Ngechuchuarü ngúexü̃gü ga yamugüxü̃arü puracüchiga 10:22 - Tupanaarü Ore

²² Rü nümagü nanangãxü̃gü, rü ñanagürügü: —Capitáü̃ ya Cornériuxü̃tawa ne taxĩ rü nüma nixĩ i nua toxü̃ namugüxü̃. Rü wüxi ya yatü ya mecü nixĩ, rü Tupanaxü̃ nangechaü̃. Rü guxü̃ma i Yudíugü nüxü̃ nangechaü̃ i nümax. Rü wüxi ga Tupanaarü orearü ngeruxü̃ ga daxũcüã̱x nanamu nax cuxca̱x toxü̃ yacaxẽẽxü̃ca̱x ga Cornériu rü napatawa cuxũxü̃ca̱x rü nüxü̃ nax naxĩnüxü̃ca̱x i curü ore —ñanagürügü.

Ngechuchuarü ngúexü̃gü ga yamugüxü̃arü puracüchiga 10:22 Referans Kwoze

Ngechuchuarü ngúexü̃gü ga yamugüxü̃arü puracüchiga 11:14

Rü nüma tá cumaxã nüxü̃ nixu nax ñuxãcü tá cuma rü guxü̃ i cupatacüã̱xmaxã penayaxuxü̃ i maxü̃ i taguma gúxü̃”, ñanagürü ga yema daxũcüã̱x.

Ngechuchuarü ngúexü̃gü ga yamugüxü̃arü puracüchiga 10:2

Rü nüma nixĩ ga wüxi ga yatü ga meama Tupanaaxü̃́ yaxõcü. Rü wüxigu naxma̱xmaxã rü naxacügümaxã Tupanaxü̃ nangechaü̃gü. Rü mucüma ga norü diẽrumaxã nüxü̃ narüngü̃xẽxẽ ga duü̃xü̃gü ga Yudíugü ga ingearü diẽruã̱xgüxü̃. Rü guxü̃guma nayumüxẽ rü Tupanamaxã nidexa.

Norü tomaepü̱x ga popera ga Cuáü̃ ümatüxü̃ 1:12

Guxü̃ma i duü̃xü̃gü nüxü̃ nixu nax wüxi ya mecü yixĩxü̃ ya Demétriu. Rü ngẽma ore rü aixcüma nixĩ. Rü ngẽxgumarüxü̃ ta i toma rü nüxü̃ tixu nax wüxi ya mecü yixĩxü̃. Rü cuma nüxü̃ cucua̱x nax aixcüma yixĩxü̃ i ngẽma nüxü̃ tixuxü̃.

Norü taxre ga popera ga Pedru ümatüxü̃ 3:2

Rü chanaxwa̱xe i nüxna pecua̱xãchie i ngẽma ore ga nũxcümaü̃güxü̃ ga Tupanaarü orearü uruü̃gü ga ixüünexü̃ nüxü̃ ixugügüxü̃. Rü ngẽxgumarüxü̃ ta chanaxwa̱xe i nüxna pecua̱xãchie i ngẽma tórü Cori ya Ngechuchu ya tórü Maxẽxẽẽruü̃arü mugü ga pexü̃ nangúexẽẽxü̃ ga norü orearü uruü̃gü ga nüma pexü̃tawa namugüxü̃.

Popera ga Yudíugü ga yaxõgüxü̃ca̱x ümatüxü̃ 12:23

Rü ñu̱xma i pemax, rü marü natanüxü̃ pixĩgü i guxü̃ma i ngẽma duü̃xü̃gü i noxri Tupanaarü poperawa ngo̱xégagüxü̃. Rü marü nüxna pengaicamagü ya Tupana ya Ãẽ̱xgacü ya Guxãnatáma ca̱xacü. Rü marü nüxna pengaicamagü i naãxẽgü ga yema duü̃xü̃gü ga mecümagüxü̃ ga yuexü̃ ga Tupana imexẽẽgüxü̃.

Popera ga Yudíugü ga yaxõgüxü̃ca̱x ümatüxü̃ 11:2

Rü nũxcümaü̃güxü̃ ga tórü o̱xigü rü Tupanaaxü̃́ nayaxõgü, rü yemaca̱x ga Tupana rü namaxã nataãxẽ.

Popera ga Yudíugü ga yaxõgüxü̃ca̱x ümatüxü̃ 10:38

Natürü yíxema tümaarü õgagu chope̱xewa mexẽ, rü name nixĩ i guxü̃guma tayaxõõcüma cha̱u̱xca̱x tamaxü̃. Natürü ngẽxguma nüxü̃ tarüxoxgu nax tayaxõxü̃, rü choma rü taxũtáma tümamaxã chataãxẽ”, ñanagürü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:7

Rü tanaxwa̱xe i woo i ngẽma tama yaxõgüxü̃ rü tüxü̃ nangechaü̃gü nax taxúema chixri tümachiga idexagüxü̃ca̱x rü tama Chataná chixexü̃gu tüxü̃ nangu̱xẽẽxü̃ca̱x.

2 Corintios 5:18

Rü guxü̃ma i ngẽma rü Tupana nixĩ ya naxücü rü Cristugagu nixĩ ga nügümaxã tüxü̃ iyanangüxmüexẽẽxü̃. Rü ñu̱xma rü toxü̃ namu nax duü̃xü̃gümaxã nüxü̃ tixuxü̃ nax nümagü rü ta Tupanamaxã inangüxmüẽxü̃ca̱x.

Romanos 1:17

Rü ngẽma norü orewa nixĩ ya Tupana tamaxã nüxü̃ yaxuxü̃ nax tórü õgaguxicatama yixĩxü̃ nax nape̱xewa imexü̃. Erü norü ore i ümatüxü̃wa rü ñanagürü: “Yíxema tümaarü õgagu Tupanape̱xewa mexẽ, rü tüxü̃́ nangẽxma i maxü̃ i taguma gúxü̃”, ñanagürü.

Ngechuchuarü ngúexü̃gü ga yamugüxü̃arü puracüchiga 24:15

Rü choma rü ta yema nũxcümaü̃güxü̃rüxü̃ Tupanaaxü̃́ chayaxõ. Rü naxrüxü̃ chayaxõ rü tá wena nax namaxẽxü̃ i ngẽma yuexü̃ i mexü̃gü rü chixexü̃gü.

Ngechuchuarü ngúexü̃gü ga yamugüxü̃arü puracüchiga 22:12

Rü yéma nayexma ga wüxi ga yatü ga Ananíagu ãégacü. Rü nüma nixĩ ga wüxi ga yatü ga aixcüma Tupanaga ĩnücü, rü nüma rü meama nayanguxẽxẽ ga yema mugü ga Moiché ümatüxü̃. Rü guxü̃ma ga Yudíugü ga Damácuwa yexmagüxü̃, rü mea nachiga nidexagü.

Ngechuchuarü ngúexü̃gü ga yamugüxü̃arü puracüchiga 10:33

Rü yemaca̱x rü yexgumatama paxa cuxca̱x yéma chanamugü, rü cuma rü mexü̃ toxca̱x cuxü erü núma cuxũ. Rü ñu̱xma i guxãma i toma rü Tupanape̱xewa tangexmagü. Rü nüxü̃ taxĩnüechaü̃ i guxü̃ma i ngẽma ore i Cori namaxã núma cuxü̃ muxü̃ nax tomaxã nüxü̃ quixuxü̃ca̱x —ñanagürü ga Cornériu.

Ngechuchuarü ngúexü̃gü ga yamugüxü̃arü puracüchiga 10:6

Rü to i Chimóü̃ i naxcha̱xmüarü paxẽẽwa puracüxü̃patawa nangẽxma rü ngẽxma nape. Rü yimá napata rü márcutüwa nangẽxma —ñanagürü.

Ngechuchuarü ngúexü̃gü ga yamugüxü̃arü puracüchiga 6:3

Rü ngẽmaca̱x, Pa Tomücügüx, rü ¡Naxca̱x peda̱u̱x i petanüwa ya 7 ya yatügü ya guxãma nüxü̃ ngechaü̃güxü̃, rü mea naãxẽxü̃ cuáxü̃, rü aixcüma Tupanaãxẽ ya Üünecü nawa ngẽxmagüxü̃! Rü toma tá nüxna tanaxã i ngẽma puracü nax nümagü õnamaxã inacua̱xgüxü̃ca̱x.

Ore i mexü̃ ga Cuáü̃ ümatüxü̃ 17:20

Rü tama ñaa choxna cumugüxü̃ca̱xicatama cuxü̃ chaca̱a̱xü̃. Natürü cuxü̃ chaca̱a̱xü̃ naxca̱x i ngẽma yixcüra tá choxü̃́ yaxõgüxü̃ i ngẽxguma nüxü̃ naxĩnüegu i chorü ore naxü̃tawa i ngẽma choxna cumugüxü̃.

Ore i mexü̃ ga Cuáü̃ ümatüxü̃ 17:8

Rü choma rü marü namaxã nüxü̃ chixu ga curü ore ga chomaxã nüxü̃ quixuxü̃. Rü nüma rü marü nayaxõgü i ngẽma ore. Rü nüxü̃ nicua̱xãchitanü nax aixcüma cuxü̃tawa ne chaxũxü̃ i chomax. Rü nayaxõgü nax cuma núma choxü̃ cumuxü̃.

Ore i mexü̃ ga Cuáü̃ ümatüxü̃ 13:20

Aixcüma pemaxã nüxü̃ chixu rü texé mea tüxü̃ yaxúxe ya yíxema choma ngéma tüxü̃ chamuxẽ, rü choxü̃ nixĩ i tayaxuxü̃. Rü texé ya choxü̃ yaxúxe, rü Chaunatü ga núma choxü̃ mucüxü̃ nixĩ i tayaxuxü̃ —ñanagürü ga Ngechuchu.

Ore i mexü̃ ga Cuáü̃ ümatüxü̃ 6:68

Natürü Chimóü̃ ga Pedru rü nanangãxü̃, rü ñanagürü: —Pa Corix, ¿Texéxü̃tawa chi taxĩxü̃ ega cuxna tixĩgachitanügu? Erü cuma rü cuxü̃́ nangẽxma i ore i nawa nangẽxmaxü̃ i maxü̃ i taguma gúxü̃.

Ore i mexü̃ ga Cuáü̃ ümatüxü̃ 6:63

Tupanaãxẽ ya Üünecü nixĩ i inaxãxü̃ i maxü̃ i taguma gúxü̃. Rü tama pexene nixĩ i pexü̃ maxẽxẽẽxü̃. Rü ngẽma ore i pemaxã nüxü̃ chixuxü̃ rü peãxẽca̱x nixĩ, rü ngẽma orewa nangẽxma i maxü̃ i taguma gúxü̃.

Ore i mexü̃ ga Cuáü̃ ümatüxü̃ 5:24

Aixcüma pemaxã nüxü̃ chixu rü yíxema texé ya choxü̃́ irüxĩnüxe i chorü ore, rü nüxü̃́ yaxṍxe ya yimá Chaunatü ya núma choxü̃ mucü, rü tüxü̃́ nangẽxma i maxü̃ i taguma gúxü̃. Rü Chaunatü rü taxũtáma tümamaxã nanaxuegu nax tapoxcuxü̃, erü marü nüxna ítanguxuchi nax tayuxü̃, rü tüxü̃́ nangẽxma i maxü̃ i taguma gúxü̃.

Ore i mexü̃ ga Luca ümatüxü̃ 23:50

Rü nayexma ga wüxi ga yatü ga Yudéaanewa yexmane ga ĩane ga Arimatéacüã̱x, rü Yúche nixĩ ga naéga. Rü nüma rü natanüxü̃ nixĩ ga yema Yudíugüarü Ãẽ̱xgacügütücumü, natürü tama norü me nixĩ ga yema Ngechuchumaxã naxügüxü̃ ga yema togü ga namücügü ga ãẽ̱xgacügü. Rü nüma rü poraãcü ínanangu̱xẽxẽ nax ínanguxü̃ ga Tupana nax ãẽ̱xgacü yixĩxü̃ca̱x.

Ore i mexü̃ ga Luca ümatüxü̃ 2:25

Rü yexgumaü̃cüxü Yerucharéü̃gu naxãchiü̃ ga wüxi ga yatü ga Chimeóü̃gu ãégacü. Rü wüxi ga yatü ga mecümacü nixĩ ga nümax, rü aixcüma Tupanaxü̃ ngechaü̃cü nixĩ. Rü nüma rü ínanangu̱xẽxẽ nax ínanguxü̃ ya Iraétanüxü̃arü nguxü̃xẽẽruxü̃. Rü Tupanaãxẽ ya Üünecü rü Chimeóü̃wa nayexma, rü nüxü̃ nüxü̃ nacua̱xẽxẽ nax taxũtáma nayuxü̃ ega tama nüxü̃ nadauxíragu ya Cristu ya Cori ya Tupana nüxü̃ unetacü.

Ore i mexü̃ ga Márcu ümatüxü̃ 8:38

Rü ngẽxguma texé i ñaa duü̃xü̃gü i pecaduã̱xgüxü̃ i tama yaxõgüxü̃pe̱xewa cha̱u̱xca̱x ãnegu rü naxca̱x taxãneegu i chorü ore, rü choma ya Tupana Nane nax duü̃xü̃xü̃ chixĩxü̃ rü tá ta tümaca̱x chaxãne i ngẽxguma Chaunatüarü poramaxã rü norü orearü ngeruü̃gü i daxũcüã̱x i üünegüxü̃maxã wenaxarü núma chaxũxgu —ñanagürü.

Ore i mexü̃ ga Márcu ümatüxü̃ 6:20

Yerü ngĩte ga Eróde rü Cuáü̃xü̃ namuü̃, yerü nüxü̃ nacua̱xchire̱x nax wüxi ga yatü ga mecü rü üünecü nax yixĩxü̃, rü yemaca̱x nixĩ ga naétüwa nachogüxü̃. Rü yexguma Cuáü̃arü orexü̃ naxĩnügu ga Eróde, rü naxoegaãxẽ, natürü mea nüxü̃́ inarüxĩnü.

Ore i mexü̃ ga Matéu ümatüxü̃ 1:19

Rü Yúche ga María ngĩtechaü̃ ixĩcü rü wüxi ga yatü ga aixcümacü nixĩ. Rü yemaca̱x tama nanango̱xẽẽchaü̃ ga yema nax naxãxacüxü̃ ga María. Rü nagu narüxĩnü ga bexmamare ngĩxü̃ nax ínatáxü̃.

Abacú 2:4

¡Rü naxümatü i ñaa ore! “Ngẽma duü̃xü̃gü i chixexü̃ ügüxü̃ rü nügü nicua̱xüü̃gü. Natürü yíxema chope̱xewa imexe rü tá tamaxẽ erü chomaxã tixaixcümagü” —ñanagürü.

Ochéa 14:9

Rü yíxema cua̱x tüxü̃́ ngẽxmaxe rü yíxema aixcüma tümaãẽxü̃ cuáxe rü name i naga taxĩnü i ñaa ore. Rü ngẽma nacüma ya Cori ya Tupana rü aixcüma nawe̱xgu. Rü ngẽma duü̃xü̃gü i aixcüma naga ĩnüexü̃, rü ngẽma nacümagu naxĩ. Natürü ngẽma tama Tupanaga ĩnüexü̃ca̱x, rü ngẽma nacüma rü wüxi i guxchaxü̃ nixĩ.

Ore i mexü̃ ga Matéu ümatüxü̃ 2:12

Rü yemawena ga yema yatügü rü nanegüwa Tupana nayaxucu̱xẽgü nax tama Eródeca̱x nawoeguxü̃ca̱x. Rü yemaca̱x to ga namagu nachixü̃aneca̱x nawoegu.

Ore i mexü̃ ga Luca ümatüxü̃ 9:26

Rü ngẽxguma texé cha̱u̱xca̱x ãnegu rü naxca̱x taxãneegu i chorü ore, rü Tupana Nane ya duü̃xü̃xü̃ ixĩcü rü tá ta tümaca̱x naxãne i ngẽxguma norü üünemaxã rü Nanatüarü üünemaxã rü norü orearü ngeruü̃gü i üünexü̃maxã núma naxũxgu.

Ngechuchuarü ngúexü̃gü ga yamugüxü̃arü puracüchiga 10:21

Rü yexguma naxca̱x ínarüxĩ ga Pedru, rü ñanagürü nüxü̃ ga yema yatügü: —Choma nixĩ i cha̱u̱xca̱x pedaugüxü̃. ¿Rü ta̱xacüwa nua pexĩ? —ñanagürü.

Ngechuchuarü ngúexü̃gü ga yamugüxü̃arü puracüchiga 10:30

Rü Cornériu nanangãxü̃, rü ñanagürü: —Marü ãgümücü i ngunexü̃ nangupetü ga ñúxgumaãcü ga tomaepü̱xarü oragu ga yáuanecü, rü nua chopatawa chayumüxẽ erü guxü̃guma ngẽmaãcü chanaxü. Rü yexguma chayumüxẽgu rü chango̱xetü, rü cha̱u̱xca̱x nango̱x ga wüxi ga yatü ga iyaurachirucüüxü̃.

Wenaxarü naxümatü ga Tupanaarü mugü 30:13

Rü ngẽma mugü rü tama nixĩ i már arü tocutüwa nangẽxmaxü̃, nax ngẽmaca̱x ñapegügüxü̃ca̱x: “¿Texé tá tixãẽ i ngẽma már nax taxca̱x nua tanangexü̃ca̱x i ngẽma mugü rü tüxü̃ nüxü̃ tacua̱xẽxẽxü̃ca̱x, nax ngẽmaãcü nagu imaxẽxü̃ca̱x?” ñapegürügü.