Ngechuchuarü ngúexü̃gü ga yamugüxü̃arü puracüchiga 13:36 - Tupanaarü Ore

³⁶ Rü yexguma namaxü̃xgu ga Dabí, rü nüxü̃ narüngü̃xẽxẽ ga norü duü̃xü̃gü, yexgumarüxü̃ ga Tupana namuxü̃. Natürü nayu, rü nanatüxü̃tagu rü naéxü̃tagu nata̱x ga naxü̃ne, rü niyixi.

Ngechuchuarü ngúexü̃gü ga yamugüxü̃arü puracüchiga 13:36 Referans Kwoze

Ngechuchuarü ngúexü̃gü ga yamugüxü̃arü puracüchiga 2:29

Rü ñanagürü ga Pedru: —Pa Chauenexẽgüx, aixcüma pemaxã nüxü̃ chixu nax nayuxü̃ ga nũxcümaü̃cü ga tórü ãẽ̱xgacü ga Dabí, rü marü inata̱x, rü ñu̱xma rü ta tatanüwa nangẽxma i naxma̱xü̃.

Nüxíraxü̃xü̃ ga popera ga ãẽ̱xgacügüchiga 2:10

Rü nüma ga Dabí rü nayu. Rü norü o̱xigütanügu nayata̱xgü nagu ga yema Yerucharéü̃arü üyechigü ga Dabíarü Ĩanegu ãégaxü̃.

Ngechuchuarü ngúexü̃gü ga yamugüxü̃arü puracüchiga 13:22

Rü yemawena ga Tupana rü ínanata̱xüchi ga Chaú, rü Dabíxü̃ naxuneta nax gumá Iraétanüxü̃arü ãẽ̱xgacü yixĩxü̃ca̱x. Rü Dabíxü̃ nixuchiga ga Tupana, rü ñanagürü: “Nüxü̃ chadau rü Dabí ya Ichaxí nane rü wüxi ya yatü ya poraãcü choxü̃́ ngúchaü̃cü nixĩ. Rü nüma tá nanaxü i guxü̃ma i ngẽma choma chanaxwa̱xexü̃”, ñanagürü ga Tupana.

2 Chamué 7:12

Erü ngẽxguma cuma tá cuyu̱xgu, rü wüxi ya cune tá chanamu nax Iraéanecüã̱xgüarü ãẽ̱xgacü yixĩxü̃ca̱x. Rü ngẽma ãẽ̱xgacü rü tá napora erü chomatátama chanaporaxẽxẽ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 18:14

Rü nüma ga Dabí rü guxü̃ma ga Iraétanüxü̃arü ãẽ̱xgacü nixĩ, rü aixcüma meama we̱xgu namaxã inacua̱x.

1 Corintios 15:18

Rü chi aixcüma yixĩxgu nax tama wena namaxẽxü̃ i duü̃xü̃gü, rü ngẽma duü̃xü̃gü i Cristuaxü̃́ yaxõgüxü̃ i marü yuexü̃, rü chi ta taxũchima nüxü̃́ nangẽxma i maxü̃ i taguma gúxü̃.

1 Corintios 15:6

Rü yemawena ga Cristu rü 500 arü yexera ga duü̃xü̃gü ga yaxõgüxü̃ca̱x nango̱x. Rü muxü̃ma i ngẽma duü̃xü̃gü rü ñu̱xma rü ta namaxẽ, natürü nümaxü̃ rü marü nayue.

Ore i mexü̃ ga Cuáü̃ ümatüxü̃ 11:39

Rü Ngechuchu rü ñanagürü: —¡Ípenangũ̱xgachi̱x ya yimá nuta ya namaxã nangũxtaü̃cü! —ñanagürü. Natürü ga Márta ga Lácharoeya̱x rü ngĩgürügü: —Pa Corix, cuxá marü nayixane nixĩ, erü marü ãgümücü i ngunexü̃ naétü nixĩ nax nayuxü̃ —ngĩgürügü.

Wiyaegü 49:14

Rü ngẽma yu nixĩ i namaxã icuáxü̃ i duü̃xü̃gü, erü naxmaxü̃wa nanagagü ñoma carnérugü i daiwa gagüxü̃rüxü̃. Rü duü̃xü̃gü rü napatagü ya imexẽchinearü yáxü̃gu rü naxmaxü̃gu tá niyixe i naxü̃negü. Natürü ngẽma ngunexü̃ i nagu yuwa ínadagüxü̃ i duü̃xü̃gü rü ngẽma mexü̃gu maxẽxü̃ rü tá ngẽma chixexü̃gu maxẽxü̃maxã inacua̱xgü.

Yox 21:26

Natürü guxü̃ma i duü̃xü̃gü i ngẽxguma nayuegu rü naxmaxü̃wa nangẽxmagügu rü nawüxigumare erü guxü̃ma i duü̃xü̃gü rü õ̱xmigü namaxã naxãwemü.

Yox 17:14

Rü ngéma choxmaxü̃wa rü ngẽma õ̱xmigü tá nixĩ i chaunatü rü chaué rü chauenexẽgü.

Norü taxre ga to ga popera ga ãẽ̱xgacügüchiga ümatüxü̃ 26:23

Rü yexguma nayu̱xgu ga Uchía rü norü o̱xigü íta̱xgüxü̃gu nanata̱xgü nagu ga yema tauxque ga ãẽ̱xgacügü íta̱xgüxü̃arü ngaicamawa yexmaxü̃. Rü tama yema ãẽ̱xgacügü íta̱xgüxü̃gu nanata̱xgü yerü chaxünemaxã nayu. Rü nawena rü ãẽ̱xgacüxü̃ ningucuchi ga nane ga Yotáü̃.

Norü taxre ga to ga popera ga ãẽ̱xgacügüchiga ümatüxü̃ 21:1

Rü nayu ga Yochapáx rü norü o̱xi ga Dabíarü Ĩanegu nanata̱xgü. Rü nawena rü nane ga Yoráü̃ nachicüxü ãẽ̱xgacüxü̃ ningucuchi.

Norü taxre ga to ga popera ga ãẽ̱xgacügüchiga ümatüxü̃ 12:16

Rü yexguma nayu̱xgu ga Roboáü̃, rü Dabíarü Ĩanegu nanata̱xgü. Rü nawena rü nane ga Abiáü̃ ningucuchi nax ãẽ̱xgacü iyixĩxü̃.

Norü taxre ga to ga popera ga ãẽ̱xgacügüchiga ümatüxü̃ 9:31

Rü yexguma nayu̱xgu rü nanatü ga Dabíarü Ĩanegu nanata̱xgü. Rü nawena rü nane ga Roboáü̃ nachicüxü ãẽ̱xgacü nixĩ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:11

Rü ngẽxguma marü cuyu̱xguwena, rü choma rü tá nüxü̃ chaxuneta i wüxi i cune nax nüxí ãẽ̱xgacü yixĩxü̃ca̱x.

Naanearü ügüchiga 3:19

Rü poraãcü tá cupuracü rü cuxaiya nax cuxü̃́ nangẽxmaxü̃ca̱x i cuwemü ñu̱xmatáta cuyu̱x rü ngẽmaãcü wena tá waixü̃müca̱x cutaegu, yerü yemawa cuxü̃ chaxü ga noxrix, rü waixü̃mü quixĩ rü wena táxarü ngẽmaxü̃ quixĩ —ñanagürü ga Tupana.

1 Tesalonicenses 4:13

Pa Chauenexẽgüx, tanaxwa̱xe nax nüxü̃ pecuáxü̃ i ta̱xacü tá namaxã naxüpetüxü̃ i ngẽma yuexü̃ nax tama pengechaü̃güxü̃ca̱x naxrüxü̃ i ngẽma togü i duü̃xü̃gü i taxuxü̃ma ínangu̱xuxẽẽgüxü̃ nax wena tá namaxẽxü̃ i ngẽma yuexü̃.

Ngechuchuarü ngúexü̃gü ga yamugüxü̃arü puracüchiga 20:27

Erü marü meama pemaxã nüxü̃ chixu i guxü̃ma i ngẽma Tupana pexü̃́ naxwa̱xexü̃, rü taxuxü̃ma ichicu̱x.

Ngechuchuarü ngúexü̃gü ga yamugüxü̃arü puracüchiga 7:60

Rü yemawena rü inacaxã́pü̱xü, rü tagaãcü aixta naxü, rü ñanagürü: —Pa Cori Pa Tupanax, ¡Taxṹ i ñaa pecaduca̱x cunapoxcuexü̃ i ñaa duü̃xü̃gü! —ñanagürü. Rü yexguma yema ñaxguwena rü nayu.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:2

Natürü woo yexguma tórü ãẽ̱xgacü yixĩxgu ga Chaú, natürü cuma nixĩ ga Iraéanearü churaragümaxã icucuáxü̃ ga yexguma tórü uanügümaxã nügü nadaixgu. Rü ñu̱xũchi nüma ya Cori ya curü Tupana rü cumaxã inaxuneta nax cuma yixĩxü̃ i tomaxã icucuáxü̃ nax torü ãẽ̱xgacü quixĩxü̃ca̱x —ñanagürügü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:28

Rü yexguma nayu̱xgu ga Dabí rü marü nayaxüchi rü namuarü yemaxü̃ã̱x. Rü duü̃xü̃gü rü poraãcüxüchima namaxã nataãẽgü. Rü nane ga Charomóü̃ nixĩ ga nachicüxü ãẽ̱xgacüxü̃ ingucuchicü.

Ngechuchuarü ngúexü̃gü ga yamugüxü̃arü puracüchiga 8:1

Rü Chauru rü yéma nayexma rü norü me nixĩ ga Estébaü̃xü̃ nax yama̱xgüxü̃. Rü yematama ngunexü̃gu rü inanaxügü nax poraãcü nawe yangexü̃tanüxü̃ ga yema yaxõgüxü̃ ga Yerucharéü̃wa yexmagüxü̃. Rü düxwa ga guxü̃ma rü Yudéaanegu rü Chamáriaanegu nügü nawoone. Rü yema ngúexü̃gü ga Ngechuchu imugüxü̃xicatama ínayaxügü ga Yerucharéü̃wa.

Ore i mexü̃ ga Matéu ümatüxü̃ 25:16

Rü yema norü duü̃xü̃ ga 5,000 tachinü ga diẽru ngĩxü̃ yaxuxü̃, rü ngĩmaxã napuracü, rü nai ga 5,000 tachinü ngĩmaxã nayaxu.