Ngechuchuarü ngúexü̃gü ga yamugüxü̃arü puracüchiga 11:26 - Tupanaarü Ore

²⁶ Rü yexguma nüxü̃ iyangauxgu, rü Antioquíawa nanaga. Rü wüxi ga taunecü wüxiwa yéma nayexmagü namaxã ga yema yaxõgüxü̃. Rü nanangúexẽxẽ ga muxũchixü̃ma ga duü̃xü̃gü. Rü Antioquíawa nixĩ ga inaxügüxü̃ nax Cristutanüxü̃maxã nax naxugüãxü̃ ga yema yaxõgüxü̃.

Ngechuchuarü ngúexü̃gü ga yamugüxü̃arü puracüchiga 11:26 Referans Kwoze

Nüxíraxü̃xü̃ ga popera ga Pedru ümatüxü̃ 4:16

Natürü ngẽxguma texé Cristuaxü̃́ tayaxõxü̃gagu ngúxü̃ tingexgu, rü taxuca̱xma taxãnee. Rü name i ngẽmaca̱x Tupanaxü̃ ticua̱xüxü̃.

Ngechuchuarü ngúexü̃gü ga yamugüxü̃arü puracüchiga 26:28

Rü Pauruxü̃ nangãxü̃ ga Agrípa, rü ñanagürü: —¿Ẽ̱xna cuma nagu curüxĩnügu rü ngẽmaãcü noxre i curü oremaxã Cristuaxü̃́ choxü̃ cuyaxõxẽẽxü̃? —ñanagürü.

Nüxíraxü̃xü̃ ga popera ga Cuáü̃ ümatüxü̃ 2:27

Natürü Cristu rü marü pexna nanamu i Naãxẽ ya Üünexü̃, rü nüma rü pewa namaxü̃. Rü ngẽmaca̱x tama penaxwa̱xe i to i perü ngúexẽẽruxü̃, erü nümatama i Naãxẽ ya Üünexü̃ rü pexü̃ nangúexẽxẽ i guxü̃ma. Rü norü ngu̱xẽẽtae rü aixcüma nixĩ rü tama dora nixĩ. Rü ngẽmaca̱x name nixĩ nax guxü̃guma Cristuaxü̃́ peyaxõgüxü̃, ngẽma Naãxẽ ya Üünexü̃ pexü̃ ngúexẽẽxü̃rüxü̃.

Nüxíraxü̃xü̃ ga popera ga Pedru ümatüxü̃ 4:14

Rü ngẽxguma Cristuaxü̃́ nax peyaxõgüxü̃gagu texé pemaxã guxchigagu, rü name nixĩ i petaãẽgü. Erü ngẽmaãcü nüxü̃ pecua̱x nax Tupanaãxẽ ya Üünecü rü pewa nax nangẽxmaxü̃.

Efesios 3:15

Rü nüma nixĩ i Tanatü yixĩxü̃ i guxãma i yixema nax norü duü̃xü̃gü ixĩgüxü̃ i ñoma i naanewa rü daxũguxü̃ i naanewa ngẽxmagüxü̃.

1 Corintios 14:23

Rü ngẽxguma chi pema i yaxõgüxe pengutaque̱xegügu, rü guxã chima to i nagawa pidexagügu, ¿rü ñuxũ ñaxü̃ tá ega petanügu naxücu̱xgu i wüxi i duü̃xü̃ i ngéma iyarüxĩnüxü̃ rü ẽ̱xna wüxi i duü̃xü̃ i tauta yaxõxü̃? ¿Taux ẽ̱xna i nagu tá naxĩnüxü̃ nax pexãũãẽgüxü̃ i pemax?

1 Corintios 12:12

Rü duü̃xü̃xü̃ne rü woo muxü̃gu nixüye, natürü wüxitama i naxü̃ne nixĩ. Rü ngẽxgumarüxü̃ ta i ngẽma Cristuaxü̃́ yaxõgüxü̃ rü woo namu, natürü wüxitama i naxü̃newa naxügü.

1 Corintios 11:18

Erü duü̃xü̃gü chomaxã nüxü̃ nixugügü rü ngẽxguma tórü Corica̱x pengutaque̱xegüü̃xgu rü pegü pitoye. Rü chayaxõxõra nax aixcüma yixĩxü̃ i ngẽma nüxü̃ yaxugügüxü̃.

1 Corintios 4:17

Rü ngẽmaca̱x pexü̃tawa chanamu ya Timutéu ya poraãcü nüxü̃ changechaü̃cü. Rü nüma rü chaunerüxü̃ nixĩ i Coriarü puracüwa, rü aixcüma mea nayanguxẽxẽ i guxü̃ma i ngẽma nagu chanamuxü̃. Rü nüma tá pexna nüxü̃ nacua̱xãchixẽxẽ nax ñuxãcü Ngechuchu ya Cristupe̱xewa mea chamaxü̃xü̃ rü mea chanangúexẽẽxü̃ ga yema yaxõgüxü̃ ga natanügu chixũgüxü̃.

Ngechuchuarü ngúexü̃gü ga yamugüxü̃arü puracüchiga 14:27

Rü yexguma ínangugügu ga Pauru rü Bernabé, rü nanangutaque̱xexẽxẽ ga guxü̃ma ga yema duü̃xü̃gü ga yaxõgüxü̃. Rü namaxã nüxü̃ nixugügü ga guxü̃ma ga ñuxãcü Tupana poraãcü nüxü̃ nax rüngü̃xẽẽxü̃. Rü yexgumarüxü̃ ta namaxã nüxü̃ nixugügü nax yaxõgüãxü̃ ga yema duü̃xü̃gü ga tama Yudíugü ixĩgüxü̃, yerü Tupana nüxü̃́ nanatauxchaxẽxẽ nax yaxõgüãxü̃ca̱x.

Ore i mexü̃ ga Matéu ümatüxü̃ 28:19

Rü ñu̱xma rü chanaxwa̱xe i guxü̃ i nachixü̃anewa pexĩ i guxü̃ i duü̃xü̃gütanüwa. ¡Rü chorü duü̃xü̃güxü̃ peyaxĩgüxẽxẽ̱x! ¡Rü ípenabaiü̃xẽxẽ chauégagu rü Chaunatüégagu rü Naãxẽ ya Üünexü̃égagu!

Yema Cuáü̃ nüxü̃ dauxü̃ i yixcüra tá ngupetüxü̃chiga 3:18

Rü ñu̱xma rü cuxü̃ chaxucu̱xẽ nax chauxü̃tawa naxca̱x cutaxexü̃ca̱x i úiru i marü üxüwa iguxü̃ i nüxicatama ixĩxü̃. Rü ngẽmaãcü tá aixcüma cuxü̃́ nangẽxma i curü ngẽmaxü̃gü. Rü ngẽxgumarüxü̃ ta cuxü̃ chaxucu̱xẽ nax chauxü̃tawa naxca̱x cutaxexü̃ca̱x i cuxchiru i cómüxü̃ nax ngẽmagu quicúxü̃ca̱x nax taxúema cuxü̃ dauxü̃ca̱x nax cungexchiruxü̃. Rü ngẽxgumarüxü̃ ta cuxü̃ chaxucu̱xẽ nax chauxü̃tawa naxca̱x cutaxexü̃ca̱x i curü ma̱ĩ̱xetüxü̃ nax curümexẽtüxü̃ca̱x rü wena quidauchixü̃ca̱x.

Ngechuchuarü ngúexü̃gü ga yamugüxü̃arü puracüchiga 14:23

Rü Pauru rü Bernabé rü wüxichigü ga yema yaxõgüxü̃tücumüwa nüxü̃ nixunetatanü ga ñuxre ga yatügü nax yema yaxõgüxü̃arü ãẽ̱xgacügü yixĩgüxü̃ca̱x. Rü tama nachibüeãcüma naxca̱x nayumüxẽgü. Rü yimá Cori ya Tupana ga nüxü̃́ yaxõgüãcüna nanaxuaxü̃gü ga yema yaxõgüxü̃arü ãẽ̱xgacügü.

Ngechuchuarü ngúexü̃gü ga yamugüxü̃arü puracüchiga 11:27

Rü yexgumaü̃cüxü Yerucharéü̃wa ne naxĩ ga ñuxre ga Tupanaarü orearü uruü̃gü, rü Antioquíawa naxĩ.

Ngechuchuarü ngúexü̃gü ga yamugüxü̃arü puracüchiga 11:22

Rü yexguma yemaxü̃ nacuáchigagügu ga yema yaxõgüxü̃ ga Yerucharéü̃wa yexmagüxü̃, rü Antioquíawa nanamugü ga Bernabé.

Ngechuchuarü ngúexü̃gü ga yamugüxü̃arü puracüchiga 11:20

Natürü yéma Antioquíawa nangugü ta ga ñuxre ga togü ga yaxõgüxü̃ ga Chíperecüã̱x, rü Chirénecüã̱x. Rü nümagü rü yema tama Yudíugü ixĩgüxü̃maxã rü ta nüxü̃ nixugüe ga ore i mexü̃ ga Cori ya Ngechuchuchiga.

Ngechuchuarü ngúexü̃gü ga yamugüxü̃arü puracüchiga 6:5

Rü yexguma ga guxü̃ma ga yema duü̃xü̃gü rü: —Ngü̃ —ñanagürügü naxca̱x ga yema ore. Rü nüxü̃ naxunetagü ga Estébaü̃ ga mea yaxõcü rü aixcüma Tupanaãxẽ ya Üünecü nawa yexmacü, rü Ferípe, rü Pócoro, rü Nicanúru, rü Timóü̃ rü Pármenax, rü Nicuráchi ga Antioquíacüã̱x ga yexguma taxũta Ngechuchuaxü̃́ yaxõõgu rü Yudíugücümagu ixũcü.

Ichaía 65:15

Rü ngẽma chorü duü̃xü̃gü rü peégamaxã tá nixĩ i togü i duü̃xü̃gümaxã chixexü̃ naxuegugüxü̃. Rü choma ya Cori ya Tupana ya Guxü̃étüwa Ngẽxmaxe rü tá pexü̃ chadai. Natürü ngẽma chorü duü̃xü̃güna tá chanaxã i wüxi i naéga i ngexwaca̱xü̃xü̃.

Ore i mexü̃ ga Cuáü̃ ümatüxü̃ 2:2

Rü Ngechuchuna naxugüe namaxã ga norü ngúexü̃gü nax yéma naxĩxü̃ca̱x.

Ngechuchuarü ngúexü̃gü ga yamugüxü̃arü puracüchiga 1:15

Rü yema ngunexü̃gügu ga yexguma nangutaque̱xegügu ga yema yaxõgüxü̃ ga maneca 120 ixĩgüxü̃ rü Pedru rü inachi ga norü ngãxü̃tanüwa, rü ñanagürü:

Ngechuchuarü ngúexü̃gü ga yamugüxü̃arü puracüchiga 6:1

Rü yema ngunexü̃gügu rü yexeraãcü nimuetanü ga yema duü̃xü̃gü ga yaxõgüxü̃. Rü natanüwa nayexmagü ga Yudíugü ga Griégugawa idexagüxü̃. Rü nayexma ta ga yaxõgüxü̃ ga Yudíugü ga woetama nagawa idexagüxü̃. Rü yema yaxõgüxü̃ ga Griégugawa idexagüxü̃ rü nidexagüecha nachigagu ga yema yaxõgüxü̃ ga Yudiugügawa idexagüxü̃, rü ñanagürügü: —Totanüwa yutegüxe rü tama mea õna tüxna naxãgüxü̃ i ngẽxguma õna inaxãgüü̱̃xgu i wüxichigü i ngunexü̃gu —ñanagürügü.

Ngechuchuarü ngúexü̃gü ga yamugüxü̃arü puracüchiga 9:19

Rü yemawena nachibü, rü wenaxarü napora. Rü ñuxre ga ngunexü̃gu yexma Damácugu narüxã̱ũ̱x namaxã ga yema yaxõgüxü̃ ga yexma ãchiü̃güxü̃.

Ngechuchuarü ngúexü̃gü ga yamugüxü̃arü puracüchiga 9:38

Rü Yópearü ngaicamana nayexma ga guma ĩane ga Lidá ga Pedru nawa yexmane. Rü yema yaxõgüxü̃ ga Yópecüã̱x rü nüxü̃ nacua̱xgü nax Lidáwa nayexmaxü̃ ga Pedru. Rü Lidáwa nanamugü ga taxre ga yatü nax Pedruca̱x yacagüxü̃ca̱x ñaxü̃maxã: —¡Paxa Yópewa naxũ! —ñaxü̃maxã.

Ngechuchuarü ngúexü̃gü ga yamugüxü̃arü puracüchiga 11:29

Rü yexguma ga yema yaxõgüxü̃ ga Antioquíawa yexmagüxü̃, rü marü wüxigu nagu narüxĩnüe nax yéma ngĩxü̃ namugüxü̃ca̱x ga diẽru nax nüxü̃ nangü̃xẽẽgüxü̃ca̱x ga yema yaxõgüxü̃ ga Yudéaanegu ãchiü̃güxü̃. Rü wüxichigü ngĩxü̃ inaxã ga diẽru yexgumarüxü̃ ga ñuxre ga nüxü̃́ yexmacü.

Ngechuchuarü ngúexü̃gü ga yamugüxü̃arü puracüchiga 14:20

Natürü yexguma yema yaxõgüxü̃ naxü̃tawa ngutaque̱xegu, rü inachi ga Pauru, rü wenaxarü nagu naxücu ga guma ĩane. Rü moxü̃ãcü inaxũãchi ga yéma, rü Bernabémaxã Dérbewa naxũ.

Ngechuchuarü ngúexü̃gü ga yamugüxü̃arü puracüchiga 14:22

Rü gumá ĩanegüwa rü yema yaxõgüxü̃xü̃ nixucu̱xẽgü, rü nüxü̃́ nanangúchaü̃xẽẽgü nax guxü̃guma mea yaxõgüãxü̃ca̱x. Rü namaxã nüxü̃ nixugüe, rü ñanagürügü: —Ngẽma Tupana ãẽ̱xgacü ixĩxü̃wa nax ixücuxü̃ca̱x, rü tanaxwa̱xe i muxü̃ma i guxchaxü̃gümaxã yáxna taxĩnüexü̃ i ñoma i naanewa —ñanagürügü.

Ngechuchuarü ngúexü̃gü ga yamugüxü̃arü puracüchiga 14:28

Rü muxü̃ma ga ngunexü̃ yema yaxõgüxü̃tanüwa nayexmagü ga Pauru rü Bernabé.

Ngechuchuarü ngúexü̃gü ga yamugüxü̃arü puracüchiga 18:27

Rü yexguma Acáyaanewa naxũxchaü̃gu ga Apóru, rü yema yaxõgüxü̃ ga Epéchiucüã̱x nüxü̃ narüngü̃xẽẽgü. Rü popera yéma namugü naxca̱x ga yema yaxõgüxü̃ ga Acáyaanecüã̱x nax mea Apóruxü̃ nayauxgüxü̃ca̱x. Rü yexguma Acáyaanewa nanguxgu ga Apóru rü poraãcü nüxü̃ narüngü̃xẽxẽ ga yema duü̃xü̃gü ga Tupanaarü ngechaü̃gagu Ngechuchuaxü̃́ yaxõgüxü̃.

Ngechuchuarü ngúexü̃gü ga yamugüxü̃arü puracüchiga 19:9

Natürü nayexma ga ñuxre ga duü̃xü̃gü ga tama nüxü̃ cua̱xgüchaü̃xü̃ rü tama yaxõgüchaü̃xü̃. Rü nümagü inanaxügüe nax yema muxü̃ma ga duü̃xü̃güpe̱xewa chixexü̃ yaxugüexü̃ nachigagu ga Cori ya Ngechuchu. Rü yemaca̱x ga Pauru rü nüxna nixũgachi, rü tóxnamana nanagagü ga yema yaxõgüxü̃ nawa ga wüxi ga ngutaque̱xepataxü̃ ga Tiránuarü ngúepataü̃ ga naéga. Rü guxü̃ ga ngunexü̃gu namaxã nüxü̃ nixuchiga ga ore i mexü̃.

Ngechuchuarü ngúexü̃gü ga yamugüxü̃arü puracüchiga 20:1

Rü yexguma marü nangupetügu ga yema nax ínanuexü̃ ga duü̃xü̃gü, rü Pauru naxca̱x nangema ga yema yaxõgüxü̃ nax yaxucu̱xẽgüãxü̃ca̱x. Rü yexguma marü namaxã nüxü̃ nachaugu, rü nüxü̃ narümoxẽ, rü inaxũãchi ga Machedóniaanewa nax naxũxü̃.

Ngechuchuarü ngúexü̃gü ga yamugüxü̃arü puracüchiga 20:30

Rü woo petanüwa tátama nangẽxmagü i nümaxü̃ i tá doramaremaxã nangúexẽẽxü̃ i ngẽma yaxõgüxü̃ nax nügüwe naxĩxẽẽãxü̃ca̱x.

Ngechuchuarü ngúexü̃gü ga yamugüxü̃arü puracüchiga 21:4

Rü yexma nüxü̃ tayangau ga yémacüã̱x ga yaxõgüxü̃, rü 7 ga ngunexü̃ yéma natanüwa tayexmagü. Rü Tupanaãxẽ ya Üünecü nayadexagüxẽxẽ ga yema yaxõgüxü̃, rü Pauruxü̃ ñanagürügü: —¡Taxṹ i Yerucharéü̃wa cuxũxü̃! —ñanagürügü.

Popera ga Chantiágu ümatüxü̃ 2:7

¿Taux ẽ̱xna ngẽma diẽruã̱xgüxü̃ yixĩxü̃ i chixexü̃ namaxã ixugüexü̃ i naéga i mexechixü̃ ya perü Cori ya Cristu?