Biblia Todo Logo
Bib sou entènèt

- Piblisite -




Ngechuchuarü ngúexü̃gü ga yamugüxü̃arü puracüchiga 11:23 - Tupanaarü Ore

23 Rü yexguma yéma nanguxgu ga Bernabé, rü nüxü̃ nadau nax ñuxãcü Tupana nüxü̃ rüngü̃xẽẽxü̃ ga yema yaxõgüxü̃ ga Antioquíacüã̱x, rü poraãcü namaxã nataãxẽ. Rü nayaxucu̱xẽgü ga guxü̃ma nax meama Cori ya Ngechuchuwe naxĩãmaxü̃ca̱x, rü taguma nüxü̃ naxoexü̃ca̱x.

Gade chapit la Kopi




Ngechuchuarü ngúexü̃gü ga yamugüxü̃arü puracüchiga 11:23
37 Referans Kwoze  

Rü ngẽmaca̱x, Pa Chauenexẽgü ya Pexü̃ Changechaü̃güxex, rü name nixĩ i mea peyaxõgüama rü taguma ípenata̱x i Tupanaarü ore. Rü name nixĩ i guxü̃guma mea penaxü i tórü Coriarü puracü, erü pema nüxü̃ pecua̱x rü ngẽma puracü i nüxü̃́ pexüxü̃, rü tama natüca̱xma nixĩ.


Rü gumá ĩanegüwa rü yema yaxõgüxü̃xü̃ nixucu̱xẽgü, rü nüxü̃́ nanangúchaü̃xẽẽgü nax guxü̃guma mea yaxõgüãxü̃ca̱x. Rü namaxã nüxü̃ nixugüe, rü ñanagürügü: —Ngẽma Tupana ãẽ̱xgacü ixĩxü̃wa nax ixücuxü̃ca̱x, rü tanaxwa̱xe i muxü̃ma i guxchaxü̃gümaxã yáxna taxĩnüexü̃ i ñoma i naanewa —ñanagürügü.


Rü yexguma marü nüxü̃ nachauegu nax nangutaque̱xegüxü̃, rü Pauruwe rü Bernabéwe narüxĩ ga muxü̃ma ga Yudíugü rü muxü̃ma ga togü ga duü̃xü̃gü ga tama Yudíugü ixĩgüxü̃ natürü Yudíugürüxü̃ Tupanaaxü̃́ yaxõgüxü̃. Rü Pauru rü Bernabé rü namaxã nidexagü rü nayaxucu̱xẽgü nax tama nüxü̃ naxoexü̃ca̱x nax nagu naxĩxü̃ ga yema Tupanaarü ngechaü̃.


Rü ñu̱xmax, Pa Chauxacügüx, rü name nixĩ nax meama Cristuaxü̃́ peyaxõgüxü̃ nax tama nüxü̃ imuü̃exü̃ca̱x, rü tama ixãneexü̃ca̱x nape̱xewa i ngẽxguma wena nua naxũxgu.


Natürü cumax, Pa Timutéux, marü nüxü̃ cucua̱x i ngẽma chorü ngu̱xẽẽtae, rü chaucüma, rü ngẽma nagu charüxĩnüxü̃, rü ngẽma chorü õ, rü ñuxãcü nüxü̃ changechaü̃xü̃ ga yema yaxõgüxü̃ rü yáxna namaxã chaxĩnüxü̃.


Rü ngẽmatama ore i mexü̃ ga pexü̃tawa nguxü̃, rü guxü̃wama nangu i ñu̱xmax. Rü ngẽma ore rü guxü̃wama duü̃xü̃güarü maxü̃xü̃ naxüchicüü, yema perü maxü̃xü̃ nax naxüchicüüxü̃rüxü̃ ga yexguma nüxü̃ pexĩnüegu nax Tupana pexü̃ ngechaü̃güxü̃ rü nüxü̃ pecua̱xgügu nax aixcüma yixĩxü̃ ga yema norü ore.


Natürü tama ngẽma ãũcümaxü̃gu charüxĩnü erü nüetama nixĩ ega woo chayu̱xgu. Natürü ngẽma chanaxwa̱xexü̃ nixĩ nax taãẽãcüma chapuracüamaxü̃ nax mea chayanguxẽẽxü̃ca̱x i ngẽma puracü ga tórü Cori ya Ngechuchu choxna ãxü̃ rü nüxü̃ chixuxü̃ca̱x i norü ore i Tupanaarü ngechaxü̃chiga.


Rü ngẽma guxü̃arü yexera namaxã chataãẽxü̃ nixĩ i ngẽxguma nüxü̃ chaxĩnügu nax mea Tupanaarü ore nüxü̃ ixuxü̃ãcüma namaxẽxü̃ i ngẽma yaxõgüxü̃.


Rü yéma rü wüxi ga wapurugu nichoü̃ nax gumá Chíriaanewa yexmane ga ĩane ga Antioquíaca̱x nawoeguxü̃ca̱x. Rü guma ĩane ga Antioquíawa nixĩ ga duü̃xü̃gü Tupanaarü ngechaxü̃na namugüxü̃ ga Pauru rü Bernabé nax naxügüã̱xü̃ca̱x ga yema puracü i marü yanguxẽẽgüxü̃.


¡Rü ñu̱xmarüü̃tama rü guxü̃gutáma Cori ya perü Tupanawe perüxĩ!


¡Ẽcü nüxü̃ pengechaxü̃ ya Cori ya perü Tupana, rü naga pexĩnüe, rü aixcüma peyanguxẽxẽ i ngẽma pexü̃ namuxü̃! Erü naxme̱xwa nangẽxma i perü maxü̃ rü ngẽma perü ngunexü̃gü i nagu tá pemaxẽxü̃ nawa i ngẽma naane ga perü o̱xigü ga Abraáü̃ rü Ichaá rü Acóbumaxã naxueguxü̃ —ñanagürü ga Moiché.


¡Rü nüxü̃ pengechaxü̃ ya yima perü Cori ya Tupana! ¡Rü nüxü̃xicatama picua̱xüü̃gü rü naga pexĩnüe! ¡Rü ngẽxguma wüxi i uneta pexü̱xgu rü penaxwa̱xe i naégagu penaxü̱x!


Rü name nixĩ i guxü̃guma chowa peyaxũ̱xgü, ngẽma nax choma rü pewa chayaxṹxü̃rüxü̃. Erü wüxi i úbachacüxü rü tama nüxica naxo, ega tama nanewa yaxũxgux. Rü ngẽxgumarüxü̃ ta i pema rü taxuacüma ta̱xacü cha̱u̱xca̱x pexü, ega tama chowa peyaxũ̱xgüechagu.


Rü yexguma ga Ngechuchu rü norü ngúexü̃güxü̃ ñanagürü: —Rü ngẽxguma texé chowe rüxũxchaü̃gu, ¡ẽcü nüxü̃ tarüxo i tümaarü ngúchaü̃, rü namaxã tapora i ngẽma guxchaxü̃gü i tümaca̱x ínguxü̃, rü ngẽmaétüwa chowe tarüxũ!


Natürü ngẽma pexna naxca̱x chacaxü̃xicatama nixĩ nax aixcüma peyanguxẽẽxü̃ i ngẽma Tupanaarü mugü ga norü duü̃ ga Moiché pemaxã nüxü̃ ixuxü̃ ga ñaxü̃: “¡Nüxü̃ pengechaxü̃ ya perü Cori ya Tupana rü penaxü̱x i ngẽma nüma nanaxwa̱exü̃! ¡Rü naga pexĩnüe i guxü̃ma i norü mugü, rü guxü̃guma naxca̱x pemaxẽ guxü̃ma i perü maxü̃maxã rü perü poramaxã!” —ñanagürü.


Bexmana pema nagu perüxĩnüegu rü tama mea nagu charüxĩnüãcü nixĩ i pemaxã nüxü̃ chixuxü̃ nax petanüwa chaxũxchaü̃xü̃. ¿Ẽ̱xna pema nagu perüxĩnüegu rü ñoma wüxi i duü̃xü̃ i tama Tupanaaxü̃́ yaxõxü̃ãcü nagu charüxĩnü rü “Ngü̃”, ñachagürü rü ngẽxgumatama “Tama”, ñachagürü?


Rü ñu̱xmax, Pa Chauenexẽgüx, rü Tupanana pexü̃ chamugü. Rü chanaxwa̱xe i naga pexĩnüe i norü ore i tüxü̃ nüxü̃ cua̱xẽẽxü̃ nax aixcüma poraãcü tüxü̃ nangechaü̃xü̃. Erü ngẽma norü ore tá pexü̃ naporaexẽxẽ nax tórü Corica̱x pemaxẽxü̃ca̱x rü pexü̃́ nangẽxmaxü̃ca̱x i pechica namaxã i guxü̃ma i duü̃xü̃gü ya Tupana dexü̃.


Natürü ga Pauru rü Chíraxü̃ niga. Rü yema Antioquíacüã̱x ga yaxõgüxü̃ rü naxca̱x nayumüxẽgü nax Tupana nüxü̃ rüngü̃xẽẽgüxü̃ca̱x. Rü yexguma inaxĩãchi.


Rü yexguma Ngechuchu nüxü̃ da̱u̱xgu nax aixcüma yaxõgüãxü̃ ga yema duü̃xü̃gü ga yéma nangetaü̃güxü̃, rü ñanagürü nüxü̃ ga gumá nawãĩxãchicü: —Pa Chaunex, curü pecadugü rü marü cuxü̃́ nüxü̃ charüngüma —ñanagürü.


Natürü nüma ga Danié rü tama nanangṍxchaü̃ ga yema õna rü tama nayaxaxchaü̃ ga gumá bínu ga ãẽ̱xgacü nüxna naxãcü, yerü nagu narüxĩnü nax tama Tupanape̱xewa namexü̃ ga yema. Rü yemaca̱x ãẽ̱xgacüarü duü̃xü̃güeruna naca nax tama yema õna ga ãẽ̱xgacü nüxna ãxü̃ nüxü̃ nangõ̱xẽẽxü̃ca̱x.


Ngẽma ngexü̃ rü ñoma wüxi i ngĩ́ta̱xáxü̃rüxü̃ tüxü̃ ínicu̱xeü̃ nax tüxü̃ ínayauxü̃xü̃ca̱x ya yíxema ngéma chopetüxe. Rü ngẽmaãcü inanatauxexẽ i muxü̃ma i yatügü. -18-


Pa Chaunex, ngẽxguma cua̱xwa cunguxgu, rü choma rü guxü̃ i duü̃xü̃güarü yexera tá taãxẽ chayaxu.


Rü cuma rü marü mea nüxü̃ cucua̱x i ngẽma chauãẽwa nagu charüxĩnüxü̃. Rü chütacü rü choxü̃ cuxü rü taxuxü̃ma i chixexü̃ chowa icuyangau. Rü nüxü̃ cucua̱x nax aixcüma yixĩxü̃ i ngẽma nüxü̃ chixuxü̃.


Rü nayexma ga wüxi ga yatü ga Lebítanüxü̃ ga Chíperecüã̱x ga Yúchegu ãégacü. Rü yema ngúexü̃gü ga Ngechuchu imugüxü̃ nax Tupanaarü puracü naxügüxü̃ca̱x rü Bernabémaxã nanaxugü. Rü ngẽma naéga, rü: “Taãẽxẽẽruxü̃”, ñaxü̃chiga nixĩ.


Rü yíxema nüxü̃ cuáxe nax Tupanaarü oremaxã duü̃xü̃güxü̃ tataãẽxẽẽxü̃, rü name nixĩ i meama tanaxü i ngẽma. Rü yíxema nüxü̃ cuáxe nax togümaxã tangauxü̃ i tümaarü ngẽmaxü̃gü, rü name nixĩ i tümaarü ngúchaü̃maxã tanaxü i ngẽma. Rü yíxema ãẽ̱xgacü ixĩxẽ rü name nixĩ i meama tayanguxẽxẽ i ngẽma puracü. Rü yíxema nüxü̃ cuáxe nax togü tüxü̃́ ngechaü̃tümüxü̃güxü̃, rü name nixĩ i taãẽãcüma tanaxü i ngẽma.


Rü ñu̱xma nax Tupanaarü ngü̃xẽẽruü̃gü tixĩgüxü̃, rü pexü̃ taca̱a̱xü̃ nax tama nüxü̃ pexoexü̃ca̱x ga yema ngechaü̃ ga Tupana pexca̱x ixãxü̃.


Taenexẽ ya Chilbánu ya mea yaxõcüarü ngü̃xẽẽmaxã pexca̱x chanaxümatü i ñaa nuxmarexü̃ i popera nax pexü̃ chixucu̱xẽgüxü̃ca̱x rü pemaxã nüxü̃ chixuxü̃ca̱x nax ngẽma Tupanaarü ngü̃ẽxẽ i pexna naxãxü̃ rü wüxi i cua̱xruxü̃ nixĩ nax poraãcü pexü̃ nangechaü̃xü̃. Rü name nixĩ i taguma nüxü̃ perüngü̃maexü̃ nax pexü̃ nangechaü̃xü̃.


Erü ñu̱xma rü nangẽxma i ñuxre i duü̃xü̃gü i norü doramaxã petanügu chocuxü̃. Rü ngẽma duü̃xü̃gü i chixexü̃gu maxẽxü̃ rü ñanagürügü: “Tupana rü namecümaxüchi rü ngẽmaca̱x taxũtáma pexü̃ napoxcue ega woo chixexü̃gu pemaxẽgu”, ñanagürügü. Rü naétü tama nüxü̃ nacua̱xgüchaü̃ ya tórü Cori ya Ngechuchu ya Cristu ya tórü yora ixĩcü. Natürü ngẽma duü̃xü̃gü i ngẽmaãcü maxẽxü̃, rü woetama nũxcümama Tupanaarü ore i ümatüxü̃wa rü marü nüxü̃ nixu nax Tupana tá napoxcuexü̃.


Swiv nou:

Piblisite


Piblisite