Ngechuchuarü ngúexü̃gü ga yamugüxü̃arü puracüchiga 11:14 - Tupanaarü Ore

¹⁴ Rü nüma tá cumaxã nüxü̃ nixu nax ñuxãcü tá cuma rü guxü̃ i cupatacüã̱xmaxã penayaxuxü̃ i maxü̃ i taguma gúxü̃”, ñanagürü ga yema daxũcüã̱x.

Ngechuchuarü ngúexü̃gü ga yamugüxü̃arü puracüchiga 11:14 Referans Kwoze

Ngechuchuarü ngúexü̃gü ga yamugüxü̃arü puracüchiga 16:15

Rü yemawena rü ñu̱xũchi íibaie wüxigu namaxã ga guxü̃ma ga ngĩtanüxü̃. Rü yixcaama rü toxü̃ ica̱a̱xü̃ ñaxü̃maxã: —Ngẽxguma pema choxü̃ peda̱u̱xgu nax aixcüma Coriaxü̃́ chayaxõxü̃, rü marü name ega chopatagu peyapegügu —ngĩgürügü. Rü yéma toxü̃ ixĩxẽxẽ.

Ngechuchuarü ngúexü̃gü ga yamugüxü̃arü puracüchiga 10:22

Rü nümagü nanangãxü̃gü, rü ñanagürügü: —Capitáü̃ ya Cornériuxü̃tawa ne taxĩ rü nüma nixĩ i nua toxü̃ namugüxü̃. Rü wüxi ya yatü ya mecü nixĩ, rü Tupanaxü̃ nangechaü̃. Rü guxü̃ma i Yudíugü nüxü̃ nangechaü̃ i nümax. Rü wüxi ga Tupanaarü orearü ngeruxü̃ ga daxũcüã̱x nanamu nax cuxca̱x toxü̃ yacaxẽẽxü̃ca̱x ga Cornériu rü napatawa cuxũxü̃ca̱x rü nüxü̃ nax naxĩnüxü̃ca̱x i curü ore —ñanagürügü.

Ngechuchuarü ngúexü̃gü ga yamugüxü̃arü puracüchiga 10:6

Rü to i Chimóü̃ i naxcha̱xmüarü paxẽẽwa puracüxü̃patawa nangẽxma rü ngẽxma nape. Rü yimá napata rü márcutüwa nangẽxma —ñanagürü.

Ngechuchuarü ngúexü̃gü ga yamugüxü̃arü puracüchiga 10:2

Rü nüma nixĩ ga wüxi ga yatü ga meama Tupanaaxü̃́ yaxõcü. Rü wüxigu naxma̱xmaxã rü naxacügümaxã Tupanaxü̃ nangechaü̃gü. Rü mucüma ga norü diẽrumaxã nüxü̃ narüngü̃xẽxẽ ga duü̃xü̃gü ga Yudíugü ga ingearü diẽruã̱xgüxü̃. Rü guxü̃guma nayumüxẽ rü Tupanamaxã nidexa.

Ngechuchuarü ngúexü̃gü ga yamugüxü̃arü puracüchiga 2:39

Rü ñaa Tupanaarü uneta, rü pexca̱x nixĩ, rü pexacügüca̱x, rü guxü̃ i duü̃xü̃gü i yáxü̃wa ngẽxmagüxü̃ca̱x nixĩ. Erü guxü̃ i duü̃xü̃gü i tórü Cori ya Tupana nügüxü̃tawa naxca̱x ca̱xaxü̃ca̱x nixĩ i ngẽma uneta —ñanagürü ga Pedru.

Ore i mexü̃ ga Cuáü̃ ümatüxü̃ 20:31

Natürü guxü̃ma ga yema Ngechuchu üxü̃ rü ñaa poperagu naxümatü nax peyaxõgüxü̃ca̱x nax Ngechuchu rü Tupana Nane ya Cristu nax yixĩxü̃ rü ngẽxguma nüxü̃́ peyaxõgügu pexü̃́ nangẽxmaxü̃ca̱x i maxü̃ i taguma gúxü̃.

Naanearü ügüchiga 17:7

Rü ngẽma ñu̱xma tá cumaxã rü cutaagümaxã chaxueguxü̃ rü ñaa nixĩ: Rü choma rü guxü̃gutáma curü Tupana chixĩ rü cutaagüarü Tupana chixĩ.

Ore i mexü̃ ga Cuáü̃ ümatüxü̃ 12:50

Rü nüxü̃ chacua̱x nax Chaunatüarü orewa nangẽxmaxü̃ i maxü̃ i taguma gúxü̃. Rü ngẽmaca̱x i ngẽma ore i nüxü̃ chixuxü̃, rü ngẽmatama ore nixĩ i Chaunatü choxü̃ muxü̃ nax nüxü̃ chixuxü̃ —ñanagürü ga Ngechuchu.

Ore i mexü̃ ga Cuáü̃ ümatüxü̃ 6:63

Tupanaãxẽ ya Üünecü nixĩ i inaxãxü̃ i maxü̃ i taguma gúxü̃. Rü tama pexene nixĩ i pexü̃ maxẽxẽẽxü̃. Rü ngẽma ore i pemaxã nüxü̃ chixuxü̃ rü peãxẽca̱x nixĩ, rü ngẽma orewa nangẽxma i maxü̃ i taguma gúxü̃.

Ore i mexü̃ ga Cuáü̃ ümatüxü̃ 4:53

Rü gumá bucü nanatü rü nüxna nacua̱xãchi nax yema oragu yixĩxü̃ ga Ngechuchu ga ñaxü̃ nüxü̃: “Cune rü marü naxca̱x nitaane”, ñaxü̃. Rü nüma ga gumá yatü ga ãẽ̱xgacü ga réiarü ngü̃xẽẽruxü̃ rü guxü̃ma ga napatacüã̱x rü Ngechuchuaxü̃́ nayaxõgü.

Ore i mexü̃ ga Luca ümatüxü̃ 19:10

Rü Tupana Nane ya duü̃xü̃xü̃ ixĩcü, rü ñoma i naanewa naxũ nax naxca̱x yadauxü̃ca̱x i ngẽma duü̃xü̃gü i iyarütauxexü̃ nax namaxẽxẽẽãxü̃ca̱x —ñanagürü.

Ore i mexü̃ ga Márcu ümatüxü̃ 16:16

Rü yíxema yaxṍxe rü íbaiexe rü tá tüxü̃́ nangẽxma i maxü̃ i taguma gúxü̃. Natürü yíxema tama yaxṍxe rü tá tapoxcu.

Yeremía 32:39

Rü tá mea nagu chanaxĩnüexẽxẽ, rü mexü̃ i nacüma tá nüxna chaxã nax guxü̃guma choxü̃xicatama yacua̱xüü̃güxü̃ca̱x nax ngẽmaãcü mexü̃wa nangẽxmagüxü̃ca̱x i nümagü rü nanegü rü naxacügü rü nataagü.

Ucu̱xẽgüchiga 20:7

Tupanape̱xewa tame ya yíxema ngearü chixexü̃ã́xe. Rü ngẽma tümaxacügü i tümacümagu ĩxü̃ rü nataãẽgü.

Wiyaegü 112:2

Rü yimá yatü ya mexü̃gu rüxĩnücü rü Tupana tá nüxü̃ narüngü̃xẽxẽ i ngẽma naxacügü rü tá naporae i ñoma i naanewa.

Wiyaegü 103:17

Natürü ngẽma Tupanaarü ngechaü̃ tümaca̱x ya yíxema naga ĩnüexe rü taguma inayacua̱x. Rü tümaxacügüwa naxüe nax guxü̃guma Tupana tümamaxã mecümaxü̃ ya yíxema mea yanguxẽẽgüxe i norü uneta rü tama nüxü̃ irüngümaexe nax naga taxĩnüexü̃ i norü mugü.

Naanearü ügüchiga 18:19

Rü chomatama marü chanayaxu nax nanegümaxã rü nataagümaxã nüxü̃ yaxuxü̃ca̱x i ngẽma chorü mugü nax nümagü i nataagü naga naxĩnüexü̃ca̱x, rü mexü̃ naxügüxü̃ca̱x nax ngẽmaãcü choma chayanguxẽẽxü̃ca̱x i guxü̃ma ga yema namaxã nüxü̃ chixuxü̃”, ñaxü̃gu narüxĩnü ga Tupana.

1 Corintios 1:16

Rü to ga íchabaiü̃xẽẽxü̃ nixĩ ga Etéfanatanüxü̃, natürü cha̱u̱xca̱x rü taxúema ga togue tüxü̃ íchabaiü̃xẽxẽ.

Ngechuchuarü ngúexü̃gü ga yamugüxü̃arü puracüchiga 18:8

Rü Críspo ga ngutaque̱xepataü̃arü ãẽ̱xgacü rü naxma̱x rü guxü̃ma ga naxacügü rü Cori ya Ngechuchuaxü̃́ nayaxõgü. Rü yexgumarüxü̃ ta muxü̃ma ga Coríntiucüã̱xgü rü nayaxõgü ga yexguma nüxü̃ naxĩnüegu ga yema ore, rü ínabaiü̃.

Ngechuchuarü ngúexü̃gü ga yamugüxü̃arü puracüchiga 10:43

Rü guxü̃ma ga yema nũxcümaü̃güxü̃ ga Tupanaarü orearü uruü̃gü rü Ngechuchuchigaxü̃ nixugü nax yíxema nüxü̃́ yaxõgüxe rü Tupana tá tüxü̃́ nüxü̃ irüngümaxẽ i tümaarü pecadugü —ñanagürügü.

Ore i mexü̃ ga Cuáü̃ ümatüxü̃ 6:68

Natürü Chimóü̃ ga Pedru rü nanangãxü̃, rü ñanagürü: —Pa Corix, ¿Texéxü̃tawa chi taxĩxü̃ ega cuxna tixĩgachitanügu? Erü cuma rü cuxü̃́ nangẽxma i ore i nawa nangẽxmaxü̃ i maxü̃ i taguma gúxü̃.

Ngechuchuarü ngúexü̃gü ga yamugüxü̃arü puracüchiga 11:13

Rü tomaxã nüxü̃ nixu nax napatawa nüxü̃ nadauxü̃ ga Tupanaarü orearü ngeruxü̃ ga daxũcüã̱x ga yexma chíxü̃ ga ñaxü̃ nüxü̃: “¡Yópewa namugü i yatügü nax naxca̱x yacagüxü̃ca̱x i Chimóü̃ i Pedrugu ãégaxü̃!