Ngechuchuarü ngúexü̃gü ga yamugüxü̃arü puracüchiga 13:18 - Tupanaarü Ore

¹⁸ Rü chianexü̃wa tüxü̃ nagagü. Rü yéma 40 ga taunecü Tupana yáxna namaxã naxĩnü ga tümacüma ga chixexü̃ ga guxema tórü o̱xigü.

Ngechuchuarü ngúexü̃gü ga yamugüxü̃arü puracüchiga 13:18 Referans Kwoze

Ngechuchuarü ngúexü̃gü ga yamugüxü̃arü puracüchiga 7:36

Rü nümatama ga Moiché nixĩ ga Equítuarü naanewa ínagaxü̃xü̃ ga nũxcümaü̃güxü̃ ga tórü o̱xigü. Rü Equítuanewa, rü Dauchíüxü̃ ga Márwa, rü chianexü̃wa inanawe̱x ga cua̱xruü̃gü, rü nanaxü ga mexü̃ ga taxü̃gü ga Tupanaarü poramaxã naxüxü̃. Rü nüma ga Moiché rü yemaacü 40 ga taunecü nüxü̃ narüngü̃xẽxẽ ga yema duü̃xü̃gü.

Wenaxarü naxümatü ga Tupanaarü mugü 9:7

Rü nüma ga Moiché rü ñanagürü: —¡Taxṹ i nüxü̃ iperüngümaexü̃ nax ñuxãcü yema chianexü̃wa Cori ya Tupanaxü̃ penuexẽẽxü̃! Rü yexguma Equítuanewa ípechoxü̃xgucürüwa rü ñu̱xmata ñaa i nachicawa nax pengugüxü̃gu rü guxü̃guma tama naga pexĩnüe.

Wenaxarü naxümatü ga Tupanaarü mugü 1:31

Rü yexguma yema chianexü̃wa pichopetü̱xgu rü nüma ga perü Cori ya Tupana rü ñoma wüxi i papa naxacüxe nügüchacüügu tüxü̃ igaxü̃rüxü̃ meama pexü̃ nigagü rü ñu̱xmata ñaa nachicawa pengugü”, ñachagürü pexü̃ ga yexguma.

Ínachoxü̃xü̃chiga 16:35

Rü 40 ga taunecü nixĩ ga Iraétanüxü̃ ga manámaxã naxãwemügüxü̃ ñu̱xmata yema naane ga togü ga duü̃xü̃gü nawa yexmagüxü̃wa nangugü. Rü yemaacü manámaxã naxãwemügüxü̃ ñu̱xmata yema Canaáü̃anearü üyewa nangugü.

Ínachoxü̃xü̃chiga 16:2

Rü yema nachica ga chianexü̃ ga Chíü̃wa nixĩ ga guxü̃ma ga yema duü̃xü̃gü rü Moichémaxã rü Aróü̃maxã wena nanuexü̃.

Neemía 9:30

Rü mucüma ga taunecü rü yáxna namaxã cuxĩnü ga yema torü o̱xigü. Rü Cuãxẽ ya Üünecüwa rü curü orearü uruü̃güwa cuyaxucu̱xẽgüchire̱x, natürü ga nümagü rü tama cuga naxĩnüechaü̃. Rü yemaca̱x nixĩ ga ñoma ga naanewa yexmagüxü̃ ga nachixü̃anegüme̱xẽwa cunayexmagüxẽẽxü̃.