo tangechaü̃gügu, natürü guxü̃guma tataãẽgü. Rü woo ñoma i naanewa tama tamuarü ngẽmaxü̃ã̱xgügu, natürü togagu muxü̃ma i duü̃xü̃gü nanayauxgü i maxü̃ i taguma gúxü̃. Rü woo taxuxü̃ma toxü̃́ nangẽxma i ñoma i naanewa, natürü aixcüma toxü̃́ nangẽxma i guxü̃ma.

Ngechuchuarü ngúexü̃gü ga yamugüxü̃arü puracüchiga 5:41

Rü yema ãẽ̱xgacügüna ínixĩ ga yema ngúexü̃gü. Rü nataãẽgü yerü woetama Tupana nanaxwa̱xe nax yemaacü Ngechuchuca̱x ngúxü̃ yangegüxü̃.

Chacaría 3:8

¡Rü dücax, Pa Yochuéx, rü mea rüxĩnü i cuma nax chacherdótegüarü ãẽ̱xgacü quixĩxü̃! Rü ngẽxgumarüxü̃ ta i cumücügü rü name nax mea inaxĩnüexü̃, erü pema rü wüxi i cua̱xruxü̃ pixĩgü nachiga ya yíxema tá nua chanaxũxẽxẽcü. Erü paxa tá nua petanüwa chanamu i wüxi i choxrü duü̃xü̃ i Dabítaxa i perü ãẽ̱xgacü tá ixĩcü.

Wiyaegü 119:55

Pa Cori Pa Tupanax, rü woo chütacü rü cugu charüxĩnü. Erü chanaxwa̱xe i nagu chamaxü̃ i curü ngu̱xẽẽtae.

Wiyaegü 42:8

Rü guxü̃ i ngunegu rü nüma ya Cori ya Tupana choxü̃ nanawe̱x nax choxü̃ nangechaü̃xü̃. Rü chütacü rü chawiyae rü namaxã chidexa ya Tupana ya choxü̃ maxẽẽcü.

Ore i mexü̃ ga Luca ümatüxü̃ 22:44

Rü yema nax poraãcü nanaxĩ̱xãchiãẽxü̃ ga Ngechuchu, rü yemaca̱x yexeraãcü nayumüxẽ, rü nanaxaiyaãchi. Rü ñoma nagü waixü̃müanewa ichuruxü̃rüxü̃ nixĩ ga norü aiyacü.

Wiyaegü 91:15

Rü ngẽxguma choxna tacaxgu rü choma rü tá tüxü̃ changãxü̃ rü tá tümaxü̃tawa changexma. Rü ngẽxguma guxchaxü̃ tüxü̃ üpetügu rü tá nawa tüxü̃ íchanguxuchixẽxẽ rü poraãcü tá tümamaxã chataãxẽ.

Wiyaegü 77:2

Rü ngẽma ngunexü̃ i guxchaxü̃wa changexmagu rü Tupanaca̱x chadau. Rü taguma nüxü̃ charüchau nax chaxunagüme̱xẽãcüma chütacü chayumüxẽxü̃. Natürü woo ngẽmaãcü chayumüxẽgu rü taguma chataãxẽ.

Popera ga Chantiágu ümatüxü̃ 5:13

Rü ngẽxguma wüxíe i petanüwa naxĩ̱xãchiãẽgu, rü name nixĩ nax tayumüxẽxü̃. Rü ngẽxguma wüxíe taãxẽgu, rü name nixĩ nax tümaarü wiyaemaxã Tupanaxü̃ ticua̱xüxü̃xü̃.

Wiyaegü 22:2

Pa Chorü Tupanax, ngunecü cuxna chaca rü chütacü cuxna chaca rü tama choxü̃ cungãxü̃ rü düxwa chipamare.

Ngechuchuarü ngúexü̃gü ga yamugüxü̃arü puracüchiga 15:22

Rü yema ore rü norü me nixĩ ga yema ngúexü̃gü ga Ngechuchu imugüxü̃, rü yema yaxõgüxü̃arü ãẽ̱xgacügü, rü guxü̃ma ga yema yaxõgüxü̃. Rü nügümaxã ñanagürügü: —¡Ngĩxã tatanüwa nüxü̃ taxuneta ya taxre ya tamücügü nax Antioquíawa namugüxü̃ca̱x namaxã ya Pauru rü Bernabé! —ñanagürügü. Rü nüxü̃ naxunetagü ga Yúda ga Barchabágu ãégaxü̃ rü Chíra. Rü nümagü ga Yúda rü Chíra rü ãẽ̱xgacügü nixĩ ga natanüwa ga yema yaxõgüxü̃ ga Yerucharéü̃wa yexmagüxü̃.

Ngechuchuarü ngúexü̃gü ga yamugüxü̃arü puracüchiga 16:19

Rü yexguma ngĩrü corigü nüxü̃ daugügu nax marü tama ngĩgagu diẽru ngĩxü̃ nax nayauxgüxü̃, rü Pauruxü̃ rü Chíraxü̃ ínayauxü̃, rü ãẽ̱xgacügüpe̱xewa nanagagü ga guma ĩanearü plazawa.

Ngechuchuarü ngúexü̃gü ga yamugüxü̃arü puracüchiga 16:33

Rü yematama oragu ga chütacü, rü nüma ga yema poxcupataü̃arü dauruxü̃ nayayauxgü ga norü o̱xrigü ga Pauru rü Chíra. Rü yemawena rü ñu̱xũchi ínabaie wüxigu naxma̱xmaxã rü naxacügümaxã.