Ngechuchuarü ngúexü̃gü ga yamugüxü̃arü puracüchiga 15:17 - Tupanaarü Ore

¹⁷ Rü ngẽmaãcü tá nüxü̃ charüngü̃xẽxẽxü̃ nax ngẽma duü̃xü̃gü i tama Yudíugü ixĩgüxü̃ rü cha̱u̱xca̱x nadaugüxü̃ca̱x, wüxigu namaxã i chorü duü̃xü̃gü i Yudíugü i choma chadexü̃.

Ngechuchuarü ngúexü̃gü ga yamugüxü̃arü puracüchiga 15:17 Referans Kwoze

Chacaría 2:11

Rü ngẽxguma nawa nanguxgu i ngẽma ngunexü̃ rü muxü̃tama i nachixü̃anegü rü tá Cori ya Tupanawe narüxĩ. Rü nüma rü ñanagürü tá: —Ngẽma nachixü̃anegüarü duü̃xü̃gü rü tá chorü duü̃xü̃gü nixĩgü. Rü choma rü tá natanüwa chamaxü̃ —ñanagürü. Rü ngẽmaãcü i pema rü tá nüxü̃ picua̱xãchitanü nax nüma yixĩxü̃ i choxü̃ namuxü̃ nax pemaxã nüxü̃ chixuxü̃ca̱x i norü ore.

Ichaía 65:1

Tupana rü ñanagürü: —Yema duü̃xü̃gü ga taxuxü̃ma ga ta̱xacüca̱x choxna cagüxü̃ nixĩ ga chauxü̃tawa ĩxü̃. Rü yema duü̃xü̃gü ga tama cha̱u̱xca̱x daugüxü̃ nixĩ ga choxü̃ yangaugüxü̃. Rü duü̃xü̃gü ga taguma chomaxã idexagüxü̃maxã nixĩ ga nüxü̃ ñachaxü̃: “Chanuxma nixĩ”, ñachaxü̃.

Ochéa 2:23

Rü choma rü wena táxarü chorü naanewa chanangexmagüxẽxẽ i chorü duü̃xü̃gü. Rü wena táxarü choxü̃́ nangechaü̃tümüxü̃gü. Rü pema i chorü duü̃xü̃gü i Iraéanecüã̱xgümaxã tá nüxü̃ chixu rü ñachagürü tá: “Pema rü marü chorü duü̃xü̃gü pixĩgü”, ñachagürü tá. Rü ngẽxguma i pemax rü ñaperügü tá: “Cuma nixĩ i torü Tupana quixĩxü̃”, ñaperügü tá —ñanagürü ya Tupana.

Maraquía 1:11

Rü guxü̃ma i nachixü̃anegü i ñoma i naanecüã̱x rü duü̃xü̃gü choxü̃ nicua̱xüü̃gü, rü pumarate̱xe cha̱u̱xca̱x nigugü rü ãmare choxna naxãgü.

Yeremía 16:19

Rü choma i Yeremía rü Cori ya Tupanana chacaama rü ñachagürü: —Pa Corix ya Chorü Poraxẽẽruxü̃ rü Chorü Tüpechitaruxü̃, rü cuma nixĩ i choxü̃ ícupoxü̃xü̃ i ngẽxguma ãũcümaxü̃wa changexmagu. Rü cuxü̃tawa tá naxĩ i nachixü̃anecüã̱xgü i naane iyacuáxü̃wa ne ĩxü̃, rü cuxü̃ tá ñanagürügü: “Yema nũxcümaü̃güxü̃ ga torü o̱xigü rü yema taxuwama mexü̃ rü ngearü poraáxü̃ ga tupananetachicüna̱xãgü nixĩ ga namaxã natupanaã̱xgüxü̃”, ñanagürügü tá.

Yeremía 14:9

¿Rü ta̱xacüca̱x ñoma wüxi i yatü i naxĩxãchiãẽxü̃rüxü̃ quixĩ? ¿Rü ta̱xacüca̱x ñoma wüxi i churara i taxuacüma tüxü̃ rüngü̃xẽẽxü̃rüxü̃ quixĩ? Natürü, Pa Corix, cuma rü totanüwa cungexma, rü guxü̃ma i toma nüxü̃ tacua̱x nax curü duü̃xü̃gü tixĩgüxü̃. ¡Rü taxṹ i toxü̃ ícuwogüxü̃! —ñanagürü ga Yeremía.

Ichaía 11:10

Rü ngẽxguma yimá Dabítaxa ingucuchigu nax ãẽ̱xgacü yixĩxü̃ca̱x rü tá wüxi i cua̱xruxü̃ nixĩ naxca̱x i guxü̃ma i duü̃xü̃gü. Rü guxü̃ i nachixü̃anegücüã̱x rü tá naxca̱x nayadaugü rü naxca̱x nangutaque̱xegü. Rü ngẽma nachica i nawa nangẽxmaxü̃ rü tá naxüüne.

Naanearü ügüchiga 49:10

Rü nüma ya Yudá rü taxúetama nüxna tanayaxu i ngẽma norü pora. Rü yimá naixmena̱xã ya norü poraarü cua̱xruxü̃ ya naxme̱xwa ngẽxmane rü taxúetama nüxna tanayaxu ñu̱xmatáta ínangu ya yimá naixmena̱xãarü yora ya guxü̃arü ãẽ̱xgacü ixĩcü. Rü yimága tá nixĩ i naxĩnüexü̃ i guxü̃ma i duü̃xü̃gü.

Naanearü ügüchiga 22:18

Rü cutaagügagu tá nixĩ i nüxü̃ charüngü̃xẽxẽxü̃ i guxü̃ma i nachixü̃anegü, erü aixcüma mea chauga cuxĩnü”, ñanagürü cuxü̃ ya Cori ya Tupana —ñanagürü.

Miquéa 5:7

Rü ngẽxguma i ngẽma Iraétanüxü̃ i íyaxügüxü̃ i ñu̱xma togü i nachixü̃anegütanüwa ngẽxmagüxü̃, rü Tupana rü tá namaxã inacua̱x ñoma cherenamaxã rü pucü i maxẽétügu puxü̃maxã inacuáxü̃rüxü̃. Rü taxũtáma nanaxwa̱xegü nax duü̃xü̃güarü ngü̃xẽẽca̱x nadaugüxü̃ erü Tupana tá nixĩ i nüxü̃ rüngü̃xẽẽcü.

Amúx 9:12

Rü ngẽmaãcü, Pa Iraétanüxü̃x, rü pexrü tá nixĩ i ngẽma íyaxüxü̃ i Edóü̃ane rü guxü̃ma i ngẽma nachixü̃anegü ga ü̃pa Iraétanüxü̃me̱xẽwa yexmagüxü̃. Rü choma ya Cori ya Tupana nixĩ i ngẽma ñachaxü̃. Rü choma rü tá chayanguxẽxẽ i ngẽma —ñanagürü.

Joel 2:32

Natürü guxãma ya texé ya aixcüma Tupanaga ĩnüxe rü taxũtáma tapoxcue. Erü yima ma̱xpǘne ya Chióü̃ ya Yerucharéü̃wa ngẽxmanewa tá nango̱x ya yimá Maxẽxẽxẽruxü̃ yema Cori ya Tupana pemaxã inaxunetaxü̃rüxü̃. Rü yíxema nüma tüxü̃ nidexechixe rü taxũtáma tapoxcue.

Danié 9:19

Pa Corix, Pa Corix ¡toxü̃ naxĩnü rü toxü̃́ nüxü̃ irüngüma i torü chixexü̃ rü toxü̃ rüngü̃xẽxẽ! ¡Rü paxa toxü̃ nangãxü̃, Pa Corix! Rü cugüégagutama, rü yima curü ĩaneégagu rü curü duü̃xü̃gü i cuégagu yumü̃xẽgüxü̃égagu cuxna chaca nax paxa toxü̃ curüngü̃xẽẽxü̃ —ñachagürü.

Danié 4:35

Rü ngẽma duü̃xü̃gü i ñoma i naanewa maxẽxü̃ rü cupe̱xewa, Pa Tupanax, rü taxuxü̃ma nixĩgü. Rü cuma cunaxwa̱xexü̃ãcü namaxã icucua̱x i dauxü̃guxü̃ i naane rü ñoma i naane. Rü tataxuma ya texé ya curü poraxü̃ rüyexeraxe. Rü tataxuma ya texé ya tüxü̃́ nangẽxmaxe i pora nax cuxna taca̱xaxü̃ rü ‘¿tü̱xcüü̃ cunaxü i ngẽma cuxüxü̃?’ ñachagürü.

Iraétanüxü̃arü muxchiga 24:23

Rü yemawena rü nüxü̃ nixu i ngẽma tá yixcüra ngupetüxü̃, rü ñanagürü: —Wüxi i taxü̃ i ngechaü̃ tá nixĩ tümaca̱x ya yíxema duü̃xẽgü ya maxẽxe i ngẽxguma Cori ya Tupana yanguxẽẽgu i guxü̃ma i ngẽma.

Iraétanüxü̃arü muxchiga 6:27

Rü guxü̃gutáma i ngẽxguma ngẽma ñagügu i chacherdótegü rü choma rü tá chayanguxẽxẽ i ngẽma chauégagu nüxü̃ yaxugüxü̃ —ñanagürü ga Tupana.

Naanearü ügüchiga 48:16

Rü cuma nixĩ i cunamuxü̃ i curü orearü ngeruxü̃ i daxũcüã̱x nax choxü̃ ícupoxü̃xü̃ca̱x nawa i guxü̃ma i ãũcümaxü̃gü. ¡Rü mexü̃ namaxã naxuegu i ñaa buxü̃gü! Rü chanaxwa̱xe i ñaa buxü̃gügagu duü̃xü̃gü nüxna nacua̱xãchie i chauéga rü chorü o̱xi ga Abraáü̃éga rü chaunatü ga Ichaáéga. ¡Rü yamuxẽxẽ i naxacügü nax ngẽmaãcü namuxũchixü̃ca̱x i nataagü i ñoma i naanewa! —ñanagürü.

Wenaxarü naxümatü ga Tupanaarü mugü 28:10

Rü ngẽxguma i guxü̃ma i togü i nachixü̃anecüã̱xgü i ñoma i naanewa ngẽxmagüxü̃ rü tá nüxü̃ nadaugü nax pemax rü aixcüma Cori ya Tupanaarü duü̃xü̃gü pixĩgüxü̃, rü ngẽmaca̱x tá pexü̃ namuü̃e.

Ichaía 63:19

Rü ñu̱xma rü toma rü ñoma taguma tomaxã icucuáxü̃rüxü̃ tixĩgü. Rü ñoma taguma cuxü̃ tacuáxü̃rüxü̃ tixĩgü.

Popera ga Chantiágu ümatüxü̃ 2:7

¿Taux ẽ̱xna ngẽma diẽruã̱xgüxü̃ yixĩxü̃ i chixexü̃ namaxã ixugüexü̃ i naéga i mexechixü̃ ya perü Cori ya Cristu?