Ngechuchuarü ngúexü̃gü ga yamugüxü̃arü puracüchiga 12:11 - Tupanaarü Ore

¹¹ Rü yexguma nüxü̃ nicua̱xãchi ga Pedru, rü nügümaxã ñanagürü: —Ñu̱xma waxi i nüxü̃ chacuáxü̃ nax aixcüma Cori ya Tupana núma namuxü̃ i norü orearü ngeruxü̃ nax Eródeme̱xẽwa choxü̃ napuxü̃, rü nawa choxü̃ ínanguxuchixẽẽxü̃ i guxü̃ma i ngẽma chomaxã naxügüchaü̃xü̃ i ngẽma Yudíugü i tama yaxõgüxü̃ —ñanagürü.

Ngechuchuarü ngúexü̃gü ga yamugüxü̃arü puracüchiga 12:11 Referans Kwoze

Danié 6:22

Rü yimá chorü Tupana rü nua nanamu i wüxi i norü orearü ngeruxü̃ i dauxü̃cüã̱x. Rü ngẽma nixĩ i yachotaa̱xgüxü̃ i ñaa leóü̃gü nax tama choxü̃ nangõ̱xgüxü̃ca̱x. Erü nüma ya Tupana rü nüxü̃ nacua̱x nax taxuxü̃ma i chixexü̃ cumaxã chaxüxü̃, Pa Ãẽ̱xgacüx —ñanagürü.

Danié 3:28

Rü yexgumatama ga nüma ga Nabucudonochó rü ñanagürü: —¡Ngĩxã nüxü̃ ticua̱xüü̃gü ya norü Tupana i Chadrá rü Mechá rü Abex-negó ya núma namucü i ngẽma dauxü̃cüã̱x nax íyapoxü̃ãxü̃ca̱x i norü duü̃xü̃gü i tama ãẽ̱xgacüga ĩnüechaü̃xü̃! Yerü yema tomaepü̱xca̱x rü narümemae nax nayuexü̃ naxü̃pa nax togümare ga tupanaxü̃ yacua̱xüü̃güxü̃.

Norü taxre ga popera ga Pedru ümatüxü̃ 2:9

Rü nüma ya Tupana, rü nüxü̃́ natauxcha nax tüxü̃ ínanguxü̃xẽẽxü̃ i ngẽxguma Chataná tüxna ĩnügu ya yíxema mea maxẽxe. Rü ngẽma chixexü̃ ügüxü̃, rü Tupanaaxü̃́ natauxcha nax napoxcueãxü̃ i ngẽma ngunexü̃ i nagu duü̃xü̃güxü̃ yacagüxü̃.

Wiyaegü 34:7

Rü Cori ya Tupanaarü orearü ngeruxü̃ i daxũcüã̱x rü tümatanüwa nangẽxma ya yíxema Cori ya Tupanaxü̃ muü̃xe, rü tüxü̃ ínapoxü̃.

Ngechuchuarü ngúexü̃gü ga yamugüxü̃arü puracüchiga 5:19

Natürü Coriarü orearü ngeruxü̃ ga daxũcüã̱x naxca̱x nayawãxna ga yema poxcupataü̃arü ĩã̱xgü ga chütacü. Rü ínanamuxü̃, rü ñanagürü nüxü̃:

Ore i mexü̃ ga Luca ümatüxü̃ 15:17

Rü yexguma naãxẽwa nagu narüxĩnü, rü ñanagürü: “¿Ñuxre i chaunatüarü puracütanüxü̃ rü nüxü̃́ nangẽxma i õna rü nüxü̃́ ínayaxü? Rü choma i nua rü taiyamaxã tá nuxma chayu.

Wiyaegü 33:18

Natürü nüma ya Cori ya Tupana rü guxü̃guma tüxna nadau ya yíxema nüxü̃ ngechaü̃güxe rü nüxü̃́ yaxõgüxe.

Ngechuchuarü ngúexü̃gü ga yamugüxü̃arü puracüchiga 12:7

Rü ngürüãchi yema poxcupataü̃wa nango̱x ga wüxi ga Coriarü orearü ngeruxü̃ ga daxũcüã̱x. Rü poraãcü nangóone ga gumá poxcupataü̃wa. Rü yema orearü ngeruxü̃ rü Pedruxü̃ nacu̱xagü, rü nanabaixãchixẽxẽ. Rü ñanagürü: —¡Paxãma írüda! —ñanagürü. Rü yexgumatama íniwẽgü ga gumá cadéna ga Pedru namaxã ichotachacüücü.

Danié 3:25

Rü ñu̱xũchi ga nüma ga ãẽ̱xgacü rü ñanagürü: —Natürü ngéma nüxü̃ chadau i ãgümücü i yatü iwẽgüxü̃ i üxüxétügu ixĩĩĩxü̃ rü taxuxü̃ma nüxü̃ ngupetüxü̃. Rü ngẽma norü ãgümücü i yatü rü nanadauxü̃cüã̱xraxü̃ —ñanagürü.

Wiyaegü 109:31

Erü nüma ya Tupana rü tümaétüwa nachogü ya yíxema ngearü ngẽmaxü̃ã̱xgüxe. Rü naxme̱xwa tüxü̃ ínapoxü̃ i ngẽma tüxü̃ íxuaxü̃güxü̃.

Wiyaegü 97:10

Rü nüma ya Cori ya Tupana rü tüxü̃ nangechaü̃ ya yíxema nüxü̃ oxe i ngẽma chixexü̃. Rü tüxna nadau ya yíxema aixcüma naga ĩnüexe rü tüxü̃ ínapoxü̃ naxme̱xwa i ngẽma chixexü̃gu maxẽxü̃ i duü̃xü̃gü.

2 Chamué 22:1

Rü yexguma Cori ya Tupana Dabíxü̃ rüngü̃xẽẽgu nax Chaúme̱xẽwa rü guxü̃ma ga norü uanügüme̱xẽwa ínanguxuchixẽẽãxü̃, rü nüma ga Dabí rü ñaa wiyaemaxã Tupanaxü̃ nicua̱xüxü̃.

Wiyaegü 41:2

Rü nüma ya Cori ya Tupana rü tá tüxna nadau rü tá maxü̃ tüxna naxã rü tá tüxü̃ nataãẽxẽxẽ i ñoma i naanewa. Rü taxũtáma tümaarü uanügüarü ngúchaü̃wa tüxü̃ nata̱x.

Wiyaegü 34:22

Natürü nüma ya Cori ya Tupana rü tüxü̃ ínapoxü̃ ya yíxema norü duü̃xü̃gü ixĩgüxe. Rü tama poxcu tümamaxã naxuegu ya yíxema nüxü̃́ yaxõgüxe.

Yox 31:31

Rü guxü̃ma ga yema duü̃xü̃gü ga chopatawa yexmagüxü̃ rü meama nachibüe rü nanangõ̱xgü ga maixcuraxü̃.

Norü taxre ga to ga popera ga ãẽ̱xgacügüchiga ümatüxü̃ 16:9

Erü nüma ya Cori ya Tupana rü nüxü̃ nadau i guxü̃ma i ñoma i naanewa ngupetüxü̃, nax ngẽmaãcü pora tüxna naxãxü̃ca̱x ya yíxema aixcüma nüxü̃́ yaxõxe. Natürü i cumax rü ñoma wüxi i duü̃xü̃ i tama naãẽxü̃ cuáxü̃rüxü̃ quixĩ erü Chíriaanearü ãẽ̱xgacüaxü̃́ cuyaxõ. Rü ngẽmaca̱x i ñu̱xma rü daiwa tá cungexmaecha —ñanagürü.

Popera ga Yudíugü ga yaxõgüxü̃ca̱x ümatüxü̃ 1:14

Rü guxü̃ma i Tupanaarü orearü ngeruü̃gü i daxũcüã̱x rü naãxẽgü i Tupanaaxü̃́ puracüexü̃ nixĩgü. Rü nüma ya Tupana rü nanamugü nax nüxü̃ yanangü̃xẽẽgüxü̃ca̱x i guxü̃ma i ngẽma duü̃xü̃gü ya Tupana naxwa̱xexü̃ nax nayauxgüãxü̃ i maxü̃ i taguma gúxü̃.

Ngechuchuarü ngúexü̃gü ga yamugüxü̃arü puracüchiga 24:27

Rü taxre ga taunecü yemaacü nixĩ. Rü ínanguxuchi ga Férix nax ãẽ̱xgacü yixĩxü̃, rü nachicüü ningucuchi ga Pórchiu ga Féstu. Natürü nüma ga Férix, rü Yudíugümaxã nügü namecümaxẽẽchaü̃, rü yemaca̱x tama Pauruxü̃ ínanguxuchixẽẽ.

Yox 5:19

Nüma rü 6 i guxchaxü̃wa tá cuxü̃ ínanguxuchixẽxẽ, rü ngẽma norü 7 i guxchaxü̃ rü marü taxũtáma cuxna nangu.

Naanearü ügüchiga 26:9

Rü yemaca̱x ga Abimeréx rü norü duü̃xü̃güxü̃ namu nax Ichaáca̱x yacagüxü̃ca̱x, rü ñanagürü nüxü̃: —Rü aixcüma nixĩ nax cuxma̱x iyixĩxü̃ i ngĩmax. ¿Rü tü̱xcüü̃ nüxü̃ quixu nax cueya̱x yixĩxü̃? —ñanagürü. Ichaá nanangãxü̃ rü ñanagürü nüxü̃: —Choma nagu charüxĩnügu rü ngürüãchi ngĩxca̱x choxü̃ nima̱xgü —ñanagürü.

Naanearü ügüchiga 18:13

Natürü nüma ga Cori ya Tupana rü Abraáü̃xü̃ ñanagürü: —¿Tü̱xcüü̃ ngĩxü̃́ naxãũchiga i Chára? ¿Ẽ̱xna tama iyaxõ rü tá nax naxãxacüxü̃ i woo nax nayaxüchichirexü̃?

Naanearü ügüchiga 15:13

Rü yexguma ga Cori ya Tupana rü ñanagürü nüxü̃: —Cumaxã nüxü̃ chixu rü ngẽma cutaagü rü to i nachixü̃anewa tá namaxẽ. Rü ngémacüã̱xgü rü tá norü puracütanüxü̃ nayaxĩgüxẽxẽ. Rü ngẽmaãcü tá chixri namaxã nachopetü i 400 ya taunecü.

Ngechuchuarü ngúexü̃gü ga yamugüxü̃arü puracüchiga 25:9

Natürü nüma ga Féstu rü Yudíugümaxã nügü namecümaxẽẽchaü̃, rü yemaca̱x Pauruna naca, rü ñanagürü nüxü̃: —¿Cunaxwa̱xexü̃ nax Yerucharéü̃wa cuxũxü̃ nax ngéma cuxna chacaxü̃ca̱x naxca̱x i guxü̃ma i ngẽma naxca̱x cuxü̃ ínaxuaxü̃güxü̃? —ñanagürü.

Wiyaegü 33:19

Rü yuwa tüxü̃ ínapoxü̃ rü maxü̃ tüxna naxã ega ñoma i naanewa taiya ínguxgu.