Biblia Todo Logo
Bib sou entènèt

- Piblisite -




Ngechuchuarü ngúexü̃gü ga yamugüxü̃arü puracüchiga 1:24 - Tupanaarü Ore

24-25 Rü ñaãcü nayumüxẽgü: —Pa Corix, cuma nüxü̃ cucua̱x i guxü̃ma i duü̃xü̃güarü maxü̃. ¡Rü ñu̱xma rü toxü̃ nawe̱x i ngexü̃rüüxü̃ i ñaa taxrewa nixĩ i cunaxwa̱xexü̃ nax cunamuxü̃ca̱x nax naxüaxü̃ca̱x i ñaa puracü ga Yúda ítáxü̃ ga yexguma norü poxcuwa naxũxgu! —ñanagürügü.

Gade chapit la Kopi




Ngechuchuarü ngúexü̃gü ga yamugüxü̃arü puracüchiga 1:24
24 Referans Kwoze  

Natürü ga Tupana rü Chamuéxü̃ ñanagürü: —Tama name i norü düxétümarewa rü norü máchanemarewa nax cungugüxü̃ ya wüxi ya yatü. Tama daa nixĩ. Choma rü tama duü̃xü̃gü nangugüxü̃ãcüma chanayaxu ya wüxi ya yatü. Duü̃xü̃gü rü ngẽma düxétüxü̃nemare nixĩ i nangugügüxü̃, natürü i choma rü ngẽma norü maxü̃ rü norü ĩnü nixĩ i ngẽma changugüxü̃ —ñanagürü.


Rü yimá Tupana ya guxãarü maxü̃xü̃ cuácü rü tüxü̃ nüxü̃ nadauxẽxẽ nax nadeaxü̃ i ngẽma duü̃xü̃gü i tama Yudíugü ixĩgüxü̃, yerü nüxna nanamu ga Naãxẽ ya Üünecü yema tüxna namuaxü̃rüxü̃.


Rü choma ya Tupanaxicatama nixĩ i aixcüma chanangugüxü̃ i norü ĩnü i wüxichigü i duü̃xü̃, rü chaxicatama nixĩ i nüxü̃ chacuáxü̃ nax ta̱xacügu naxĩnüxü̃. Rü ngẽma tamaxü̃xü̃ãcütama tá tüxü̃́ chanaxütanü ya wüxíechigü —ñanagürü.


Rü ngẽmawa guxü̃ma i ngẽma yaxõgüxü̃ tá nüxü̃ nacua̱xgü nax aixcüma nüxü̃ chacuáxü̃ i norü maxü̃ rü ngẽma naãxẽwa nagu naxĩnüexü̃. Rü wüxichigü i pemax rü tá pexü̃́ chanaxütanü ngẽxgumarüxü̃ nax ñuxãcü cha̱u̱xca̱x pemaxẽxü̃.


Rü nataxutama i ta̱xacü ya Tupana üxü̃ i tá na̱xcha̱xwa nügü icúxü̃, erü nape̱xewa rü guxü̃ma nango̱x. Rü guxü̃xü̃ma nadau rü guxü̃xü̃ma nacua̱x ya yimá tá namaxã nüxü̃ ixucü i tórü maxü̃chiga.


Rü Tupana ya mea nangugücü i torü ĩnü rü nüxü̃ nacua̱x nax ñuxũ ñaxü̃chiga yixĩxü̃ i ngẽma Naãxẽ ya Üünecü nüxü̃ ixuxü̃. Erü ngẽma Naãxẽ ya Üünecü rü Tupanaarü ngúchaxü̃ãcüma nüxü̃ naca̱a̱xü̃ tümaca̱x ya yíxema norü duü̃xü̃gü ixĩgüxe.


Rü Pauru rü Bernabé rü wüxichigü ga yema yaxõgüxü̃tücumüwa nüxü̃ nixunetatanü ga ñuxre ga yatügü nax yema yaxõgüxü̃arü ãẽ̱xgacügü yixĩgüxü̃ca̱x. Rü tama nachibüeãcüma naxca̱x nayumüxẽgü. Rü yimá Cori ya Tupana ga nüxü̃́ yaxõgüãcüna nanaxuaxü̃gü ga yema yaxõgüxü̃arü ãẽ̱xgacügü.


Rü yema ngúexü̃gü ga Ngechuchu imugüxü̃xü̃tawa nanagagü. Rü nümagü rü naxme̱xgümaxã nüxü̃ yangõgüãcüma namaxã nayumüxẽgü.


Pa Cori Pa Tupana ya Ixaixcümacüx, cuma rü cunangugü i wüxichigü i duü̃xü̃güarü ĩnügü rü norü ngúchaü̃gü i naãẽwa nagu naxĩnüexü̃. ¡Rü iyanaxoxẽxẽ i norü chixexü̃ i ngẽma chixexü̃gu maxẽxü̃! ¡Natürü yíxema mexü̃gu maxü̃́xẽ rü tüxna nadau nax tama chixexü̃gu tanguxü̃ca̱x!


Rü norü tomaepü̱xcüna Pedruna naca, rü ñanagürü: —Pa Chimóü̃ Pa Cuáü̃ Nanex, ¿aixcümaxü̃chi yixĩxü̃ i choxü̃ cungechaü̃xü̃? —ñanagürü. Rü yexguma ga Pedru rü nangechaü̃, yerü norü tomaepü̱xcüna Ngechuchu nüxna naca rü aixcüma nüxü̃ nangechaü̃. Rü ñanagürü ga Pedru: —Pa Corix, cuma nüxü̃ cucua̱x i guxü̃ma. Rü cuma nüxü̃ cucua̱x nax aixcümaxü̃chi cuxü̃ changechaü̃xü̃ —ñanagürü. Rü Ngechuchu ñanagürü nüxü̃: —Ẽcü, ¡nüxna nadau i chorü duü̃xü̃gü i ñoma carnérugürüxü̃ ixĩgüxü̃!


Pa Corix, Pa Tupana ya Guxãétüwa Ngẽxmacüx, cuma rü aixcüma nüxü̃ cucua̱x nax mea cunangugüxü̃ i norü maxü̃ i wüxichigü i duü̃xü̃. Rü cuma rü mea nüxü̃ cucua̱x i ngẽma nüxicatama nagu naxĩnüxü̃ i wüxichigü. ¡Rü choxü̃ nüxü̃ nadauxẽxẽ nax ñuxãcü tá cunapoxcuxü̃ i ngẽma duü̃xü̃gü! Erü cuxme̱xgu nixĩ i chanaxüxü̃ i ngẽma chorü guxchaxü̃gü.


Natürü i cumax Pa Corix, Pa Tupana ya Guxãétüwa Ngẽxmacüx, rü wüxi ya ãẽ̱xgacü ya mecü quixĩ. Cuma rü aixcüma nüxü̃ cucua̱x nax mea cunangugüxü̃ i wüxichigüarü maxü̃. ¡Rü choxü̃ nüxü̃ nadauxẽxẽ nax ñuxãcü tá cunapoxcuexü̃ i ngẽma duü̃xü̃gü! Erü marü cumaxã nüxü̃ chixu i chorü guxchaxü̃ rü cuxme̱xwa chanangexmaxẽxẽ i ngẽma.


Tama Tupanaca̱x nicu̱x i ngẽma yu rü ngẽma naxmaxü̃wa ngẽxmagüxü̃. Rü yexera nüxü̃ nacua̱x i ngẽma nagu naxĩnüexü̃ i duü̃xü̃gü.


Pa Chorü Tupanax, choma nüxü̃ chacua̱x nax guxü̃guma mea cunangugüxü̃ i torü ĩnü rü namaxã cutaãẽxü̃ nax tixaixcümagüxü̃. Rü ngẽmaca̱x aixcüma mexü̃gu charüxĩnüãcüma chorü ngúchaü̃maxã cuxna chanana i guxü̃ma i ñaa ãmaregü. Rü ñu̱xma rü chataãxẽ erü nüxü̃ chadau i ñaa curü duü̃xü̃gü i nuxã ngutaque̱xexü̃ rü guxü̃ma i norü ngúchaü̃maxã cuxna nanana i ngẽma norü ãmaregü.


Pa Chaunex, Pa Charomóü̃x ¡ẽcü naga naxĩnü ya chorü Tupana rü guxü̃ma i curü ngúchaü̃maxã rü curü ĩnü i mexü̃maxã naxü i ngẽma cuxü̃ namuxü̃! Erü nüma ya Cori ya Tupana rü nanangugü i ngẽma taãẽwa ngẽxmaxü̃ rü nüxü̃ nacua̱x i guxü̃ma i ngẽma nagu rüxĩnüxü̃. Rü ngẽxguma tá cuma naxca̱x cuda̱u̱xgu, rü nüma rü tá cuxü̃tawa nangẽxma. Natürü ngẽxguma nüxna quixũgachigu, rü nüma rü tá cuxü̃ ínata̱xüchi.


—Pa Cori Pa Tupanax, cuma nixĩ i guxü̃ma i duü̃xü̃güna cunaxãxü̃ i maxü̃. ¡Chanaxwa̱xe i nüxü̃ cuxuneta i wüxi i ãẽ̱xgacü nax nüxí curü duü̃xü̃gümaxã inacuáxü̃ca̱x rü guxü̃wama namaxã naxũxü̃ca̱x nax tama ñoma carnérugü i ngearü dauruü̃ã̱xgüxü̃rüxü̃ naxĩanemareãxü̃ca̱x —ñanagürü.


Rü yexguma ga Chaú rü tagaãcü ñanagürü: —Pa chorü Cori ya Iraétanüxü̃arü Tupanax, ¿tü̱xcüü̃ tama curü duü̃xü̃xü̃ cungãxü̃ i ñu̱xma? Rü yima taxre ya nutagü ya Uríü̃ rü Tumíü̃wa tá cupe̱xewa naxca̱x tadau nax texé chixexü̃ üxü̃. Rü ngẽxguma choma rüe̱xna chaune ya Yonatáü̃ yixĩxgu i chixexü̃ taxüxü̃ rü tá ínanexechi ya yimá nuta ya Uríü̃. Rü ngẽxguma ngẽma curü duü̃xü̃gü ya Iraécüã̱xgü nixĩ i chixexü̃ ügüxü̃ rü tá ínanexechi ya yimá nuta ya Tumíü̃ —ñanagürü. Rü yexguma naxca̱x nadaugügu rü Yonatáü̃gu rü Chaúgu nangu. Rü duü̃xü̃güwa rü nataxuma ga yema pecadu.


Rü yexguma ga Ngechuchu rü ñanagürü nüxü̃: —Pema rü duü̃xü̃güpe̱xewa mea pemaxẽneta, natürü Tupana pexü̃ nacua̱x nax ta̱xacügu perüxĩnüexü̃. Rü woo duü̃xü̃gü pexü̃ nicua̱xüü̃gü naxca̱x i ngẽma pexüxü̃, natürü Tupana rü naãxẽwa nangu̱x i ngẽma —ñanagürü ga Ngechuchu.


Swiv nou:

Piblisite


Piblisite