Ngechuchuarü ngúexü̃gü ga yamugüxü̃arü puracüchiga 1:26 - Tupanaarü Ore

²⁶ Rü wüxi ga diẽru ngĩxü̃ nañanagügü nax yemawa nüxü̃ nacua̱xgüxü̃ca̱x ga ngexü̃rüüxü̃ ga yema taxre tá nax ixücuxü̃. Rü Matíagu nangu nax yaxücuxü̃. Rü yexgumatama rü yema 11 ga ngúexü̃gü ga Ngechuchu imugüxü̃tanügu naxã ga Matía.

Ngechuchuarü ngúexü̃gü ga yamugüxü̃arü puracüchiga 1:26 Referans Kwoze

Lebítanüxü̃arü puracüchiga 16:8

Ngẽmawena rü tá nanasortéu i ngẽma taxre i chíbugü nax ngẽmawa nüxü̃ nacuáxü̃ca̱x nax ngexü̃rüüxü̃ tá yixĩxü̃ i Tupanaca̱x yamáxü̃ rü ngexü̃rüüxü̃ tá yixĩxü̃ i chianexü̃ i Achachéwa namuxü̃.

Yochué 18:10

Rü nüma ga Yochué rü yexguma Chilówa Tupanape̱xewa sortéuãcü inayanu ga yema naane nüxü̃ ga yema Iraétücumügü.

Yoná 1:7

Rü yoxni ga yema norü duü̃xü̃gü ga guma wapuru rü nügümaxã ñanagürügü: —Ngĩxã tanañanagü i wüxi i diẽru nax ngẽmaãcü nüxü̃ icuáxü̃ca̱x nax texégagu yixĩxü̃ nax guxchaxü̃ tüxü̃ ngupetüxü̃ —ñanagürügü. Rü nanañanagügü, rü Yonágu nangu nax nagagu yixĩxü̃ ga yema nüxü̃ ngupetüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 24:5

Rü sortéuãcü nüxü̃ nayanu ga yema puracü ga namaxã iyacuáchigüxü̃ yerü natanüwa ga yema Ereachátanüxü̃, rü nayexma ga norü ãẽ̱xgacügü ga meama nüxü̃ icuáxü̃ nax Tupanaarü puracü naxügüxü̃. Rü yexgumarüxü̃ ta ga Itamátanüxü̃tanüwa nayexma ga norü ãẽ̱xgacügü ga meama nüxü̃ icuáxü̃ nax Tupanaarü puracü naxügüxü̃.

Ngechuchuarü ngúexü̃gü ga yamugüxü̃arü puracüchiga 2:14

Rü yexguma inachi ga Pedru namaxã ga yema 11 ga namücügü, rü tagaãcüma ñanagürü: —Pa Yudíugü i Yerucharéü̃gu naxĩanexü̃ rü Pa Nuacüã̱xgüx, ¡rü dücax, mea iperüxĩnüe i ñaa tá pemaxã nüxü̃ chixuxü̃!

Ucu̱xẽgüchiga 16:22

Ngẽma nax taãẽxü̃ icuáxü̃, rü maxü̃ tüxna naxã. Natürü natüca̱xmamare nixĩ nax yaxucu̱xẽgüxü̃ i ngẽma duü̃xü̃gü i naechitamare maxẽxü̃.

Ngechuchuarü ngúexü̃gü ga yamugüxü̃arü puracüchiga 13:19

Rü yemawena Tupana nanadai ga 7 ga natücumügü ga Canaáü̃anecüã̱xgü nax tórü o̱xigüna naxããxü̃ca̱x ga yema naanegü nax tümaarü yaxĩgüxü̃ca̱x

Yochué 14:2

Rü yema naane rü sortéuãcü nixĩ ga nüxü̃ yanuaxü̃ ga yema 9 tücumü ga Iraétanüxü̃ rü yema ngãxü̃tücumü ga Manachétanüxü̃, yerü yemaacü nixĩ ga Cori ya Tupana ga Moichémaxã nüxü̃ yaxuxü̃.

Neemía 10:34

Rü guxãma ga toma ga chacherdótegü rü Lebítanüxü̃ rü guxü̃ma ga duü̃xü̃gü rü sortéu taxü nax wüxichigü ga taunecügu nüxü̃ tacuáxü̃ca̱x nax ta̱xacürü ngunexü̃ tá nagu yanguchigüxü̃ i wüxichigü ya ĩpatacüã̱xgü nax Tupanapata ya taxü̃newa nangegüãxü̃ca̱x i üxü nax yema üxümaxã ãmarechicawa yagugüãxü̃ca̱x i Tupanaarü ãmaregü yema mugüpanewa naxümatüxü̃ãcü.

Neemía 11:1

Rü yema Iraétanüxü̃arü ãẽ̱xgacügü rü ĩane ga Yerucharéü̃gutama naxãpatagü. Rü yema togü ga Iraétanüxü̃ rü sortéu naxca̱x naxügü nax nüxü̃ nacua̱xgüxü̃ca̱x rü texégü tá tixĩ ya ĩane ya üünene ya Yerucharéü̃gu ãpatagüxe. Rü ngẽma 10 i nügütanüxü̃wachigü rü wüxitücumü tá nixĩ ya yima ĩane ya üünene ya Yerucharéü̃gu ãpatagüxü̃ rü ngẽma togü i 9 tücumü rü naigü ya ĩanewa tá naxĩ nax ngẽxma yaxãpatagüxü̃ca̱x.

Ucu̱xẽgüchiga 16:33

Nüma ya yatü rü nümatama nagu naxĩnüxü̃ãcüma nanaxü i ngẽma naxüxchaü̃xü̃, natürü ngẽma Cori ya Tupana naxwa̱xexü̃ãcü tá nixĩ i ínanguxuchixü̃.

Ore i mexü̃ ga Márcu ümatüxü̃ 6:30

Rü yemawena rü yema norü ngúexü̃gü ga yamugüxü̃ rü Ngechuchumaxã nangutaque̱xegü. Rü namaxã nüxü̃ nixugüe ga guxü̃ma ga yema naxügüxü̃ rü yema nangu̱xẽẽtaegüxü̃.

Ngechuchuarü ngúexü̃gü ga yamugüxü̃arü puracüchiga 1:23

Rü yemawena rü nüxü̃ naxunetagü ga taxre ga yatügü. Rü wüxi nixĩ ga Yúche ga Bachabámaxã naxugüxü̃. Rü nüma rü to ga namaxã naxugüãxü̃ nixĩ ga Ixaixcümacü. Rü Matía nixĩ ga to.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:14

Rü guma ĩanearü poxeguxü̃ rü 12 ga nuta ga taxüchicüétüwa inaxügü. Rü wüxichigü ga gumá 12 ga nutagüwa nango̱xéga ga yema 12 ga norü ngúexü̃gü ga gumá Carnéruxacü.