44 Rü yexguma íyadexayane ga Pedru, rü Tupanaãxẽ ya Üünecü nüxna nangu ga guxü̃ma ga yema yéma irüxĩnüexü̃ ga yema ore.
Rü choma ga Pedru rü yexguma ichanaxügügu nax chidexaxü̃, rü nüxna nangu ga Tupanaãxẽ ya Üünecü, yexgumarüxü̃ ga noxri tüxna nanguxgurüxü̃.
Rü yexguma Pauru rü yema yaxõgüxü̃étügu naxǘxme̱xgu, rü nüxna nangu ga Tupanaãxẽ ya Üünecü, rü to ga nagawachigü nidexagü, rü nüxü̃ nixugüe ga Tupanaarü ore.
Rü yimá Tupana ya guxãarü maxü̃xü̃ cuácü rü tüxü̃ nüxü̃ nadauxẽxẽ nax nadeaxü̃ i ngẽma duü̃xü̃gü i tama Yudíugü ixĩgüxü̃, yerü nüxna nanamu ga Naãxẽ ya Üünecü yema tüxna namuaxü̃rüxü̃.
Rü yexguma yumüxẽwa nüxü̃ nachauegu, rü gumá ĩpata ga nawa nangutaque̱xegüne rü naxĩã̱xãchi. Rü Tupanaãxẽ ya Üünecü rü nüxna nangu ga guxü̃ma. Rü tama namuü̃eãcüma nüxü̃ nixugüe ga Tupanaarü ore.
Rü yexguma ga Pedru rü ñanagürü: —¿Ẽ̱xna nangẽxmaxü̃ nax texé nüxna nachu̱xuxü̃ nax ínabaiü̃xü̃ i ñaa duü̃xü̃gü i marü taxrüxü̃ Tupanaãxẽ ya Üünecü nüxna nguxü̃? —ñanagürü.