Ngechuchuarü ngúexü̃gü ga yamugüxü̃arü puracüchiga 1:16 - Tupanaarü Ore

¹⁶ —Pa Chomücügüx, marü ningu ga yema Tupanaãxẽ ya Üünecü nũxcüma Dabíxü̃ muxü̃ nax naxümatüaxü̃ca̱x nachiga ga Yúda ga namaarü cua̱xruxü̃ ixĩxü̃ naxca̱x ga yema duü̃xü̃gü ga Ngechuchuxü̃ iyauxgüxü̃.

Ngechuchuarü ngúexü̃gü ga yamugüxü̃arü puracüchiga 1:16 Referans Kwoze

Wiyaegü 41:9

Rü woo ga yema rümemaexü̃ ga chomücü ga nüxü̃́ chayaxõxü̃ rü wüxiwa chomaxã chibüchiréxü̃, rü ñu̱xma rü chomaxã narüxuanü.

Ore i mexü̃ ga Cuáü̃ ümatüxü̃ 13:18

Rü tama guxãma i pechiga nixĩ i chidexaxü̃. Erü choma rü tüxü̃ chacua̱x rü texégü tixĩ ya yíxema tüxü̃ chidexechixe. Natürü tá ningu i ngẽma Tupanaarü ore i ümatüxü̃ i ñaxü̃: “Yíxema chomaxã chibüxe rü chomaxã tarüxuanü”, ñaxü̃.

Ngechuchuarü ngúexü̃gü ga yamugüxü̃arü puracüchiga 1:20

Rü Wiyaegüarü poperawa yemachiga nanaxümatü ga Dabí, rü ñanagürü: “Yixrüma rü ngéma natá ya napata, rü taxúema nagu pex”, ñanagürü. Rü tóxnamana i ngẽma poperawa rü ñanagürü ta: “Rü name nixĩ nax toguxe nayaxuxü̃ i nachica”, ñanagürü i Wiyaegüpanewa.

Ore i mexü̃ ga Matéu ümatüxü̃ 26:56

Natürü guxü̃ma i ñaa ñu̱xma ngupetüxü̃, rü ngẽmaãcü nangupetü nax yanguxü̃ca̱x i Tupanaarü ore ga nũxcümaü̃güxü̃ ga norü orearü uruü̃gü ümatügüxü̃ —ñanagürü. Rü yexguma ga guxü̃ma ga norü ngúexü̃gü rü nüxna nibuxmü. Rü nüxicatama yéma nanata̱xgü ga Ngechuchu.

Ore i mexü̃ ga Matéu ümatüxü̃ 26:54

Natürü ngẽxguma chi ngẽma chaxüxgu, rü ¿ñuxãcü chi ningu i Tupanaarü ore i ümatüxü̃ i nüxü̃ ixuxü̃ nax choma rü tá chayuxü̃? —ñanagürü.

Ore i mexü̃ ga Matéu ümatüxü̃ 26:47

Rü yexguma íyadexayane ga Ngechuchu, rü ínangu ga Yúda ga norü ngúexü̃chire̱x ixĩxü̃. Rü nawe narüxĩ ga muxü̃ma ga duü̃xü̃gü ga taramaxã rü naimaxã ixãxnexü̃. Rü yema nixĩ ga duü̃xü̃gü ga chacherdótegüarü ãẽ̱xgacügü rü Yudíugüarü ãẽ̱xgacügü yéma mugüxü̃.

Nüxíraxü̃xü̃ ga popera ga Pedru ümatüxü̃ 1:11

Rü nümagü ga yema orearü uruü̃gü rü Tupanaarü poperawa nangúe nax nüxü̃ nacua̱xgüxü̃ca̱x nax ñuxãcü tá nax yixĩxü̃ rü ñuxguacü tá nax nangóxü̃ ga gumá maxẽxẽẽruxü̃ ga Cristu. Rü Cristuãxẽ i Üünexü̃ ga yema orearü uruü̃güwa yexmaxü̃, rü nüxü̃ nüxü̃ nacua̱xẽxẽ nax Cristu rü tá ngúxü̃ yangexü̃ rü tá nayuxü̃ rü yemawena rü wena tá namaxü̃xü̃ rü daxũguxü̃ i naanewa tá nax naxũxü̃.

Ore i mexü̃ ga Márcu ümatüxü̃ 14:43

Rü yexguma íyadexayane ga Ngechuchu, rü ínangu ga Yúda ga norü ngúexü̃chire̱x ixĩxü̃. Rü nawe narüxĩ ga muxü̃ma ga duü̃xü̃gü ga taramaxã rü naimaxã ixãxnexü̃. Rü yema nixĩ ga duü̃xü̃gü ga yéma namugüxü̃ ga chacherdótegüarü ãẽ̱xgacügü rü ngúexẽẽruü̃gü ga mugüwa ngu̱xẽẽtaegüxü̃arü ãẽ̱xgacügü rü Yudíugüarü ãẽ̱xgacügü.

Norü taxre ga popera ga Pedru ümatüxü̃ 2:21

Erü ngẽxguma chi tanayauxgügu i ngẽma ore i mexü̃ ga marü tayauxgüxü̃, rü ñu̱xũchi nüxü̃ tarüxoegu, rü narümemae chi nixĩ ga noxtacüma taxũchima nüxü̃ nax tacua̱xgüxü̃ i ngẽma ore i üünexü̃ i noxri tüxna ãxü̃.

Ngechuchuarü ngúexü̃gü ga yamugüxü̃arü puracüchiga 23:6

Rü yexguma Pauru nüxü̃ cua̱xgu nax Chaduchéugü yixĩxü̃ ga nümaxü̃ ga ãẽ̱xgacügü rü togü rü Parichéugü nax yixĩxü̃, rü yema ãẽ̱xgacügüpe̱xewa tagaãcüma ñanagürü: —Pa Chautanüxü̃x, choma rü Parichéu chixĩ, rü Parichéu nane chixĩ. Rü choma rü chayaxõ nax wena tá namaxẽxü̃ i yuexü̃, rü ngẽmagagu choxü̃ ípexuãü̃gü i ñu̱xmax —ñanagürü.

Ngechuchuarü ngúexü̃gü ga yamugüxü̃arü puracüchiga 23:1

Rü Pauru meama nüxü̃ nadawenü ga yema Yudíugüarü ãẽ̱xgacügütücumü, rü ñanagürü nüxü̃: —Pa Chautanüxü̃x, chomatama nüxü̃ chacua̱x nax guxü̃guma mea chamaxü̃ ga Tupanape̱xewa ñu̱xmata ñoma i ngunexü̃wa nangu —ñanagürü.

Ngechuchuarü ngúexü̃gü ga yamugüxü̃arü puracüchiga 22:1

—Pa Chautanüxü̃x Pa Iraétanüxü̃x, ¡rü choxü̃́ iperüxĩnüe i ngẽma ñu̱xma tá pemaxã nüxü̃ chixuxü̃ nax chaugüétüwa chidexaxü̃ca̱x! —ñanagürü.

Ngechuchuarü ngúexü̃gü ga yamugüxü̃arü puracüchiga 15:7

Rü nawena nax poraãcü nügümaxã yaporagatanücüüxü̃, rü inachi ga Pedru, rü ñanagürü nüxü̃: —Pa Chauenexẽgüx, pema nüxü̃ pecua̱x nax ü̃pamama Tupana choxü̃ yaxuxü̃ ga petanüwa nax yema duü̃xü̃gü i tama Yudíugü ixĩgüxü̃maxã nüxü̃ chixuxü̃ca̱x i ngẽma ore i mexü̃ i Ngechuchuchiga, nax nümagü rü ta yaxõgüãxü̃ca̱x.

Ngechuchuarü ngúexü̃gü ga yamugüxü̃arü puracüchiga 13:38

Rü ñu̱xmax, Pa Chauenexẽgüx, rü chanaxwa̱xe i nüxü̃ pecua̱x rü yimátama Ngechuchugagu Tupana tüxü̃́ nüxü̃ narüngüma i tórü pecadugü ngẽxgumarüxü̃ i pemaxã nüxü̃ tixuxü̃rüxü̃.

Ngechuchuarü ngúexü̃gü ga yamugüxü̃arü puracüchiga 13:15

Rü yema ngutaque̱xewa nüxü̃ nadaumatügü ga Tupanaarü mugü ga Moiché ümatüxü̃ rü yema ore ga Tupanaarü orearü uruü̃gü ümatüxü̃. Rü yemawena, rü guma ngutaque̱xepataü̃arü ãẽ̱xgacügü, rü Bernabéna rü Pauruna nacagü, rü ñanagürügü: —Pa Toenexẽgüx, ngẽxguma pexü̃́ nangẽxmagu i perü ore i taãẽxẽẽruxü̃ i toxca̱x rü marü name i ñu̱xma tomaxã nüxü̃ pixu —ñanagürügü.

Ngechuchuarü ngúexü̃gü ga yamugüxü̃arü puracüchiga 7:2

Rü Estébaü̃ nanangãxü̃, rü ñanagürü: —Pa Chautanüxü̃ Pa Ãẽ̱xgacügüx, ¡Choxü̃́ iperüxĩnüe! Gumá Tupana ya mexẽchicü, rü nũxcümaü̃cü ga tórü o̱xi ga Abraáü̃ca̱x nango̱x ga yexguma Mechopotámiaarü naanegu naxãchiü̃gu rü taxũta Aráü̃arü naanewa naxũxgu nax yexma yaxãchiü̃xü̃ca̱x.

Ngechuchuarü ngúexü̃gü ga yamugüxü̃arü puracüchiga 2:37

Rü yexguma yemaxü̃ naxĩnüegu ga yema duü̃xü̃gü ga yéma yexmagüxü̃, rü poraãcü nanaxĩ̱xãchiãẽgü. Rü Pedruna nacagüe, rü yema togü ga Pedrumücügüna rü ta nacagüe, rü ñanagürügü: —Pa Toenexẽgüx, ¿ta̱xacü tá taxüexü̃ i ñu̱xmax? —ñanagürügü.

Ngechuchuarü ngúexü̃gü ga yamugüxü̃arü puracüchiga 2:23

Rü Tupana pexna nanamu ga gumá Ngechuchu, yerü yema nixĩ ga nagu naxĩnüxü̃. Rü nüma ga Tupana rü woetama nüxü̃ nacua̱x nax pecaduca̱x tá nayuxü̃. Rü pema rü penamu ga yatügü ga tama yaxõgüxü̃ nax curuchawa yapotagüãxü̃ca̱x. Rü yemaacü peyama̱xgü.

Ore i mexü̃ ga Cuáü̃ ümatüxü̃ 19:36

Rü yema nangupetü nax yanguxü̃ca̱x i Tupanaarü ore i ümatüxü̃ i ñaxü̃: “Rü taxunetáma ya naxchina̱xã nipoyegü”, ñaxü̃.

Ore i mexü̃ ga Cuáü̃ ümatüxü̃ 10:35

Rü ngẽmaãcü Tupanaarü orewa rü nüxü̃ nixu nax tupanagü tixĩgüxü̃ ya guxãma ya yíxema nayauxgüxe i norü ore. Rü nüxü̃ tacua̱x rü taxucürüwama texé itayanaxoxẽxẽ i ngẽma Tupanaarü ore i ümatüxü̃wa nüxü̃ yaxuxü̃.

Ore i mexü̃ ga Luca ümatüxü̃ 22:47

Rü yexguma íyadexayane ga Ngechuchu, rü yéma nangugü ga muxü̃ma ga duü̃xü̃gü. Rü Yúda ga Ngechuchuarü ngúexü̃chire̱x ixĩxü̃ nixĩ ga naxũpe̱xexü̃. Rü Ngechuchuca̱x nixũ nax nüxü̃ nachúxãcüma nüxü̃ namoxẽxü̃ca̱x.

Ore i mexü̃ ga Márcu ümatüxü̃ 12:36

¿Rü ñuxãcü i ngẽmaãcü yadexagüxü̃? Yerü nümatama ga Dabí, rü yexguma Tupanaãxẽ ya Üünecü naãxẽwa idexaxgu rü ñanagürü: “Cori ya Tupana rü chorü Corixü̃ ñanagürü: ‘¡Nua chorü tügünecüwawa rüto ñu̱xmatáta nüxü̃ charüporamae i curü uanügü nax cuga naxĩnüexü̃ca̱x!’ ” ñanagürü ga yema orewa.

2 Chamué 23:2

—Tupanaãxẽ ya Üünecü rü chowa narüdexa rü norü ore rü chorü conüwa nangẽxma.

Ngechuchuarü ngúexü̃gü ga yamugüxü̃arü puracüchiga 28:25

Rü yexguma tama wüxigu naxĩnüegu ga yema duü̃xü̃gü, rü inanaxügü nax íyaxĩxü̃. Rü yemaca̱x ga Pauru rü ñanagürü nüxü̃: —Mea perü o̱xigümaxã nidexa ga Tupanaãxẽ ya Üünecü ga yexguma Ichaíaxü̃ yadexaxẽẽgu rü ñaxgu:

Ngechuchuarü ngúexü̃gü ga yamugüxü̃arü puracüchiga 28:17

Rü tomaepü̱x ga ngunexü̃ marü yéma nayexmagu, rü Pauru naxca̱x nangema ga yema Yudíugüarü ãẽ̱xgacügü ga Rómawa yexmagüxü̃. Rü yexguma nangutaque̱xegügu, rü ñanagürü ga Pauru nüxü̃: —Chomax, Pa Chauenexẽgüx, rü taxuxü̃ma i chixexü̃ chaxü namaxã i tatanüxü̃, rü bai i nũxcümaü̃güxü̃ i tórü o̱xigücümagümaxã. Natürü Yerucharéü̃gu choxü̃ niyauxgü ga tatanüxü̃, rü Rómacüã̱x ga churaragüna choxü̃ namugü.

Ngechuchuarü ngúexü̃gü ga yamugüxü̃arü puracüchiga 15:13

Rü yexguma Bernabé rü Pauru igúegagügu, rü nüxí nidexa ga Chantiágu, rü ñanagürü: —Pa Chauenexẽgüx, ¡choxü̃́ iperüxĩnüe!

Ore i mexü̃ ga Matéu ümatüxü̃ 26:14

Rü ñu̱xũchi wüxi ga Ngechuchuarü ngúexü̃ ga Yúda ga Ichariótegu ãégaxü̃ rü chacherdótegüarü ãẽ̱xgacügüxü̃tawa naxũ.

Ore i mexü̃ ga Cuáü̃ ümatüxü̃ 17:12

Rü yexguma ñoma ga naanewa natanüwa chayexmagu, rü curü pora ga choxna cuxãxü̃maxã nüxna chadau rü íchanapoxü̃. Rü taxuxü̃ma inarütaxu. Rü yema woetama marü irütaxuxü̃xicatama inarütaxu nax yanguxü̃ca̱x i curü ore i ümatüxü̃.

Norü taxre ga popera ga Pedru ümatüxü̃ 1:21

Yerü taxuxü̃ma ga yema Tupanaarü orearü uruxü̃ rü nüechamatama nügüãẽwa nanayaxu ga yema ore ga nüxü̃ yaxugüexü̃. Natürü yexguma yema orexü̃ yaxugüegu, rü Naãxẽ ya Üünexü̃ nixĩ ga yadexagüxẽẽxü̃.

Norü taxre ga popera ga ãẽ̱xgacügüchiga 15:12

Rü yemaacü ningu ga yema ore ga Cori ya Tupana Yeúmaxã nüxü̃ ixuxü̃ ga ñaxü̃: —Cunegü rü cutaagü rü cutaagüarü nanegü rü ñu̱xũchi cutaagüarü nanegüarü nanegü rü tá Iraéanearü ãẽ̱xgacü nixĩgü —ñaxü̃.