Ngechuchuarü ngúexü̃gü ga yamugüxü̃arü puracüchiga 10:14 - Tupanaarü Ore

¹⁴ Rü Pedru nanangãxü̃ rü ñanagürü: —Taxucürüwa nixĩ, Pa Corix, erü taguma chanangõ̱x i ta̱xacü i toxca̱x ãũãchixü̃ —ñanagürü.

Ngechuchuarü ngúexü̃gü ga yamugüxü̃arü puracüchiga 10:14 Referans Kwoze

Lebítanüxü̃arü puracüchiga 20:25

Rü ngẽmaca̱x i pema rü name nax nüxü̃ pecuáxü̃ nax ngexü̃rüüxü̃ yixĩxü̃ i ngẽma naeü̃gü i mexü̃ nax penangṍxü̃ rü naeü̃gü i tama mexü̃ nax penangṍxü̃, rü ñu̱xũchi ngẽma naeü̃ i ãxpe̱xatüxü̃ i mexü̃ nax penangṍxü̃ rü ngẽma tama mexü̃ nax penangṍxü̃. ¡Rü taxṹ i pegü pexãũãchixẽxẽxü̃ namaxã i ngẽma naeü̃gü i tama mexü̃ nax penangṍxü̃, rü ngẽma ãxpe̱xatüxü̃ i tama mexü̃ nax penangṍxü̃, rü ngẽma waixü̃mügu nügü itúgüxü̃ i nüxü̃ chixuxü̃ nax tama namexü̃ nax penangṍxü̃!

Echequié 4:14

Rü choma rü chanangãxü̃ rü ñacharügü nüxü̃: —Natürü, Pa Corix, choma rü taguma nüxü̃ chingõ̱gü i ta̱xacü i ãũãchixü̃, rü taguma chanangõ̱x i wüxi i naeü̃ i nüechama yuxü̃machi rüe̱xna aigü imaxgüxü̃machi, rü bai nax ñuxgu nüxü̃ changõ̱xnetaxü̃ i namachi i ãũãchixü̃ —ñachagürü nüxü̃.

Danié 1:8

Natürü nüma ga Danié rü tama nanangṍxchaü̃ ga yema õna rü tama nayaxaxchaü̃ ga gumá bínu ga ãẽ̱xgacü nüxna naxãcü, yerü nagu narüxĩnü nax tama Tupanape̱xewa namexü̃ ga yema. Rü yemaca̱x ãẽ̱xgacüarü duü̃xü̃güeruna naca nax tama yema õna ga ãẽ̱xgacü nüxna ãxü̃ nüxü̃ nangõ̱xẽẽxü̃ca̱x.

Ngechuchuarü ngúexü̃gü ga yamugüxü̃arü puracüchiga 10:28

Rü yexguma ga Pedru rü ñanagürü nüxü̃ ga yema duü̃xü̃gü ga yexma ngutaque̱xegüxü̃: —Pema nüxü̃ pecua̱x i toma i Yudíugüca̱x rü nangẽxma i torü mugü i toxna nachu̱xuxü̃ nax pemaxã tangutaque̱xegüxü̃, rü pepatagu nax tachocuxü̃. Natürü Tupana choxü̃ nango̱xetüxẽxẽ rü choxü̃ nüxü̃ nadauxẽxẽ nax tama namexü̃ nax nagu charüxĩnüxü̃ nax tama Tupanape̱xewa timexü̃ ya yíxema tama Yudíugü ixĩgüxe.

Ngechuchuarü ngúexü̃gü ga yamugüxü̃arü puracüchiga 9:5

Rü Chauru nanangãxü̃, rü ñanagürü: —¿Rü texé quixĩ, Pa Corix? —ñanagürü. Rü nüma ga Cori rü nanangãxü̃ rü ñanagürü: —Choma nixĩ ya Ngechuchu, rü chowe nixĩ i quingẽchigüxü̃.

Ore i mexü̃ ga Luca ümatüxü̃ 1:60

Natürü naé ga Erichabé rü tama inaxwa̱xe. Rü ngĩgürügü: —Narümemae nixĩ i Cuáü̃gu tanaxüéga —ngĩgürügü.

Ore i mexü̃ ga Matéu ümatüxü̃ 25:9

Natürü ga yema pacügü ga uãxẽgücü rü ngĩxü̃ ingãxü̃gü, rü ngĩgürügügü: “Taxucürüwa pexna tanaxã, erü ngẽxguma chi pexna tanaxãxgu rü taxũchima ningu i toxca̱x rü pexca̱x. Rü ngẽmaca̱x narümemae nixĩ i ngextá namaxã ínataxegüxü̃wa pegüxü̃́ nawa pexĩ”, ngĩgürügügü.

Ore i mexü̃ ga Matéu ümatüxü̃ 16:22

Rü yexguma ga Pedru rü nüxica noxrüwama Ngechuchuxü̃ naga, rü inanaxügü ga nax naxucu̱xẽãxü̃, rü ñanagürü: —Pa Corix, tama name nax ngẽmaãcü quidexaxü̃. Rü taxũtáma ngẽma nüxü̃ quixuxü̃ cuxü̃ nangupetü i cumax —ñanagürü.

Echequié 44:31

Rü ngẽma chacherdótegü rü tama name nax nangõ̱xgüãxü̃ i ngẽma naeü̃ i ãxpe̱xatüxü̃ i nüechama yuxü̃ rüe̱xna ta̱xacürü to i naeü̃ i nüechama yuxü̃. Rü tama name nax nangõ̱xgüãxü̃ i ngẽma naeü̃ i wüxi i ai nagu wagüxü̃” —ñanagürü.

Ínachoxü̃xü̃chiga 10:11

Rü dücax, rü taxũtáma ngẽmaãcü nixĩ. ¡Ẽcü, ngéma pexĩ ya guxãma i yatüxe i yáxe, rü perü Cori ya Tupanaxü̃ peyarücua̱xüü̃gü! Erü ngẽma nixĩ i penaxwa̱xexü̃ —ñanagürü. Rü yexguma ga nüma ga Faraóü̃ rü norü duü̃xü̃güxü̃ namu nax nape̱xewa tüxü̃ ínawoxü̃xü̃ca̱x.

Naanearü ügüchiga 19:18

Natürü nüma ga Lox rü ñanagürü: —Dücax, Pa Chorü Corigüx, tama chanaxwa̱xe nax ngéma choxü̃ pemu.

Ore i mexü̃ ga Matéu ümatüxü̃ 8:2

Rü Ngechuchuca̱x nixũ ga wüxi ga yatü ga chaxünemaxã ida̱xawecü. Rü Ngechuchupe̱xegu nayacaxã́pü̱xü, rü ñanagürü nüxü̃: —Pa Corix, ngẽxguma chi cuma cunaxwa̱xegu, rü chi cuxü̃́ natauxcha nax choxü̃ curümexẽẽxü̃ —ñanagürü.

Ore i mexü̃ ga Matéu ümatüxü̃ 15:11

Ngẽma õna i duü̃xü̃gü ngṍxü̃ rü tama ngẽma nixĩ i napecaduã̱xẽẽgüxü̃. Natürü ngẽma ore i chixexü̃ i nüxü̃ yaxugüxü̃, rü ngẽmawaxi nixĩ i napecaduã̱xü̃ —ñanagürü.

Ore i mexü̃ ga Márcu ümatüxü̃ 7:2

Rü yexguma nüxü̃ nadaugügu nax ñuxre ga Ngechuchuarü ngúexü̃gü tama naya̱u̱xme̱xgüãcüma nachibüexü̃ rü chixri nachiga nidexagü, yerü yema ngúexü̃gü rü tama nagu naxĩ ga yema Yudíugücüma nax naya̱u̱xme̱xgüxü̃ nax Tupanape̱xewa yamexü̃ca̱x naxü̃pa nax nachibüexü̃.

Ore i mexü̃ ga Cuáü̃ ümatüxü̃ 4:11

Rü yema ngecü inangãxü̃, rü ngĩgürügü nüxü̃: —Pa Corix, ¿ñuxãcü tá dexá ta cuyaxu? Erü daa puchu rü namátamaxü̃chi rü cuxü̃́ nataxuma nax ta̱xacümaxã cunayaxuxü̃ i dexá. ¿Rü ngextá tá cunayaxuxü̃ i ngẽma dexá i maxü̃ nawa ngẽxmaxü̃ nax choxna cunaxãxü̃ca̱x?

Ngechuchuarü ngúexü̃gü ga yamugüxü̃arü puracüchiga 10:13

Rü Pedru nüxü̃ naxĩnü ga wüxi ga naga ga nüxü̃ ñaxü̃: —Pa Pedrux ¡Inachi, rü ta ima̱x, rü nangõ̱x! —ñaxü̃.

Ngechuchuarü ngúexü̃gü ga yamugüxü̃arü puracüchiga 22:8

Rü yexguma ga choma rü chanangãxü̃, rü ñacharügü: “¿Rü texé quixĩ Pa Corix?” ñacharügü. Rü nüma ga yema naga rü choxü̃ nangãxü̃, rü ñanagürü: “Choma nixĩ ya Ngechuchu ya Nacharétucüã̱x, rü chorü duü̃xü̃gü nixĩ i ngẽma nawe quingẽchigüxü̃”, ñanagürü choxü̃.