Ngechuchuarü ngúexü̃gü ga yamugüxü̃arü puracüchiga 16:21 - Tupanaarü Ore

²¹ Rü tüxü̃ nangúexẽxẽ nax naxaurexü̃ca̱x i nacümagü i tüxna chu̱xuxü̃ i yixema i Rómacüã̱xgü —ñanagürügü.

Ngechuchuarü ngúexü̃gü ga yamugüxü̃arü puracüchiga 16:21 Referans Kwoze

Ester 3:8

Rü nüma ga Amáü̃ rü ãẽ̱xgacü ga Achuéruxü̃tawa naxũ nax namaxã nüxü̃ yanaxuxü̃ca̱x nachiga ga yema. Rü ñanagürü: —Pa Ãẽ̱xgacüx, rü natanüwa i guxü̃ma i ngẽma togü i nachixü̃anecüã̱xgü rü nangẽxma i wüxitücumü i tama togümaxã wüxiguchaü̃xü̃. Erü ngẽma nacümagü rü nanatoraxü̃ rü tama naga naxĩnüe i ngẽma curü mugü, Pa Ãẽ̱xgacüx. Rü ngẽmaca̱x, Pa Ãẽ̱xgacüx, rü tama name nax ñaa naane i namaxã icucuáxü̃wa namaxẽxü̃.

Ngechuchuarü ngúexü̃gü ga yamugüxü̃arü puracüchiga 26:3

Rü yexeraãcü chataãxẽ erü cuma rü meama nüxü̃ cucua̱x i guxü̃ma i tocüma i toma i Yudíugü, rü guxü̃ma i ngẽma naxca̱x yadexagüxü̃ i chautanüxü̃. Rü ngẽmaca̱x cuxna chaca nax mea choxü̃́ icurüxĩnüxü̃ca̱x.

Ngechuchuarü ngúexü̃gü ga yamugüxü̃arü puracüchiga 16:12

Rü yéma rü dauxchitagu taxĩ rü Pirípuwa tangugü. Rü gumá nixĩ ya Rómacüã̱xgüarü ĩane ga Machedóniaanegu naxügüne. Rü gumá nixĩ ga guxü̃ne ga ĩanearü tamaene ga yema naanewa. Rü yéma tayexmagü ga ñuxre ga ngunexü̃gü.

Yeremía 10:3

Rü ngẽma togü i nachixü̃anecüã̱xgü ixõgüxü̃ i naxchicüna̱xãgü rü taxuwama name. Nümagü rü naixnecüwa wüxi rü naixpüta nidaegü. Rü wüxi i nüxü̃ cuáxü̃ rü norü purumóü̃maxã nanaxü i ngẽma naxchicüna̱xã.

Ore i mexü̃ ga Matéu ümatüxü̃ 12:2

Rü yexguma yemaxü̃ nadaugügu ga Parichéugü rü ñanagürügü Ngechuchuxü̃: —Dücax i curü ngúexü̃gü rü chixexü̃ naxügü. Erü ngü̃xchigaarü ngunexü̃gu nanaxügü i ngẽma ngü̃chigaarü ngunexü̃gu chu̱xuxü̃ —ñanagürügü.

Ngechuchuarü ngúexü̃gü ga yamugüxü̃arü puracüchiga 16:20

Rü ãẽ̱xgacügüna nanaxuaxü̃ ga yema ngĩrü corigü, rü ñanagürügü: —Ñaa Yudíugü rü tórü ĩanewa nananuexẽxẽ i duü̃xü̃gü.