Ngechuchuarü ngúexü̃gü ga yamugüxü̃arü puracüchiga 1:18 - Tupanaarü Ore

¹⁸ (Rü yema diẽru ga norü chixexü̃ca̱x nüxna ãxü̃maxã naxca̱x nataxe ga wüxi ga naane. Rü yemawena rü naerumaxã inanago rü niwã́ĩpütüwe rü ínayixü̃ ga guxü̃ma ga naü̃nüta.

Ngechuchuarü ngúexü̃gü ga yamugüxü̃arü puracüchiga 1:18 Referans Kwoze

Wiyaegü 55:23

Cumax, Pa Chorü Tupanax, rü tá icuyanaxoxẽxẽ i ngẽma chixexü̃ ügüxü̃ rü yumaxã tá cunapoxcue, rü naxmaxü̃gu tá cunawocu. Rü ngẽma duü̃xü̃gü i máxwa̱xegüxü̃ rü idorata̱a̱xgüxü̃ rü taxũtáma ngãxü̃ i norü maxü̃wa nangugü nax namaxẽxü̃. Natürü i choma rü cuxü̃́ chayaxõ.

Wiyaegü 55:15

Rü ngẽma chorü uanügü rü chanaxwa̱xe i noxtacüma naxca̱x ínangu i ngẽma yu rü maxü̃ãcü naxmaxü̃gu nayicu. Erü nümagü rü guxü̃guma chixexü̃gu namaxẽ.

Iraétanüxü̃arü muxchiga 22:7

Rü yexguma ga yema Moáanecüã̱xgü rü Madiáü̃anecüã̱xgüarü ãẽ̱xgacügü rü diẽrumaxã Balaáü̃xü̃tawa naxĩ nax naxütanügüãxü̃ca̱x nax chixexü̃ Iraétanüxü̃maxã naxueguxü̃ca̱x. Rü yexguma Balaáü̃xü̃tawa nangugügu, rü namaxã nüxü̃ nixugügü ga Baláxarü ore.

Ore i mexü̃ ga Matéu ümatüxü̃ 25:15

Rü wüxi ga yema norü duü̃xü̃na ngĩxü̃ naxã ga 5,000 tachinü ga diẽru. Rü yema tona ngĩxü̃ naxã ga 2,000 tachinü ga diẽru. Rü yema tona ngĩxü̃ naxã ga 1,000 tachinü ga diẽru. Rü nanangugü ga wüxichigüarü cua̱x rü yemaacü wüxichigüna ngĩxü̃ inaxã ga yema diẽru. Rü ñu̱xũchi inaxũãchi ga yema cori nax to ga nachixü̃anewa naxũxü̃ca̱x.

Iraétanüxü̃arü muxchiga 22:17

Rü choma rü poraãcü cumaxã chataãxẽ rü mea tá cuxü̃ chayaxu. Rü tá cuxna chanaxã i guxü̃ma i ta̱xacü i naxca̱x ícuca̱xaxü̃. ¡Ẽcü nua naxũ rü choxü̃ rüngü̃xẽxẽ nax chixexü̃ namaxã cuxueguxü̃ca̱x i ñaa Iraétanüxü̃!” ñanagürü ga Baláx —ñanagürügü.

Chacaría 11:13

Rü nüma ga Cori ya Tupana rü choxü̃ ñanagürü: —¡Ngĩxü̃ nayaxu i ngẽma diẽru i naxca̱x mecü nax choxü̃́ ngĩmaxã naxütanügücü, rü ngẽma üwechixü̃ i chopata ya taxü̃newa ngẽxmaxü̃pe̱xegu ngĩxü̃ yawotanü! —ñanagürü. Rü yexguma ga choma rü ngĩxü̃ chayaxu ga yema diẽru rü Tupanapatawa yexmaxü̃ ga üwechixü̃pe̱xegu ngĩxü̃ chayawotanü.