Ngechuchuarü ngúexü̃gü ga yamugüxü̃arü puracüchiga 13:19 - Tupanaarü Ore

¹⁹ Rü yemawena Tupana nanadai ga 7 ga natücumügü ga Canaáü̃anecüã̱xgü nax tórü o̱xigüna naxããxü̃ca̱x ga yema naanegü nax tümaarü yaxĩgüxü̃ca̱x

Ngechuchuarü ngúexü̃gü ga yamugüxü̃arü puracüchiga 13:19 Referans Kwoze

Wenaxarü naxümatü ga Tupanaarü mugü 7:1

Rü ñanagürü ga Moiché: —Nüma ya Cori ya perü Tupana rü tá nagu penachocuxẽxẽ i ngẽma naane i tá pexrü ixĩxü̃. Rü pepe̱xewa tá ínanawoxü̃ i ngẽma 7 i natücumügü i pexü̃ rümumaegüxü̃ rü pexü̃ rüporamaegüxü̃ i Itítanüxü̃, rü Guerguechéutanüxü̃, rü Amoréutanüxü̃, rü Canaáü̃tanüxü̃, rü Ferechéutanüxü̃, rü Ebéutanüxü̃ rü Yebuchéutanüxü̃.

Ngechuchuarü ngúexü̃gü ga yamugüxü̃arü puracüchiga 7:45

Rü yexguma nayu̱xguwena ga Moiché, rü Yochué ningucuchi ga ãẽ̱xgacü nax yixĩxü̃. Rü tórü o̱xigü rü nua tórü naanewa nanangegü ga gumá ĩpata ga naxchirunaxca̱x ga yexguma Yochuémaxã napugüãgu ga ñaa naane nüxna ga yema duü̃xü̃gü ga Tupana íwoxü̃xü̃ nape̱xewa ga tórü o̱xigü. Rü núma nayexma ga gumá ĩpata rü ñu̱xmata Dabí ingucuchigu nax ãẽ̱xgacü yixĩxü̃.

Yochué 19:51

Rü yema nixĩ ga yema naanegü ga nümagü ga chacherdóte ga Ereachá, rü Yochué, rü Iraétücumügüarü ãẽ̱xgacügü sortéuãcü Tupanape̱xewa nüxü̃ inuxü̃ ga yema Iraétücumügü. Rü Chilówa ga Tupanapataarü ücuwa nixĩ ga nüxü̃ yanuãxü̃ ga yema naanegü. Rü yemaacü nanaxügü ga yema naanearü nu.

Yochué 14:1

Rü nüma ga Yochué rü gumá chacherdóte ga Ereachá, rü ñu̱xũchi yema Iraétanüxü̃arü ãẽ̱xgacügü nixĩ ga nüxü̃ yanuxü̃ ga yema Canaáü̃arü naane.

Neemía 9:24

Rü nüma ga torü o̱xigü rü nagu nachocu ga yema Canaáü̃ane rü nanapugü. Rü nape̱xegu cunamaachitanüxẽxẽ ga yema duü̃xü̃gü ga yema naanegu ãchiü̃güxü̃. Rü yema norü ãẽ̱xgacügü rü wüxigu namaxã ga yema duü̃xü̃gü ga yema naanewa maxẽxü̃ rü torü o̱xigüme̱xẽwa cunayexmagüxẽxẽ nax nüma nanaxwa̱xegüxü̃ namaxã naxügüxü̃ca̱x.

Yochué 24:11

Rü yemawena ga pema rü pichoü̃ nawa ga natü ga Yudáü̃ ñu̱xmata Yericúarü ĩanewa pengugü. Rü yema duü̃xü̃gü ga guma ĩanegu ãchiü̃güxü̃ rü pemaxã nügü nadai. Rü yexgumarüxü̃ ta ga yema duü̃xü̃gü ga Amoréutanüxü̃, rü Ferechéutanüxü̃, rü Canaáü̃tanüxü̃, rü Itítanüxü̃, rü Guerguechéutanüxü̃, rü Ebéutanüxü̃, rü Yebuchéutanüxü̃ rü pemaxã nügü nadai. Natürü ga chomax, rü pexü̃ charüngü̃xẽẽxü̃ nax nüxü̃ perüporamaegüxü̃ca̱x.

Yochué 23:4

Choma rü wüxitücumüchigüna chanaxã ga yema naane ga nagu pinguchigüxü̃. Rü tama yema naane ga marü penapu̱xuxü̃xica nixĩ ga pexü̃ chinuxü̃, natürü namaxã chanangauxẽxẽ i ngẽma naane i taxũta penapuxü̃ i natü i Yudáü̃wa naxügü i éstewa, rü ñu̱xmata már i Mediteráneuwa nangu i oéstewaama.

Yochué 18:10

Rü nüma ga Yochué rü yexguma Chilówa Tupanape̱xewa sortéuãcü inayanu ga yema naane nüxü̃ ga yema Iraétücumügü.

Naanearü ügüchiga 17:8

Choma rü cuxna rü nüxna tá chanaxã i guxü̃ma i ñaa Canaáü̃ane i ñu̱xma nawa cumaxü̃xü̃. Rü tá guxü̃gutáma norü naane nixĩ i cutaagü. Rü choma rü tá norü Tupana chixĩ —ñanagürü.

Naanearü ügüchiga 12:5

Rü ngĩxü̃ niga ga naxma̱x ga Charái, rü namágü ga Lox. Rü yexgumarüxü̃ ta nayagagü ga norü duü̃xü̃gü ga ĩane ga Aráü̃wa nüxü̃́ puracüexü̃. Rü nayana ta ga guxü̃ma ga norü yemaxü̃gü. Rü yexguma Canaáü̃anewa nanguxgu ga Abráü̃, rü naxüpetü ñu̱xmata Chiquéü̃ ga ĩanewa nangu. Rü guma castaña ga uxtüne ga Moré ga naanewa rüxüxü̃newa nangu. Rü yéma nayachaxãchi. Rü yexguma rü yema naanegu naxãchiü̃gü ga Canaáü̃tanüxü̃.

Ãẽ̱xgacügü ga guxchaxü̃güarü mexẽxẽruü̃gü 11:26

Rü marü 300 ya taunecü marü nua ĩanegü ga Ebóü̃wa rü Aroéwa rü norü ĩanexacügüwa tamaxẽ. Rü naétü guxü̃nema ga ĩanegü ga natü ga Arnóü̃cutüwa yexmagünewa tamaxẽ. ¿Rü tü̱xcüü̃ tama yema ngunexü̃gügu tomaxã nüxü̃ pixu nax pexü̃́ nachu̱xuxü̃ ga yema naane?

Nüxíraxü̃xü̃ ga popera ga ãẽ̱xgacügüchiga 6:1

Rü yexguma ãgümücü ga taunecü ãẽ̱xgacü yixĩxgu ga Iraéanewa, rü nüma ga Charomóü̃ inanaxügü ga nax naxüaxü̃ ga guma Tupanapata ga taxü̃ne. Rü gumá taunecügu ga norü taxre ga tauemacü ga Chíxgu nixĩ ga inaxügüãxü̃. Rü yexguma guma Tupanapata ga taxü̃ne ixügügu, rü marü 480 ga taunecü ningu ga nax Equítuanewa ínachoxü̃xü̃ ga Iraétanüxü̃.

Ichaía 34:17

Rü wüxichigü i ngẽma naeü̃gü rü namaxã nüxü̃ nixunetachigü i nachicachigü. Rü yima naxme̱xmaxã nixĩ i nüxü̃ yaxunetachigüxü̃ i ngẽma naanechigü. Rü guxü̃gutáma ngéma nangẽxmagüecha, rü ñu̱xũchi guxü̃gutáma ngéma namaxẽ.