Ngechuchuarü ngúexü̃gü ga yamugüxü̃arü puracüchiga 13:34 - Tupanaarü Ore

³⁴ Rü Tupana rü nũxcüma marü nüxü̃ nixu nax wena tá namaxẽẽãxü̃ ga Ngechuchu nax tama yayixixü̃ca̱x ga naxü̃ne. Rü norü orewa rü ñanagürü: “Choma rü tá chayanguxẽxẽ ga yema unetagü i üünegüxü̃ i aixcüma ixĩgüxü̃ ga nũxcüma Dabímaxã nüxü̃ chixuxü̃”, ñanagürü.

Ngechuchuarü ngúexü̃gü ga yamugüxü̃arü puracüchiga 13:34 Referans Kwoze

Ichaía 55:3

¡Rü cha̱u̱xca̱x pexĩ, rü choxü̃́ iperüxĩnüe! ¡Chauga pexĩnüe rü tá pemaxẽ! Rü choma rü tá pemaxã chanaxü i wüxi i uneta i taguma gúxü̃. Rü ngẽmaãcü tá chayanguxẽxẽ ga yema chorü uneta ga ãẽ̱xgacü ga nüxü̃ changechaü̃xü̃chicü ga Dabímaxã nüxü̃ chixuxü̃.

Romanos 6:9

Rü nüxü̃ tacua̱x rü ñu̱xma nax yuwa ínadaxü̃ ya Cristu, rü tagutáma wena nayu. Yerü nüma rü marü yema yuxü̃ narüyexera, rü ngẽmaca̱x i ngẽma yu rü marü tama Cristumaxã inacua̱x.

Ngechuchuarü ngúexü̃gü ga yamugüxü̃arü puracüchiga 13:37

Natürü gumá Tupana wena namaxẽẽcü ga Ngechuchu rü tama niyixi ga naxü̃ne.

Chacaría 12:8

Rü choma i Cori nax chixĩxü̃ rü tá nüxna chadau i guxü̃ma i ngẽma duü̃xü̃gü i Yerucharéü̃wa maxẽxü̃. Rü ngẽma duü̃xü̃gü i turaexü̃ rü tá nipora ñoma ãẽ̱xgacü ga Dabírüxü̃. Rü ngẽma Dabítanüxü̃ rü tá ñoma Tupanarüxü̃ naporae rü ñoma Cori ya Tupanaarü orearü ngeruxü̃ i ngẽma duü̃xü̃güpe̱xegu ixũxü̃rüxü̃ tá naporae.

Amúx 9:11

Rü Cori ya Tupana rü ñanagürü: —Pa Iraétanüxü̃x, yexguma ãẽ̱xgacü ga Dabí pechixü̃anemaxã icua̱xgu, rü naporaxüchi. Natürü i ñu̱xma rü pechixü̃ane rü ñoma wüxi ya ĩpata ya rüngutaxü̃nerüxü̃ nixĩ. Natürü tá nawa nangu i ngunexü̃ nax wena íchanadaxẽẽxü̃ i pechixü̃ane nax noxrirüxü̃ wena naporaxü̃ca̱x.

Yeremía 33:26

Rü ngẽxgumarüxü̃ ta Acóbumaxã rü chorü duü̃ ya Dabímaxã ichaxuneta nax nataagü tá nixĩ i namaxã icua̱xgüxü̃ i Abraáü̃taagü rü Ichaátaagü rü Acóbutaagü. Rü taxũtáma nüxü̃ charüngüma i ngẽma chorü uneta, erü choxü̃́ nangechaü̃tümüxü̃gü i chorü duü̃xü̃gü rü tá nüxü̃ charüngü̃xẽxẽ nax wena nachixü̃aneca̱x nawoeguxü̃ca̱x” —ñachagürü.

2 Chamué 23:5

Rü ngẽmaca̱x i chautaagü rü chowena Iraéanearü ãẽ̱xgacügü tá nixĩgü, erü nüma ya Tupana rü wüxi i taguma iyacuáxü̃ i uneta marü chomaxã naxü. Rü ngẽma chomaxã naxueguxü̃ rü marü nawe̱xgu rü aixcüma nixĩ. Rü ngẽmaca̱x tama chaxoegaãxẽ erü nüma ya Tupana nixĩ i choxü̃ naporamaexẽẽxü̃ rü yanguxẽẽxü̃ i guxü̃ma i ngẽma nagu charüxĩnüxü̃.

Ochéa 3:5

Natürü ngẽmawena i nüma i Iraéanecüã̱xgü rü nachixü̃aneca̱x tá nawoegu rü tá Cori ya Tupanaga naxĩnüe. Rü tá Dabítaaca̱x nadaugü nax norü ãẽ̱xgacü yixĩxü̃ca̱x. Rü ngẽma ngunexü̃gü i nawa iyacua̱xgüxü̃gu rü Cori ya Tupanaca̱x tá naxĩ, rü nüxü̃ tá nicua̱xüü̃gü naxca̱x i guxü̃ma i norü ngü̃xẽẽgü ya Tupana tá nüxna ãxü̃.

Yeremía 30:9

Rü nümagü i chorü duü̃xü̃gü rü chorü ngúchaü̃ tá nixĩ i naxügüxü̃ i choma ya Cori nax norü Tupana chixĩxü̃. Rü yimá Dabítaxa i choma nüxü̃ chaxunetacü tá nixĩ i norü ãẽ̱xgacü” —ñanagürü.

Ngechuchuarü ngúexü̃gü ga yamugüxü̃arü puracüchiga 2:24

Rü woo nayuchire̱x natürü tama yexma nayacua̱x, yerü Tupana wena nanamaxẽxẽ. Rü yemaacü ga yema yu rü taxuacüma nüxü̃ narüporamae.

Ngechuchuarü ngúexü̃gü ga yamugüxü̃arü puracüchiga 13:30

Natürü woo marü nax nayuxü̃, rü Tupana rü wena nanamaxẽxẽ.