Ngechuchuarü ngúexü̃gü ga yamugüxü̃arü puracüchiga 10:48 - Tupanaarü Ore

⁴⁸ Rü nanamu nax Ngechuchu ya Cristuégagu ínabaiü̃xü̃ ga yema duü̃xü̃gü ga yexwacax yaxõgüxü̃. Rü yexguma Pedruxü̃ naca̱a̱xü̃gü nax yexma naxã́ũxü̃ca̱x ga ñuxre ga ngunexü̃.

Ngechuchuarü ngúexü̃gü ga yamugüxü̃arü puracüchiga 10:48 Referans Kwoze

Ngechuchuarü ngúexü̃gü ga yamugüxü̃arü puracüchiga 2:38

Rü Pedru nanangãxü̃, rü ñanagürü: —¡Nüxü̃ perüxoe i pecüma i chixexü̃ rü Tupanaca̱x pedaugüe rü Ngechuchuégagu ípebaiü̃ nax pexü̃́ nüxü̃ nangü̃maxü̃ca̱x i perü pecadugü ya Tupana! Rü Tupana tá pexna nanamu i Naãxẽ ya Üünecü.

Ngechuchuarü ngúexü̃gü ga yamugüxü̃arü puracüchiga 8:16

Yerü yexguma noxri yaxõgüãgu ga yema duü̃xü̃gü rü Ferípe marü ínanabaiü̃xẽxẽ naégagu ga Cori ya Ngechuchu, natürü taxũnatama nangu ga Tupanaãxẽ ya Üünecü.

Gálatas 3:27

Rü ñu̱xma nax Cristuégagu ípebaiü̃xü̃, rü Cristuarü pixĩgü, rü nüma rü pemaxã inacua̱x nax naxrüxü̃ pixĩgüxü̃ca̱x.

Ngechuchuarü ngúexü̃gü ga yamugüxü̃arü puracüchiga 19:5

Rü yexguma yemaxü̃ naxĩnüegu ga yema yaxõgüxü̃ ga Epéchiuwa yexmagüxü̃ rü ínabaiü̃ naégagu ga Cori ya Ngechuchu.

Ngechuchuarü ngúexü̃gü ga yamugüxü̃arü puracüchiga 8:12

Natürü yexguma yema duü̃xü̃gü yaxõgügu ga yema ore ga Ferípe namaxã nüxü̃ ixuxü̃ ga Ngechuchu ya Cristuchiga rü ñuxãcü ãẽ̱xgacü nax yixĩxü̃ ya Tupana, rü muxü̃ma ga yatüxü̃gü rü ngexü̃gü rü ínabaiü̃.

Ore i mexü̃ ga Cuáü̃ ümatüxü̃ 4:2

Natürü tama Ngechuchu nixĩ ga ínabaiü̃ẽẽcü ga duü̃xü̃gü. Rü norü ngúexü̃gü nixĩ ga ínabaiü̃ẽẽxü̃.

Ore i mexü̃ ga Cuáü̃ ümatüxü̃ 4:40

Rü yemaca̱x ga yema Chamáriaanecüã̱xgü rü yexguma Ngechuchuxü̃tawa nangugügu rü nüxü̃ naca̱a̱xü̃gü ga yexma natanügu nax naxã́ũxü̃ca̱x. Rü taxre ga ngunexü̃ yexma natanügu narüxã̱ũ̱x ga Ngechuchu.

Ngechuchuarü ngúexü̃gü ga yamugüxü̃arü puracüchiga 16:15

Rü yemawena rü ñu̱xũchi íibaie wüxigu namaxã ga guxü̃ma ga ngĩtanüxü̃. Rü yixcaama rü toxü̃ ica̱a̱xü̃ ñaxü̃maxã: —Ngẽxguma pema choxü̃ peda̱u̱xgu nax aixcüma Coriaxü̃́ chayaxõxü̃, rü marü name ega chopatagu peyapegügu —ngĩgürügü. Rü yéma toxü̃ ixĩxẽxẽ.