Ngechuchuarü ngúexü̃gü ga yamugüxü̃arü puracüchiga 12:21 - Tupanaarü Ore

²¹ Rü Eróde rü namaxã inaxuneta ga wüxi ga ngunexü̃ nax namaxã yadexaxü̃ca̱x. Rü yexguma yema ngunexü̃ ga nagu inaxunetaxü̃wa nanguxgu, rü yema Tírucüã̱x rü Chidóü̃cüã̱x rü Eródexü̃tawa nangugü. Rü nicuxcuchi ga Eróde ga norü ãẽ̱xgacüchiru, rü norü tochicaxü̃wa narüto, rü duü̃xü̃gümaxã nüxü̃ nixu ga norü ore ga nagu naxĩnüxü̃.

Ngechuchuarü ngúexü̃gü ga yamugüxü̃arü puracüchiga 12:21 Referans Kwoze

Ore i mexü̃ ga Matéu ümatüxü̃ 27:19

Rü yexguma norü tochicawa nato̱xgu ga Pirátu, rü naxma̱x yéma imuga, rü ngĩgürügü: —Tama name i cunapoxcu i ngẽma yatü i taxuxü̃ma i chixexü̃ üxü̃. Yerü nagagu ĩnex chütacü rü poraãcü chachixenegü —ngĩgürügü.

Ngechuchuarü ngúexü̃gü ga yamugüxü̃arü puracüchiga 12:20

Rü Eróde rü namaxã nanu ga Tírucüã̱xgü rü Chidóü̃cüã̱xgü. Natürü ga yema Tírucüã̱xgü rü Chidóü̃cüã̱xgü rü naxca̱x nadaugü nax ñuxãcü Eródexü̃ nangüxmüxẽẽgüxü̃, yerü Eródechiü̃anewa nixĩ ga nayauxgüãxü̃ ga nabü. Rü yemaca̱x ga yema Tírucüã̱xgü rü Chidóü̃cüã̱xgü rü wüxi ga Eródearü ngü̃xẽẽruxü̃ ga Bátumaxã naxãmücügü nax nüxü̃ nangü̃xẽẽxü̃ca̱x nax Eródemaxã yadexagüxü̃ca̱x.

Ngechuchuarü ngúexü̃gü ga yamugüxü̃arü puracüchiga 12:22

Rü yexguma ga guxü̃ma ga yema duü̃xü̃gü rü tagaãcü ñanagürügü: —Ñaa ãẽ̱xgacü rü tama duü̃xü̃arü dexárüxü̃ nixĩ i norü dexa, natürü ñoma Tupanaarü dexárüxü̃ nixĩ —ñanagürügü.

Nüxíraxü̃xü̃ ga popera ga ãẽ̱xgacügüchiga 22:10

Rü nüma ga guma Iraéanecüã̱xarü ãẽ̱xgacü ga Acáx, rü Yudáanearü ãẽ̱xgacü ga Yochapáx rü meama ninga̱xãẽ ga norü ãẽ̱xgacüchirumaxã rü yexma ĩane ga Chamáriaarü ĩã̱xü̃tagu ínatoxü̃ norü tochicaxü̃gu. Rü guxü̃ma ga yema 400 ga orearü uruü̃güneta rü tagaãcü ãẽ̱xgacüpe̱xewa nüxü̃ nixu ga yema ore ga naãxẽwa íngugüxü̃.

Yox 15:21

Rü nüxü̃ naxĩnü i nagagü i inaba̱i̱xgüxü̃. Rü ngẽxguma nagu naxĩnügu nax taxuxü̃ma i ãũcümaxü̃ nüxü̃́ ngẽxmaxü̃ rü ngĩ́ta̱xagüxü̃ naxca̱x ínayaxüãchi.

Ucu̱xẽgüchiga 18:12

Ngẽma yigü nax icua̱xüü̃xü̃ rü guxchaxü̃ taxca̱x ínanguxẽxẽ, natürü ngẽma tama nügü icua̱xüü̃xü̃, rü duü̃xü̃gü rü tá namaxã nataãxẽ.

Ichaía 5:14

Rü ñoma wüxi ya ai ya ichoxmanaxãcürüxü̃ rü ngẽma naxmaü̃gü rü tá nichogü nax ínagagüãxü̃ca̱x i duü̃xü̃gü rü ãẽ̱xgacügü rü ngẽma duü̃xü̃gü i petagu rü ngãxü̃gu írüchoxü̃.

Maraquía 3:15

Rü yixema rü nüxü̃ tadau i ngẽma duü̃xü̃gü i nügü írütagüxü̃ rü nataãẽgü. Rü ngẽma chixexü̃arü üruü̃gü rü guxü̃ma i ta̱xacü i naxügüxü̃wa rü mea nüxü̃́ ínanguxuchi. Rü woo Tupanaxü̃ naxügügu rü taxuxü̃ma i poxcu naxca̱x ínangu”, ñaperügügü —ñanagürü ga Tupana.

Ngechuchuarü ngúexü̃gü ga yamugüxü̃arü puracüchiga 24:1

Rü wüxime̱e̱xpü̱x ga ngunexü̃ ngupetügu, rü Yerucharéü̃wa ne naxũ ga chacherdótegüarü ãẽ̱xgacü ga Ananía, namaxã ga ñuxre ga Yudíugüarü ãẽ̱xgacügü rü wüxi ga yatü ga meama dexaxü̃ cuáxü̃ ga Téturu ga naéga. Rü nümagü rü ãẽ̱xgacü ga Férixü̃tawa naxĩ nax namaxã nüxü̃ yanaxugüxü̃ca̱x ga tü̱xcüü̃ Pauruxü̃ nax ínaxuaxü̃güxü̃.

Ngechuchuarü ngúexü̃gü ga yamugüxü̃arü puracüchiga 25:23

Rü moxü̃ãcü yema ucapu ga ãẽ̱xgacügü íngutaque̱xegüxü̃wa nangugü ga Agrípa rü Bereníche rü nügü ínatagüãcüma nichocu. Rü namaxã ínangugü ta ga churaragüarü ãẽ̱xgacügü rü yema ĩanecüã̱xgü ga tachigaxü̃. Rü ñu̱xũchi Pauruca̱x nangema ga Féstu nax yema ãẽ̱xgacügüpe̱xewa nagagüãxü̃ca̱x.