Ngechuchuarü ngúexü̃gü ga yamugüxü̃arü puracüchiga 11:3 - Tupanaarü Ore

³ Rü ñanagürügü: —¿Rü tü̱xcüü̃ natanüwa cuxũ i ngẽma tama Yudíugü ixĩgüxü̃, rü namaxã cuchibü? —ñanagürügü.

Ngechuchuarü ngúexü̃gü ga yamugüxü̃arü puracüchiga 11:3 Referans Kwoze

Ngechuchuarü ngúexü̃gü ga yamugüxü̃arü puracüchiga 10:28

Rü yexguma ga Pedru rü ñanagürü nüxü̃ ga yema duü̃xü̃gü ga yexma ngutaque̱xegüxü̃: —Pema nüxü̃ pecua̱x i toma i Yudíugüca̱x rü nangẽxma i torü mugü i toxna nachu̱xuxü̃ nax pemaxã tangutaque̱xegüxü̃, rü pepatagu nax tachocuxü̃. Natürü Tupana choxü̃ nango̱xetüxẽxẽ rü choxü̃ nüxü̃ nadauxẽxẽ nax tama namexü̃ nax nagu charüxĩnüxü̃ nax tama Tupanape̱xewa timexü̃ ya yíxema tama Yudíugü ixĩgüxe.

Gálatas 2:12

Yerü noxri rü yema duü̃xü̃gü ga tama Yudíugü ixĩgüxü̃maxã nachibü ga Pedru. Natürü yexguma yéma nangugügu ga ñuxre ga Yudíugü ga yaxõgüxü̃ ga Chantiágu yéma mugüxü̃, rü Pedru rü marü tama yema duü̃xü̃gü ga tama Yudíugü ixĩgüxü̃maxã nachibüchaü̃. Rü Yudíugümaxãxicatama nachibü ga yexguma, yerü nüxü̃ namuü̃ ga yema Yudíugü ga yéma ngugüxü̃ ga nagu ĩxü̃ ga yema nacüma nax Tupanaca̱x ínawíecha̱xmüü̃pe̱xechiraü̃güxü̃.

Ore i mexü̃ ga Luca ümatüxü̃ 15:2

Rü yemaca̱x ga Parichéugü rü ngúexẽẽruü̃gü ga Moichéarü mugüwa ngu̱xẽẽtaegüxü̃, rü Ngechuchuxü̃ nixugüe, rü ñanagürügü: —Ñaa yatü rü norü me nixĩ i pecaduã̱xgüxü̃maxã naxãmücüxü̃, rü namaxã nachibüxü̃ —ñanagürügü.

Norü taxre ga popera ga Cuáü̃ ümatüxü̃ 1:10

Rü ngẽxguma chi wüxi i duü̃xü̃ petanüwa nguxgu, rü tama yema Cristu tüxü̃ ngúexẽẽxü̃maxã pexü̃ nangúexẽẽgu, rü ¡taũtáma penayaxu i pechiü̃wa rü bai i nüxü̃ perümoxẽgü!

1 Corintios 5:11

Natürü yexguma pemaxã nüxü̃ chixuxgu nax tama namaxã pexãmücügüxü̃ i ngẽma duü̃xü̃gü i chixexü̃gu maxẽxü̃, rü nachiga chidexa i ngẽma duü̃xü̃ i nügü ixuxü̃ nax peenexẽgü i yaxõxü̃ nax yixĩxü̃, natürü nai i ngexü̃maxã maxü̃xü̃, rüe̱xna aüxü̃, rüe̱xna tupananetachicüna̱xãxü̃ icua̱xüü̃xü̃, rüe̱xna oregüta̱a̱xü̃, rüe̱xna ngãxẽwa̱xexü̃, rüe̱xna ngĩ́ta̱xaxü̃. Rü ngẽma duü̃xü̃gü nixĩ i pemaxã nüxü̃ chixuxü̃ nax tama namexü̃ nax namaxã pexãmücügüxü̃ rü bai i namaxã nax pechibüexü̃.

Ngechuchuarü ngúexü̃gü ga yamugüxü̃arü puracüchiga 10:48

Rü nanamu nax Ngechuchu ya Cristuégagu ínabaiü̃xü̃ ga yema duü̃xü̃gü ga yexwacax yaxõgüxü̃. Rü yexguma Pedruxü̃ naca̱a̱xü̃gü nax yexma naxã́ũxü̃ca̱x ga ñuxre ga ngunexü̃.

Ngechuchuarü ngúexü̃gü ga yamugüxü̃arü puracüchiga 10:23

Rü yexguma nanachocuxẽxẽ ga Pedru, rü yexma nanapegüxẽxẽ ga yema chütaxü̃gu. Rü moxü̃ãcü inaxĩãchi rü nawe narüxũ ga Pedru. Rü ínayaxümücügü ga ñuxre ga Yópecüã̱x ga yaxõgüxü̃.

Ore i mexü̃ ga Matéu ümatüxü̃ 9:11

Natürü yexguma yemaxü̃ nadaugügu ga Parichéugü, rü Ngechuchuarü ngúexü̃güna nacagü, rü ñanagürügü: —¿Ñuxãcü i perü ngúexẽẽruxü̃ rü namaxã nachibü i ngẽma duü̃xü̃gü i Rómaarü ãẽ̱xgacüca̱x diẽru ngĩxü̃ yauxgüxü̃ rü ngẽma duü̃xü̃gü i pecaduã̱xgüxü̃? —ñanagürügü.

Ore i mexü̃ ga Cuáü̃ ümatüxü̃ 18:28

Rü yexguma Ngechuchumaxã nüxü̃ nachauegu ga nüxna nax nacagüxü̃, rü Caipápatawa ínanagaxüchigü rü Yudéaanearü ãẽ̱xgacü ga Rómacüã̱xpatawa nanagagü. Natürü marü ningóonechaü̃ ga yexguma rü yemaca̱x ga yema Yudíugü rü tama gumá ãẽ̱xgacüpatagu nachocu, yerü Yudíugüarü mugü nüxü̃ nixu rü pecadu nixĩ nax wüxi ga Rómacüã̱xpatagu nax nachocuxü̃ ga yema ngunexü̃gu. Rü yemaacü tama Tupanape̱xewa nügü nixüxaarü maxü̃ã̱xẽẽgüchaü̃, yerü yexguma nügü yaxüxaarü maxü̃ã̱xẽẽgügu, rü taxucürüwa nanangõ̱xgü ga õna ga Üpetüchigaarü petaca̱x namexẽẽxü̃.

Ngechuchuarü ngúexü̃gü ga yamugüxü̃arü puracüchiga 10:32

¡Rü Yópewa namugü i ñuxre i yatügü nax naxca̱x yacagüxü̃ca̱x i Chimóü̃ i Pedrugu ãégaxü̃! Rü to i Chimóü̃ i naxcha̱xmüarü paxẽẽwa puracüxü̃patagu pexü̃. Rü yimá napata rü márcutüwa nangẽxma”, ñanagürü choxü̃.