Ngechuchuarü ngúexü̃gü ga yamugüxü̃arü puracüchiga 13:35 - Tupanaarü Ore

³⁵ Rü ngẽmaca̱x tóxnamana i Tupanaarü orewa rü ñanagürü ta: “Tama cunaxwa̱xe nax yayixixü̃ i naxü̃ne ya Yimá Üünecü”, ñanagürü.

Ngechuchuarü ngúexü̃gü ga yamugüxü̃arü puracüchiga 13:35 Referans Kwoze

Wiyaegü 16:10

Erü cuma rü taxũtáma tauquewa choxü̃ cuta̱x. Rü taxũtáma wüxi i ãxmaxü̃gu nüxü̃ curüngü̃ma ya yima cumücü ixĩcü.

Popera ga Yudíugü ga yaxõgüxü̃ca̱x ümatüxü̃ 11:5

Rü Enóx rü norü õgagu nixĩ ga maxü̃cü Tupana yagaxü̃ nax tama nayuxü̃ca̱x. Rü namücügü rü taguma nüxü̃ inayangaugü yerü Tupana nayaga. Rü Tupanaarü ore i ümatüxü̃wa nüxü̃ nixu rü naxü̃pa nax Tupana yagaxü̃, rü Enóx nanaxü ga yema Tupana namaxã taãẽxü̃.

Ore i mexü̃ ga Cuáü̃ ümatüxü̃ 8:51

Aixcüma pemaxã nüxü̃ chixu, rü texé ya naga ĩnüxe i ngẽma tümamaxã nüxü̃ chixuxü̃ rü guxü̃gutáma namaxecha —ñanagürü.

Ore i mexü̃ ga Cuáü̃ ümatüxü̃ 3:36

Rü yíxema Tupana Naneaxü̃́ yaxṍxe rü tüxü̃́ nangẽxma i maxü̃ i taguma gúxü̃. Natürü yíxema tama nüxü̃́ yaxõxchaü̃xẽ ya Tupana Nane, rü taxũtáma tüxü̃́ nangẽxma i ngẽma maxü̃ i taguma gúxü̃. Natürü tá tanayaxu i ngẽma ãũcümaxü̃ i poxcu ya Tupana tá namaxã tüxü̃ poxcuxü̃ —ñanagürü ga Cuáü̃ ga baiü̃ẽẽruxü̃.

Wiyaegü 89:48

Rü taxúema texé tamaxecha rü taguma tayu. Rü taxúema texé nawa ítanguxuchi i yuarü pora.