Ngechuchuarü ngúexü̃gü ga yamugüxü̃arü puracüchiga 14:4 - Tupanaarü Ore

⁴ Natürü ga gumá ĩanecüã̱x ga duü̃xü̃gü rü nitoye. Rü nümaxü̃ rü yema Yudíugüwaama naxügü rü togü rü Pauru rü Bernabéwaama naxügü.

Ngechuchuarü ngúexü̃gü ga yamugüxü̃arü puracüchiga 14:4 Referans Kwoze

Ngechuchuarü ngúexü̃gü ga yamugüxü̃arü puracüchiga 28:24

Rü nümaxü̃ rü nayaxõgü ga yema Pauru namaxã nüxü̃ ixuxü̃, natürü ga togü rü tama nayaxõgü.

Ngechuchuarü ngúexü̃gü ga yamugüxü̃arü puracüchiga 19:9

Natürü nayexma ga ñuxre ga duü̃xü̃gü ga tama nüxü̃ cua̱xgüchaü̃xü̃ rü tama yaxõgüchaü̃xü̃. Rü nümagü inanaxügüe nax yema muxü̃ma ga duü̃xü̃güpe̱xewa chixexü̃ yaxugüexü̃ nachigagu ga Cori ya Ngechuchu. Rü yemaca̱x ga Pauru rü nüxna nixũgachi, rü tóxnamana nanagagü ga yema yaxõgüxü̃ nawa ga wüxi ga ngutaque̱xepataxü̃ ga Tiránuarü ngúepataü̃ ga naéga. Rü guxü̃ ga ngunexü̃gu namaxã nüxü̃ nixuchiga ga ore i mexü̃.

Ngechuchuarü ngúexü̃gü ga yamugüxü̃arü puracüchiga 14:14

Natürü yexguma nüxü̃ yacua̱xãchitanügu ga Bernabé rü Pauru, rü naxchirugu nagáugüe rü yema muxü̃ma ga duü̃xü̃gütanügu nayaxücu, rü ñaxü̃maxã aita naxüe:

1 Corintios 9:5

¿Ẽ̱xna tama i namexü̃ nax wüxi i ngexü̃ i yaxõxü̃maxã nax chaxãmaxü̃ nax chayagaxü̃ca̱x ngẽxgumarüxü̃ nax naxãmaxü̃ i Pedru, rü naenexẽgü ya tórü Cori, rü ngẽma togü i yatügü ya Tupana imugüxü̃?

Ngechuchuarü ngúexü̃gü ga yamugüxü̃arü puracüchiga 13:2

Rü wüxi ga ngunexü̃ ga yexguma Corica̱x ínangutaque̱xegügu rü tama nachibüeãcüma ínayumüxẽgüguyane, rü Tupanaãxẽ ya Üünecü rü ñanagürü nüxü̃: —¡Choxna penamugü i Chauru rü Bernabé nax naxügüã̱xü̃ca̱x i ngẽma puracü i choma nawa chanamugüchaü̃xü̃! —ñanagürü.

Ore i mexü̃ ga Cuáü̃ ümatüxü̃ 7:43

Rü yemaacü Ngechuchugagu nügü nitoye ga duü̃xü̃gü.

Ore i mexü̃ ga Luca ümatüxü̃ 2:34

Rü yexguma ga Chimeóü̃ rü Tupanana naca nax nüxü̃ nangü̃xẽẽxü̃ca̱x ga Yúche rü María rü gumá bucü. Rü ñanagürü ngĩxü̃ ga María ga Ngechuchu naé: “Dücax, daa bucü rü tá nanamaxẽxẽxẽ i muxü̃ma i Iraétanüxü̃, natürü ngẽma nüxü̃ oexü̃ rü tá inayarütauxe. Rü nüma rü wüxi i cua̱xruxü̃ tá nixĩ, rü muxü̃ma i duü̃xü̃gü rü tá nüxü̃ naxoe.

Miquéa 7:6

Rü ngẽma nanegü rü tauxü̃táma nanatüga naxĩnüe, rü ngẽma ingexü̃ i naxacügü rü naémaxã tá nanue. Rü ngẽma naneã̱xgü rü na̱xẽgüchi tá naxai. Rü ngẽma tümaarü uanü ixĩgüxü̃ rü tümatanüxü̃tama nixĩgü.

Ngechuchuarü ngúexü̃gü ga yamugüxü̃arü puracüchiga 13:45

Natürü yexguma yema Yudíugü nüxü̃ daugügu ga yema muxũchixü̃ ga duü̃xü̃gü ga Pauruca̱x ngutaque̱xegüxü̃ rü poraãcü nixãũxãchie. Rü inanaxügüe nax Pauruxü̃ nachoxü̃gagüxü̃ rü namaxã naguxchigagüxü̃.

Ngechuchuarü ngúexü̃gü ga yamugüxü̃arü puracüchiga 13:50

Natürü yema Yudíugü ga tama Ngechuchuaxü̃́ yaxõgüchaü̃xü̃, rü chixexü̃maxã nayaxuxcu̱xẽgü ga yema ngexü̃gü ga tachigagüxü̃ ga Yudíugücümagu ĩxü̃ rü ñu̱xũchi nayaxuxcu̱xẽgü ga guma ĩanearü ãẽ̱xgacügü nax Pauruxü̃ rü Bernabéxü̃ ínawoxü̃xü̃ca̱x ga yema naanewa.

Ngechuchuarü ngúexü̃gü ga yamugüxü̃arü puracüchiga 14:2

Natürü yema Yudíugü ga tama Ngechuchuaxü̃́ yaxõgüxü̃, rü chixexü̃maxã nayaxucu̱xẽgü ga yema tama Yudíugü ixĩgüxü̃ nax yema yaxõgüxü̃chi naxaiexü̃ca̱x.

Ngechuchuarü ngúexü̃gü ga yamugüxü̃arü puracüchiga 14:5

Rü yexguma ga yema Yudíugü rü yema tama Yudíugü ixĩgüxü̃, rü guma ĩanearü ãẽ̱xgacügümaxã wüxigu nagu narüxĩnüe nax Pauruxü̃ rü Bernabéxü̃ yayauxgüxü̃ nax nutamaxã ínamuxũchigüãxü̃ca̱x.

Ngechuchuarü ngúexü̃gü ga yamugüxü̃arü puracüchiga 14:19

Natürü yexgumayane rü ínangugü ga ñuxre ga Yudíugü ga Antioquíawa rü Icóniowa ne ĩxü̃. Rü chixexü̃maxã nayaxucu̱xẽgü ga yema muxü̃ma ga duü̃xü̃gü nax tama Pauruga rü Bernabéga naxĩnüexü̃ca̱x, rü namaxã nanuexü̃ca̱x. Rü yemaca̱x ga yema duü̃xü̃gü rü nutamaxã Pauruxü̃ ínamuxũchigü, rü ĩanearü ĩxpemawa nanatúchigügü, yerü nüma nüxü̃ nacua̱xgügu rü marü nayu.

1 Tesalonicenses 2:14

Pa Chauenexẽgüx, nüxü̃ tacua̱x nax aixcüma ngúxü̃ pingegüxü̃, yerü petanüxü̃tama rü chixri pemaxã nachopetü. Natürü yemaacütama nüxü̃ nangupetü ga Tupanaarü duü̃xü̃gü ga Ngechuchu ya Cristuaxü̃́ yaxõgüxü̃ ga Yudéaanewa yexmagüxü̃. Yerü natanüxü̃tama ga Yudíugü rü chixri namaxã nachopetü.