Ngechuchuarü ngúexü̃gü ga yamugüxü̃arü puracüchiga 16:24 - Tupanaarü Ore

²⁴ Rü yexguma yemaxü̃ naxĩnügu ga yema dauruxü̃, rü poxcupataü̃arü aixepeguxüchixü̃ ga ucapugu nanawocu, rü meama nayachotaparagü.

Ngechuchuarü ngúexü̃gü ga yamugüxü̃arü puracüchiga 16:24 Referans Kwoze

Yox 33:11

Rü cadénamaxã choxü̃ nangãxü̃ rü ngẽxguma ta̱xacü chaxüxgu rü guxü̃guma choxü̃ nangugü”, ñacurügü.

Yox 13:27

Rü cadénagümaxã choxü̃ íquichotaparagü. Rü cunangugü i guxü̃ma i ngẽma chaxüxü̃, rü ñu̱xũchi ngextá íchaxũxü̃wa rü cunangugü ya guxü̃ne ya chauchitügü.

Yeremía 29:26

‘Pa Chofoníax, cuma nax chacherdóte quixĩxü̃ rü Cori ya Tupana rü cuxü̃ naxuneta nax Tupanapataarü ãẽ̱xgacü quixĩxü̃ca̱x nachicüxü i chacherdóte i Yoiadá. Rü ngẽxguma ngéma nanguxgu i wüxi i ãũãẽxü̃ i ñoma wüxi i orearü üruü̃ãcü idexaxü̃, rü choma cuxü̃ chamu nax chotapararuü̃wa cunachoxtaparaxü̃ rü cadénamaxã cuyanaíxü̃.

Yeremía 38:26

Natürü cuma rü tá cunangãxü̃ rü ñacurügü tá: “Ãẽ̱xgacüna chacamare nax tama wenaxarü Yonatáü̃patawa ngẽxmaxü̃ i poxcuchicawa choxü̃ namuxü̃ca̱x nax tama ngẽxma chayuxü̃ca̱x” —ñacurügü tá.

Wiyaegü 105:18

Rü poxcupataü̃gu nanapoxcu. Rü fieruwa nayachotanaxãgü rü cadénamaxã nayachotaparagü, rü yemaacü nanapi̱xcutü.

Norü taxre ga to ga popera ga ãẽ̱xgacügüchiga ümatüxü̃ 16:10

Rü yexguma yemaxü̃ naxĩnügu ga Achá rü poraãcü gumá orearü uruxü̃maxã nanu. Rü norü churaragüxü̃ namu nax napoxcugüãxü̃ca̱x. Rü ñu̱xũchi yema ngunexü̃gügu rü poraãcü tümamaxã nachixecüma ga ñuxre ga duü̃xẽgü ga yémacüã̱xgü.

Nüxíraxü̃xü̃ ga popera ga ãẽ̱xgacügüchiga 22:27

¡Rü namaxã nüxü̃ pixu ya ãẽ̱xgacü rü poxcupataü̃gu namua! ¡Rü íxraxü̃ i paũ rü dexáxica nüxna naxãgü rü ñu̱xmatáta mea íchangu nax daiwa ne chaxũxü̃! —ñanagürü.

Yeremía 38:6

Rü yexguma ga nümagü ga norü ngü̃xẽẽruü̃gü rü Yeremíaxü̃ niyauxgü rü wüxi ga ãxmaxü̃ ga dauxü̃taepataã̱xtüwa yexmaxü̃gu nayata̱xcuchigü. Rü yema ãxmaxü̃ rü ãẽ̱xgacü nane ga Maquíaarü nixĩ. Rü wüxi ga napana̱xãmaxã ínanachü̱xüegü. Rü yema ãxmaxü̃ rü nangearü dexáã̱x natürü naxãcharama rü yemaca̱x yéma narüwa̱x ga Yeremía.