Ngechuchuarü ngúexü̃gü ga yamugüxü̃arü puracüchiga 1:7 - Tupanaarü Ore

⁷ Rü Ngechuchu nanangãxü̃, rü ñanagürü: —Pema rü taxuca̱xma nüxü̃ pecuáxchaü̃ i ñuxgu tá nixĩ i ngẽma ngunexü̃ i choxna naxca̱x pecaxü̃, erü Chaunatüxicatama nüxü̃́ nangẽxma i pora nax nüxü̃ naxunetaxü̃ i ngẽma ngunexü̃.

Ngechuchuarü ngúexü̃gü ga yamugüxü̃arü puracüchiga 1:7 Referans Kwoze

Ore i mexü̃ ga Matéu ümatüxü̃ 24:36

Natürü ngẽma ngunexü̃ rü ora i nagu tá nangupetüxü̃ i ngẽma pemaxã nüxü̃ chixuxü̃, rü Chaunatü ya Tupanaxicatama nüxü̃ nacua̱x nax ñuxgu tá nangupetüxü̃ i ngẽma, rü taxúema ya togue nüxü̃ tacua̱x. Rü woo i norü orearü ngeruü̃gü i daxũcüã̱x rü tama nüxü̃ nacua̱xgü, rü woo ya Tupana Nane rü tama nüxü̃ nacua̱x nax ñuxgu tá nangupetüxü̃ i ngẽma.

Ore i mexü̃ ga Márcu ümatüxü̃ 13:32

Natürü ngẽma ngunexü̃ rü ngẽma ora i nagu tá ínanguxü̃ i ngẽma pemaxã nüxü̃ chixuxü̃, rü Tanatü ya Tupanaxicatama nixĩ ya nüxü̃ nacuácü i ñuxgu tá ínanguxü̃ i ngẽma, rü taxúema ya togue nüxü̃ tacua̱x. Rü woo i norü orearü ngeruü̃gü i daxũcüã̱x rü tama nüxü̃ nacua̱xgü, rü woo ya Tupana Nane ya duü̃xü̃xü̃ ixĩcü rü tama nüxü̃ nacua̱x nax ñuxgu tá ínanguxü̃ i ngẽma.

Ore i mexü̃ ga Márcu ümatüxü̃ 10:40

Natürü ngẽma chorü tügünecüwawa rü chorü to̱xwecüwawa nax perütogüxü̃ca̱x, rü tama cho̱xme̱xwa nangẽxma nax pexna chanaxãxü̃, erü Chaunatü tá tüxna nanaxã ya yíxema tümaca̱x íyixĩxẽ —ñanagürü.

Wenaxarü naxümatü ga Tupanaarü mugü 29:29

Rü nangẽxma i ta̱xacü i tama nüxü̃ icuáxü̃ i yixema, rü Cori ya Tupanaxicatama nixĩ ya nüxü̃ cuácü. Natürü nangẽxma i ta̱xacü marü tüxü̃ rü taxacügüxü̃ nüxü̃ nacua̱xẽẽxü̃ nax guxü̃gutáma nagu imaxẽxü̃ca̱x i guxü̃ma i ngẽma ucu̱xẽgü i ñaa mugüwa ngẽxmagüxü̃ —ñanagürü ga Moiché.

Danié 2:21

Rü nüma rü namaxã inacua̱x i guxü̃ma i ta̱xacü i ngupetüxü̃. Rü nüma nixĩ i yamucuchiaxü̃ rü ínamuxũchiaxü̃ i ãẽ̱xgacügü. Rü nüma nixĩ i cua̱x tüxna naxãxü̃ ya yíxema tümaãẽxü̃ icuáxe rü tüxü̃ nüxü̃ nacua̱xẽẽxü̃ ya yíxema idoeruxe.

Efesios 1:10

Rü ngẽxguma norü ngunexü̃ nawa nanguxgu i ngẽma Tupana nagu rüxĩnüxü̃, rü tá Cristume̱xẽwa nanangexmaxẽxẽ i guxü̃ma i daxũguxü̃ i naanewa ngẽxmaxü̃ rü guxü̃ma i ñoma i naanewa ngẽxmaxü̃.

Ore i mexü̃ ga Luca ümatüxü̃ 21:24

Rü norü uanügü rü taramaxã tá nanadai i ñuxre. Rü togü, rü tá ínanayauxü̃ nax to i nachixü̃anewa nagagüãxü̃ca̱x. Rü ñu̱xũchi i ngẽma norü uanügü rü tá nagu napogüe ya yima ĩane ya Yerucharéü̃. Rü ngẽmaãcü tá nangupetü ñu̱xmatáta nawa nangu i ngẽma ngunexü̃ i nagu Tupana ínawoxü̃xü̃ i ngẽma uanügü.

Norü taxre ga popera ga Timutéuca̱x naxümatüxü̃ ga Pauru 3:1

Rü chanaxwa̱xe i nüxü̃ cucua̱x rü ngẽxguma nagúxchaü̃gu i naane rü tá ínangugü i ãũcümaxü̃gü rü guxchaxü̃gü naxca̱x i duü̃xü̃gü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:15

Erü ngẽma ngunexü̃ ya Tupana nagu naxwa̱xexü̃gu rü tá Cristuxü̃ nango̱xẽxẽ. Erü nüma ya Tupana rü nüxicatama Tupana nixĩ, rü nüma nixĩ i aixcüma mecü yixĩxü̃ rü guxü̃étüwama nangẽxmaxü̃, rü guxü̃ i ãẽ̱xgacügüarü Ãẽ̱xgacü yixĩxü̃, rü guxü̃ i corigüarü Cori yixĩxü̃.

Ngechuchuarü ngúexü̃gü ga yamugüxü̃arü puracüchiga 17:26

Nüma rü wüxi ga duü̃xü̃watama nanaxü ga guxü̃ma ga duü̃xü̃gü nax guxü̃ i naanewa nangẽxmagüxü̃ca̱x. Rü nüma inaxuneta i ñuxgu tá nax nabuxü̃ i duü̃xü̃gü rü ngexta tá naxãchiü̃xü̃ i wüxichigü.

Ore i mexü̃ ga Matéu ümatüxü̃ 20:23

Rü Ngechuchu nanangãxü̃ rü ñanagürü nüxü̃: —Aixcüma tá nixĩ i chauxrüxü̃ ngúxü̃ pingegüxü̃. Natürü ngẽma chorü tügünecüwawa rü chorü to̱xwecüwawa nax perütogüxü̃ca̱x, rü tama cho̱xme̱xwa nangẽxma nax pexna chanaxãxü̃. Rü Chaunatüme̱xẽwa nixĩ nax nangẽxmaxü̃ i ngẽma, rü nüma tá tüxna nanaxã ya yíxema tümaca̱x íyixĩxẽ —ñanagürü.

Yox 24:1

Rü nüma ga Yox rü ñanagürü ta: —¿Tü̱xcüü̃ ya yimá Guxãétüwa Ücü ya Tupana rü tama tamaxã nüxü̃ yaxuxü̃ ega ta̱xacü naxüxchaü̃gu nax ngẽmaãcü i yixema i duü̃xü̃gü rü nüxü̃ icuáxü̃ca̱x?