Ngechuchuarü ngúexü̃gü ga yamugüxü̃arü puracüchiga 12:18 - Tupanaarü Ore

¹⁸ Rü yexguma yangunegu, rü yema churaragü ga poxcupataü̃wa dauxü̃taegüxü̃ rü poraãcü nanaxĩ̱xãchiãẽgü yerü tama nüxü̃ nacua̱xgü ga ta̱xacü nax ngupetüxü̃ namaxã ga Pedru.

Ngechuchuarü ngúexü̃gü ga yamugüxü̃arü puracüchiga 12:18 Referans Kwoze

Ngechuchuarü ngúexü̃gü ga yamugüxü̃arü puracüchiga 19:23

Rü yexgumaü̃cüxü ga Epéchiuwa rü nanue ga duü̃xü̃gü nachigagu ga Cori ya Tupanaarü ore.

Ngechuchuarü ngúexü̃gü ga yamugüxü̃arü puracüchiga 16:27

Rü pewa naba̱i̱xãchi ga yema poxcupataü̃arü dauruxü̃. Rü yexguma nüxü̃ nada̱u̱xgu ga nax yawãxnagüxü̃ ga ĩã̱xgü ga gumá poxcupataü̃ rü nanayaxu ga norü tara nax nügü yamáxü̃ca̱x, yerü nüma nüxü̃ nacua̱xgu rü marü nibuxmü ga yema poxcuexü̃.

Ngechuchuarü ngúexü̃gü ga yamugüxü̃arü puracüchiga 12:17

Natürü nüma naxunagüme̱xẽ, rü naxme̱xmaxã nayanachianexẽẽgü. Rü namaxã nüxü̃ nixu nax ñuxãcü Cori ínanguxuchixẽẽxü̃ ga poxcupataü̃wa. Rü ñanagürü ta: —¡Chantiágumaxã rü ngẽma togü i yaxõgüxü̃maxã nüxü̃ pixu i ngẽma ore! —ñanagürü. Rü yexguma inaxũãchi, rü tóxnamana naxũ.

Ngechuchuarü ngúexü̃gü ga yamugüxü̃arü puracüchiga 12:19

Rü yemaca̱x ga Eróde rü yema churaragüxü̃ namu nax Pedruca̱x yadaugüxü̃ca̱x. Rü yexguma taxuxü̃ma iyangaugügu, rü Eróde rü yema churaragügutama nayanguxẽxẽ nax nayuexü̃ca̱x. Rü yemawena ga Eróde rü ínaxũxũ ga Yudéaanewa, rü Checharéagu nayaxãchiü̃.