Ngechuchuarü ngúexü̃gü ga yamugüxü̃arü puracüchiga 16:15 - Tupanaarü Ore

¹⁵ Rü yemawena rü ñu̱xũchi íibaie wüxigu namaxã ga guxü̃ma ga ngĩtanüxü̃. Rü yixcaama rü toxü̃ ica̱a̱xü̃ ñaxü̃maxã: —Ngẽxguma pema choxü̃ peda̱u̱xgu nax aixcüma Coriaxü̃́ chayaxõxü̃, rü marü name ega chopatagu peyapegügu —ngĩgürügü. Rü yéma toxü̃ ixĩxẽxẽ.

Ngechuchuarü ngúexü̃gü ga yamugüxü̃arü puracüchiga 16:15 Referans Kwoze

Ngechuchuarü ngúexü̃gü ga yamugüxü̃arü puracüchiga 11:14

Rü nüma tá cumaxã nüxü̃ nixu nax ñuxãcü tá cuma rü guxü̃ i cupatacüã̱xmaxã penayaxuxü̃ i maxü̃ i taguma gúxü̃”, ñanagürü ga yema daxũcüã̱x.

Popera ga Yudíugü ga yaxõgüxü̃ca̱x ümatüxü̃ 13:2

Tama name nax nüxü̃ ipeyarüngümaexü̃ nax meama penayaxuxü̃ i ngẽma duü̃xü̃gü i pepatawa ngugüxü̃. Erü nüxü̃ tacua̱x rü nümaxü̃ ga yemaacü naxügüxü̃ rü ñuxguacü tama nüxü̃ nacuáãcüma bexma Tupanaarü orearü ngeruü̃gü i daxũcüã̱xü̃ mea nayauxgü.

Ngechuchuarü ngúexü̃gü ga yamugüxü̃arü puracüchiga 16:33

Rü yematama oragu ga chütacü, rü nüma ga yema poxcupataü̃arü dauruxü̃ nayayauxgü ga norü o̱xrigü ga Pauru rü Chíra. Rü yemawena rü ñu̱xũchi ínabaie wüxigu naxma̱xmaxã rü naxacügümaxã.

Ore i mexü̃ ga Luca ümatüxü̃ 24:29

Natürü ga yema ngúexü̃gü rü nüxü̃ naca̱a̱xü̃gü nax yexma naxã́ũxü̃ca̱x, rü ñanagürügü: —¡Nuxma toxü̃tagu nape, erü marü nayáuane, rü paxa tá nachüta! —ñanagürügü. Rü yexguma ga Ngechuchu rü nawe yexma narüxã̱ũ̱x.

Naanearü ügüchiga 19:3

Natürü nüma ga Lox rü nüxü̃ nica̱a̱xü̃chigüama, rü yemaca̱x ga nümagü rü düxwa naga naxĩnüe nax napatawa naxĩxü̃ca̱x. Rü yexguma ĩpatawa nangugügu, rü Lox rü norü õna ga mexü̃ namexẽxẽ. Rü paũ ga ngearü pu̱xẽẽruü̃ã́xü̃ ta naxü. Rü nümagü ga yema naxü̃tawa ngugüxü̃ rü nachibüe.

Norü tomaepü̱x ga popera ga Cuáü̃ ümatüxü̃ 1:5

Pa Chauenexẽ i Cuxü̃ Changechaü̃xex, mexü̃ cuxü erü nüxü̃ curüngü̃xẽxẽ i ngẽma togü i taenexẽgü, rü woo ngẽma taenexẽgü i tóxnamana ne ĩxü̃ i cuxü̃tawa ngugüxü̃ rü nüxü̃ curüngü̃xẽxẽ.

Nüxíraxü̃xü̃ ga popera ga Pedru ümatüxü̃ 5:12

Taenexẽ ya Chilbánu ya mea yaxõcüarü ngü̃xẽẽmaxã pexca̱x chanaxümatü i ñaa nuxmarexü̃ i popera nax pexü̃ chixucu̱xẽgüxü̃ca̱x rü pemaxã nüxü̃ chixuxü̃ca̱x nax ngẽma Tupanaarü ngü̃ẽxẽ i pexna naxãxü̃ rü wüxi i cua̱xruxü̃ nixĩ nax poraãcü pexü̃ nangechaü̃xü̃. Rü name nixĩ i taguma nüxü̃ perüngü̃maexü̃ nax pexü̃ nangechaü̃xü̃.

Popera ga Filemúü̃ca̱x naxümatüxü̃ ga Pauru 1:17

Rü ngẽmaca̱x, rü ngẽxguma cuxca̱x rü aixcüma cuenexẽ nax chixĩxü̃, rü chanaxwa̱xe i mea cunayaxu i Onéchimu, ñoma choxü̃ cuyaxuxü̃rüxü̃.

Filipenses 1:7

Rü aixcüma name nax ngẽmaãcü pemaxã nagu charüxĩnüxü̃ i guxãma i pemax, erü poraãcü pexü̃ changechaü̃ rü Tupana rü wüxigu tüxü̃ narüngü̃xẽxẽ i guxãma i yixema. Rü woo ñu̱xma nax chapoxcuxü̃ rüe̱xna ega ãẽ̱xgacügüpe̱xewa choxü̃ nagagügu, rü Tupana choxü̃ narüngü̃xẽxẽ i ngẽxguma norü oreétüwa chidexagu rü ãẽ̱xgacügümaxã nüxü̃ chixuxgu nax ngẽma orewa yixĩxü̃ i nüxü̃ iyarünga̱u̱xü̃ i tórü maxü̃ i taguma gúxü̃. Rü nüxü̃ chacua̱x rü ngẽma choxü̃ nangü̃xẽẽxü̃ãcüma, rü pexü̃ rü ta narüngü̃xẽxẽ.

Efesios 1:1

Pa Chauenexẽgü ya Epéchiuwa Ngẽxmagüxe, choma i Pauru pexca̱x chanaxümatü i ñaa popera. Rü choma nixĩ ya Tupana choxü̃ yaxuxü̃ nax Ngechuchu ya Cristu choxü̃ muxü̃ca̱x nax nüxü̃ chixuxü̃ca̱x i norü ore. Rü pexca̱x chanaxümatü i guxãma i pema ya Epéchiuarü ĩanewa ngẽxmagüxe ya Tupanaarü duü̃xü̃gü ixĩgüxe ya Ngechuchu ya Cristuaxü̃́ yaxõgüxe.

Gálatas 6:10

Rü ngẽmaca̱x ngẽxguma tüxü̃́ natauxchagu nax ta̱xacümaxã togüxü̃ rüngü̃xẽẽxü̃, rü name nixĩ i guxãxü̃ma tarüngü̃xẽxẽ. Natürü yexera tanaxwa̱xegü nax nüxü̃ rüngü̃xẽẽgüxü̃ i ngẽma taenexẽgü rü taeya̱xgü i yaxõgüxü̃.

2 Corintios 12:11

Bexmana ñoma wüxi i ãũãẽxü̃rüxü̃ chidexa, natürü pegagutama nixĩ i düxwa ngẽmaãcü chaugüétüwa chidexaxü̃. Natürü pema chi nixĩ ga chauétüwa pidexagüxü̃ rü tama i chomax. Rü woo taxuwama chame i chomax, natürü taxuwama choxü̃ narüyexeragü i ngẽma orearü uruü̃güneta i nawe perüxĩxü̃.

2 Corintios 5:14

Rü Cristu ya poraãcü toxü̃ ngechaü̃cü nixĩ ya ñu̱xma tomaxã icuácü, erü tayaxõgü nax nüma rü guxãarü pecaduca̱x nayuxü̃ nax yexma nayuxü̃ca̱x ga nũxcümaxü̃xü̃ ga tacüma ga chixexü̃.

Romanos 16:23

Rü pexü̃ narümoxẽ ta ya Gáyu ya napatawa changexmacü. Rü nüma rü inanaxã ya daa napata nax nawa nangutaque̱xegüxü̃ca̱x i guxü̃ma i yaxõgüxü̃. Rü ngẽxgumarüxü̃ ta pexü̃ narümoxẽgü i Erástu i daa ĩanearü diẽruarü dauruxü̃ ixĩxü̃, rü taenexẽ i Cuártu.

Norü taxre ga popera ga Cuáü̃ ümatüxü̃ 1:10

Rü ngẽxguma chi wüxi i duü̃xü̃ petanüwa nguxgu, rü tama yema Cristu tüxü̃ ngúexẽẽxü̃maxã pexü̃ nangúexẽẽgu, rü ¡taũtáma penayaxu i pechiü̃wa rü bai i nüxü̃ perümoxẽgü!

Ngechuchuarü ngúexü̃gü ga yamugüxü̃arü puracüchiga 18:8

Rü Críspo ga ngutaque̱xepataü̃arü ãẽ̱xgacü rü naxma̱x rü guxü̃ma ga naxacügü rü Cori ya Ngechuchuaxü̃́ nayaxõgü. Rü yexgumarüxü̃ ta muxü̃ma ga Coríntiucüã̱xgü rü nayaxõgü ga yexguma nüxü̃ naxĩnüegu ga yema ore, rü ínabaiü̃.

Ngechuchuarü ngúexü̃gü ga yamugüxü̃arü puracüchiga 8:38

Rü yexguma ínayachaxãchixẽxẽ ga norü caru, rü wüxigu dexáchíüwa nachoü̃. Rü Ferípe ínanabaiexẽxẽ ga yema ãẽ̱xgacü.

Ngechuchuarü ngúexü̃gü ga yamugüxü̃arü puracüchiga 8:12

Natürü yexguma yema duü̃xü̃gü yaxõgügu ga yema ore ga Ferípe namaxã nüxü̃ ixuxü̃ ga Ngechuchu ya Cristuchiga rü ñuxãcü ãẽ̱xgacü nax yixĩxü̃ ya Tupana, rü muxü̃ma ga yatüxü̃gü rü ngexü̃gü rü ínabaiü̃.

Ore i mexü̃ ga Luca ümatüxü̃ 14:23

Rü yexguma ga norü cori rü ñanagürü nüxü̃: “¡Paxa ngéma nama i taxü̃güwa rü nama i íraxü̃güwa naxũ, rü nua nagagü i togü i duü̃xü̃gü nax nuxã chopatagu nachocuxü̃ca̱x, rü ngẽmaãcü nax naxããcuxü̃ca̱x ya daa chopata!

Ore i mexü̃ ga Matéu ümatüxü̃ 10:41

Rü texé ya wüxi i Tupanaarü orearü uruü̃xü̃ yaxúxe erü orearü uruxü̃ nixĩ, rü tá ngẽmatama ãmare i wüxi i orearü uruxü̃ yaxuxü̃raxü̃xü̃ tátama tayaxu. Rü texé ya wüxi i yatü i mecümaxü̃xü̃ yaxúxe erü namecüma, rü tá ngẽmatama ãmare i wüxi i yatü i mecümaxü̃ yaxuxü̃raxü̃xü̃ tayaxu.

Norü taxre ga popera ga ãẽ̱xgacügüchiga 4:8

Rü wüxi ga ngunexü̃gu rü ĩane ga Chunéü̃wa naxüpetü ga Erichéu. Rü yéma iyexma ga wüxi ga nge ga guma ĩanegu ãchiü̃cü rü mexü̃ ga ngĩchiga ngĩxü̃́ yexmacü. Rü Erichéuna ixu ga ngĩchiü̃wa nax nachibüxü̃ca̱x. Rü guxü̃guma ga yexguma yéma naxüpetüü̃xgu ga Erichéu, rü yexma ngĩxü̃tagu ínidauuxü̃ rü yéma inichibüü̃.

1 Chamué 28:23

Rü nüma ga Chaú rü tama nachibüchaü̃, natürü ga yema norü churaragüerugü rü ñu̱xũchi ga ngĩma ga yema nge rü nüxü̃ ica̱a̱xü̃güama. Rü yemaca̱x düxwa: —Ngü̃ —ñanagürü. Rü yexgumatama inachi ga ñaxtüanegu nax nanguxü̃, rü wüxi ga pechicaxü̃wa narüto.

Naanearü ügüchiga 33:11

Rü cuxü̃ chaca̱a̱xü̃ nax choxü̃́ cunayaxuxü̃ i ñaa ãmare i nua cuxca̱x changexü̃ erü Tupana rü choxü̃ namuarü ngẽmaxü̃xã̱xẽxẽ rü taxuxü̃ma choxü̃́ nataxu —ñanagürü. Rü nüma ga Acóbu rü nüxna nayaxãchigüama rü yemaca̱x ga Echaú rü düxwa nanayaxu ga yema ãmare. Rü yemawena rü ñanagürü: —¡Ngĩxã tawoegu i nua! Choma rü yoxni tá cupe̱xegu chixũ —ñanagürü.

Ore i mexü̃ ga Matéu ümatüxü̃ 3:6

Rü guxema duü̃xẽgü ga nüxü̃ ixugüxe ga tümaarü pecadugü, rü Cuáü̃ rü tüxü̃ ínabaiü̃xẽxẽ ga natü ga Yudáü̃wa.

Ngechuchuarü ngúexü̃gü ga yamugüxü̃arü puracüchiga 16:31

Rü nümagü rü nanangãxü̃gü rü ñanagürügü nüxü̃: —¡Nüxü̃́ yaxõ ya Cori ya Ngechuchu, rü tá cuxü̃́ nangẽxma i maxü̃ i taguma gúxü̃ i cuma rü guxü̃ i cupatacüã̱x! —ñanagürügü.

Ngechuchuarü ngúexü̃gü ga yamugüxü̃arü puracüchiga 16:34

Rü ñu̱xũchi ga nüma ga poxcupataü̃arü dauruxü̃ rü napatawa Pauruxü̃ rü Chíraxü̃ nagagü. Rü õna nüxna naxã rü nataãxẽ ga nüma rü guxü̃ma ga napatacüã̱xgü ta, yerü Tupanaaxü̃́ nayaxõgü.