Biblia Todo Logo
Bib sou entènèt

- Piblisite -




Ngechuchuarü ngúexü̃gü ga yamugüxü̃arü puracüchiga 14:23 - Tupanaarü Ore

23 Rü Pauru rü Bernabé rü wüxichigü ga yema yaxõgüxü̃tücumüwa nüxü̃ nixunetatanü ga ñuxre ga yatügü nax yema yaxõgüxü̃arü ãẽ̱xgacügü yixĩgüxü̃ca̱x. Rü tama nachibüeãcüma naxca̱x nayumüxẽgü. Rü yimá Cori ya Tupana ga nüxü̃́ yaxõgüãcüna nanaxuaxü̃gü ga yema yaxõgüxü̃arü ãẽ̱xgacügü.

Gade chapit la Kopi




Ngechuchuarü ngúexü̃gü ga yamugüxü̃arü puracüchiga 14:23
28 Referans Kwoze  

Rü yexguma Crétaarü capaxũwa cuxna íchixũxgu, rü cumaxã nüxü̃ chixu nax yema yaxõgüxü̃tanüwa cunaxüxü̃ ga yema puracü ga tama chingu̱xẽẽxü̃ ga yexguma cuxna yéma chataegugu. Rü yemaca̱x cumaxã nüxü̃ chixu nax wüxichigü ya ĩanewa rü nüxü̃ cuxunetaxü̃ i yaxõgüxü̃arü ãẽ̱xgacügü nax ngẽma yaxõgüxü̃maxã inacua̱xgüxü̃ca̱x, yema cuxü̃ chamuxü̃rüxü̃.


Rü yemaacü nanaxügü. Rü Bernabé rü Chaurumaxã yéma ngĩxü̃ namugü ga yema diẽru naxca̱x ga yema yaxõgüxü̃arü ãẽ̱xgacügü ga Yudéaanewa yexmagüxü̃.


Rü ngẽxguma wüxíe i petanüwa ida̱xaweegu, rü name nixĩ i naxca̱x peyaca i yaxõgüxü̃arü ãẽ̱xgacügü nax tümaca̱x nayumüxẽgüxü̃ca̱x rü Cori ya Tupanaégagu chíxü̃maxã tüxü̃ yaxĩ̱xãgüxü̃ca̱x.


Yema ore ga chauxü̃tawa nüxü̃ cuxĩnüxü̃ ga yexguma muxü̃ma ga duü̃xü̃güpe̱xewa nüxü̃ chixuxgu, rü chanaxwa̱xe i ñu̱xma cuxí ngẽma oremaxã cunangúexẽxẽ i togü i yatügü i mea naãẽxü̃ cua̱xgüxü̃ nax nüxĩ́ togüxü̃ nangúexẽẽxü̃ca̱x namaxã i ngẽma ore.


Rü ñu̱xmax, Pa Chauenexẽgüx, rü Tupanana pexü̃ chamugü. Rü chanaxwa̱xe i naga pexĩnüe i norü ore i tüxü̃ nüxü̃ cua̱xẽẽxü̃ nax aixcüma poraãcü tüxü̃ nangechaü̃xü̃. Erü ngẽma norü ore tá pexü̃ naporaexẽxẽ nax tórü Corica̱x pemaxẽxü̃ca̱x rü pexü̃́ nangẽxmaxü̃ca̱x i pechica namaxã i guxü̃ma i duü̃xü̃gü ya Tupana dexü̃.


Rü ngẽxguma texéxü̃ quingucuchixẽẽchaü̃gu nax ngẽma yaxõgüxü̃arü ãẽ̱xgacü tixĩxü̃ca̱x, ¡rü taxṹ i cuñuxãẽxü̃ nax namaxã cuyumüxẽxü̃ i wüxi i duü̃xü̃ i tama nüxü̃ cucuáxü̃ i norü maxü̃! Natürü name nixĩ i noxri mea nagu curüxĩnü i ngẽma, erü ngürüãchi tá wüxi i duü̃xü̃ i pecadu üechaxü̃ quingucuchixẽxẽ, rü cugagu tá nixĩ, erü tama ícuxuãxẽ. ¡Rü mea cugüna nadau nax tama pecadugu cunguxü̃ca̱x!


Natürü yexguma Mirétuwa tangugügu rü Epéchiuwa naxca̱x namuga ga Pauru nax naxü̃tawa naxĩxü̃ca̱x ga yema yaxõgüxü̃arü ãẽ̱xgacügü ga Epéchiucüã̱x.


Pa Chauenexẽ, Pa Gáyu ya Cuxü̃ Changechaü̃xex, choma i Cuáü̃ i yaxõgüxü̃arü ãẽ̱xgacü, rü cuxü̃ charümoxẽ.


Pa Chauenexẽgü i Yaxõgüxe ya Tupana Pexü̃ Dexex, pexca̱x chanaxümatü i choma i Cuáü̃ i yaxõgüxü̃arü ãẽ̱xgacü nax chixĩxü̃. Choma rü aixcüma pexü̃ changechaü̃. Rü tama i chaxica, natürü guxü̃ma i ngẽma nüxü̃ cua̱xgüxü̃ i Tupanaarü ore i aixcüma ixĩxü̃, rü ngẽxgumarüxü̃ ta pexü̃ nangechaü̃gü.


Rü ñu̱xmax, Pa Yaxõgüxü̃arü Ãẽ̱xgacügüx, rü pemaxã nüxü̃ chixu i wüxi i ucu̱xẽ i mexü̃, erü choma rü ta pexrüxü̃ yaxõgüxü̃arü ãẽ̱xgacü chixĩ. Rü chomaxü̃chima nixĩ ga nüxü̃ chadauxü̃ ga ngúxü̃ nax yangexü̃ ga Cristu. Rü choma rü tá ta pexrüxü̃ choxü̃́ nangẽxma i chauchica i mexü̃ i ngẽxguma wena núma naxũxgu.


Tama name i cunanga i wüxi i yatü i cuxü̃ rüyamaẽxü̃. Rü narümemae nixĩ i meama cunaxucu̱xẽ ñoma cunatürüxü̃. Rü ngẽma ngextü̱xücügü rü name nixĩ i meama namaxã quidexa ñoma cuenexẽgüxüchirüxü̃.


Rü yexguma nangutaque̱xegü ga yema ngúexü̃gü ga Ngechuchu imugüxü̃ rü yema yaxõgüxü̃arü ãẽ̱xgacügü nax namexẽẽgüãxü̃ca̱x ga yema ore.


Rü Yerucharéü̃wa nangugü ga Pauru rü Bernabé. Rü yema yaxõgüxü̃ rü yema ngúexü̃gü ga Ngechuchu imugüxü̃ rü yema yaxõgüxü̃arü ãẽ̱xgacügü rü meama nanayauxgü. Rü nüma ga Pauru rü Bernabé rü meama namaxã nüxü̃ nixugügü ga guxü̃ma ga yema Tupana nawa üxü̃ ga yexguma duü̃xü̃gümaxã nüxü̃ yaxugügügu ga norü ore.


Natürü ngẽxguma paxaãchi ñoma i naanewa ngúxü̃ pingegüguwena, rü Tupana rü tá pexü̃ nimexẽxẽ nax aixcüma nape̱xewa pimexü̃ca̱x. Rü woo guxchaxü̃gü pexca̱x ínguxgu, rü tá pexü̃ narüngü̃xẽxẽ nax peyaxõgüamaxü̃ca̱x, rü tá pexü̃ naporaexẽxẽ nax ngẽmaãcü taxuca̱xma pemuü̃exü̃ca̱x. Rü nümatama ya Tupana nixĩ i norü ngechaü̃gagu pexü̃ nadexü̃ nax guxü̃guma naxü̃tawa pexü̃́ nangẽxmaxü̃ca̱x i pechica, erü Ngechuchu ya Cristuaxü̃́ peyaxõgü.


Rü ngẽmaca̱x nixĩ i ngúxü̃ chingexü̃ rü chapoxcuxü̃ i ñu̱xmax. Natürü tama naxca̱x chaxãne i ngẽma, erü choma nüxü̃ chacua̱x nax texéaxü̃́ chayaxõxü̃. Rü nüxü̃ chacua̱x nax naporaxü̃ i nüma nax nüxna nadauxü̃ca̱x i ngẽma puracü i choxna naxãxü̃ ñu̱xmatáta ngẽma ngunexü̃ i nagu wena núma naxũxü̃.


Rü namaxã yéma nanamugü ga popera ga ñaxü̃: “Pa Toenexẽgü i Tama Yudíugü Ixĩgüxe i Antioquíagu rü Chíriaanegu rü Chiríchiaanegu Ãchiü̃güxe, rü toma i peenexẽgü ya Ngechuchu toxü̃ imugüxe rü toma i yaxõgüxü̃arü ãẽ̱xgacügü ixĩgüxe, rü pexü̃ tarümoxẽgü.


Rü yéma rü wüxi ga wapurugu nichoü̃ nax gumá Chíriaanewa yexmane ga ĩane ga Antioquíaca̱x nawoeguxü̃ca̱x. Rü guma ĩane ga Antioquíawa nixĩ ga duü̃xü̃gü Tupanaarü ngechaxü̃na namugüxü̃ ga Pauru rü Bernabé nax naxügüã̱xü̃ca̱x ga yema puracü i marü yanguxẽẽgüxü̃.


Rü yexguma ga Ngechuchu rü poraãcü aita naxü rü ñanagürü: —Pa Chaunatüx, cuxme̱xwa chanange̱x i chauãxẽ —ñanagürü. Rü yema ñaxguwena rü nayu.


Rü yematanüwa nayadexechi ga 12 ga norü ngúexü̃gü nax namücügü yaxĩgüxü̃ca̱x rü norü orearü uwa namugüãxü̃ca̱x. Rü yemagü rü imugüxü̃gu nanaxüéga.


Rü yemaacü wüxi ga yutecü ga yaxguã̱xü̃chi iyixĩ, rü 84 nixĩ ga ngĩrü taunecü. Rü taguma Tupanapata ga taxü̃newa íixũxũ. Rü guxü̃guma ngunecü rü chütacü rü naxaureãcüma iyumüxẽecha. Rü yemaacü Tupanaxü̃ iyacua̱xüxü̃.


Rü ñaãcü nayumüxẽgü: —Pa Corix, cuma nüxü̃ cucua̱x i guxü̃ma i duü̃xü̃güarü maxü̃. ¡Rü ñu̱xma rü toxü̃ nawe̱x i ngexü̃rüüxü̃ i ñaa taxrewa nixĩ i cunaxwa̱xexü̃ nax cunamuxü̃ca̱x nax naxüaxü̃ca̱x i ñaa puracü ga Yúda ítáxü̃ ga yexguma norü poxcuwa naxũxgu! —ñanagürügü.


Rü naétü ngẽma yaxõgüxü̃tücumügü rü ngẽma taenexẽxü̃ naxunetagü nax toxü̃ íyaxümücüxü̃ca̱x rü toxü̃ nangü̃xẽẽxü̃ca̱x i ngẽxguma Yerucharéü̃wa ngĩxü̃ tangexgu i ngẽma diẽru, nax ngẽmaãcü nüxü̃ ticua̱xüü̃güxü̃ca̱x ya tórü Cori, rü guxãma nüxü̃ daugüxü̃ca̱x nax taãẽãcüma yigü rüngü̃xẽẽgüxü̃.


Natürü ñaarüxü̃ i ngo̱xo rü tama ínaxũxü̃ ega tama ixaureãcüma iyumüxẽgu —ñanagürü.


Swiv nou:

Piblisite


Piblisite