Ngechuchuarü ngúexü̃gü ga yamugüxü̃arü puracüchiga 10:33 - Tupanaarü Ore

³³ Rü yemaca̱x rü yexgumatama paxa cuxca̱x yéma chanamugü, rü cuma rü mexü̃ toxca̱x cuxü erü núma cuxũ. Rü ñu̱xma i guxãma i toma rü Tupanape̱xewa tangexmagü. Rü nüxü̃ taxĩnüechaü̃ i guxü̃ma i ngẽma ore i Cori namaxã núma cuxü̃ muxü̃ nax tomaxã nüxü̃ quixuxü̃ca̱x —ñanagürü ga Cornériu.

Ngechuchuarü ngúexü̃gü ga yamugüxü̃arü puracüchiga 10:33 Referans Kwoze

Popera ga Chantiágu ümatüxü̃ 1:19

Rü guxãma i pemax, Pa Chauenexẽgü ya Pexü̃ Changechaü̃güxe, rü ngẽxguma texé pemaxã idexagu, rü name nixĩ i mea iperüxĩnüe. Rü tama name i penue rü tüxü̃ pechoxü̃gagü.

Gálatas 4:14

Rü yema da̱xawe ga choxü̃́ yexmaxü̃, rü woo pexca̱x rü wüxi ga guxchaxü̃ nixĩ, natürü tama choxü̃ pexo rü tama choxü̃ ípeta̱xüchi. Rü meama choxü̃ peyauxgü ñoma wüxi ga Tupanaarü orearü ngeruxü̃ i daxũcüã̱xrüxü̃. Rü ñoma Ngechuchu ya Cristu chixĩxü̃rüxü̃, meama choxü̃ peyauxgü.

Popera ga Chantiágu ümatüxü̃ 1:21

Rü ngẽmaca̱x name nixĩ i nüxü̃ perüxoe i guxü̃ma i ngẽma chixexü̃gü i guxü̃wama ngẽxmagüxü̃. ¡Rü mea penayaxu i ngẽma ore i petanügu toxü̃! Erü ngẽma ore rü nüxü̃́ nangẽxma i pora nax pexü̃ namaxẽxẽẽxü̃ca̱x.

1 Corintios 3:18

Tama name i texé tügütama tawomüxẽxẽ. Rü ngẽxguma petanüwa texé tügügu rüxĩnügu nax aixcüma nüxü̃ tacuáxü̃ i ñoma i naanearü cua̱x, rü name nixĩ i ñoma taxuxü̃ma tacuáxü̃rüxü̃ tügü tixĩxẽxẽ. Rü ngẽxguma tá nixĩ i wüxi i duü̃xü̃ i aixcüma nüxü̃ cuáxe tixĩxü̃.

Ngechuchuarü ngúexü̃gü ga yamugüxü̃arü puracüchiga 28:28

Rü ñanagürü ta ga Pauru: —Rü name nixĩ nax nüxü̃ pecuáxü̃ nax ñu̱xmawena ngẽma tama Yudíugü ixĩgüxü̃maxã nüxü̃ ixuxü̃ i ñaa Tupanaarü ore i tüxü̃ maxẽxẽẽxü̃. Rü nümagü tá nixĩ i aixcüma inaxĩnüexü̃ —ñanagürü.

Ore i mexü̃ ga Márcu ümatüxü̃ 10:15

Rü aixcüma pemaxã nüxü̃ chixu rü texé ya tama wüxi i buxü̃rüxü̃ Tupanaxü̃ yaxúxe nax tümaarü ãẽ̱xgacü yixĩxü̃ca̱x, rü taxũtáma nagu taxücu ya Tupana ãẽ̱xgacü íyixĩxü̃wa —ñanagürü.

Ore i mexü̃ ga Matéu ümatüxü̃ 18:4

Rü aixcüma yíxema tama tügü icua̱xüxü̃xẽ rü ñaa buxü̃rüxü̃ ixĩxẽ, rü yíxema tá tixĩ ya guxü̃arü yexera ixĩxẽ ya Tupana ãẽ̱xgacü ixĩxü̃wa.

Ucu̱xẽgüchiga 25:12

Texé ya nüxü̃ ĩnüxe i ucu̱xẽ i cua̱x tüxna ãxü̃, rü ngẽma ucu̱xẽ rü ñoma wüxi i ãnera rü wüxi i nachagü i mexẽchixü̃ i úiruwa üxü̃rüxü̃ nixĩ nax tümaca̱x namexü̃ ya yíxema nayaxúxe.

Ucu̱xẽgüchiga 1:5

Yíxema cua̱x tüxü̃́ ngẽxmaxe rü itarüxĩnü i ñaa ucu̱xẽgü nax ngẽmaãcü yexera cua̱x tüxü̃́ ngẽxmaxü̃ca̱x, rü yexera tümaãẽxü̃ tacuáxü̃ca̱x.

Norü taxre ga to ga popera ga ãẽ̱xgacügüchiga ümatüxü̃ 30:12

Rü nüma ga Cori ya Tupana rü yema Yudátanüxü̃ ga duü̃xü̃güãẽwa nananguxẽxẽ ga ngúchaü̃ nax taãẽãcüma nayauxgüãxü̃ca̱x rü yanguxẽẽgüãxü̃ca̱x ga yema ore ga ãẽ̱xgacü rü norü ngü̃xẽẽruü̃gü namaxã nüxü̃ ixuxü̃, yerü yema ore rü Cori ya Tupanaarü mu nixĩ.

1 Tesalonicenses 2:13

Rü ngẽmaca̱x guxü̃guma Tupanana moxẽ taxã, yerü yexguma noxri nüxü̃ pexĩnüegu ga yema norü ore ga pemaxã nüxü̃ tixuxü̃, rü mea penayauxgü, yerü nüxü̃ pecua̱xgü rü aixcüma Tupanaarü ore nixĩ rü tama duü̃xü̃güarü oremare nixĩ. Rü yema Tupanaarü ore nixĩ ga naxüchicüüxü̃ ga perü maxü̃ i pema nax peyaxõgüxü̃.

Ore i mexü̃ ga Matéu ümatüxü̃ 19:30

Natürü muxü̃ma i nümaxü̃ i ñoma i naanewa duü̃xü̃gü wixpe̱xewa ügüxẽẽxü̃, rü daxũguxü̃ i naanewa rü Tupana tá wixweama nanaxügüxẽxẽ. Rü muxü̃ma i nümaxü̃ i ñoma i naanewa duü̃xü̃gü wixweama ügüxẽẽxü̃, rü daxũguxü̃ i naanewa rü Tupana tá wixpe̱xewa nanaxügüxẽxẽ.

Ucu̱xẽgüchiga 18:15

Ngẽma duü̃xü̃gü i cua̱x nüxü̃́ ngẽxmagüxü̃ rü ngẽma naãẽxü̃ icuáxü̃, rü nüxü̃ inayangaugü i ngẽma cua̱x i naxca̱x nadaugüxü̃.

Ngechuchuarü ngúexü̃gü ga yamugüxü̃arü puracüchiga 10:32

¡Rü Yópewa namugü i ñuxre i yatügü nax naxca̱x yacagüxü̃ca̱x i Chimóü̃ i Pedrugu ãégaxü̃! Rü to i Chimóü̃ i naxcha̱xmüarü paxẽẽwa puracüxü̃patagu pexü̃. Rü yimá napata rü márcutüwa nangẽxma”, ñanagürü choxü̃.

Ngechuchuarü ngúexü̃gü ga yamugüxü̃arü puracüchiga 10:34

Rü yexguma inanaxügü ga Pedru ga nax yadexaxü̃, rü ñanagürü: —Ñu̱xma waxi nixĩ i nüxü̃ chacuáxü̃ nax Tupanaca̱x nawüxiguxü̃ i guxü̃ma i duü̃xü̃gü, rü guxãxü̃ma nangechaxü̃xü̃.

Wenaxarü naxümatü ga Tupanaarü mugü 30:13

Rü ngẽma mugü rü tama nixĩ i már arü tocutüwa nangẽxmaxü̃, nax ngẽmaca̱x ñapegügüxü̃ca̱x: “¿Texé tá tixãẽ i ngẽma már nax taxca̱x nua tanangexü̃ca̱x i ngẽma mugü rü tüxü̃ nüxü̃ tacua̱xẽxẽxü̃ca̱x, nax ngẽmaãcü nagu imaxẽxü̃ca̱x?” ñapegürügü.