Ngechuchuarü ngúexü̃gü ga yamugüxü̃arü puracüchiga 13:11 - Tupanaarü Ore

¹¹ Ñu̱xmatátama cuxü̃ napoxcu ya Cori ya Tupana. Rü tá cungexetü, rü ñuxre i ngunexü̃ rü taxũtáma nüxü̃ cudau ya üa̱xcü —ñanagürü. Rü yexgumatama naxca̱x naxẽanexü̃chi ga yema yuüxü̃, rü naxme̱xmaxã nadaugü nax texé naxme̱xgu yayauxãchixü̃ca̱x rü namaxã ítixũxü̃ca̱x.

Ngechuchuarü ngúexü̃gü ga yamugüxü̃arü puracüchiga 13:11 Referans Kwoze

Wiyaegü 32:4

Rü chütacü rü ngunecü choxü̃ icurüwe̱xãchixẽxẽ, Pa Tupanax. Rü yema chorü pora rü ínaxũxũ ñoma putürachacu i üa̱xcü ipaxẽẽxü̃rüxü̃.

Popera ga Yudíugü ga yaxõgüxü̃ca̱x ümatüxü̃ 10:31

Rü wüxi i ãũcümaxü̃chixü̃ nixĩ nax Tupana ya Maxü̃cüme̱xẽgu iyi̱xixü̃ nax tüxü̃ napoxcuexü̃ca̱x.

1 Chamué 5:11

Rü guma ĩanewa rü guxü̃ma ga duü̃xü̃gü rü nanaxĩ̱xãchiãẽgü, yerü Tupana rü poraãcü nanapoxcue. Rü yemaca̱x ga yema ĩanecüã̱xgü rü guxü̃ma ga Firitéugüarü ãẽ̱xgacügüca̱x nangema rü ñanagürügü nüxü̃: —¡Nua torü ĩanewa ípenangexechi i ngẽma baú i Iraéanecüã̱xgüarü Tupanaarü mugüchixü̃, rü nachixü̃aneca̱xtama penataeguxẽxẽ nax tama toxü̃ nada̱i̱xü̃ca̱x i guxãma i tomax! —ñanagürügü.

Norü taxre ga popera ga Pedru ümatüxü̃ 2:17

Rü ngẽma ngu̱xẽẽruü̃netagü rü taxuwama nime ñoma wüxi i puchu i ngearü dexáã́xü̃rüxü̃. Rü ñoma wüxi i caixanexü̃ i buanecü icuexü̃rüxü̃ nixĩgü nax taxuwama yamexü̃. Rü nümagü rü ẽanexü̃chixü̃gu guxü̃gutáma napoxcue.

Ore i mexü̃ ga Cuáü̃ ümatüxü̃ 9:39

Rü yexguma ga Ngechuchu rü ñanagürü: —Ñoma i naanewa chaxũ nax chayadexechixü̃ca̱x i chorü duü̃xü̃gü nüxna i ngẽma tama choxrü ixĩgüxü̃. Rü nua chaxũ nax ngẽma ngexetügüxü̃ nayadauuchigüxü̃ rü ngẽma idauuchixetügüxü̃ rü ngexetügüxü̃rüxü̃ nax yixĩgüxü̃ —ñanagürü.

Yox 19:21

¡Pexü̃́ changechaü̃tümüxü̃, Pa Chomücügüx! Erü nüma ya Tupana rü naxme̱xmaxã choxü̃ nima̱x.

Romanos 11:25

Pa Chauenexẽgü i Yaxõgüxü̃x, nangẽxma i wüxi i ore ga noxri tama duü̃xü̃güxü̃ nüxü̃ nacua̱xẽẽxü̃ ga Tupana. Natürü chanaxwa̱xe i nüxü̃ pecua̱x i ngẽma ore nax tama nagu perüxĩnüexü̃ca̱x nax duü̃xü̃gü i nüxü̃ cua̱xüchixü̃ pixĩgüxü̃, rü pexicatama Tupana pexü̃ dexü̃. Rü dücax, nangẽxmagü i Iraétanüxü̃ i tama yaxõgüchaü̃xü̃. Rü ngẽmaãcü tá nixĩ ñu̱xmatáta yaxõgüã i guxü̃ma i ngẽma tama Yudíu ixĩgüxü̃ ya Tupana dexü̃.

Ngechuchuarü ngúexü̃gü ga yamugüxü̃arü puracüchiga 9:17

Rü gumá ĩpata ga Chauru nawa yexmanewa naxũ ga Ananía. Rü nagu naxücu, rü Chauruétügu naxǘxme̱x, rü ñanagürü nüxü̃: —Pa Chauenexẽ, Pa Chaurux, nüma ya Cori ya Ngechuchu ga gumá namawa cuxca̱x ngócü ga yexguma núma cuxũxgu, rü núma choxü̃ namu nax wenaxarü quidauuchixü̃ca̱x, rü cuxna nanguxü̃ca̱x i Naãxẽ ya Üünecü —ñanagürü.

Ichaía 29:10

Rü ngẽmaca̱x i nüma ya Cori ya Tupana rü yaxta i poraxü̃ pexca̱x ngéma namu. Rü ngẽma perü orearü uruü̃güchire̱x nixĩ i pemaxã icua̱xgüxü̃. Natürü tama aixcüma pemaxã nüxü̃ nixugüe i ngẽma tá pexü̃ ngupetüxü̃, erü nüma ya Cori ya Tupana rü düxwa nayatüxetü nax tama nüxü̃ nacua̱xgüxü̃ca̱x.

Wiyaegü 38:2

Rü yima cuxne rü chowa narüwa̱xgü rü cuxme̱xmaxã choxü̃ quima̱x.

Norü taxre ga popera ga ãẽ̱xgacügüchiga 6:8

Rü nüma ga Chíriaanecüã̱xarü ãẽ̱xgacü rü Iraéanecüã̱xgümaxã nügü nadaixchaü̃. Rü yemaca̱x namaxã nangutaque̱xe ga norü churaragüerugü rü namaxã nüxü̃ nixu nax ta̱xacürü nachicawa tá nagagüãxü̃ ga norü churaragü.

1 Chamué 5:9

Natürü yexguma marü yéma nangegüãguwena, rü nüma ga Cori ya Tupana rü yema ĩanecüã̱xgüxü̃ nayaxĩ̱xãchiãẽxẽẽgü yerü taixnamaxã nayada̱xaweexẽxẽ ga guxü̃ma ga duü̃xü̃gü ga ibuxü̃ rü iyaxü̃.

Naanearü ügüchiga 19:11

Rü nayangexetügüxẽxẽ ga guxü̃ma ga yema duü̃xü̃gü ga ĩã̱xtüwa yexmagüxü̃, rü yema ingextü̱xüxü̃wa inaxügü ñu̱xmata yema iyaxü̃wa nangu. Rü yemaacü düxwa nipaemare ga nax ĩã̱xca̱x nadaugüxü̃.