Ngechuchuarü ngúexü̃gü ga yamugüxü̃arü puracüchiga 12:23 - Tupanaarü Ore23 Natürü nüma ga Eróde rü tama Tupanana moxẽ naxã naxca̱x ga norü ngü̃xẽxẽ ga yexguma duü̃xü̃gümaxã yadexagu. Rü yemaca̱x wüxi ga Tupanaarü orearü ngeruxü̃ ga daxũcüã̱x rü yexgumatama Eródexü̃ nida̱xawexẽxẽ. Rü õxmigü nanangõ̱x, rü yemamaxã nayu. Gade chapit la |
—Cumax, Pa Yatüx, ¡Yima Tíruarü ãẽ̱xgacümaxã nüxü̃ ixu i ñaa ore! Cori ya Tupana rü ñanagürü cuxü̃: “Cumax, Pa Tírucüã̱xgüarü Ãẽ̱xgacüx, cugü quicua̱xüxü̃ rü cugügu curüxĩnügu rü wüxi i tupana quixĩ rü Tupanaarü toruü̃wa curüto. Rü cuxca̱x rü taxucürüwa curü uanügü cuxü̃ narüporamae erü márcutüwa cungexma. Natürü i cumax rü tama wüxi i tupana quixĩ. Rü wüxi i duü̃xü̃mare quixĩ woo nagu curüxĩnügu nax wüxi i tupanaarü cua̱x cuxü̃́ ngẽxmaxü̃.
Rü ñanagürü ta: —Ngẽxguma ínachoxü̃gu i ngẽma chorü duü̃xü̃gü rü tá nüxü̃ nadaugü nax nayuexü̃ i ngẽma duü̃xü̃gü i chomaxã rüxuanügüxü̃. Rü ngẽma õ̱xmigü i nangõ̱xgüxü̃ rü taguma nayue, rü yima üxüema ya ínaguxü̃ne rü taguma nixo. Rü guxü̃ma i duü̃xü̃gü i ngéma chopetüxü̃ rü tá poraãcü naxã̱ũ̱ã̱xgü i ngẽxguma nüxü̃ nadaugügu —ñanagürü ga Tupana.
Rü meama ngãxü̃cüxü, rü nüma ga Cori ya Tupana rü norü orearü ngeruü̃xü̃ namu nax wüxichigü ga Equítuanecüã̱xgüpatawa nadaiaxü̃ca̱x ga nanegü ga nüxíraxü̃güxü̃. Rü yexgumarüxü̃ ta ga Equítuanecüã̱xarü ãẽ̱xgacü ga Faraóü̃ nane ga nüxíraü̃cü rü nayama̱x, rü woo naxü̃naxacügü ga iyatüxü̃ ga nüxíraxü̃xü̃, rü nanadai.
Rü yexguma nüma ga Tupana rü nanangãxü̃ ga norü yumüxẽ. Rü yéma nanamu ga wüxi ga daxũcüã̱x ga norü orearü ngeruxü̃. Rü nüma rü nanadai ga guxü̃ma ga yema Achíriaanearü ãẽ̱xgacüarü churaragü namaxã ga yema churaragüerugü. Rü yexguma nüma ga ãẽ̱xgacü ga Chenáqueri rü norü ãnemaxã nachixü̃aneca̱x nataegu. Rü yexguma norü tupananetapatagu naxücugu rü nanegütama yexma taramaxã nayama̱xgü.
Rü ngẽmaãcü ngẽxguma Cori ya Tupana ngéma üpetügu nax nadaiaxü̃ca̱x i ngẽma nüxíra buexü̃ i Equítuanecüã̱x nanegü rü tá nüxü̃ naxüpetümare ya yima pepatagü ega perü ĩã̱xgüwa nüxü̃ nada̱u̱xgu nax yimá nagümaxã ínachaeguxü̃. Rü ngẽmaãcü ya Cori ya Tupana rü taxũtáma pepatagu nanaxücuxẽxẽ i ngẽma dauxü̃cüã̱x i ma̱xruxü̃ ixĩxü̃.
Erü choma rü ngẽma chütaxü̃ rü nua Equítuanewa tá chaxüpetü. Rü wüxichigü ya Equítuanecüã̱xarü ĩpatawa tá chayama̱x ya yimá nüxíraü̃cü ya nanegü rü nüxíraxü̃xü̃ i naxü̃naxacügü i yatüxü̃. Rü tá ngẽma Equítuanecüã̱xgüxü̃ nüxü̃ chadauxẽxẽ nax ngẽma namaxã natupanaã̱xgüxü̃ rü yangearü poraáxü̃ nax naétüwa nachogüxü̃. Erü chomatama ya Tupana nixĩ i chanaxueguxü̃ i ngẽma chaxüxü̃.