Biblia Todo Logo
Bib sou entènèt

- Piblisite -




Ngechuchuarü ngúexü̃gü ga yamugüxü̃arü puracüchiga 10:4 - Tupanaarü Ore

4 Rü nüma ga Cornériu rü meama nüxü̃ nadawenü, rü poraãcü namuü̃ãcüma nüxna naca, rü ñanagürü: —¿Ta̱xacü cunaxwa̱xe, Pa Corix? —ñanagürü. Rü nanangãxü̃ ga yema orearü ngeruxü̃ ga daxũcüã̱x, rü ñanagürü: —Curü yumüxẽgü rü Tupana marü cuxü̃́ nüxü̃ naxĩnü, rü cumaxã nataãxẽ nax nüxü̃ curüngü̃xẽẽxü̃ i duü̃xü̃gü i ngearü diẽruã̱xgüxü̃.

Gade chapit la Kopi




Ngechuchuarü ngúexü̃gü ga yamugüxü̃arü puracüchiga 10:4
24 Referans Kwoze  

¡Rü taxuca̱xma penaxĩ̱xãchiãẽgü! ¡Rü perü yumüxẽwa Tupanamaxã nüxü̃ pixu i guxü̃ma i ngẽma pexü̃ ngupetüxü̃! ¡Rü naxca̱x ípeca rü moxẽ nüxna pexã!


Erü nüma ya Tupana rü aixcümacü nixĩ. Rü nüma rü taxũtáma nüxü̃ inayarüngüma ga yema mexü̃ ga pexüxü̃ rü ñuxãcü taenexẽgü i yaxõgüxü̃xü̃ nax pengechaü̃güxü̃ ga yexguma nüxü̃ perüngü̃xẽẽgügu, ngẽma ñu̱xma ípenaxüxü̃rüü̃tama.


Natürü yema duü̃xü̃gü ga Tupanaga ĩnüexü̃ rü wüxichigü namücümaxã nidexa ga Cori ya Tupanachiga. Rü nüma ga Cori ya Tupana rü inarüxĩnü ga yema nüxü̃ yaxugüxü̃. Rü Tupanape̱xewa rü wüxi ga poperagu nanaxümatü ga naéga ga yema duü̃xü̃gü ga naga ĩnüexü̃ rü namaxã taãẽgüxü̃.


Rü ñanagürü choxü̃: “Pa Cornériux, Tupana marü nüxü̃ naxĩnü i curü yumüxẽ rü cumaxã nataãxẽ naxca̱x nax nüxü̃ curüngü̃xẽẽxü̃ i ngẽma duü̃xü̃gü i ngearü diẽruã̱xgüxü̃.


Rü yema pumaraarü caxixü̃ ga yema orearü ngeruxü̃ ga daxũcüã̱xme̱xẽwa ixũxũxü̃ rü wüxigu Tupanaarü duü̃xü̃güarü yumüxẽgümaxã daxũ naxĩema ñu̱xmata Tupanaxü̃tawa nangu.


Rü ñaa chorü yumüxẽ i cumaxã nüxü̃ chixuxü̃ ¡rü nayaxu ñoma pumarate̱xe i yáuanecü chaxunagüchacüxüãcüma cuxca̱x chiguxü̃rüxü̃!


Rü ñu̱xma rü marü choxü̃́ nangẽxma i guxü̃ma i ta̱xacü i chanaxwa̱xexü̃, rü aixcüma ngẽmaarü yexera choxü̃́ nangẽxma. Rü ñu̱xma nax Epaporudítu núma nangexü̃ i perü ãmare, rü taxuxü̃ma choxü̃́ nataxu. Rü ngẽma perü ãmare i cha̱u̱xca̱x núma pemuxü̃, rü Tupanape̱xewa rü ñoma wüxi i pumara i yixĩxü̃rüxü̃ nixĩ, rü nüma rü poraãcü namaxã nataãxẽ.


¡Rü taxṹ i nüxü̃ ipeyarüngümaexü̃ nax togüxü̃ perüngü̃xẽẽxü̃ rü namaxã pengauxü̃ i ngẽma pexü̃́ ngẽxmaxü̃! Erü ngẽma nixĩ i ãmare i Tupanana pexãxü̃ i aixcüma namaxã nataãẽxü̃.


Natürü yexguma María nüxü̃ da̱u̱xgu ga yema daxũcüã̱x ga Gábi, rü namaxã ibaixãchiãxẽ ga yema norü ore ga ngĩmaxã nüxü̃ yaxuxü̃. Rü ngĩgüãẽwa nagu irüxĩnü ga tü̱xcüü̃ yemaacü ngĩxü̃ nax namoxẽxü̃.


Rü aixcüma pemaxã nüxü̃ chixu rü guxü̃ i naanewa i ngextá duü̃xü̃gü nüxü̃ íxugügüxü̃wa i Tupanaarü ore, rü ñaa ngecü chomaxã üxü̃ rü tá ta nüxü̃ nixugügü. Rü ngẽmaãcü tá ngĩxna nacua̱xãchie i duü̃xü̃gü —ñanagürü ga Ngechuchu.


Rü ñu̱xũchi ñanagürü choxü̃: —Pa Daniéx, Tupana rü cuxü̃ nangechaü̃. ¡Rü mea irüxĩnü i ngẽma tá cumaxã nüxü̃ chixuxü̃! ¡Rü inachi! Erü choxü̃ nixĩ i cuxü̃tawa namuxü̃ ya Tupana —ñanagürü. Rü yexguma yagúegagu nax yadexaxü̃ rü choma rü chidu̱xruxãcüma ichachi.


Rü ngẽxguma chi nagu perüxĩnüegu nax dora yixĩxü̃ nax chixexü̃ chope̱xewa pexüxü̃, rü ngĩxã nachiga tidexagü nax nüxü̃ icuáxü̃ca̱x rü aixcüma yixĩxü̃ i nataxuxü̃ma i perü chixexü̃ i chope̱xewa pexüxü̃.


Rü yema ngunexü̃gügu ga nüma ga Echequía rü poraãcü nidawe rü natura. Natürü nayumüxẽ, rü nüma ga Tupana rü nüxü̃ nanawe̱x ga wüxi ga cua̱xruxü̃ nax yemawa nüxü̃ nacuáxü̃ca̱x rü tá naxca̱x yataanexü̃.


¡rü daxũguxü̃ i naane i ngextá ícumaxü̃xü̃wa irüxĩnü rü nüxü̃ nangãxü̃ i norü yumüxẽ nax ngẽmaãcü guxü̃táma i ñoma i naanecüã̱x rü nachixü̃anegü cuxü̃ cua̱xgüxü̃ca̱x rü cuga naxĩnüexü̃ca̱x ngẽma curü duü̃xü̃gü i Iraétanüxü̃rüxü̃! Rü ngẽmaãcü i nümagü i yáxü̃wa ne ĩxü̃ rü tá nüxü̃ nacua̱xgü nax nua daa cupata ya taxü̃ne ya cuxca̱x chaxüxü̃newa yixĩxü̃ i cumaxã yadexagüxü̃ i duü̃xü̃gü.


Rü yemawena rü yéma nangu ga nüma ga Cori ya Tupana. Rü yexma nachi rü wenaxarü Chamuéna naca yema noxri nüxna nacagurüü̃tama, rü ñanagürü: —Pa Chamuéx, Pa Chamuéx —ñanagürü. Rü nüma ga Chamué rü nanangãxü̃ rü ñanagürü: —¡Idexa! Rü cuxü̃ chaxĩnü nixĩ i choma nax curü puracütanüxü̃ chixĩxü̃ —ñanagürü.


Rü nüxna chaca, rü ñacharügü ga chomax: “¿Rü ta̱xacü tá chaxüxü̃, Pa Corix?” ñacharügü. Rü yexguma ñanagürü choxü̃ ga Cori: “¡Írüda, rü inachi, rü Damácuwa naxũ! Rü ngéma wüxi ya yatü tá cumaxã nüxü̃ nixu nax ta̱xacü tá cuxüxü̃”, ñanagürü ga nüma ga Cori.


Rü yema ngecügü rü waixü̃müanegu iyangücuchigü, yerü poraãcü imuü̃e. Rü yemaca̱x ga yema yatügü rü ñanagürügü ngĩxü̃: —¿Tü̱xcüü̃ nuxã yuexü̃tanü̃gu naxca̱x peyadau ya yimá maxü̃cü?


Rü choma rü tama ẽxü̃guxü̃wa rü waanexü̃wa chidexa. Rü tama Acóbutanüxü̃xü̃ ñacharügü: “¡Cha̱u̱xca̱x peda̱u̱x natürü taxũtáma choxü̃ peyangau!” ñachagürü. Rü choma ya Tupana rü guxü̃guma aixcümaxü̃ chixu. Rü ngẽma nüxü̃ chixuxü̃ rü aixcüma name —ñanagürü.


Rü ngẽmawena rü Aróü̃ nanegü i chacherdótegüxü̃tawa tá tanange. Rü wüxi i ngẽma Aróü̃ nane rü tá wüxi i naxme̱xãcu nayaxu i trigute̱xe i chíxü̃ã́xü̃ rü pumate̱xeã́xü̃. Rü ngẽma ãmarearü guruü̃wa tá nayagu nax ngẽmawa choxna tacua̱xãchixü̃ca̱x. Rü ngẽma naema i ngẽma ãmare, rü choma ya Cori ya Tupana rü tá namaxã chataãxẽ.


¡Rü nüma ya Cori ya Tupana cuxü̃́ nanayaxu i guxü̃ma i curü ãmaregü i nüxna cuxãxü̃, rü cuxü̃́ nanayaxu i ngẽma ãmaregü i naxca̱x ícuguxü̃!


Rü Pedru rü Cuáü̃ meama nüxü̃ narüdaunü, rü Pedru rü ñanagürü nüxü̃: —¡Toxü̃ nadawenü! —ñanagürü.


Swiv nou:

Piblisite


Piblisite